그리스인들에게

그리스인 여러분, 이방인들에게 지나치게 적대감을 품지 말고 그들의 가르침을 시기하지 마십시오. 여러분의 기술 가운데 이방인에게서 기원을 얻지 않은 것이 무엇입니까? 텔미소스의 뛰어난 사람들은 꿈으로 점치는 법을, 카리아인들은 별로 앞날을 예측하는 법을, 프리기아인들과 아주 오래전 이사우리아인들은 새의 날갯짓으로 점치는 법을 발견했습니다. 키프로스인들은 제물로 점치는 법을, 바빌로니아인들은 천문 관측을, 페르시아인들은 마술을, 이집트인들은 기하학을, 페니키아인들은 문자 교육을 발견했습니다. 그러니 모방을 발명이라고 부르지 마십시오. 오르페우스는 여러분에게 시를 짓고 노래하는 법을 가르쳤으며, 비의에 입문하는 법도 가르쳤습니다. 조형술은 에트루리아인들이 가르쳤고, 역사를 서술하는 법은 이집트인들의 연대 기록에서 배웠습니다. 여러분은 마르시아스와 올림포스에게서 피리 연주를 가져왔습니다. 그 두 사람은 프리기아인이며, 시골 사람들이 갈대피리의 가락을 만들어 냈습니다. 나팔은 티레니아인들이, 청동을 다루는 법은 키클롭스들이, 편지를 쓰는 법은 한때 페르시아를 다스린 여인이 고안했습니다. 헬라니코스의 말에 따르면 그 여인의 이름은 아토사였습니다. 그러니 그런 자만심을 내려놓고, 말의 화려함을 내세우지 마십시오. 여러분은 스스로를 칭찬하면서 자기 집안 사람들을 변호인으로 삼고 있습니다. 분별 있는 사람은 다른 이의 증언을 기다리고 말을 사용하는 데에도 일치를 이루어야 합니다. 그런데 유독 여러분은 대화에서조차 말이 서로 다릅니다. 도리아인의 말은 아티카 사람들의 말과 같지 않고, 아이올리아인은 이오니아인처럼 말하지 않습니다. 분열이 없어야 할 사람들 사이에 이처럼 큰 분열이 있으니, 누구를 그리스인이라고 불러야 할지 모르겠습니다. 무엇보다 기이한 일은, 여러분이 자기 민족의 것이 아닌 표현을 높이 평가하고 때로 이방인의 말을 빌려 쓰면서 자기 언어를 뒤섞어 놓았다는 것입니다. 이 때문에 우리는 여러분의 지혜와 결별했습니다. 그 안에 아무리 존경받는 사람이 있었다 해도 그렇습니다. 희극 시인의 말처럼, “이것은 남은 포도송이와 수다, 제비들의 노래터, 기예를 망치는 자들”입니다. 그 지혜를 탐하는 자들은 목청을 돋우며 까마귀 소리를 냅니다. 여러분은 불의와 모함을 위해 수사학을 만들어, 돈을 받고 말의 자유를 팔며 방금 옳다던 것을 곧잘 다시 그르다고 내세웁니다. 시를 짓는 기술도 전쟁과 신들의 연애와 영혼의 타락을 서술하려고 마련했습니다.

Μὴ πάνυ φιλέχθρως διατίθεσθε πρὸς τοὺς βαρβάρους, ὦ ἄνδρες Ἕλληνες, μηδὲ φθονήσητε τοῖς τούτων δόγμασι. Ποῖον γὰρ ἐπιτήδευμα παρ᾿ ὑμῖν τὴν σύστασιν οὐκ ἀπὸ βαρβάρων ἐκτήσατο; Τελμισέων μὲν γὰρ οἱ δοκιμώτατοι τὴν δι᾿ ὀνείρων ἐξεῦρον μαντικήν, Κᾶρες τὴν διὰ τῶν ἄστρων πρόγνωσιν, πτήσεις ὀρνίθων Φρύγες καὶ Ἰσαύρων οἱ παλαιότατοι, Κύπριοι θυτικήν, ἀστρονομεῖν Βαβυλώνιοι, μαγεύειν Πέρσαι, γεωμετρεῖν Αἰγύπτιοι, τὴν διὰ γραμμάτων παιδείαν Φοίνικες. Ὅθεν παύσασθε τὰς μιμήσεις εὑρέσεις ἀποκαλοῦντες. Ποίησιν μὲν γὰρ ἀσκεῖν καὶ ᾄδειν Ὀρφεὺς ὑμᾶς ἐδίδαξεν, ὁ δὲ αὐτὸς καὶ μυεῖσθαι· Τουσκανοὶ πλάττειν, ἱστορίας συντάττειν αἱ παρ᾿ Αἰγυπτίοις τῶν χρόνων ἀναγραφαί. Μαρσύου δὲ καὶ Ὀλύμπου τὴν αὐλητικὴν ἀπηνέγκασθε· Φρύγες δὲ οἱ ἀμφότεροι τὴν διὰ σύριγγος ἁρμονίαν ἄγροικοι συνεστήσαντο. Τυῤῥηνοὶ σάλπιγγα, χαλκεύειν Κύκλωπες, καὶ ἐπιστολὰς συντάττειν ἡ Περσῶν ποτε ἡγησαμένη γυνή, καθάπερ φησὶν Ἑλλάνικος· Ἄτοσσα δὲ ὄνομα αὐτῇ ἦν. Καταβάλλετε τοιγαροῦν τοῦτον τὸν τύφον, μηδὲ προβάλλεσθε ῥημάτων εὐπρέπειαν, οἵτινες, ὑφ᾿ ὑμῶν αὐτῶν ἐπαινούμενοι, συνηγόρους τοὺς οἴκοι κέκτησθε. Χρὴ δὲ τὸν νοῦν ἔχοντα τὴν ἀφ᾿ ἑτέρων περιμένειν μαρτυρίαν, συνᾴδειν τε καὶ ἐν τῇ τοῦ λόγου προφορᾷ. Νῦν δὲ μόνοις ὑμῖν ἀποβέβηκε μηδὲ ἐν ταῖς ὁμιλίαις ὁμοφωνεῖν· Δωριέων μὲν γὰρ οὐχ ἡ αὐτὴ λέξις τοῖς ἀπὸ τῆς Ἀττικῆς, Αἰολεῖς τε οὐχ ὁμοίως τοῖς Ἴωσι φθέγγονται. Στάσεως δὲ οὔσης τοσαύτης παρ᾿ οἷς οὐκ ἐχρῆν, ἀπορῶ τίνα με δεῖ καλεῖν Ἕλληνα. Καὶ γὰρ τὸ πάντων ἀτοπώτατον, τὰς μὴ συγγενεῖς ὑμῶν ἑρμηνείας τετιμήκατε, βαρβαρικαῖς τε φωναῖς ἔσθ᾿ ὅτε καταχρώμενοι συμφύρτην ὑμῶν πεποιήκατε τὴν διάλεκτον. Τούτου χάριν ἀπεταξάμεθα τῇ παρ᾿ ὑμῖν σοφίᾳ, κἂν εἰ πάνυ σεμνός τις ἦν ἐν αὐτῇ. Κατὰ γὰρ τὸν κωμικὸν Ταῦτ᾿ ἔστιν ἐπιφυλλίδες καὶ στωμύλματα, Χελιδόνων μουσεῖα, λωβηταὶ τέχνης. Λαρυγγιῶσί τε οἱ ταύτης ἐφιέμενοι, καὶ κοράκων ἀφίενται φωνήν. Ῥητορικὴν μὲν γὰρ ἐπ᾿ ἀδικίᾳ καὶ συκοφαντίᾳ συνεστήσασθε, μισθοῦ πιπράσκοντες τῶν λόγων ὑμῶν τὸ αὐτεξούσιον καὶ πολλάκις τὸ νῦν δίκαιον αὖθις οὐκ ἀγαθὸν παριστῶντες. Ποιητικὴν δέ, μάχας ἵνα συντάττητε καὶ θεῶν ἔρωτας καὶ ψυχῆς διαφθοράν.

여러분은 철학을 하여 무슨 훌륭한 것을 내놓았습니까? 그토록 진지하다는 사람들 가운데 누가 허세를 벗어났습니까? 디오게네스는 항아리에 사는 것을 자랑하며 자족을 뽐냈으나, 문어를 날로 먹다가 장이 뒤틀리는 병에 걸려 절제하지 못한 탓에 죽었습니다. 아리스티포스는 자주색 옷을 입고 다니며 그럴듯한 모습으로 방탕하게 살았습니다. 철학자 플라톤은 탐식 때문에 디오니시오스에게 팔려 갔습니다. 아리스토텔레스는 무지하게도 섭리의 범위를 제한하고 행복을 자신이 좋아하는 것들 안에 가두어 놓은 뒤, 알렉산드로스가 아직 젊은이라는 사실을 잊고 몹시 몰지각하게 그에게 아첨했습니다. 그 젊은이는 참으로 아리스토텔레스답게, 자신에게 절하기를 거절한 친구를 가두고 곰이나 표범처럼 끌고 다녔습니다. 그는 스승의 가르침을 아주 잘 따랐습니다. 술자리에서 용기와 덕을 과시하고, 가까운 벗이자 가장 사랑하는 사람을 창으로 찔렀다가, 주변 사람들에게 미움을 사지 않으려고 슬픔을 핑계로 다시 울며 굶었으니까요. 나는 지금도 그의 가르침을 사용하는 사람들을 비웃고 싶습니다. 그들은 달 아래의 일에는 섭리가 없다고 하면서, 자신들은 달보다 땅에 더 가까이, 달의 궤도 아래에 있으면서도 섭리 밖의 일들을 돌봅니다. 아름다움도, 부도, 몸의 힘도, 좋은 혈통도 없는 사람에게는 아리스토텔레스에 따르면 행복이 없습니다. 그런 사람들이 철학을 한다는 것입니다.

Τί γὰρ σεμνὸν φιλοσοφοῦντες ἐξηνέγκατε; Τίς δὲ τῶν πάνυ σπουδαίων ἀλαζονείας ἔξω καθέστηκεν; Διογένης, πιθάκνης καυχήματι τὴν αὐτάρκειαν σεμνυνόμενος, πολύποδος ὠμοβορίᾳ πάθει συσχεθεὶς ἰλέῳ διὰ τὴν ἀκρασίαν ἀποτέθνηκεν. Ἀρίστιππος ἐν πορφυρίδι περιπατῶν ἀξιοπίστως ἠσωτεύσατο. Πλάτων φιλοσοφῶν ὑπὸ Διονυσίου διὰ γαστριμαργίαν ἐπιπράσκετο. Καὶ Ἀριστοτέλης, ἀμαθῶς ὅρον τῇ προνοίᾳ θεὶς καὶ τὴν εὐδαιμονίαν ἐν οἷς ἠρέσκετο περιγράψας, λίαν ἀπαιδεύτως Ἀλέξανδρον μὴ μεμνημένος μειράκιον ἐκολάκευεν· ὅστις ἀριστοτελικῶς πάνυ τὸν ἑαυτοῦ φίλον διὰ τὸ μὴ βούλεσθαι αὐτὸν προσκυνεῖν καθείρξας ὥσπερ ἄρκτον ἢ πάρδαλιν περιέφερε. Πάνυ γοῦν ἐπείθετο τοῖς τοῦ διδασκάλου δόγμασι, τὴν ἀνδρείαν καὶ τὴν ἀρετὴν συμποσίοις ἐπιδεικνύμενος, καὶ τὸν οἰκεῖον καὶ πάνυ φίλτατον διαπείρων τῷ δόρατι, καὶ πάλιν κλαίων καὶ ἀποκαρτερῶν προφάσει λύπης, ἵνα ὑπὸ τῶν οἰκείων μὴ μισηθῇ. Γελάσαιμι δ᾿ ἄν καὶ τοὺς μέχρι νῦν τοῖς δόγμασιν αὐτοῦ καταχρωμένους· οἳ τὰ μετὰ σελήνην ἀπρονόητα λέγοντες εἶναι, προσγειότεροι παρὰ τὴν σελήνην ὑπάρχοντες καὶ κατώτεροι τοῦ ταύτης δρόμου, προνοοῦσι τῶν ἀπρονοήτων· παρ᾿ οἷς δὲ οὐκ ἔστι κάλλος, οὐ πλοῦτος, οὐ ῥώμη σώματος, οὐκ εὐγένεια, παρὰ τούτοις οὐκ ἔστι παρὰ τὸν Ἀριστοτέλην τὸ εὔδαιμον. Καὶ οἱ τοιοῦτοι φιλοσοφείτωσαν.

“나는 나 자신을 탐구했다”고 말한 헤라클레이토스를 나는 받아들일 수 없습니다. 그는 독학을 내세우며 교만했기 때문입니다. 자신의 저술을 아르테미스 신전에 감춘 일도 칭찬할 수 없습니다. 나중에 그것이 신비로운 방식으로 공개되기를 바랐던 것입니다. 이 일에 관심을 가진 사람들은 비극 시인 에우리피데스가 그곳에 가서 책을 읽고, 헤라클레이토스의 어두운 가르침을 조금씩 외워 열심히 전했다고 말합니다. 그의 죽음은 그의 무지를 드러냈습니다. 수종에 걸리자 의술도 철학하듯 다루면서 자기 몸에 쇠똥을 발랐는데, 그 똥이 굳어 온몸을 오그라뜨렸고 그는 경련을 일으키다 죽었습니다. 제논도 거절해야 합니다. 그는 세계가 불타고 나면 같은 사람들이 같은 일을 하려고 다시 일어난다고 주장합니다. 말하자면 아니토스와 멜레토스는 다시 고발하고, 부시리스는 나그네를 죽이고, 헤라클레스는 다시 고된 일을 한다는 것입니다. 그의 세계 화재설에 따르면 악한 사람이 의로운 사람보다 더 많이 돌아옵니다. 소크라테스 한 사람과 헤라클레스, 그 밖의 비슷한 사람들은 몇몇 있을 뿐 많지 않았으니, 악한 사람이 선한 사람보다 훨씬 많을 것입니다. 그의 이론에 따르면 신은 악을 만드는 자가 되고, 하수구와 벌레와 차마 말할 수 없는 짓을 하는 자들 속에 머뭅니다. 엠페도클레스의 허세는 시칠리아에서 솟구치는 불길이 드러냈습니다. 그는 신이 아니면서 곧 신이 될 것이라고 거짓말했습니다. 나는 페레키데스의 노파 같은 이야기도, 피타고라스가 그 가르침을 물려받은 일도 비웃습니다. 인정하기 싫어하는 사람이 있겠지만, 플라톤이 그것을 본뜬 일도 마찬가지입니다. 누가 크라테스의 개 같은 혼인을 옹호하겠습니까? 차라리 그와 같은 자들의 거만한 말장난을 버리고 참으로 진지한 것을 찾는 편이 낫지 않겠습니까? 그러므로 철학자라는 자들, 실은 철학자가 못 되는 자들의 모임에 휩쓸리지 마십시오. 그들은 서로 모순되는 가르침을 주장하며, 각자 떠오르는 대로 말을 내뱉습니다. 그들 사이에는 충돌도 많습니다. 서로를 미워하고 의견을 반박하며, 허영 때문에 높은 자리를 차지하려 합니다. 왕에게 먼저 다가가 섬기거나 통치자에게 아첨할 것이 아니라, 권세 있는 사람들이 자신들을 찾아올 때까지 기다렸어야 합니다.

Τὸν γὰρ Ἡράκλειτον οὐκ ἄν ἀποδεξαίμην, ἐμαυτὸν ἐδιζησάμην εἰπόντα, διὰ τὸ αὐτοδίδακτον εἶναι καὶ ὑπερήφανον. Οὔτ᾿ ἂν ἐπαινέσαιμι κατακρύψαντα τὴν ποίησιν ἐν τῷ τῆς Ἀρτέμιδος ναῷ, μυστηριωδῶς ὅπως ὕστερον ἡ ταύτης ἔκδοσις γένηται· καὶ γὰρ οἷς μέλον ἐστὶ περὶ τούτων φασὶν Εὐριπίδην τὸν τραγῳδοποιόν, κατιόντα καὶ ἀναγινώσκοντα, διὰ μνήμης κατ᾿ ὀλίγον τὸ Ἡρακλείτου σκότος σπουδαίως παραδεδωκέναι. Τούτου μὲν οὖν τὴν ἀμαθίαν ὁ θάνατος διήλεγξεν· ὕδρωπι γὰρ συσχεθείς, καὶ τὴν ἰατρικὴν ὡς φιλοσοφίαν ἐπιτηδεύσας, βολβίτοις τε περιπλάσας ἑαυτόν, τῆς κόπρου κρατυνθείσης, συνολκάς τε τοῦ παντὸς ἀπεργασαμένης σώματος, σπασθεὶς ἐτελεύτησε. Τὸν γὰρ Ζήνωνα, διὰ τῆς ἐκπυρώσεως ἀποφαινόμενον ἀνίστασθαι πάλιν τοὺς αὐτοὺς ἐπὶ τοῖς αὐτοῖς, λέγω δὲ Ἄνυτον καὶ Μέλητον ἐπὶ τῷ κατηγορεῖν, Βούσιριν δὲ ἐπὶ τῷ ξενοκτονεῖν, καὶ Ἡρακλέα πάλιν ἐπὶ τῷ ἀθλεῖν, παραιτητέον· ὅστις ἐν τῷ κατὰ τὴν ἐκπύρωσιν λόγῳ πλείονας τοὺς μοχθηροὺς τῶν δικαίων εἰσηγεῖται, Σωκράτους ἑνὸς καὶ Ἡρακλέους, καί τινων ἄλλων τοιούτων γεγονότων ὀλίγων καὶ οὐ πολλῶν. Οἱ γὰρ κακοὶ πάνυ πλείους εὑρεθήσονται τῶν ἀγαθῶν. Καὶ ὁ θεὸς κακῶν ἀποδειχθήσεται κατ᾿ αὐτὸν ποιητής, ἐν ἀμάραις τε καὶ σκώληξι καὶ ἀῤῥητουργοῖς καταγινόμενος. Ἐμπεδοκλέους γὰρ τὸ ἀλαζονικὸν αἱ κατὰ τὴν Σικελίαν τοῦ πυρὸς ἀναφυσήσεις ἀπέδειξαν, ὅτι μὴ θεὸς ὤν τοῦτο παρ᾿ ὀλίγον εἶναι κατεψεύδετο. Γελῶ καὶ τὴν Φερεκύδους γραολογίαν, καὶ τοῦ Πυθαγόρου τὴν περὶ τὸ δόγμα κληρονομίαν, καὶ τὴν τοῦ Πλάτωνος, κἄν τινες μὴ θέλωσι, τὴν περὶ τούτου μίμησιν. Τίς γὰρ ἂν ἐπιμαρτυρήσαι τῇ Κράτητος κυνογαμίᾳ, καὶ οὐ μᾶλλον παραιτησάμενος τὴν ἔντυφον τῶν ὁμοίων αὐτῷ γλωττομανίαν ἐπὶ τὸ ζητεῖν τὸ κατ᾿ ἀλήθειαν σπουδαῖον τρέψεται; Διόπερ μὴ παρασυρέτωσαν ὑμᾶς αἱ τῶν φιλοσόφων καὶ οὐ φιλοσόφων πανηγύρεις, οἵτινες ἐναντία μὲν ἑαυτοῖς δογματίζουσιν· κατὰ δὲ τὸ ἐπελθὸν ἕκαστος ἐκπεφώνηκε. Πολλὰ δὲ καὶ παρ᾿ αὐτοῖς ἐστι προσκρούματα· μισεῖ μὲν γὰρ ἕτερος τὸν ἕτερον· ἀντιδοξοῦσιν δὲ ἑαυτοῖς, διὰ τὴν ἀλαζονείαν τόπους ἐπιλεγόμενοι τοὺς προὔχοντας. Ἐχρῆν δὲ μήτε βασιλέας προλήμματι θεραπεύειν ἢ κολακεύειν τοὺς ἡγουμένους, περιμένειν δὲ μέχρις ἂν πρὸς αὐτοὺς οἱ μεγιστᾶνες ἀφίκωνται.

그리스인 여러분, 여러분은 왜 권투 시합을 하듯 국가들을 우리와 맞부딪치게 하려 합니까? 내가 어떤 사람들의 관습에 동참하기를 원치 않는다고 해서, 왜 가장 더러운 자처럼 미움을 받아야 합니까? 황제가 세금을 내라고 합니까? 기꺼이 내겠습니다. 주인이 종으로 일하고 시중들라고 합니까? 종의 의무를 압니다. 사람은 사람으로서 존중해야 하며, 오직 하나님만 두려워해야 합니다. 그분은 인간의 눈으로 볼 수 없고 기술로 담아낼 수도 없습니다. 오직 그분을 부인하라는 명령에는 따르지 않겠습니다. 거짓말쟁이나 배은망덕한 자가 되지 않도록 차라리 죽겠습니다. 우리가 믿는 하나님은 시간 속에서 생겨난 분이 아닙니다. 그분만이 시작이 없으며, 친히 만물의 시작입니다. 하나님은 영이시며, 물질을 두루 통과하는 것이 아니라 물질적인 영들과 물질 속 형상들을 만드신 분입니다. 보이지 않고 만질 수 없으며, 감각으로 아는 것들과 보이지 않는 것들의 아버지입니다. 우리는 그분이 만드신 것을 통해 그분을 알고, 그 작품들로 그분 능력의 보이지 않는 면을 파악합니다. 나는 그분이 우리를 위해 만드신 피조물을 숭배하지 않겠습니다. 해와 달도 우리를 위해 생겼는데, 어떻게 나를 섬기는 것들에게 절하겠습니까? 어떻게 나무와 돌을 신이라고 하겠습니까? 물질을 통과하는 영은 더 신적인 영보다 낮습니다. 영혼에 비길 만한 것을 완전한 하나님과 똑같이 공경해서는 안 됩니다. 이름으로 다 표현할 수 없는 하나님께 뇌물을 바쳐서도 안 됩니다. 아무것도 부족하지 않은 분을 마치 부족한 분처럼 헐뜯어서는 안 됩니다. 이제 우리의 가르침을 더 분명히 설명하겠습니다.

Διὰ τί γάρ, ἄνδρες Ἕλληνες, ὥσπερ ἐν πυγμῇ συγκρούειν βούλεσθε τὰς πολιτείας καθ᾿ ἡμῶν; Καὶ εἰ μὴ τοῖς τινῶν νομίμοις συγχρῆσθαι βούλομαι, τίνος χάριν καθάπερ μιαρώτατος μεμίσημαι; Προστάττει φόρους τελεῖν ὁ βασιλεύς; Ἕτοιμος παρέχειν. Δουλεύειν ὁ δεσπότης καὶ ὑπηρετεῖν; Τὴν δουλείαν γινώσκων. Τὸν μὲν γὰρ ἄνθρωπον ἀνθρωπίνως τιμητέον, φοβητέον δὲ μόνον τὸν θεόν· ὅστις ἀνθρωπίνοις οὐκ ἔστιν ὁρατὸς ὀφθαλμοῖς, οὐ τέχνῃ περιληπτός. Τοῦτον μόνον ἀρνεῖσθαι κελευόμενος οὐ πεισθήσομαι, τεθνήξομαι δὲ μᾶλλον, ἵνα μὴ ψεύστης καὶ ἀχάριστος ἀποδειχθῶ. Θεὸς ὁ καθ᾿ ἡμᾶς οὐκ ἔχει σύστασιν ἐν χρόνῳ, μόνος ἄναρχος ὢν καὶ αὐτὸς ὑπάρχων τῶν ὅλων ἀρχή. Πνεῦμα ὁ θεός, οὐ διήκων διὰ τῆς ὕλης, πνευμάτων δὲ ὑλικῶν καὶ τῶν ἐν αὐτῇ σχημάτων κατασκευαστής· ἀόρατός τε καὶ ἀναφής, αἰσθητῶν καὶ ἀοράτων αὐτὸς γεγονὼς πατήρ. Τοῦτον διὰ τῆς ποιήσεως αὐτοῦ ἴσμεν, καὶ τῆς δυνάμεως αὐτοῦ τὸ ἀόρατον τοῖς ποιήμασι καταλαμβανόμεθα. Δημιουργίαν τὴν ὑπ᾿ αὐτοῦ γεγενημένην χάριν ἡμῶν προσκυνεῖν οὐ θέλω. Γέγονεν ἥλιος καὶ σελήνη δι᾿ ἡμᾶς· εἶτα πῶς τοὺς ἐμοὺς ὑπηρέτας προσκυνήσω; Πῶς δὲ ξύλα καὶ λίθους θεοὺς ἀποφανοῦμαι; Πνεῦμα γὰρ τὸ διὰ τῆς ὕλης διῆκον ἔλαττον ὑπάρχει τοῦ θειοτέρου πνεύματος· ὅπερ δὲ ψυχῇ παρωμοιωμένον οὐ τιμητέον ἐπ᾿ ἴσης τῷ τελείῳ θεῷ. Ἀλλ᾿ οὐδὲ τὸν ἀνωνόμαστον θεὸν δωροδοκητέον· ὁ γὰρ πάντων ἀνενδεὴς οὐ διαβλητέος ὑφ᾿ ἡμῶν ὡς ἐνδεής. Φανερώτερον δὲ ἐκθήσομαι τὰ ἡμέτερα.

태초에 하나님이 계셨습니다. 우리는 그 태초를 말씀의 능력으로 이해해 왔습니다. 만물의 주인은 친히 모든 존재의 근거이며, 피조물이 아직 생기지 않았다는 점에서는 홀로 계셨습니다. 그러나 모든 능력이시고 보이는 것들과 보이지 않는 것들의 존재 근거라는 점에서는, 만물이 그분과 함께 있었습니다. 그분 안에 계셨던 말씀도 말씀의 능력으로 그분과 함께 존재하게 되었습니다. 그분의 나뉨 없는 뜻에 따라 말씀이 나아왔습니다. 말씀은 헛되이 나오신 것이 아니라 아버지께서 처음 낳으신 작품이 됩니다. 우리는 이 말씀을 세계의 시작으로 압니다. 말씀은 나누어 주심으로 생겨났으며, 잘라 냄으로 생겨나지 않았습니다. 잘려 나간 것은 본래의 것에서 분리되지만, 나누어 받은 것은 분배하려는 뜻에 따라 받은 것이어서 그것을 준 이를 부족하게 만들지 않습니다. 하나의 횃불에서 많은 불을 붙이더라도, 많은 횃불에 불을 나누어 주었다고 첫 횃불의 빛이 줄어들지는 않습니다. 마찬가지로 말씀도 아버지의 능력에서 나오셨지만 자신을 낳으신 분에게서 말씀을 없애지는 않았습니다. 나 자신도 말하고 여러분은 듣습니다. 말이 전해졌다고 해서 말하는 내가 말을 잃는 것은 아닙니다. 나는 내 목소리를 내어 여러분 안의 정돈되지 않은 재료에 질서를 주려 합니다. 말씀이 태초에 태어나 우리가 속한 피조세계를 낳으셨듯이, 곧 친히 자신을 위해 물질을 만드셨듯이, 나 역시 말씀을 본받아 다시 태어나고 진리를 깨달아, 나와 같은 본성의 물질이 뒤섞인 상태를 다시 정돈합니다. 물질은 하나님처럼 시작이 없는 것이 아니며, 시작이 없다는 이유로 하나님과 같은 능력을 가진 것도 아닙니다. 물질은 생겨난 것이며 다른 누군가에게서 나온 것이 아니라, 오직 만물의 창조주께서 내놓으신 것입니다.

Θεὸς ἦν ἐν ἀρχῇ, τὴν δὲ ἀρχὴν λόγου δύναμιν παρειλήφαμεν. Ὁ γὰρ δεσπότης τῶν ὅλων, αὐτὸς ὑπάρχων τοῦ παντὸς ἡ ὑπόστασις, κατὰ μὲν τὴν μηδέπω γεγενημένην ποίησιν μόνος ἦν· καθὸ δὲ πᾶσα δύναμις, ὁρατῶν τε καὶ ἀοράτων αὐτὸς ὑπόστασις ἦν, σὺν αὐτῷ τὰ πάντα· σὺν αὐτῷ διὰ λογικῆς δυνάμεως αὐτὸς καὶ ὁ λόγος, ὃς ἦν ἐν αὐτῷ, ὑπέστησε. Θελήματι δὲ τῆς ἁπλότητος αὐτοῦ προπηδᾷ λόγος· ὁ δὲ λόγος, οὐ κατὰ κενοῦ χωρήσας, ἔργον πρωτότοκον τοῦ πατρὸς γίνεται. Τοῦτον ἴσμεν τοῦ κόσμου τὴν ἀρχήν. Γέγονε δὲ κατὰ μερισμόν, οὐ κατὰ ἀποκοπήν· τὸ γὰρ ἀποτμηθὲν τοῦ πρώτου κεχώρισται, τὸ δὲ μερισθὲν οἰκονομίας τὴν αἵρεσιν προσλαβὸν οὐκ ἐνδεᾶ τὸν ὅθεν εἴληπται πεποίηκεν. Ὥσπερ γὰρ ἀπὸ μιᾶς δᾳδὸς ἀνάπτεται μὲν πυρὰ πολλά, τῆς δὲ πρώτης δᾳδὸς διὰ τὴν ἔξαψιν τῶν πολλῶν δᾳδῶν οὐκ ἐλαττοῦται τὸ φῶς, οὕτω καὶ ὁ λόγος προελθὼν ἐκ τῆς τοῦ πατρὸς δυνάμεως οὐκ ἄλογον πεποίηκε τὸν γεγεννηκότα. Καὶ γὰρ αὐτὸς ἐγὼ λαλῶ καὶ ὑμεῖς ἀκούετε, καὶ οὐ δήπου διὰ τῆς μεταβάσεως τοῦ λόγου κενὸς ὁ προσομιλῶν λόγου γίνομαι· προβαλλόμενος δὲ τὴν ἐμαυτοῦ φωνὴν διακοσμεῖν τὴν ἐν ὑμῖν ἀκόσμητον ὕλην προῄρημαι. Καὶ καθάπερ ὁ λόγος ἐν ἀρχῇ γεννηθεὶς ἀντεγέννησε τὴν καθ᾿ ἡμᾶς ποίησιν, αὐτὸς ἑαυτῷ τὴν ὕλην δημιουργήσας, οὕτω κἀγώ, κατὰ τὴν τοῦ λόγου μίμησιν ἀναγεννηθεὶς καὶ τὴν τοῦ ἀληθοῦς κατάληψιν πεποιημένος, μεταῤῥυθμίζω τῆς συγγενοῦς ὕλης τὴν σύγχυσιν. Οὔτε γὰρ ἄναρχος ἡ ὕλη καθάπερ ὁ θεός, οὐδὲ διὰ τὸ ἄναρχον καὶ αὐτὴ ἰσοδύναμος τῷ θεῷ· γεννητὴ δὲ καὶ οὐχ ὑπό του ἄλλου γεγονυῖα, μόνου δὲ ὑπὸ τοῦ πάντων δημιουργοῦ προβεβλημένη.

이 때문에 우리는 만물의 끝이 온 뒤 몸의 부활도 있으리라고 믿습니다. 스토아 철학자들이 가르치는 주기적인 순환, 곧 같은 것들이 아무 유익도 없이 늘 생겼다 사라지는 방식이 아닙니다. 우리에게 속한 시대들이 끝나면 단 한 번, 심판을 위해 오직 인간들이 영원히 존재하도록 다시 세워질 것입니다. 우리를 재판하는 이는 미노스나 라다만티스가 아닙니다. 그들의 신화대로라면 이들이 죽기 전에는 어느 영혼도 심판받지 않았습니다. 창조주 하나님께서 친히 심판자가 되십니다. 여러분이 우리를 아주 허황된 수다쟁이로 여겨도 우리는 개의치 않습니다. 우리는 다음과 같은 이치를 믿기 때문입니다. 나는 태어나기 전에는 존재하지 않아 내가 누구인지 몰랐고, 다만 육체를 이루는 물질의 바탕 안에 있었습니다. 이전에 없던 내가 태어남으로써 생겨나, 존재함을 확신하게 되었습니다. 마찬가지로 태어났던 내가 죽음으로 더는 존재하지 않고 다시 보이지 않게 되더라도, 나는 다시 존재할 것입니다. 전에 없다가 태어났던 것처럼 말입니다. 불이 내 육체를 없앤다 해도 세계는 증발한 그 물질을 품고 있습니다. 강에서든, 바다에서든 내가 소멸하거나 짐승들에게 찢긴다 해도, 나는 부유한 주인의 창고에 보관되어 있습니다. 가난하고 하나님을 모르는 자는 보관된 것을 알지 못합니다. 그러나 왕이신 하나님은 원하실 때에 자신에게만 보이는 그 존재의 바탕을 본래 상태로 회복하실 것입니다.

Καὶ διὰ τοῦτο καὶ σωμάτων ἀνάστασιν ἔσεσθαι πεπιστεύκαμεν μετὰ τὴν τῶν ὅλων συντέλειαν, οὐχ ὡς οἱ Στωϊκοὶ δογματίζουσι κατά τινας κύκλων περιόδους, γινομένων ἀεὶ καὶ ἀπογινομένων τῶν αὐτῶν οὐκ ἐπί τι χρήσιμον, ἅπαξ δέ, τῶν καθ᾿ ἡμᾶς αἰώνων πεπερασμένων, καὶ εἰς τὸ παντελὲς διὰ μόνων τῶν ἀνθρώπων τὴν σύστασιν ἔσεσθαι χάριν κρίσεως. Δικάζουσι δὲ ἡμῖν οὐ Μίνως οὐδὲ Ῥαδάμανθυς, ὧν πρὸ τῆς τελευτῆς οὐδεμία τῶν ψυχῶν ὡς μυθολογοῦσιν ἐκρίνετο· δοκιμαστὴς δὲ αὐτὸς ὁ ποιητὴς θεὸς γίνεται. Κἂν γὰρ πάνυ φληνάφους καὶ σπερμολόγους ἡμᾶς νομίσητε, μέλον οὐκ ἔστιν ἡμῖν, ἐπεὶ τούτῳ τῷ λόγῳ πεπιστεύκαμεν. Ὥσπερ γὰρ οὐκ ὢν πρὶν ἢ γενέσθαι τίς ἤμην οὐκ ἐγίνωσκον, μόνον δὲ ἐν ὑποστάσει τῆς σαρκικῆς ὕλης ὑπῆρχον, γεγονὼς δὲ ὁ μὴ πάλαι διὰ τῆς γενέσεως τὸ εἶναι πεπίστευκα· τὸν αὐτὸν τρόπον ὁ γενόμενος καὶ διὰ θανάτου μηκέτι ὤν, αὖθίς τε μηκέθ᾿ ὁρώμενος, ἔσομαι πάλιν, ὥσπερ μὴ πάλαι γεγονὼς εἶτα γεννηθείς. Κἂν πῦρ ἐξαφανίσῃ μου τὸ σαρκίον, ἐξατμισθεῖσαν τὴν ὕλην ὁ κόσμος κεχώρηκεν· κἂν ἐν ποταμοῖς, κἂν ἐν θαλάτταις ἐκδαπανηθῶ, κἂν ὑπὸ θηρίων διασπασθῶ, ταμείοις ἐναπόκειμαι πλουσίου δεσπότου. Καὶ ὁ μὲν πτωχὸς καὶ ἄθεος οὐκ οἶδε τὰ ἀποκείμενα· θεὸς δὲ ὁ βασιλεύων, ὅτε βούλεται, τὴν ὁρατὴν αὐτῷ μόνῳ ὑπόστασιν ἀποκαταστήσει πρὸς τὸ ἀρχαῖον.

하늘의 말씀은 아버지에게서 나온 영이며 말씀의 능력에서 나온 말씀으로서, 자신을 낳으신 아버지를 본받아 인간을 불멸의 형상으로 만드셨습니다. 하나님께 썩지 않음이 있듯이, 인간도 하나님의 몫을 나누어 받아 불멸을 지니게 하려는 것이었습니다. 말씀은 인간을 만드시기 전에 천사들의 창조주가 되셨습니다. 이 두 종류의 피조물은 모두 스스로 선택할 수 있도록 생겨났습니다. 선함을 본성으로 지닌 것은 아니었습니다. 그것은 오직 하나님께만 있으며, 인간에게서는 자유로운 선택으로 이루어집니다. 그리하여 스스로 악해진 나쁜 사람은 정당하게 벌을 받고, 의로운 사람은 선행에 합당한 칭찬을 받게 됩니다. 자기 자유로 하나님의 뜻을 어기지 않았기 때문입니다. 천사와 인간에 관한 사정은 이와 같습니다. 말씀의 능력은 앞으로 일어날 일을 미리 아는 힘을 자신 안에 지니고, 운명에 따라서가 아니라 자유롭게 선택하는 이들의 결정에 따라 앞일의 결과를 예고했습니다. 금지 명령으로 악을 막고 선함을 지키는 이들을 칭찬했습니다. 그런데 인간들은 먼저 태어났기에 다른 이들보다 영리했던 어떤 자를 따라 그를 신으로 받들었습니다. 그는 하나님의 법에 맞서 일어난 자였습니다. 그러자 말씀의 능력은 그 광기를 시작한 자와 그를 따르는 자들을 자신과 함께 사는 데서 내쳤습니다. 하나님의 형상으로 지어진 인간은 더 강한 영이 그에게서 떠나자 죽을 존재가 되었습니다. 먼저 태어난 자는 범법과 무지로 악령이 되었고, 그를 본뜬 자들은 그의 환영들로서 악령의 군대가 되어 스스로 선택한 어리석음에 넘겨졌습니다.

Λόγος γὰρ ὁ ἐπουράνιος, πνεῦμα γεγονὼς ἀπὸ τοῦ πατρὸς καὶ λόγος ἐκ τῆς λογικῆς δυνάμεως, κατὰ τὴν τοῦ γεννήσαντος αὐτὸν πατρὸς μίμησιν εἰκόνα τῆς ἀθανασίας τὸν ἄνθρωπον ἐποίησεν, ἵνα, ὥσπερ ἡ ἀφθαρσία παρὰ τῷ θεῷ, τὸν αὐτὸν τρόπον θεοῦ μοῖραν ἄνθρωπος μεταλαβὼν ἔχῃ καὶ τὸ ἀθάνατον. Ὁ μὲν οὖν λόγος πρὸ τῆς τῶν ἀνδρῶν κατασκευῆς ἀγγέλων δημιουργὸς γίνεται. Τὸ δὲ ἑκάτερον τῆς ποιήσεως εἶδος αὐτεξούσιον γέγονε, τἀγαθοῦ φύσιν μὴ ἔχον, ὃ πάλιν μόνον παρὰ τῷ θεῷ, τῇ δὲ ἐλευθερίᾳ τῆς προαιρέσεως ὑπὸ τῶν ἀνθρώπων ἐκτελειούμενον· ὅπως ὁ μὲν φαῦλος δικαίως κολάζηται, δι᾿ αὐτὸν γεγονὼς μοχθηρός, ὁ δὲ δίκαιος χάριν τῶν ἀνδραγαθημάτων ἀξίως ἐπαινῆται, κατὰ τὸ αὐτεξούσιον τοῦ θεοῦ μὴ παραβὰς τὸ βούλημα. Καὶ τὰ μὲν περὶ τοὺς ἀγγέλους καὶ ἀνθρώπους τοῦτον ἔχει τὸν τρόπον. Ἡ δὲ τοῦ λόγου δύναμις ἔχουσα παρ᾿ ἑαυτῇ προγνωστικὸν τὸ μέλλον ἀποβαίνειν, οὐ καθ᾿ εἱμαρμένην, τῇ δὲ τῶν αἱρουμένων αὐτεξουσίων γνώμῃ, τῶν μελλόντων προὔλεγε τὰς ἀποβάσεις· καὶ τῆς μὲν πονηρίας κωλυτὴς ἐγίνετο δι᾿ ἀπαγορεύσεων, τῶν δὲ μενόντων ἀγαθῶν ἐγκωμιαστής. Καὶ ἐπειδή τινι φρονιμωτέρῳ παρὰ τοὺς λοιποὺς ὄντι διὰ τὸ πρωτόγονον συνεξηκολούθησαν καὶ θεὸν ἀνέδειξαν οἱ ἄνθρωποι καὶ τὸν ἐπανιστάμενον τῷ νόμῳ τοῦ θεοῦ, τότε ἡ τοῦ λόγου δύναμις τόν τε ἄρξαντα τῆς ἀπονοίας καὶ τοὺς συνακολουθήσαντας τούτῳ τῆς σὺν αὐτῷ διαίτης παρῃτήσατο. Καὶ ὁ μὲν κατ᾿ εἰκόνα τοῦ θεοῦ γεγονώς, χωρισθέντος ἀπ᾿ αὐτοῦ τοῦ πνεύματος τοῦ δυνατωτέρου, θνητὸς γίνεται· διὰ δὲ τὴν παράβασιν καὶ τὴν ἄγνοιαν ὁ πρωτόγονος δαίμων ἀποδείκνυται, καὶ τοῦτον οἱ μιμησάμενοι, τούτου δὲ τὰ φαντάσματα, δαιμόνων στρατόπεδον ἀποβεβήκασι καὶ διὰ τὸ αὐτεξούσιον τῇ σφῶν ἀβελτηρίᾳ παρεδόθησαν.

인간들은 그 악령들이 반역하는 발판이 되었습니다. 그들은 인간들에게 별자리 도표를 보여 주고, 주사위 놀이를 하는 사람들처럼 지극히 부당한 운명론을 끌어들였습니다. 재판하는 자와 재판받는 자가 모두 운명에 따라 생겨났고, 죽이는 자와 죽임을 당하는 자, 부자와 가난한 자도 같은 운명의 산물이라는 것입니다. 모든 탄생은 극장의 공연처럼 그들을 즐겁게 했습니다. 호메로스가 말하듯, “복된 신들 사이에 그칠 줄 모르는 웃음이 일어났습니다.” 결투하는 사람들을 지켜보며 이편저편을 응원하고, 혼인하고 소년을 타락시키고 간음하며, 웃고 성내고, 달아나고 상처 입는 자를 어떻게 죽을 인간이라고 여기지 않겠습니까? 그들은 인간들에게 자신의 본성을 드러낸 바로 그 행동으로 이야기를 듣는 사람들에게 똑같이 하라고 부추겼습니다. 악령들 자신도 우두머리 제우스와 함께 운명 아래 떨어져, 인간들과 같은 격정에 사로잡힌 것이 아닙니까? 게다가 가르침이 서로 그토록 모순되는데, 어떻게 그들을 공경해야 합니까? 레아는, 프리기아 산악 지방 사람들이 키벨레라고 부르는 여신은, 자신의 연인 아티스 때문에 생식기를 잘라 내는 관습을 세웠습니다. 반면 아프로디테는 혼인의 결합을 즐깁니다. 아르테미스는 마술을 하고 아폴론은 치료합니다. 고르곤의 목이 잘렸을 때, 곧 포세이돈의 연인이며 그 몸에서 말 페가소스와 크리사오르가 솟아 나온 여인의 목이 잘렸을 때, 아테나와 아스클레피오스는 그 핏방울을 나누어 가졌습니다. 아스클레피오스는 그것으로 사람을 구했지만, 아테나는 같은 피로 사람을 죽이고 전쟁을 일으켰습니다. 아테네인들은 그녀의 명예를 지키려고, 헤파이스토스와의 결합에서 태어난 자를 땅의 자식이라고 돌려 말한 듯합니다. 아탈란테가 멜레아그로스 때문에 용기를 잃었듯 아테나도 헤파이스토스 때문에 용기를 잃었다고 여겨질까 봐 그랬겠지요. 절름발이인 그 신은 아마도 브로치와 둥근 팔찌를 만들면서, 어머니 없이 태어난 그 외로운 소녀를 장신구로 꾀었을 것입니다. 포세이돈은 항해하고, 아레스는 전쟁을 즐기며, 아폴론은 수금을 탑니다. 디오니소스는 테베에서 군림하고, 크로노스는 지배자를 죽입니다. 제우스는 딸과 관계하고, 딸은 그에게서 아이를 갖습니다. 엘레우시스와 비의의 뱀, 그리고 “입문하지 않은 자들에게 문을 닫으라”고 말하는 오르페우스가 지금 내 증인이 될 것입니다. 하데스는 코레를 납치하고, 그의 행위는 비의가 되었습니다. 데메테르는 딸을 잃고 울며, 어떤 사람들은 아테네인들 때문에 속아 넘어갑니다. 레토의 아들 아폴론의 성역에는 옴팔로스라는 것이 있는데, 그 옴팔로스는 디오니소스의 무덤입니다. 다프네여, 이제 나는 그대를 칭찬합니다. 그대는 아폴론의 절제 없는 욕망을 이겨 그의 예언술이 거짓임을 드러냈습니다. 그는 그대에게 일어날 일도 미리 알지 못하여 자기 기술로 도움을 얻지 못했으니까요. 멀리 화살을 쏘는 그 신은 이제 내게 말해 보십시오. 제피로스가 어떻게 히아킨토스를 죽였습니까? 제피로스가 그를 이겼습니다. 비극 시인은 “바람은 신들의 가장 귀한 수레”라고 하는데, 그는 한 줄기 미풍에도 져서 연인을 잃었습니다.

Ὑπόθεσις δὲ αὐτοῖς τῆς ἀποστασίας οἱ ἄνθρωποι γίνονται. Διάγραμμα γὰρ αὐτοῖς ἀστροθεσίας ἀναδείξαντες, ὥσπερ οἱ τοῖς κύβοις παίζοντες, τὴν εἱμαρμένην εἰσηγήσαντο λίαν ἄδικον. Ὅ τε γὰρ κρίνων καὶ ὁ κρινόμενος καθ᾿ εἱμαρμένην εἰσὶ γεγονότες, καὶ οἱ φονεύοντες καὶ οἱ φονευόμενοι, καὶ οἱ πλουτοῦντες καὶ οἱ πενόμενοι, τῆς αὐτῆς εἱμαρμένης ὑπάρχουσιν ἀπογεννήματα· πᾶσα τε γένεσις, ὥσπερ ἐν θεάτρῳ, τερπωλὴν παρέσχε τούτοις, παρ᾿ οἷς, ὥς φησιν Ὅμηρος, Ἄσβεστος δ᾿ ἄρ᾿ ἐνῶρτο γέλως μακάρεσσι θεοῖσιν. Οἱ γὰρ τοὺς μονομαχοῦντας βλέποντες καὶ θάτερος θατέρῳ σπουδάζων, καὶ ὁ γαμῶν καὶ παιδοφθορῶν καὶ μοιχεύων, γελῶν τε καὶ ὀργιζόμενος, φεύγων τε καὶ τιτρωσκόμενος, πῶς οὐχὶ θνητὸς εἶναι νομισθήσεται; Δι᾿ ὧνπερ γὰρ ἑαυτοὺς ὁποῖοί τινες πεφύκασι τοῖς ἀνθρώποις πεφανερώκασι, διὰ τούτων τοὺς ἀκούοντας ἐπὶ τὰ ὅμοια προετρέψαντο. Καὶ μήτι γε οἱ δαίμονες αὐτοὶ μετὰ τοῦ ἡγουμένου αὐτῶν Διὸς ὑπὸ τὴν εἱμαρμένην πεπτώκασι, τοῖς αὐτοῖς πάθεσιν ὥσπερ καὶ οἱ ἄνθρωποι κρατηθέντες; Καὶ ἄλλως δὲ πῶς τιμητέον τούτους παρ᾿ οἷς δογμάτων ἐναντιότης ἐστὶ πολλή; Ῥέαν μὲν γάρ, ἣν οἱ ἀπὸ τῶν Φρυγίων ὁρῶν Κυβέλην φασίν, ἀποτμήσεις αἰδοίων νενομοθετηκέναι διὰ τὸν ἐρώμενον ταύτης Ἄττιν· Ἀφροδίτη δὲ γάμου πλοκαῖς ἥδεται. Μάγος ἐστὶν Ἄρτεμις, θεραπεύει ὁ Ἀπόλλων. Καὶ μετὰ τὴν Γοργοῦς καρατομίαν, τῆς Ποσειδῶνος ἐρωμένης, ἀφ᾿ ἧς Πήγασος ὁ ἵππος καὶ ὁ Χρυσάωρ ἀνέθορε, τὰς σταγόνας τῶν αἱμάτων ἡ Ἀθηνᾶ καὶ Ἀσκληπιὸς διενείμαντο· καὶ ὁ μὲν ἀπ᾿ αὐτῶν ἔσωζεν, ἡ δὲ ἀπὸ τῶν ὁμοίων λύθρων ἀνθρωποκτόνος καὶ πολεμοποιὸς ἐγίνετο. Ταύτην μοι δοκοῦσιν Ἀθηναῖοι μὴ βουληθέντες διαβάλλειν καὶ τὸν ἀπὸ τῆς Ἡφαίστου μίξεως γινόμενον τῇ γῇ προσάπτειν, ἵνα μὴ νομίζηται καθάπερ ἡ Ἀταλάντη διὰ τὸν Μελέαγρον οὕτω καὶ ἡ Ἀθηνᾶ διὰ τὸν Ἥφαιστον τῆς ἀνδρείας ἐστερῆσθαι. Ὁ γὰρ ἀμφιγυήεις, ὡς εἰκός, ὁ πόρπας καὶ γναμπτὰς ἕλικας δημιουργῶν, τοῖς κοροκοσμίοις ἠπάτησε τὴν ἀμήτορα παῖδα καὶ ὀρφανήν. Ποσειδῶν ναυτίλλεται, πολέμοις Ἄρης ἥδεται, κιθαριστής ἐστιν ὁ Ἀπόλλων, Θηβαίοις Διόνυσος τυραννεῖ, Κρόνος τυραννοκτονεῖ. Ζεὺς καὶ θυγατρὶ συγγίνεται, καὶ ἡ θυγάτηρ ἀπ᾿ αὐτοῦ κύει. Μαρτυρήσει μοι νῦν Ἐλευσὶς καὶ δράκων ὁ μυστικὸς καὶ Ὀρφεὺς ὁ Θύρας δ᾿ ἐπίθεσθε βεβήλοις λέγων. Ἀϊδωνεὺς ἁρπάζει τὴν Κόρην, καὶ αἱ πράξεις αὐτοῦ γεγόνασι μυστηρια· κλαίει Δημήτηρ τὴν θυγατέρα, καί τινες ἀπατῶνται διὰ τοὺς Ἀθηναίους. Ἐν τῷ τεμένει τοῦ Λητοΐδου καλεῖταί τις Ὀμφαλός· ὁ δὲ Ὀμφαλὸς τάφος ἐστὶν Διονύσου. Ἐπαινῶ σε νῦν, ὦ Δάφνη· τὴν ἀκρασίαν τοῦ Ἀπόλλωνος νικήσασα ἤλεγξας αὐτοῦ τὴν μαντικήν, ὅτι μὴ προγνοὺς τὰ περὶ σὲ τῆς αὐτοῦ τέχνης οὐκ ὤνατο. Λεγέτω μοι νῦν ὁ ἑκατηβόλος, πῶς Ὑάκινθον διεχρήσατο Ζέφυρος. Ζέφυρος αὐτὸν νενίκηκε· καί, τοῦ τραγῳδοποιοῦ λέγοντος Αὔρα θεῶν ὄχημα τιμιώτατον, ὑπὸ βραχείας αὔρας νικηθεὶς ἀπώλεσε τὸν ἐρώμενον.

악령들은 이런 자들입니다. 이들이 운명을 정했습니다. 그 기초는 동물들을 별자리로 만드는 일이었습니다. 땅 위를 기어 다니는 것들과 물속을 헤엄치는 것들, 산의 네발짐승들, 곧 하늘의 거처에서 쫓겨난 뒤 자기들과 함께 살던 것들에게 하늘의 영예를 주었습니다. 자기들이 하늘에 산다고 여겨지게 하고, 땅에서 벌이는 불합리한 삶을 별자리를 통해 그럴듯하게 보이려는 것이었습니다. 그리하여 성급한 사람과 고생하는 사람, 절제하는 사람과 방탕한 사람, 가난한 사람과 부유한 사람이 모두 탄생의 법을 정한 그들에게서 나온다고 합니다. 황도대의 도형은 신들이 만든 것이기 때문입니다. 그들의 말에 따르면 그 가운데 한 별의 빛이 우세해지면 다른 여러 별의 몫을 빼앗고, 패했던 별도 차례가 돌아오면 다시 우세해집니다. 일곱 행성은 그들의 마음을 흡족하게 합니다. 그들은 장기 놀이를 하는 사람들과 같습니다. 그러나 우리는 운명보다 위에 있으며, 방황하는 악령들 대신 흔들리지 않는 한 분 주인을 배웠습니다. 우리는 운명에 이끌리지 않으며 그것을 법으로 만든 자들을 거절했습니다. 제발 내게 말해 보십시오. 트립톨레모스는 밀을 뿌리고, 그 슬픔이 지난 뒤에야 아테네인들에게 은혜를 베풀었습니까? 데메테르는 왜 딸을 잃기 전에는 인간들의 은인이 되지 않았습니까? 하늘에는 에리고네의 개와 아르테미스를 도운 전갈, 켄타우로스 케이론과 절반인 아르고선, 칼리스토의 곰이 보입니다. 그렇다면 그들에게 앞서 말한 사건들이 일어나기 전에는 하늘에 아무런 질서도 없었습니까? 누군가에게는 시칠리아 때문에 생긴 별자리라는 삼각형이, 다른 이에게는 제우스 이름의 첫 글자라니, 우습지 않을 사람이 있겠습니까? 왜 사르데냐나 키프로스는 하늘에서 영예를 얻지 못했습니까? 통치권을 나누어 가진 제우스 형제들의 이름도 왜 글자 모양으로 세워 놓지 않았습니까? 사슬에 묶이고 왕권에서 쫓겨난 크로노스가 어떻게 운명을 관리하는 자가 됩니까? 더는 왕이 아닌 자가 어떻게 왕권을 줍니까? 그러니 허튼소리를 버리고, 우리를 부당하게 미워한 나머지 그릇된 일을 저지르지 마십시오.

Τοιοῦτοί τινές εἰσιν οἱ δαίμονες· οὗτοι οἳ τὴν εἱμαρμένην ὥρισαν. Στοιχείωσις δὲ αὐτοῖς ἡ ζώωσις ἦν. Τὰ γὰρ ἐπὶ τῆς γῆς ἑρπετὰ καὶ τὰ ἐν τοῖς ὕδασι νηκτὰ καὶ τὰ ἐπὶ τοῖς ὄρεσι τετράποδα, μεθ᾿ ὧν ἐποιοῦντο τὴν δίαιταν ἔκβλητοι τῆς ἐν οὐρανῷ διαίτης γεγενημένοι, ταῦτα τῆς ἐπουρανίου τιμῆς ἠξίωσαν, ἵνα τε νομισθῶσιν αὐτοὶ διατρίβειν ἐν οὐρανῷ καὶ τὴν ἄλογον ἐπὶ γῆς πολιτείαν εὔλογον διὰ τῆς ἀστροθεσίας ἀποδείξωσιν. Ὥστε ὁ θυμικὸς καὶ ὁ ἐπίμοχθος, καὶ ὁ ἐγκρατευόμενος καὶ ὁ ἀκρατής, καὶ ὁ πτωχεύων καὶ ὁ πλουτῶν, ἀπ᾿ αὐτῶν ἐστι τῶν νομοθετησάντων τὴν γένεσιν. Ἡ γὰρ τοῦ ζωδιακοῦ κύκλου γραφὴ θεῶν ἐστι ποίημα. Καὶ τὸ ἐπικρατῆσαν, ὥς φασιν, ἑνὸς αὐτῶν φῶς τοὺς πλείονας παραβραβεύει· καὶ ὁ νικώμενος εἰς αὖθις νῦν ἐπικρατεῖν εἴωθεν. Εὐαρεστοῦσι δὲ αὐτοῖς οἱ ἑπτὰ πλανῆται, ὥσπερ οἱ ἐν τοῖς πεττοῖς ἀθύροντες. Ἡμεῖς δὲ καὶ εἱμαρμένης ἐσμὲν ἀνώτεροι, καὶ ἀντὶ πλανητῶν δαιμόνων ἕνα τὸν ἀπλανῆ δεσπότην μεμαθήκαμεν, καὶ οὐ καθ᾿ εἱμαρμένην ἀγόμενοι τοὺς ταύτης νομοθέτας παρῃτήμεθα. Λέγε μοι πρὸς τοῦ θεοῦ, Τριπτόλεμος ἔσπειρε τοὺς πυρούς, καὶ μετὰ τὸ πένθος εὐεργετεῖ τοὺς Ἀθηναίους; Διὰ τί δὲ ἡ Δημήτηρ τῆς θυγατρὸς μὴ ἀπολωλυίας τῶν ἀνθρώπων εὐεργέτις οὐκ ἐγένετο; Κύων ὁ τῆς Ἠριγόνης ἐν οὐρανῷ δείκνυται καὶ Σκορπίος ὁ τῆς Ἀρτέμιδος βοηθὸς καὶ Χείρων ὁ Κένταυρος καὶ ἡ ἡμίτομος Ἀργὼ καὶ ἡ Καλλιστοῦς ἄρκτος. Εἶτα πῶς πρὶν τούτους περὶ τὰς προειρημένας πράξεις γενέσθαι ἀκόσμητος ἦν ὁ οὐρανός; Τίνι δὲ οὐ γελοῖον εἶναι δόξει τὸ κατὰ μέν τινας διὰ τὴν Σικελίαν ἀστροθετούμενον Δελτωτόν, κατ᾿ ἐνίους δὲ τῆς τοῦ Διὸς προσωνυμίας πρωτότυπον στοιχεῖον; Διὰ τί γὰρ οὐχὶ καὶ ἡ Σαρδὼ καὶ ἡ Κύπρος ἐν οὐρανῷ τετίμηνται; Τίνος δὲ ἕνεκεν οὐχὶ καὶ τῶν τοῦ Διὸς ἀδελφῶν, οἵ διενείμαντο τὰς βασιλείας, γραμμάτων σχηματουργίαι κατεστηρίχθησαν; Πῶς τε ὁ πεδηθεὶς Κρόνος καὶ τῆς βασιλείας ἔκβλητος γενόμενος τῆς εἱμαρμένης οἰκονόμος καθίσταται; Πῶς τε βασιλείας ὁ μηκέτι βασιλεύων δίδωσι; Καταβάλλετε τοιγαροῦν τὸν λῆρον, καὶ μὴ διὰ τὸ μισεῖν ἡμᾶς ἀδίκως παρανομήσητε.

인간의 변신에 관한 신화가 있습니다. 그런데 여러분에게서는 신들도 변신합니다. 레아는 나무가 되고, 제우스는 페르세포네 때문에 뱀이 되며, 파에톤의 누이들은 포플러나무가 됩니다. 레토는 하찮은 동물이 되었고, 그 때문에 지금의 델로스는 오르티기아라고 불렸습니다. 말해 보십시오. 신이 백조가 되고, 독수리의 모습을 취하며, 가니메데스에게 술을 따르게 하면서 소년을 향한 욕망을 자랑합니까? 선물을 받아 챙기고 받지 못하면 화내는 신들을 내가 왜 섬겨야 합니까? 그들이나 운명을 차지하라 하십시오. 나는 방황하는 것들에게 절하지 않겠습니다. 베레니케의 머리털은 무엇입니까? 그 여인이 죽기 전에는 그 별들이 어디에 있었습니까? 죽은 소년 안티노오스는 어떻게 달 속에 아름답게 자리 잡았습니까? 누가 그를 올려 보냈습니까? 황제들에 대해서처럼 누군가 돈을 받고 거짓 맹세로 신들을 조롱하면서, 이 소년도 하늘에 올랐다고 말하여 신뢰를 얻고, 그와 똑같이 신으로 선언한 대가로 영예와 선물을 받은 것이 아닙니까? 왜 나의 하나님에게서 그 영예를 빼앗았습니까? 왜 그분의 피조물을 욕되게 합니까? 여러분은 양을 제물로 바치면서 바로 그 양에게 절합니다. 하늘에는 황소가 있는데, 여러분은 그 형상인 소를 도살합니다. 무릎 꿇은 자는 사악한 짐승을 짓밟고, 독수리는 인간을 만든 프로메테우스를 뜯어 먹고 영예를 받았습니다. 백조는 간음했으니 참 훌륭하고, 레우키포스의 딸들을 납치한 디오스쿠로이도 하루씩 번갈아 살게 되었으니 훌륭합니다. 헬레네는 더욱 훌륭합니다. 금발의 메넬라오스를 버리고 머리띠를 두르고 금이 많은 파리스를 따랐으니까요. 그 간음한 여인을 엘리시온 들판으로 옮겨 준 자는 참으로 의롭고 절제할 줄 아는군요. 그러나 틴다레오스의 딸은 불멸을 얻지도 못했습니다. 에우리피데스는 현명하게도 그 여인이 오레스테스에게 죽는 장면을 넣었습니다.

Μεταμόρφωσις ἀνθρώποις μεμυθολόγηται· μεταμορφοῦνται δὲ παρ᾿ ὑμῖν καὶ οἱ θεοί. Δένδρον ἡ Ῥέα γίνεται, δράκων δὲ ὁ Ζεὺς διὰ τὴν Φερσέφατταν, αἴγειροι αἱ τοῦ Φαέθοντος ἀδελφαί, καὶ ἡ Λητὼ ζῶον εὐτελές, δι᾿ ἣν Ὀρτυγία Δῆλος ἡ νῦν κέκληται. Θεὸς εἰπέ μοι κύκνος γίνεται, καὶ τὴν ἀετοῦ μορφὴν ἀναλαμβάνει, καὶ δι᾿ οἰνοχοΐαν τοῦ Γανυμήδους τῇ παιδεραστίᾳ σεμνύνεται; Τί μοι σέβειν θεοὺς δωρολήπτας, καὶ ὀργιζομένους ἂν μὴ λάβωσιν; Ἐχέτωσαν οὗτοι τὴν εἱμαρμένην· τοὺς πλανήτας προσκυνεῖν οὐ βούλομαι. Τίς ἐστιν ὁ Βερενίκης πλόκαμος; Ποῦ δὲ οἱ ἀστέρες αὐτῆς πρὶν τὴν προειρημένην ἀποθανεῖν; Πῶς δὲ ὁ τεθνεὼς Ἀντίνοος μειράκιον ἐν τῇ σελήνῃ ὡραῖον καθίδρυται; Τίς ὁ ἀναβιβάσας αὐτόν, εἰ μή τις καὶ τοῦτον, ὡς τοὺς βασιλέας μισθοῦ δι᾿ ἐπιορκίας τις, τοὺς θεοὺς καταγελῶν, εἰς τὸν οὐρανὸν ἀνεληλυθέναι φήσας πεπίστευται, κατὰ τὸ ὅμοιον θεολογήσας τιμῆς καὶ δωρεᾶς ἠξίωται; Τί μοι τὸν θεον σεσυλήκατε; Τί δὲ αὐτοῦ τὴν ποίησιν ἀτιμάζετε; Θύεις πρόβατον, τὸ δ᾿ αὐτὸ προσκυνεῖς· ταῦρός ἐστιν ἐν οὐρανῷ, καὶ τὴν εἰκόνα σφάττεις αὐτοῦ. Ζῶον πονηρὸν ὁ ἐνγόνασι ἐκθλίβει· καὶ τὸν ἀνθρωποποιὸν Προμηθέα καταφαγών ἀετὸς τετίμηται. Καλὸς ὁ κύκνος, ὅτι μοιχὸς ἦν· καλοὶ δὲ καὶ οἱ ἑτεροήμεροι Διόσκουροι, τῶν Λευκιππίδων οἱ ἁρπασταί. Κρείττων ἡ Ἑλένη, τὸν μὲν καρήξανθον Μενέλαον καταλιποῦσα, τῷ δὲ μιτρηφόρῳ καὶ πολυχρύσῳ Πάριδι κατακολουθοῦσα. Δίκαιος καὶ Σώφρων, ὁ τὴν ἐκπορνεύσασαν εἰς Ἠλύσια πεδία μετατεθεικώς. Ἀλλ᾿ οὐδὲ ἡ Τυνδαρὶς ἀπηθανάτισται· καὶ σοφῶς ὁ Εὐριπίδης ὑπὸ Ὀρέστου τῆς προειρημένης γυναικὸς τὴν ἀναίρεσιν παρεισήγαγε.

운명을 관리한다는 자들이 이런 모습인데, 어떻게 운명에 따른 탄생을 받아들이겠습니까? 나는 왕이 되고 싶지 않고, 부자가 되기를 바라지 않으며, 장군의 자리도 사양했습니다. 음행을 미워하고, 탐욕 때문에 항해하지도 않으며, 우승관을 얻으려고 경기하지 않습니다. 명예욕에서 벗어났고, 죽음을 두려워하지 않으며, 온갖 질병을 이겨 냅니다. 슬픔은 내 영혼을 삼키지 못합니다. 내가 종이라면 종살이를 견디고, 자유인이라면 좋은 혈통을 뽐내지 않습니다. 나는 모두에게 같은 해가 비추고, 즐거움을 누리든 궁핍하든 모두에게 하나의 죽음이 닥치는 것을 봅니다. 부자가 씨를 뿌리면 가난한 사람도 같은 수확을 나눕니다. 가장 부유한 사람들도 죽고, 구걸하는 사람들도 같은 삶의 끝을 맞습니다. 부자들은 더 많은 것을 필요로 하며, 남들에게 인정받아 명성을 얻습니다. 가난하고 검소한 사람은 자기 분수에 맞는 것을 바라기에 더 쉽게 살아갑니다. 그대는 왜 운명을 핑계로 돈에 눈이 멀어 밤을 지새웁니까? 왜 운명을 핑계로 거듭 탐내다가 거듭 죽어 갑니까? 세상의 광기를 버리고 세상에 대하여 죽으십시오. 하나님을 위해 사십시오. 그분을 앎으로써 이전의 출생에 매인 삶을 버리십시오. 우리는 죽으려고 생겨난 것이 아니지만, 우리 자신 때문에 죽습니다. 자유로운 선택이 우리를 파멸시켰습니다. 자유인이던 우리가 종이 되었고, 죄 때문에 팔렸습니다. 하나님은 악한 것을 하나도 만드시지 않았습니다. 악을 드러낸 것은 우리이며, 그것을 드러낸 우리는 다시 버릴 수도 있습니다.

Πῶς οὖν γένεσιν τὴν καθ᾿ εἱμαρμένην ἀποδέξομαι, τοιούτους αὐτῆς τοὺς οἰκονόμους θεωρῶν; Βασιλεύειν οὐ θέλω, πλουτεῖν οὐ βούλομαι, τὴν στρατηγίαν παρῄτημαι, πορνείαν μεμίσηκα, ναυτίλλεσθαι διὰ τὴν ἀπληστίαν οὐκ ἐπιτηδεύω, στεφάνους ἔχειν οὐκ ἀγωνίζομαι, δοξομανίας ἀπήλλαγμαι, θανάτου καταφρονῶ, νόσου παντοδαπῆς ἀνώτερος γίνομαι, λύπη μου τὴν ψυχὴν οὐκ ἀναλίσκει. Δοῦλος ἐὰν ὦ, δουλείαν ὑπομένω· κἂν ἐλεύθερος ὑπάρχω, τὴν εὐγένειαν οὐ σεμνύνομαι. Τὸν ἥλιον ὁρῶ πάντων τὸν αὐτόν, ἕνα δὲ κατὰ πάντων τὸν θάνατον δι᾿ ἡδονῆς καὶ ἐλαττώματος. Ὁ πλούσιος σπείρει, καὶ ὁ πένης τῆς αὐτῆς σπορᾶς μεταλαμβάνει· τελευτῶσιν οἱ πλουσιώτατοι, καὶ οἱ μεταιτοῦντες τὴν αὐτὴν ἔχουσι τοῦ βίου περιγραφήν. Πλειόνων χρῄζουσιν οἱ πλουτοῦντες, καὶ δι᾿ ἀξιοπιστίας μετὰ τῆς δόξης γίνονται· πένης δὲ καὶ ὁ μετριώτατος τῶν καθ᾿ ἑαυτὸν ἐφιέμενος εὐμαρέστερον περιγίνεται. Τί μοι καθ᾿ εἱμαρμένην ἀγρυπνεῖς διὰ φιλαργυρίαν; Τί δέ μοι καθ᾿ εἱμαρμένην πολλάκις ὀρεγόμενος πολλάκις ἀποθνήσκεις; Ἀπόθνησκε τῷ κόσμῳ, παραιτούμενος τὴν ἐν αὐτῷ μανίαν· ζῆθι τῷ θεῷ, διὰ τῆς αὐτοῦ καταλήψεως τὴν παλαιὰν γένεσιν παραιτούμενος. Οὐκ ἐγενόμεθα πρὸς τὸ ἀποθνήσκειν, ἀποθνήσκομεν δὲ δι᾿ ἑαυτούς. Ἀπώλεσεν ἡμᾶς τὸ αὐτεξούσιον· δοῦλοι γεγόναμεν οἱ ἐλεύθεροι, διὰ τὴν ἁμαρτίαν ἐπράθημεν. Οὐδὲν φαῦλον ὑπὸ τοῦ θεοῦ πεποίηται, τὴν πονηρίαν ἡμεῖς ἀνεδείξαμεν· οἱ δὲ ἀναδείξαντες δυνατοὶ πάλιν παραιτήσασθαι.

우리는 두 종류의 영을 압니다. 하나는 영혼이라고 불리고, 다른 하나는 영혼보다 크며 하나님의 형상과 닮음입니다. 처음 인간들에게는 둘 다 있어서, 한편으로는 물질적 존재이고 다른 한편으로는 물질을 넘어선 존재였습니다. 사정은 이렇습니다. 세계의 모든 구조와 피조물 전체가 물질에서 생겨났으며, 그 물질 자체도 하나님에게서 나왔음을 알 수 있습니다. 물질은 구별되기 전에는 뚫린 곳도 형상도 없는 것으로, 나뉜 뒤에는 질서 있고 정돈된 것으로 이해됩니다. 하늘과 그 안의 별들은 이 물질로 이루어져 있으며, 땅과 땅에서 비롯되었다고 여기는 모든 것도 같은 구성의 기원을 가집니다. 모든 것이 공통된 기원을 갖는 셈입니다. 이러하면서도 물질에서 생겨난 것들에는 차이가 있어, 어떤 것은 더 아름답고, 어떤 것은 그 자체로 아름답지만 더 뛰어난 것보다 못합니다. 몸의 구성이 하나의 조직을 이루고, 그것이 생긴 원인도 몸에 관련되어 있듯이, 그런 가운데서도 몸 안에는 영예의 차이가 있습니다. 한 부분은 눈이고, 다른 부분은 귀이며, 또 다른 부분은 머리털의 장식이나 내장의 배치, 골수와 뼈와 힘줄의 결합입니다. 각 부분은 서로 다르지만 그 조직은 함께 어울려 조화를 이룹니다. 세계도 이와 같습니다. 만드신 분의 능력에 따라 더 빛나는 것들과 그와 다른 것들을 품고, 창조주의 뜻으로 물질적 영을 나누어 받았습니다. 지극히 신적인 설명을 허영 때문에 내치지 않는 사람은 그 각각을 이해할 수 있습니다. 그 설명은 시간이 흐르며 기록을 통해 입증되었고, 귀 기울이는 사람들을 하나님께 매우 사랑받는 이들로 만들었습니다. 그런데 여러분이 그 이름으로 부르는 악령들도 물질로 구성되고 그 물질에서 나온 영을 얻어, 방탕하고 탐욕스러워졌습니다. 그 가운데 어떤 것들은 더 순수한 쪽으로 향했고, 다른 것들은 물질의 더 낮은 부분을 택해 그에 맞게 살았습니다. 그리스인 여러분, 여러분은 이들을 숭배합니다. 물질에서 나와 올바른 질서에서 멀어진 자들입니다. 앞서 말한 이들은 어리석게 허영으로 기울고 고삐를 벗어나, 신성을 빼앗는 강도가 되려 했습니다. 그러나 만물의 주인은 세계가 끝나 해체될 때까지 그들이 제멋대로 즐기도록 두셨습니다. 그때 심판자가 오시고, 악령들의 반역 속에서도 완전한 하나님을 알기를 바란 모든 인간은 싸워 온 일로 심판 날에 더욱 온전한 증언을 받게 될 것입니다. 그러므로 광명들에도 영이 있고, 천사들에게도 영이 있으며, 식물과 물에도 영이 있고, 인간에게도 영이 있으며, 동물들에게도 영이 있습니다. 그 영은 하나이며 같은 것이지만, 그 안에 차이가 있습니다. 우리가 이렇게 말하는 것은 말재주나 그럴듯한 생각, 궤변가의 글솜씨에 기대서가 아닙니다. 우리는 더 신적인 말씀의 언어를 사용합니다. 배우려는 사람들은 서두르십시오. 스키타이인 아나카르시스를 배척하지 않는 여러분은 이제 이방의 율법을 따르는 이들에게 배우는 일도 수치로 여기지 마십시오. 우리의 가르침을 활용하십시오. 적어도 바빌로니아인의 예언술을 대하듯이라도 하십시오. 우리가 하는 말을 들으십시오. 적어도 신탁을 내리는 참나무의 말처럼이라도 들으십시오. 앞의 것들은 광기에 사로잡힌 악령들의 궤변이지만, 우리의 가르침은 세상의 이해보다 높습니다.

Δύο πνευμάτων διαφορὰς ἴσμεν ἡμεῖς, ὧν τὸ μὲν καλεῖται ψυχή, τὸ δὲ μεῖζον μὲν τῆς ψυχῆς θεοῦ δὲ εἰκὼν καὶ ὁμοίωσις· ἑκάτερα δὲ παρὰ τοῖς ἀνθρώποις τοῖς πρώτοις ὑπῆρχεν, ἵνα τὸ μέν τι ὦσιν ὑλικοί, τὸ δὲ ἀνώτεροι τῆς ὕλης. Ἔχει δὲ οὕτω. Πᾶσαν ἔστιν ἰδεῖν τοῦ κόσμου τὴν κατασκευήν, σύμπασάν τε τὴν ποίησιν, γεγονυῖαν ἐξ ὕλης, καὶ τὴν ὕλην δὲ αὐτὴν ὑπὸ τοῦ θεοῦ προβεβλημένην, ἵνα τὸ μέν τι αὐτῆς ἄπορον καὶ ἀσχημάτιστον νοῆται πρὸ τοῦ διάκρισιν λαβεῖν, τὸ δὲ κεκοσμημένον καὶ εὔτακτον μετὰ τὴν ἐν αὐτῇ διαίρεσιν. Ἔστιν οὖν ἐν αὐτῇ ὁ οὐρανὸς ἐξ ὕλης καὶ τὰ ἄστρα τὰ ἐν αὐτῷ· καὶ ἡ γῆ δὲ καὶ πᾶν τὸ ἀπ᾿ αὐτῆς νοούμενον τὴν ὁμοίαν ἔχει σύστασιν, ὡς εἶναι κοινὴν πάντων γένεσιν. Τούτων δὲ οὕτως ὑπαρχόντων, διαφοραί τινες τῶν ἐξ ὕλης εἰσίν, ὡς εἶναι τὸ μέν τι κάλλιον, τὸ δὲ καὶ αὐτὸ μὲν καλὸν πλὴν ὑπό τινος κρείττονος ἐλαττούμενον. Ὥσπερ γὰρ ἡ μὲν τοῦ σώματος σύστασις μιᾶς ἐστιν οἰκονομίας, περὶ δὲ αὐτό ἐστι τοῦ γεγενῆσθαι τὸ αἴτιον· καὶ τούτων οὕτως ὄντων, διαφοραί τινές εἰσι δόξης ἐν αὐτῷ, καὶ τὸ μὲν ὀφθαλμός τίς ἐστιν, τὸ δὲ οὖς, τὸ δὲ τριχῶν διακόσμησις καὶ ἐντοσθίων οἰκονομία, μυελῶν τε καὶ ὀστέων καὶ νεύρων σύμπηξις· θάτερον δὲ θατέρου ὂν διάφορον, κατ᾿ οἰκονομίαν συμφωνίας ἐστὶν ἁρμονία· παραπλησίως καὶ ὁ κόσμος, κατὰ τὴν τοῦ πεποιηκότος αὐτὸν δύναμιν τὰ μέν τοι φαιδρότερα, τὰ δέ τινα τούτοις ἀνόμοια κεκτημένος, θελήματι τοῦ δημιουργήσαντος πνεύματος μετείληφεν ὑλικοῦ. Τὰ δὲ καθ᾿ ἕκαστα δυνατὸν κατανοῆσαι τῷ μὴ κενοδόξως ἀποσκορακίζοντι τὰς θειοτάτας ἑρμηνείας, αἵ κατὰ χρόνου διὰ γραφῆς ἐξεληλεγμέναι πάνυ θεοφιλεῖς τοὺς προσέχοντας αὐταῖς πεποιήκασιν. Ὅμως δὲ οὖν καὶ οἱ δαίμονες (οὕς ὑμεῖς οὕτω φατέ), σύμπηξιν ἐξ ὕλης λαβόντες, κτησάμενοί τε πνεῦμα τὸ ἀπ᾿ αὐτῆς, ἄσωτοι καὶ λίχνοι γεγόνασιν, οἱ μέν τινες αὐτῶν ἐπὶ τὸ καθαρώτερον τραπέντες, οἱ δὲ τῆς ὕλης ἐπιλεξάμενοι τὸ ἔλαττον καὶ κατὰ τὸ ὅμοιον αὐτῇ πολιτευόμενοι. Τούτους δέ, ἄνδρες Ἕλληνες, προσκυνεῖτε, γεγονότας μὲν ἐξ ὕλης, μακρὰν δὲ τῆς εὐταξίας εὑρεθέντας. Οἱ γὰρ προειρημένοι, τῇ σφῶν ἀβελτηρίᾳ πρὸς τὸ κενοδοξεῖν τραπέντες καὶ ἀφηνιάσαντες, λῃσταὶ θεότητος γενέσθαι προεθυμήθησαν· ὁ δὲ τῶν ὅλων δεσπότης ἐντρυφᾶν αὐτοὺς εἴασε μέχρις ἂν ὁ κόσμος πέρας λαβὼν ἀναλυθῇ, καὶ ὁ δικαστὴς παραγένηται, καὶ πάντες οἱ ἄνθρωποι, διὰ τῆς τῶν δαιμόνων ἐπαναστάσεως ἐφιέμενοι τῆς τοῦ τελείου θεοῦ γνώσεως, τελειοτέραν διὰ τῶν ἀγώνων ἐν ἡμέρᾳ κρίσεως τὴν μαρτυρίαν λάβωσιν. Ἔστιν οὖν πνεῦμα ἐν φωστῆρσι, πνεῦμα ἐν ἀγγέλοις, πνεῦμα ἐν φυτοῖς καὶ ὕδασι, πνεῦμα ἐν ἀνθρώποις, πνεῦμα ἐν ζώοις· ἓν δὲ ὑπάρχον καὶ ταὐτὸν διαφορὰς ἐν αὐτῷ κέκτηται. Ταῦτα δὲ ἡμῶν λεγόντων οὐκ ἀπὸ γλώττης οὐδὲ ἀπὸ τῶν εἰκότων ἐννοιῶν, συντάξεώς τε σοφιστικῆς, θειοτέρας δέ τινος ἐκφωνήσεως λόγοις καταχρωμένων, οἱ βουλόμενοι μανθάνειν σπεύσατε. Καὶ οἱ τὸν Σκύθην Ἀνάχαρσιν μὴ ἀποσκορακίζοντες καὶ νῦν μὴ ἀναξιοπαθήσητε παρὰ τοῖς βαρβαρικῇ νομοθεσίᾳ παρακολουθοῦσι παιδεύεσθαι. Χρήσασθε τοῖς δόγμασιν ἡμῶν, κἂν ὡς τῇ κατὰ Βαβυλωνίους προγνωστικῇ· κατακούσατε λεγόντων ἡμῶν, κἂν ὡς δρυὸς μαντευομένης. Καὶ τὰ μὲν προειρημένα παραφόρων δαιμόνων ἐστὶν ἀντισοφιστεύματα, τὰ δὲ τῆς ἡμετέρας παιδείας ἐστὶν ἀνωτέρω τῆς κοσμικῆς καταλήψεως.

그리스인 여러분, 영혼은 그 자체로 불멸하는 것이 아니며, 죽을 수 있습니다. 그러나 바로 그 영혼이 죽지 않을 수도 있습니다. 진리를 알지 못하면 영혼은 몸과 함께 죽고 해체됩니다. 그러나 나중에 세계가 끝날 때 몸과 함께 다시 일어나, 불멸하는 가운데 형벌을 통한 죽음을 겪습니다. 반대로 하나님을 알게 된 영혼은 잠시 해체되더라도 죽지 않습니다. 영혼은 그 자체로는 어둠이며, 그 안에는 빛나는 것이 전혀 없습니다. 그러므로 다음 말씀이 바로 이것입니다. “어둠은 빛을 붙잡지 못한다.” 영혼이 스스로 영을 구한 것이 아니라 영에게 구원받았고, 빛이 어둠을 붙잡았습니다. 말씀은 하나님의 빛이며, 무지한 영혼은 어둠입니다. 이 때문에 영혼이 홀로 살면 아래의 물질로 기울어 육체와 함께 죽습니다. 그러나 하나님의 영과 결합하면 도움 없이 버려지지 않고, 영이 인도하는 곳으로 올라갑니다. 영의 거처는 위에 있고, 영혼은 아래에서 생겨났기 때문입니다. 처음부터 영은 영혼과 함께 살았으나, 영혼이 자신을 따르려 하지 않자 영이 떠났습니다. 영혼은 그 능력의 불씨 같은 것을 간직했지만, 이별 때문에 완전한 것들을 똑바로 볼 수 없었습니다. 그래서 하나님을 찾으면서도 길을 잃고 여러 신을 빚어냈으며, 궤변을 늘어놓는 악령들을 따랐습니다. 하나님의 영은 모든 사람에게 있는 것은 아닙니다. 그러나 의롭게 사는 몇몇 사람에게 머물며 그 영혼과 결합하여, 예고를 통해 다른 영혼들에게 감추어진 것을 알렸습니다. 지혜에 순종한 영혼들은 자신과 친밀한 영을 끌어당겼습니다. 반대로 순종하지 않고 고난받으신 하나님의 일꾼을 거절한 영혼들은 하나님을 섬기는 이들보다 하나님과 싸우는 이들로 드러났습니다.

Οὐκ ἔστιν ἀθάνατος, ἄνδρες Ἕλληνες, ἡ ψυχὴ καθ᾿ ἑαυτήν, θνητὴ δέ. Ἀλλὰ δύναται ἡ αὐτὴ καὶ μὴ ἀποθνήσκειν, Θνήσκει μὲν γὰρ καὶ λύεται μετὰ τοῦ σώματος μὴ γινώσκουσα τὴν ἀλήθειαν· ἀνίσταται δὲ εἰς ὕστερον ἐπὶ συντελείᾳ τοῦ κόσμου σὺν τῷ σώματι, θάνατον διὰ τιμωρίας ἐν ἀθανασίᾳ λαμβάνουσα. Πάλιν τε οὐ θνήσκει, κἂν πρὸς καιρὸν λυθῇ, τὴν ἐπίγνωσιν τοῦ θεοῦ πεποιημένη. Καθ᾿ ἑαυτὴν γὰρ σκότος ἐστίν, καὶ οὐδὲν ἐν αὐτῇ φωτεινόν. Καὶ τοῦτο ἔστιν ἄρα τὸ εἰρημένον· Ἡ σκοτία τὸ φῶς οὐ καταλαμβάνει. Ψυχὴ γὰρ οὐκ αὐτὴ τὸ πνεῦμα ἔσωσεν, ἐσώθη δὲ ὑπ᾿ αὐτοῦ, καὶ τὸ φῶς τὴν σκοτίαν κατέλαβεν. Ἦ λόγος μέν ἐστι τὸ τοῦ θεοῦ φῶς, σκότος δὲ ἡ ἀνεπιστήμων ψυχή. Διὰ τοῦτο μόνη μὲν διαιτωμένη πρὸς τὴν ὕλην νεύει κάτω, συναποθνήσκουσα τῇ σαρκί· συζυγίαν δὲ κεκτημένη τὴν τοῦ θείου πνεύματος οὐκ ἔστιν ἀβοήθητος, ἀνέρχεται δὲ πρὸς ἅπερ αὐτὴν ὁδηγεῖ χωρία τὸ πνεῦμα· τοῦ μὲν γάρ ἐστιν ἄνω τὸ οἰκητήριον, τῆς δὲ κάτωθέν ἐστιν ἡ γένεσις. Γέγονε μὲν οὖν συνδίαιτον ἀρχῆθεν τὸ πνεῦμα τῇ ψυχῇ· τὸ δὲ πνεῦμα ταύτην ἕπεσθαι μὴ βουλομένην αὐτῷ καταλέλοιπεν. Ἡ δὲ ὥσπερ ἔναυσμα τῆς δυνάμεως αὐτοῦ κεκτημένη, καὶ διὰ τὸν χωρισμὸν τὰ τέλεια καθορᾶν μὴ δυναμένη, ζητοῦσα τὸν θεὸν κατὰ πλάνην πολλοὺς θεοὺς ἀνετύπωσε, τοῖς ἀντισοφιστεύουσι δαίμοσι κατακολουθήσασα. Πνεῦμα δὲ τοῦ θεοῦ παρὰ πᾶσιν μὲν οὐκ ἔστι, παρὰ δέ τισι τοῖς δικαίως πολιτευομένοις καταγόμενον καὶ συμπλεκόμενον τῇ ψυχῇ διὰ προαγορεύσεων ταῖς λοιπαῖς ψυχαῖς τὸ κεκρυμμένον ἀνήγγειλε· καὶ αἱ μὲν πειθόμεναι σοφίᾳ σφίσιν αὐταῖς ἐφείλκοντο πνεῦμα συγγενές, αἱ δὲ μὴ πειθόμεναι καὶ τὸν διάκονον τοῦ πεπονθότος θεοῦ παραιτούμεναι θεομάχοι μᾶλλον ἤπερ θεοσεβεῖς ἀνεφαίνοντο.

그리스인 여러분, 여러분도 그런 사람들입니다. 말은 유창하지만 생각은 뒤틀렸으며, 한 분의 다스림보다 여러 지배자의 다스림을 익혔습니다. 악령들이 강력한 존재인 줄 알고 따랐던 것입니다. 잔인한 강도가 대담함으로 같은 부류의 사람들을 제압하듯, 악령들도 큰 악에 빠져들어 여러분 가운데 홀로 남은 영혼들을 무지와 환상으로 속였습니다. 악령들은 쉽게 죽지 않습니다. 육체가 없기 때문입니다. 그러나 살아서 죽음의 일을 행하며, 따르는 자들에게 죄를 가르칠 때마다 자신들도 그만큼 죽습니다. 그러므로 지금 그들의 특별한 점인, 인간처럼 죽지 않는다는 사실은 장차 형벌받을 때에도 그대로일 것입니다. 그들은 영원한 생명을 누리지 못하고, 죽는 대신 불멸의 상태를 받습니다. 지금 쉽게 죽는 우리도 장차 즐거운 불멸이나 불멸과 함께하는 고통을 받습니다. 마찬가지로 악령들도 지금의 삶을 악행에 써 버리고 살아 있는 내내 계속 죽어 가면서, 장차 같은 불멸을 갖게 될 것입니다. 그것은 지금까지 살아온 동안의 상태와 같고, 존재 방식에서는 악령들이 살아 있을 때 가르친 것을 제 뜻으로 행한 인간들의 상태와 같습니다. 인간은 오래 살지 못하기 때문에 죄의 모습도 적게 피어나지만, 앞서 말한 악령들은 삶이 끝없기에 악행이 더 커지지 않겠습니까?

Τοιοῦτοί τινές ἐστε καὶ ὑμεῖς, ὦ Ἕλληνες, ῥήμασι μὲν στωμύλοι, γνώμην δὲ ἔχοντες ἀλλόκοτον, καὶ τὴν πολυκοιρανίην μᾶλλον ἤπερ τὴν μοναρχίαν ἐξησκήσατε, καθάπερ ἰσχυροῖς νομίζοντες δαίμοσι κατακολουθεῖν. Ὥσπερ γὰρ ὁ λῃστεύων, ἀπάνθρωπος ὤν, διὰ τόλμης τῶν ὁμοίων ἐπικρατεῖν εἴωθεν, οὕτω καὶ οἱ δαίμονες, εἰς πολλὴν κακίαν ἐξοκείλαντες, τὰς μεμονωμένας παρ᾿ ὑμῖν ψυχὰς δι᾿ ἀγνοιῶν καὶ φαντασιῶν ἐξηπατήκασιν. Οἵ θνήσκουσι μὲν οὐ ῥᾳδίως, σαρκὸς γὰρ ἀμοιροῦσι· ζῶντες δὲ θανάτου πράττουσιν ἐπιτηδεύματα, τοσαυτάκις καὶ αὐτοὶ θνήσκοντες ὁσάκις ἂν τοὺς ἑπομένους αὐτοῖς τὰς ἁμαρτίας ἐκπαιδεύσωσιν. Ὥσθ᾿ ὅπερ ἐστὶν αὐτοῖς περιττὸν ἐν τῷ νῦν, μὴ ὁμοίως τοῖς ἀνθρώποις ἀποθνήσκειν, τοῦθ᾿ ὁπότ᾿ ἂν μέλλωσι κολάζεσθαι παρὸν αὐτοῖς· οὐ μεθέξουσιν ἀϊδίου ζωῆς, ἀντὶ θανάτου ἐν ἀθανάτῳ μεταλαμβάνοντες. Ὥσπερ δὲ ἡμεῖς, οἷς τὸ θνήσκειν ῥᾳδίως ἀποβαίνει νῦν, εἰς αὖθις μετὰ ἀπολαύσεως ἢ τὸ ἀθάνατον ἢ τὸ λυπηρὸν μετὰ ἀθανασίας προσλαμβάνομεν, οὕτω καὶ οἱ δαίμονες τῇ νῦν ζωῇ πρὸς τὸ πλημμελεῖν καταχρώμενοι, διὰ παντὸς καὶ διὰ τοῦ ζῆν ἀποθνήσκοντες, εἰς αὖθις ἕξουσιν τὴν αὐτὴν ἀθανασίαν, ὁμοίαν τῆς παρ᾿ ὃν ἔζων χρόνον, κατὰ δὲ τὴν σύστασιν ὁμοίαν ἀνθρώποις τοῖς κατὰ γνώμην διαπραξαμένοις ἅπερ αὐτοῖς παρ᾿ ὃν ἔζων χρόνον νενομοθετήκασι. Καὶ μήτι γε τοῖς μὲν ἀνθρώποις ἐλάττονα τῆς ἁμαρτίας ἐξανθοῦσι τὰ εἴδη διὰ τὸ μὴ πολυχρονίως βιοῦν, τοῖς δὲ προειρημένοις δαίμοσι τὸ πλημμελεῖν μειζόνως ἀποβέβηκε διὰ τὸ ἄπειρον τῆς βιότητος;

그러므로 우리는 한때 가졌으나 잃어버린 것을 이제 다시 찾아야 합니다. 영혼을 거룩한 영과 결합하고 하나님께 맞는 결합을 이루어야 합니다. 인간의 영혼은 하나의 단순한 부분이 아니라 여러 부분으로 되어 있습니다. 복합적이기에 몸을 통해 드러나는 것입니다. 영혼은 몸 없이 나타날 수 없으며, 육체도 영혼 없이 부활하지 않습니다. 인간은 까마귀처럼 떠드는 자들의 가르침대로 그저 이성과 지식을 받아들일 수 있는 이성적 동물에 그치지 않습니다. 그들의 설명대로라면 이성 없는 동물도 이성과 지식을 받아들일 수 있기 때문입니다. 오직 인간만이 하나님의 형상과 닮음입니다. 내가 인간이라고 하는 것은 동물처럼 행동하는 자가 아니라, 인간의 처지를 멀리 떠나 하나님 자신을 향해 나아간 자입니다. 나는 이 문제를 『동물에 관하여』에서 더 자세히 썼습니다. 지금 중요한 것은 하나님의 형상과 닮음이 어떤 것인지 말하는 일입니다. 어떤 것과도 비교할 수 없는 것은 존재 자체이며, 비교되는 것은 그것을 닮은 것입니다. 완전한 하나님은 육체가 없으나, 인간은 육체입니다. 영혼은 육체를 묶어 주고, 육체는 영혼을 붙들어 줍니다. 이런 구성이 성전과 같다면, 하나님은 자신을 대변하는 영을 통해 그 안에 거하시기를 원하십니다. 그러나 그 거처가 그렇지 않으면, 인간은 또렷한 말을 한다는 점에서만 짐승보다 나으며, 나머지 삶은 짐승과 똑같아서 하나님의 닮음이 아닙니다. 모든 악령은 육체를 지니지 않고, 그 구성이 영적입니다. 불과 같고 공기와 같습니다. 하나님의 영으로 보호받는 사람들에게만 악령의 몸도 뚜렷이 보입니다. 다른 이들에게는 전혀 보이지 않습니다. 곧 영혼에만 속한 사람들을 말합니다. 낮은 것은 더 높은 것을 파악할 능력이 없기 때문입니다. 바로 이 때문에 악령의 존재에는 회개의 여지가 없습니다. 그들은 물질과 악의 발산이기 때문입니다. 물질은 영혼을 지배하려 했습니다. 악령들은 자유로운 선택으로 인간에게 죽음의 법을 전했으나, 인간은 불멸을 잃은 뒤 믿음으로 죽는 일을 통해 죽음을 이겼습니다. 회개를 통한 부르심이 그들에게 주어졌습니다. 다음 말씀이 말한 대로입니다. “그들은 천사들보다 조금 낮아졌기 때문이다.” 패한 사람은 누구나 다시 이길 수 있습니다. 죽음을 이루는 것을 버리면 됩니다. 그것이 무엇인지는 불멸을 바라는 사람들에게 분명해질 것입니다.

Καὶ χρὴ λοιπὸν ἡμᾶς ὅπερ ἔχοντες ἀπολωλέκαμεν τοῦτο νῦν ἀναζητεῖν, ζευγνῦναί τε τὴν ψυχὴν τῷ πνεύματι τῷ ἁγίῳ καὶ τὴν κατὰ θεὸν συζυγίαν πραγματεύεσθαι. Ψυχὴ μὲν οὖν ἡ τῶν ἀνθρώπων πολυμερής ἐστι καὶ οὐ μονομερής· συνθετὴ γάρ ἐστιν, ὡς εἶναι φανερὰν αὐτὴν διὰ σώματος· οὔτε γὰρ ἂν αὐτὴ φανείη ποτὲ χωρὶς σώματος, οὔτε ἀνίσταται ἡ σὰρξ χωρὶς ψυχῆς. Ἔστι γὰρ ἄνθρωπος οὐχ, ὥσπερ οἱ κορακόφωνοι δογματίζουσιν, ζῶον λογικόν, νοῦ καὶ ἐπιστήμης δεκτικόν· δειχθήσεται γὰρ κατ᾿ αὐτοὺς καὶ τὰ ἄλογα νοῦ καὶ ἐπιστήμης δεκτικά. Μόνος δὲ ἄνθρωπος εἰκὼν καὶ ὁμοίωσις τοῦ θεοῦ· λέγω δὲ ἄνθρωπον οὐχὶ τὸν ὅμοια τοῖς ζώοις πράττοντα, ἀλλὰ τὸν πόῤῥω μὲν ἀνθρωπότητος πρὸς αὐτὸν δὲ τὸν θεὸν κεχωρηκότα. Καὶ περὶ μὲν τούτου ἐν τῷ περὶ ζώων ἀκριβέστερον ἡμῖν συντέτακται. Τὸ δὲ νῦν συνέχον ῥητέον ποταπή τίς ἐστιν ἡ κατὰ θεὸν εἰκὼν καὶ ὁμοίωσις. Τὸ μὲν ἀσύγκριτον οὐδέν ἐστιν ἕτερον ἢ αὐτὸ τὸ ὄν· τὸ δὲ συγκρινόμενον οὔτι ἕτερον ἢ αὐτὸ τὸ παρόμοιον. Ἄσαρκος μὲν οὖν ὁ τέλειος θεός, ἄνθρωπος δὲ σάρξ· δεσμὸς δὲ τῆς σαρκὸς ψυχή, σχετικὴ δὲ τῆς ψυχῆς ἡ σάρξ. Τὸ δὲ τοιοῦτον τῆς συστάσεως εἶδος εἰ μὲν ὡς ναὸς ᾖ, κατοικεῖν ἐν αὐτῷ βούλεται θεὸς διὰ τοῦ πρεσβεύοντος πνεύματος· τοιούτου δὲ μὴ ὄντος τοῦ σκηνώματος, προὔχει τῶν θηρίων ὁ ἄνθρωπος κατὰ τὴν ἔναρθρον φωνὴν μόνον, τὰ δὲ λοιπὰ τῆς αὐτῆς ἐκείνοις διαίτης ἐστίν, οὐκ ὢν ὁμοίωσις τοῦ θεοῦ. Δαίμονες δὲ πάντες σαρκίον μὲν οὐ κέκτηνται, πνευματικὴ δέ ἐστιν αὐτοῖς ἡ σύμπηξις, ὡς πυρός, ὡς ἀέρος. Μόνοις δὲ τοῖς πνεύματι θεοῦ φρουρουμένοις εὐσύνοπτα καὶ τὰ τῶν δαιμόνων ἐστὶ σώματα, τοῖς λοιποῖς δὲ οὐδαμοῦ, λέγω δὲ τοῖς ψυχικοῖς. Τὸ γὰρ ἔλαττον κατάληψιν οὐχ ἰσχύει ποιεῖσθαι τοῦ κρείττονος. Διὰ τοῦτο γοῦν ἡ τῶν δαιμόνων ὑπόστασις οὐκ ἔχει μετανοίας τόπον. Τῆς γὰρ ὕλης καὶ τῆς πονηρίας εἰσὶν ἀπαυγάσματα. Ὕλη δὲ τῆς ψυχῆς κατεξουσιάζειν ἠθέλησεν· καὶ κατὰ τὸ αὐτεξούσιον οἱ μὲν θανάτου νόμους τοῖς ἀνθρώποις παραδεδώκασιν· οἱ δὲ ἄνθρωποι μετὰ τὴν τῆς ἀθανασίας ἀποβολὴν θανάτῳ τῷ διὰ πίστεως τὸν θάνατον νενικήκασι, καὶ διὰ μετανοίας κλῆσις αὐτοῖς δεδώρηται κατὰ τὸν εἰπόντα λόγον· Ἐπειδὴ βραχύ τι παρὰ ἀγγέλους ἠλαττώθησαν. Δυνατὸν δὲ παντὶ τῷ νενικημένῳ πάλιν νικᾶν, τοῦ θανάτου τὴν σύστασιν παραιτουμένῳ. Τίς δέ ἐστιν αὕτη, εὐσύνοπτον ἔσται τοῖς βουλομένοις ἀνθρώποις τὸ ἀθάνατον.

인간들에게 명령하는 악령들은 인간의 영혼이 아닙니다. 어떻게 영혼들이 죽은 뒤에도 활동할 수 있겠습니까? 인간은 살아 있을 때에는 무지하고 무력하다가, 죽은 뒤에야 더 강하게 활동하는 힘을 얻는다고 믿어야 한다는 말입니까? 사정은 그렇지 않습니다. 우리는 다른 곳에서도 이를 설명했습니다. 불멸한다는 영혼이 몸의 지체에 방해받다가 몸을 떠나면 더 지혜로워진다고 생각하는 것도 곤란합니다. 악령들은 악의로 인간들을 광란에 빠뜨리고, 온갖 거짓 연극으로 이미 아래로 기운 생각을 더욱 빗나가게 하여, 하늘로 향하는 길을 따라 올라갈 수 없게 만듭니다. 그러나 우리는 세상일을 모르지 않으며, 영혼을 불멸하게 하는 능력이 우리에게 왔기에 신적인 것을 쉽게 파악합니다. 영혼에만 속한 사람들도 때로 악령들을 봅니다. 악령들이 인간에게 자신을 드러내기 때문입니다. 자기들을 대단한 존재로 여기게 하거나, 악한 마음을 품은 벗이 원수처럼 해를 끼치듯 해치거나, 자기들과 비슷한 자들에게 자신들을 공경할 계기를 주려고 그러는 것입니다. 그들에게 능력이 있었다면, 하늘과 나머지 피조물 전체를 틀림없이 끌어내렸을 것입니다. 그러나 지금 그렇게 하지 못합니다. 힘이 없기 때문입니다. 그들은 아래의 물질로 자기들과 비슷한 물질에 맞서 싸웁니다. 누구든 그들을 이기려 한다면 물질을 버리십시오. 하늘의 영이라는 흉갑으로 무장하면 그 보호 안에 있는 모든 것을 구할 수 있을 것입니다. 우리 안의 물질에는 질병과 혼란이 생깁니다. 이런 일이 일어나면 악령들은 그 원인을 자기들의 힘으로 돌리며, 병이 덮칠 때 다가옵니다. 때로는 자기 어리석음의 폭풍으로 몸의 상태를 직접 뒤흔들기도 합니다. 그들은 하나님의 능력의 말씀에 맞으면 두려워 달아나고, 앓던 사람이 낫습니다.

Δαίμονες δὲ οἱ τοῖς ἀνθρώποις ἐπιτάττοντες οὔκ εἰσιν αἱ τῶν ἀνθρώπων ψυχαί. Πῶς γὰρ ἂν γένοιντο δραστικαὶ καὶ μετὰ τὸ ἀποθανεῖν, χωρὶς εἰ μὴ ζῶν μὲν ὁ ἄνθρωπος ἀνόητος καὶ ἀδύνατος γένοιτο, νεκρὸς δὲ γενόμενος λοιπὸν δραστικωτέρας πιστεύοιτο μεταλαμβάνειν δυνάμεως; Ἀλλ᾿ οὔτε τοῦθ᾿ οὕτως ἐστίν, ὡς ἐν ἄλλοις ἀπεδείξαμεν. Καὶ χαλεπὸν οἴεσθαι τὴν ἀθάνατον, ὑπὸ τῶν τοῦ σώματος μερῶν ἐμποδιζομένην, φρονιμωτέραν, ἐπειδὰν ἀπ᾿ αὐτοῦ μεταναστῇ, γίνεσθαι. Δαίμονες γάρ, τῇ σφῶν κακοηθείᾳ τοῖς ἀνθρώποις ἐκβακχεύοντες, ποικίλαις καὶ ἐψευσμέναις δραματουργίαις τὰς γνώμας αὐτῶν παρατρέπουσι κάτω νενευκυίας, ὅπως μεταρσιοῦσθαι πρὸς τὴν ἐν οὐρανοῖς πορείαν ἐξαδυνατῶσιν. Ἀλλ᾿ οὔτε ἡμᾶς τὰ ἐν κόσμῳ λέληθε, καὶ ἡμῖν εὐκατάληπτον τὸ θεῖον τῆς ἀπαθανατιζούσης τὰς ψυχὰς δυνάμεως ἡμῖν προσελθούσης. Βλέπονται δὲ καὶ ὑπὸ τῶν ψυχικῶν οἱ δαίμονες, ἐσθ᾿ ὅτε τοῖς ἀνθρώποις ἑαυτοὺς ἐκείνων δεικνύντων, ἵνα τε νομισθῶσιν εἶναί τινες, ἢ καί τι βλάψωσι καθάπερ πολεμίους φίλοι κακοὶ τὴν γνώμην ὑπάρχοντες, ἢ τιμῆς εἰς αὐτοὺς τοῖς ὁμοίοις αὐτοῖς τὰς ἀφορμὰς παράσχωσιν. Εἰ γὰρ δυνατὸν αὐτοῖς, πάντως ἂν καὶ τὸν οὐρανὸν σὺν ἅμα τῇ λοιπῇ ποιήσει καθείλκυσαν. Νῦν δὲ τοῦτο μὲν πράττουσιν οὐδαμῶς· ἀδυνατοῦσι γάρ· ὕλῃ δὲ τῇ κάτω πρὸς τὴν ὁμοίαν αὐτοῖς ὕλην πολεμοῦσι. Τούτους δὲ νικᾶν ἄν τις θελήσῃ, τὴν ὕλην παραιτησάσθω. Θώρακι γὰρ πνεύματος ἐπουρανίου καθωπλισμένος πᾶν τὸ ὑπ᾿ αὐτοῦ περιεχόμενον σῶσαι δυνατὸς ἔσται. Εἰσὶ μὲν οὖν καὶ νόσοι καὶ στάσεις τῆς ἐν ἡμῖν ὕλης· δαίμονες δὲ αὐτοὶ τούτων τὰς αἰτίας, ἐπειδὰν συμβαίνουσιν, ἑαυτοῖς προσγράφουσιν, ἐπιόντες ὁπόταν καταλαμβάνῃ κάματος. Ἔστι δὲ ὅτε καὶ αὐτοὶ χειμῶνι τῆς σφῶν ἀβελτηρίας κραδαίνουσι τὴν ἕξιν τοῦ σώματος· οἳ λόγῳ θεοῦ δυνάμεως πληττόμενοι δεδιότες ἀπίασι, καὶ ὁ κάμνων θεραπεύεται.

데모크리토스가 말하는 사물의 친화력과 반발력에 대해 무엇을 더 말하겠습니까? 흔히 하는 말대로 아브데라 출신인 그는 아브데라식 헛소리를 한다고 할 수밖에 없습니다. 그 도시 이름의 유래가 되었다는 헤라클레스의 벗이 디오메데스의 말들에게 먹혔듯이, 마술사 오스타네스를 자랑하는 그도 마지막 날에 영원한 불의 먹이로 넘겨질 것입니다. 여러분도 비웃기를 멈추지 않으면 그 마술사들과 같은 형벌을 받을 것입니다. 그러므로 그리스인 여러분, 높은 곳에서 외치듯 말하는 내 말을 들으십시오. 조롱하면서 자신의 어리석음을 진리의 선포자에게 뒤집어씌우지 마십시오. 고통은 반발력으로 사라지지 않고, 미친 사람도 가죽 조각을 매달아 낫지 않습니다. 그것은 악령들이 찾아오는 일입니다. 병든 사람과 사랑에 빠졌다는 사람, 누군가를 미워하거나 복수하려는 사람들은 이들을 조력자로 삼습니다. 그들의 술책은 이렇습니다. 글자의 모양이나 그것으로 이루어진 문장은 그 자체의 힘으로 적힌 내용을 뜻하는 것이 아닙니다. 사람들이 생각의 기호를 만들어 놓고, 그 결합 방식에 따라 글자의 배열에 어떤 규칙이 정해졌는지 아는 것입니다. 마찬가지로 여러 뿌리와 힘줄이나 뼈를 사용하는 일도 그 자체로 어떤 작용을 하는 것이 아닙니다. 그것들은 악령의 악행을 위한 기호 체계이며, 악령들이 각각의 효력을 정해 놓았습니다. 인간들이 그것들을 통한 봉사를 받아들이는 것을 보면, 그들을 붙잡아 자기들의 종으로 만듭니다. 간음을 돕는 일이 어떻게 선하겠습니까? 누군가를 미워하려고 찾아오는 사람을 돕는 것이 어떻게 훌륭하겠습니까? 미친 사람에게 주어진 도움을 하나님께 돌리지 않고 물질에 돌리는 것이 어떻게 옳겠습니까? 그들은 술책으로 사람들을 하나님을 섬기는 데서 벗어나게 하여 풀과 뿌리를 믿게 합니다. 하나님이 인간들이 원하는 그런 일을 하도록 그것들을 만드셨다면, 그분이 악한 일의 창조주가 되었을 것입니다. 그러나 그분은 온갖 좋은 것을 만드셨으며, 악령들의 방탕함이 세상에 있는 것들을 악행에 이용했습니다. 이런 악은 그들에게 속하며 완전하신 분께 속하지 않습니다. 살아 있는 내가 거의 악하지 않다면, 죽은 뒤에 내게서 남은 것이, 내가 아무것도 하지 않는데도, 움직이지도 느끼지도 못하는 그것이 어떻게 감각할 수 있는 작용을 하겠습니까? 가장 비참한 죽음을 당한 사람이 어떻게 누군가를 벌하는 데 쓰이겠습니까? 그럴 수 있다면 오히려 먼저 자신의 원수에게 스스로 복수했을 것입니다. 다른 이들을 도울 능력이 있다면 자신을 위해서는 더욱 복수자가 될 것이기 때문입니다.

Περὶ γὰρ τῶν κατὰ τὸν Δημόκριτον συμπαθειῶν τε καὶ ἀντιπαθειῶν τί καὶ λέγειν ἔχομεν, ἢ τοῦθ᾿ ὅτι κατὰ τὸν κοινὸν λόγον ἀβδηρολόγος ἐστὶν ὁ ἀπὸ τῶν Ἀβδήρων ἄνθρωπος; Ὥσπερ δὲ ὁ τῇ πόλει τῆς προσηγορίας αἴτιος, φίλος ὢν Ἡρακλέους ὥς φασιν, ὑπὸ τῶν Διομήδους ἵππων κατεβρώθη, τρόπῳ τῷ αὐτῷ καὶ ὁ τὸν μάγον Ὀστάνην καυχώμενος ἐν ἡμέρᾳ συντελείας πυρὸς αἰωνίου βορᾷ παραδοθήσεται. Καὶ ὑμεῖς δέ, τοῦ γέλωτος ἢν μὴ ἀποπαύσησθε, τῶν αὐτῶν ὧνπερ καὶ οἱ γόητες τιμωριῶν ἀπολαύσετε. Διόπερ, ὦ Ἕλληνες, κεκραγότος ὥσπερ ἀπὸ τοῦ μετεώρου κατακούσατέ μου, μηδὲ ἐπιτωθάζοντες τὴν ὑμετέραν ἀλογιστίαν ἐπὶ τὸν κήρυκα τῆς ἀληθείας μετάγετε. Πάθος οὐκ ἔστι δι᾿ ἀντιπαθείας ἀπολλύμενον, οὐδὲ ὁ μεμηνὼς σκυτίδων ἐξαρτήμασι θεραπεύεται. Δαιμόνων εἰσὶν ἐπιφοιτήσεις· καὶ ὁ νοσῶν καὶ ὁ λέγων ἐρᾶν, καὶ ὁ μισῶν καὶ ὁ βουλόμενος ἀμύνεσθαι, τούτους λαμβάνουσι βοηθούς. Τρόπος δὲ αὐτοῖς τῆς μηχανῆς οὗτος. Ὥσπερ γὰρ οἱ τῶν γραμμάτων χαρακτῆρες, στίχοι τε οἱ ἀπ᾿ αὐτῶν, οὐ καθ᾿ ἑαυτούς εἰσι δυνατοὶ σημαίνειν τὸ συνταττόμενον, σημεῖα δὲ τῶν ἐννοιῶν σφίσιν ἄνθρωποι δεδημιουργήκασι, παρὰ τὴν ποιὰν αὐτῶν σύνθεσιν γινώσκοντες ὅπως καὶ ἡ τάξις τῶν γραμμάτων ἔχειν νενομοθέτηται, παραπλησίως καὶ τῶν ῥιζῶν αἱ ποικιλίαι, νευρῶν τε καὶ ὀστέων παραλήψεις, οὐκ αὐταὶ καθ᾿ ἑαυτὰς δραστικαί τινές εἰσι, στοιχείωσις δέ ἐστι τῆς τῶν δαιμόνων μοχθηρίας, οἳ πρὸς ἅπερ ἕκαστον αὐτῶν ἰσχύει ὡρίκασιν. Ἐπεὶ δ᾿ ἂν παρειλημμένην ὑπὸ τῶν ἀνθρώπων θεάσωνται τὴν δι᾿ αὐτῶν ὑπηρεσίαν, λαμβάνοντες σφίσιν αὐτοῖς δουλεύειν τοὺς ἀνθρώπους ἀπεργάζονται. Πῶς δ᾿ ἂν ἀγαθὸν μοιχείαις ὑπηρετεῖν; Πῶς δὲ καὶ σπουδαῖον πρὸς τὸ μισεῖν τινας παριόντας βοηθεῖν; Ἢ πῶς ὕλῃ καλὸν προσανάπτειν τὴν εἰς τοὺς μεμηνότας βοήθειαν καὶ μὴ τῷ θεῷ; Τέχνῃ γὰρ τῆς θεοσεβείας τοὺς ἀνθρώπους παρατρέπουσιν, πόαις αὐτοὺς καὶ ῥίζαις πείθεσθαι παρασκευάζοντες. Ὁ δὲ θεός, εἴπερ αὐτὰ πρὸς τὸ ποιεῖν ἅπερ οἱ ἄνθρωποι βούλονται κατεσκευάκει, πονηρῶν ἂν ἦν πραγμάτων δημιουργός· ἐπεὶ αὐτὸς μὲν πᾶν τὸ εὖ πως ἔχον ἐδημιούργησεν, ἡ δὲ τῶν δαιμόνων ἀσωτία τοῖς ἐν τῷ κόσμῳ πρὸς τὸ κακοποιεῖν ἐχρήσατο, καὶ τούτων ἐστὶ τῆς κακίας εἶδος καὶ οὐχὶ τοῦ τελείου. Πῶς γὰρ ζῶν μὲν ἥκιστα μοχθηρὸς εἴην, νεκροῦ δὲ ὄντος μου λείψανον τὸ ἐν ἐμοί, μηδὲν ἐμοῦ πράττοντος, τὸ μήτε κινούμενον ἀλλὰ μήτε αἰσθανόμενον, αἰσθητόν τι ἀπεργάσεται; Πῶς δὲ ὁ τεθνεὼς οἰκτίστῳ θανάτῳ δυνήσεται πρὸς τιμωρίαν τινὸς ἐξυπηρετῆσαι; Τοῦτο γὰρ εἰ οὕτως εἴη, πολλῷ μᾶλλον ἀφ᾿ ἑαυτοῦ τὸν οἰκεῖον ἐχθρὸν ἀμύνηται· δυνάμενος γὰρ καὶ ἄλλοις βοηθεῖν ἔκδικος πολλῷ μᾶλλον ἑαυτοῦ καταστήσεται.

약물을 사용하는 일과 그 모든 방식도 같은 술책에 속합니다. 물질을 믿어 치료받는 사람이 있다면, 하나님의 능력에 의지할 때 더욱 치료받을 것입니다. 독약이 물질의 혼합물이듯, 치료약도 같은 바탕으로 되어 있습니다. 우리가 더 나쁜 물질을 피하려 하지만, 어떤 사람들은 한 가지 해로운 것에 또 다른 해로운 것을 섞어 치료하려 합니다. 그들은 좋은 결과를 위해 나쁜 것들을 사용하는 셈입니다. 강도와 함께 식사한 사람은, 자신이 강도가 아니더라도 함께 먹었다는 이유로 형벌을 함께 받습니다. 마찬가지로 악인이 아니더라도 악한 것과 섞여 좋다고 여기는 일을 위해 그것을 사용한 사람은, 그것과 관계를 맺은 일 때문에 심판하시는 하나님께 벌을 받을 것입니다. 물질의 배합을 믿는 사람은 왜 하나님을 믿으려 하지 않습니까? 왜 더 강하신 주인께 나아가지 않고, 개가 풀로 자신을 치료하듯, 사슴이 독사로, 돼지가 강의 게로, 사자가 원숭이로 자신을 치료하듯 하려 합니까? 왜 세상에 있는 것을 신으로 만듭니까? 왜 이웃을 치료하면서 은인이라는 이름을 얻으려 합니까? 말씀의 능력을 따르십시오. 악령들은 치료하지 않습니다. 술책으로 사람들을 사로잡습니다. 지극히 훌륭한 유스티노스는 앞서 말한 자들이 강도와 같다고 바르게 말했습니다. 강도들이 사람을 산 채로 붙잡았다가 몸값을 받고 가족에게 돌려보내듯이, 신이라 불리는 자들도 사람의 몸에 찾아들어 꿈을 통해 자기들의 명성을 꾀하고, 그 사람들에게 공개된 자리로 나오라고 명령합니다. 모두가 보는 앞에서 세상의 것을 받아 누린 뒤에는 병자에게서 날아가, 자신들이 만든 병을 끝내고 그 사람들을 본래 상태로 돌려놓습니다.

Φαρμακεία δὲ καὶ πᾶν τὸ ἐν αὐτῇ εἶδος τῆς αὐτῆς ἐστιν ἐπιτεχνήσεως. Εἰ γάρ τις ὑπὸ τῆς ὕλης θεραπεύεται, πιστεύων αὐτῇ, θεραπευθήσεται μᾶλλον αὐτὸς δυνάμει θεοῦ προσανέχων. Ὥσπερ γὰρ τὰ δηλητήρια συνθέσεις εἰσὶν ὑλικαί, τὸν αὐτὸν τρόπον καὶ τὰ ἰώμενα τῆς αὐτῆς ὑποστάσεως ἐστίν. Εἰ δὲ τὴν φαυλοτέραν ὕλην παραιτούμεθα, πολλάκις καὶ διὰ τῆς ἐφ᾿ ἕτερον τῶν κακῶν τινος ἐπιπλοκῆς ἰάσασθαί τινες ἐπιτηδεύουσι, καὶ τοῖς κακοῖς ἂν πρὸς τὸ ἀγαθὸν καταχρήσονται. Καθάπερ δὲ τῷ λῃστεύοντι συνδειπνήσας, κἂν μὴ λῃστὴς αὐτὸς ᾖ, ἀλλ᾿ ὅμως διὰ τὸ συνεστιαθῆναι τιμωρίας μεταλαμβάνει, τρόπῳ τῷ αὐτῷ ὁ μὴ κακός, τῷ δὲ φαύλῳ ἀναμιγείς, πρὸς τὸ νομιζόμενον καλὸν συγχρησάμενος, διὰ τὴν εἰς αὐτὸ κοινωνίαν ὑπὸ τοῦ κρίνοντος θεοῦ κολασθήσεται. Διὰ τί γὰρ ὁ πιστεύων ὕλης οἰκονομίᾳ πιστεύειν οὐ βούλεται τῷ θεῷ; Τίνος δὲ χάριν οὐ τῷ δυνατωτέρῳ προσέρχῃ δεσπότῃ, θεραπεύεις δὲ μᾶλλον αὐτὸν ὥσπερ ὁ μὲν κύων διὰ πόας, ὁ δὲ ἔλαφος δι᾿ ἐχίδνης, ὁ δὲ σῦς διὰ τῶν ἐν ποταμοῖς καρκίνων, ὁ δὲ λέων διὰ τῶν πιθήκων; Τί δέ μοι θεοποιεῖς τὰ ἐν κόσμῳ; Τί δὲ θεραπεύων τὸν πλησίον εὐεργέτης ἀποκαλῇ; Λόγου δυνάμει κατακολούθησον. Οὐ θεραπεύουσι δαίμονες, τέχνῃ δὲ τοὺς ἀνθρώπους αἰχμαλωτεύουσι· καὶ ὁ θαυμασιώτατος Ἰουστῖνος ὀρθῶς ἐξεφώνησεν ἐοικέναι τοὺς προειρημένους λῃσταῖς. Ὥσπερ γὰρ ἐκείνοις ἔθος ἐστὶ ζωχρεῖν τινας, εἶτα τοὺς αὐτοὺς μισθοῦ τοῖς οἰκείοις ἀποκαθιστᾶν, οὕτω καὶ οἱ νομιζόμενοι θεοὶ τοῖς τινων ἐπιφοιτῶντες μέλεσιν, ἔπειτα δι᾿ ὀνείρων τὴν εἰς αὐτοὺς πραγματευόμενοι δόξαν, δημοσίᾳ τε τοὺς τοιούτους προϊέναι κελεύσαντες, πάντων ὁρώντων, ἐπειδὰν τῶν ἐγκοσμίων ἀπολαύσωσιν, ἀποπτάμενοι τῶν καμνόντων, ἣν ἐπραγματεύσαντο νόσον περιγράφοντες, τοὺς ἀνθρώπους εἰς τὸ ἀρχαῖον· ἀποκαθιστῶσιν.

이 일을 알지 못하는 여러분은 아는 우리에게 배우십시오. 여러분도 죽음을 두려워하지 않고 자족을 훈련한다고 말합니다. 그러나 여러분의 철학자들은 그 훈련에서 너무나 멀리 떨어져 있어, 어떤 이들은 아무 쓸모도 없이 로마 황제에게 해마다 금화 600개를 받습니다. 수염을 기르고 있는 일조차 공짜로 하지 않으려는 것입니다. 큰 도시에 둥지를 튼 크레스켄스는 소년을 향한 욕망에서 누구보다 앞섰고, 돈을 탐하는 데에도 몹시 열심이었습니다. 죽음을 경멸한다던 그는 정작 죽음을 너무 두려워하여, 유스티노스와 나를 죽음이라는 해악에 몰아넣으려고 꾀했습니다. 유스티노스가 진리를 선포하면서 철학자들이 탐욕스럽고 기만적임을 폭로했기 때문입니다. 그러나 그는 철학자들 가운데 여러분과 같은 사람들 외에 누구를 공격하겠습니까? 죽음을 두려워할 필요가 없다고 말한다면, 우리의 가르침에 동참하여 아낙사르코스처럼 인간적인 명예욕 때문에 죽지 말고, 하나님을 알기 때문에 죽음을 두려워하지 않는 사람이 되십시오. 세계의 구조는 아름다우나, 그 안에서 이루어지는 삶은 악합니다. 하나님을 모르는 사람들이 축제의 배우처럼 연기하는 모습을 볼 수 있습니다. 점술이 무엇입니까? 왜 거기에 속았습니까? 그것은 그대가 세상에서 더 가지려는 욕심을 섬깁니다. 전쟁을 원하면 아폴론을 살인의 조언자로 삼습니다. 소녀를 납치하고 싶으면 그 악령이 함께 싸워 주기를 바랍니다. 자기 탓으로 병들고서도, 아가멤논이 열 명의 조언자를 바라듯 신들이 자기 곁에 있기를 바랍니다. 어떤 여인은 물을 마시고 미쳐 날뛰며 향 때문에 정신을 잃는데, 여러분은 그런 여인이 예언한다고 합니다. 앞일을 알며 예언자들을 가르친다는 아폴론은 다프네의 일에서 자기 자신에게도 거짓말쟁이가 되었습니다. 말해 보십시오. 참나무가 예언하고 새들도 앞일을 말하는데, 여러분은 동물과 식물보다 못하다는 것입니까? 그렇다면 예언하는 나무가 되고 하늘을 나는 새의 능력을 얻는 편이 낫겠습니다. 여러분을 돈에 집착하게 하는 바로 그자가 부자가 될 일을 예언해 줍니다. 분쟁과 전투를 일으키는 자가 전쟁에서 이길 일도 예고합니다. 격정을 이겨 내면 세상에 있는 모든 것을 대수롭지 않게 여길 것입니다. 우리가 그런 사람이라고 미워하지 말고, 악령들을 버리고 오직 하나님을 따르십시오. 모든 것이 그분에 의해 생겼으며 그분 없이 생긴 것은 하나도 없습니다. 자라는 것들 가운데 독이 있다면, 그것은 우리의 죄 때문에 일어난 일입니다. 나는 그 모습을 설명할 수 있습니다. 여러분은 듣기만 하십시오. 믿는 사람은 알게 될 것입니다.

Ὑμεῖς δὲ τούτων οὐκ ἔχοντες τὴν κατάληψιν παρ᾿ ἡμῶν τῶν εἰδότων ἐκπαιδεύεσθε, λέγοντες θανάτου καταφρονεῖν καὶ τὴν αὐτάρκειαν ἀσκεῖν. Οἱ γὰρ παρ᾿ ὑμῖν φιλόσοφοι τοσοῦτον ἀποδέουσι τῆς ἀσκήσεως, ὥστε παρὰ τοῦ Ῥωμαίων βασιλέως ἐτησίους χρυσοῦς ἑξακοσίους λαμβάνειν τινὰς εἰς οὐδὲν χρήσιμον, ὅπως μηδὲ τὸ γένειον δωρεὰν καθειμένον αὐτῶν ἔχωσι. Κρίσκης οὖν, ὁ ἐννεοττεύσας τῇ μεγάλῃ πόλει, παιδεραστίᾳ μὲν πάντας ὑπερήνεγκεν, φιλαργυρίᾳ δὲ πάνυ προσεχὴς ἦν. Θανάτου δὲ ὁ καταφρονῶν οὕτως αὐτὸν ἐδεδίει τὸν θάνατον, ὡς καὶ Ἰουστῖνον, καθάπερ καὶ ἐμέ, ὡς κακῷ τῷ θανάτῳ περιβαλεῖν πραγματεύσασθαι, διότι κηρύττων την ἀλήθειαν λίχνους καὶ ἀπατεῶνας τοὺς φιλοσόφους συνήλεγχεν. Τίνας δὲ ἂν καὶ διῶξαι τῶν φιλοσόφων εἰ μὴ μόνους ὑμᾶς εἴωθεν; Εἴ φατε μὴ δεῖν δεδιέναι τὸν θάνατον, κοινωνοῦντες ἡμῶν τοῖς δόγμασι, μὴ διὰ τὴν ἀνθρωπίνην δοξομανίαν, ὡς Ἀνάξαρχος, ἀποθνήσκετε, χάριν δὲ τῆς τοῦ θεοῦ γνώσεως τοῦ θανάτου καταφρονηταὶ γένεσθε. Κόσμου μὲν γὰρ ἡ κατασκευὴ καλή, τὸ δὲ ἐν αὐτῷ πολίτευμα φαῦλον· καὶ καθάπερ ἐν πανηγύρει θεατροκοπουμένους ἔνεστιν ἰδεῖν τοὺς οὐκ εἰδότας τὸν θεόν. Τί γὰρ ἐστι μαντική; Τί δὲ ὑπ᾿ αὐτῆς πεπλάνησθε; Τῶν ἐν κόσμῳ πλεονεξιῶν ἐστί σοι διάκονος. Πολεμεῖν θέλεις, καὶ τὸν Ἀπόλλω σύμβουλον τῶν φόνων λαμβάνεις. Κόρην ἁρπάσαι θέλεις, καὶ τὸ δαιμόνιόν σοι συναγωνίσασθαι προαιρῇ. Νοσεῖς διὰ σεαυτόν, καί, ὥσπερ Ἀγαμέμνων δέκα συμφράδμονας, εἶναι θέλεις μετὰ σεαυτοῦ θεούς. Πιοῦσά τις ὕδωρ μαίνεται, καὶ διὰ λιβάνων ἔκφρων γίνεται, καὶ σὺ τὴν τοιαύτην μαντεύεσθαι λέγεις. Προγνώστης ὑπῆρχεν ὁ Ἀπόλλων καὶ τῶν μαντευομένων διδάσκαλος· ἐπὶ τῆς Δάφνης ἑαυτὸν ἐψεύσατο. Δρῦς εἰπέ μοι μαντεύεται καὶ πάλιν ὄρνιθες προαγορεύουσι, σὺ δὲ τῶν ζώων καὶ φυτῶν ἐλάττων ὑπάρχεις; Καλὸν ἄρα σοι γενέσθαι ξύλῳ μαντικῷ καὶ τῶν ἀεροφοίτων τὴν κτῆσιν λαμβάνειν. Ὁ ποιῶν σε φιλάργυρον οὗτος καὶ περὶ τοῦ πλουτεῖν σοι μαντεύεται· στάσεις καὶ μάχας ὁ ἐγείρων καὶ περὶ τῆς ἐν πολέμῳ νίκης προαγορεύει. Τῶν παθῶν ἂν ὑπάρχῃς ἀνώτερος, τῶν ἐν τῷ κόσμῳ πάντων καταφρονήσεις. Τοιούτους ἡμᾶς ὄντας μὴ ἀποστυγήσητε, ἀλλὰ παραιτησάμενοι τοὺς δαίμονας θεῷ τῷ μόνῳ κατακολουθήσατε. Πάντα ὑπ᾿ αὐτοῦ καὶ χωρὶς αὐτοῦ γέγονεν οὐδὲ ἕν. Εἰ δέ ἐστιν ἐν τοῖς φυομένοις καὶ δηλητήριον, τοῦτο διὰ τὸ ἐνάμαρτον ἡμῶν ἐπισυμβέβηκεν. Ἔχω δεικνύειν τὴν τούτων εἰκόνα· μόνον ὑμεῖς κατακούσατε, καὶ ὁ πιστεύων ἐπιγνώσεται.

약으로 치료받더라도, 나는 그것을 너그러이 허용합니다. 그대는 그 증언을 하나님께 돌려야 합니다. 세상이 아직 우리를 아래로 끌어당기고, 나도 연약해서 물질을 찾기 때문입니다. 영혼의 날개는 완전한 영입니다. 영혼은 죄 때문에 그것을 내던진 뒤 어린 새처럼 날다가 땅에 떨어졌습니다. 하늘의 사귐을 떠나 더 낮은 것들과 함께하기를 갈망했습니다. 악령들은 거처에서 옮겨졌고, 처음 지어진 인간들은 추방되었습니다. 악령들은 하늘에서 쫓겨났으며, 인간들은 땅에서 쫓겨났습니다. 지금의 이 땅이 아니라, 이곳보다 더 좋은 질서를 지닌 땅에서였습니다. 그러므로 우리는 본래 상태를 갈망하며 방해되는 모든 것을 버려야 합니다. 인간이여, 하늘은 무한하지 않고 범위와 끝이 있습니다. 그러나 그 너머에 있는 더 높은 세계들은 온갖 병을 일으키는 계절의 변화가 없고, 온전히 온화한 상태를 누리며, 끝없는 낮과 이곳 인간들이 가까이할 수 없는 빛을 지니고 있습니다. 지리를 연구한 사람들은 인간이 할 수 있는 한도에서 여러 지역을 기록했습니다. 그 너머는 볼 수 없어 설명하지 못하면서, 밀물과 썰물을 이유로 들고, 어떤 바다는 해초로 덮이고, 다른 바다는 진흙투성이이며, 어떤 곳은 불처럼 뜨겁고, 다른 곳은 춥고 얼어붙었다고 했습니다. 그러나 우리는 알지 못했던 것을 예언자들을 통해 배웠습니다. 그들은 하늘의 영이 영혼과 더불어 죽을 본성의 옷을 입으리라고 확신하여, 다른 영혼들이 모르는 일을 예고했습니다. 벌거벗은 사람은 누구나 그 장식을 얻어 본래의 친밀함으로 되돌아갈 수 있습니다.

Κἂν θεραπεύησθε φαρμάκοις (κατὰ συγγνώμην ἐπιτρέπω σοι), τὴν μαρτυρίαν προσάπτειν σε δεῖ τῷ θεῷ. Κόσμος γὰρ ἡμᾶς ἔτι καθέλκει, καὶ δι᾿ ἀτονίαν τὴν ὕλην ἐπιζητῶ. Πτέρωσις γὰρ ἡ τῆς ψυχῆς τὸ πνεῦμα τὸ τέλειον, ὅπερ ἀποῤῥίψασα διὰ τὴν ἁμαρτίαν ἔπτη ὥσπερ νεοττὸς καὶ χαμαιπετὴς ἐγένετο· μεταβᾶσα δὲ τῆς οὐρανίου συνουσίας τῶν ἐλαττόνων μετουσίαν ἐπεπόθησεν. Μετῳκίσθησαν οἱ δαίμονες, ἐξωρίσθησαν οἱ πρωτόπλαστοι· καὶ οἱ μὲν ἀπ᾿ οὐρανοῦ κατεβλήθησαν, οἱ δὲ ἀπὸ γῆς μὲν ἀλλ᾿ οὐκ ἐκ ταύτης, κρείττονος δὲ τῆς ἐνταυθοῖ διακοσμήσεως. Καὶ χρὴ λοιπὸν ἡμᾶς ἐπιποθήσαντας τὸ ἀρχαῖον παραιτήσασθαι πᾶν τὸ ἐμποδὼν γινόμενον. Οὐκ ἔστι γὰρ ἄπειρος ὁ οὐρανός, ὦ ἄνθρωπε, πεπερασμένος δὲ καὶ ἐπὶ τέρματι· τὰ δὲ ὑπὲρ τοῦτον, αἰῶνες οἱ κρείττονες, οὐ μεταβολὴν ὡρῶν ἔχοντες δι᾿ ὧν ποικίλαι νόσοι καθίστανται, πάσης δὲ εὐκρασίας μετειληφότες, ἡμέραν ἔχουσι διαμένουσαν καὶ φέγγος τοῖς ἐντεῦθεν ἀνθρώποις ἀπρόσιτον, Οἱ μὲν οὖν τὰς γεωγραφίας ἐκπονέσαντες, μέχρις ἦν δυνατὸν ἀνθρώπῳ, τῶν χωρίων τὴν ἀναγραφὴν ἐποιήσαντο· τὰ δὲ ἐπέκεινα λέγειν οὐκ ἔχοντες, διὰ τὸ ἀδύνατον τῆς θεωρίας, ἀμπώτεις ᾐτιάσαντο, καὶ θαλαττῶν τὴν μὲν πρασώδη, τὴν δὲ πηλώδη, τόπων δὲ τῶν μὲν τὸ ἔκπυρον, τῶν δὲ τὸ ψυχρὸν καὶ διαπεπηγός. Ἡμεῖς δὲ τὰ ὑφ᾿ ἡμῶν ἀγνοούμενα διὰ προφητῶν μεμαθήκαμεν, οἵτινες, ἅμα τῇ ψυχῇ πεπεισμένοι ὅτι πνεῦμα τὸ οὐράνιον ἐπένδυμα τῆς θνητότητος κεκτήσεται, τὰ ὅσα μὴ ἐγίνωσκον αἱ λοιπαὶ ψυχαὶ προὔλεγον. Δυνατὸν δὲ παντὶ γυμνητεύοντι κτήσασθαι τὸ ἐπικόσμημα καὶ πρὸς τὴν συγγένειαν τὴν ἀρχαίαν ἀναδραμεῖν.

그리스인 여러분, 하나님이 인간의 모습으로 나타나셨다고 선포하는 우리는 어리석은 짓을 하거나 허튼소리를 전하는 것이 아닙니다. 우리를 비방하는 여러분은 자기 신화와 우리의 이야기를 비교해 보십시오. 여러분의 말대로라면 아테나는 헥토르 때문에 데이포보스가 되었고, 머리를 자르지 않는 포이보스는 아드메토스를 위해 굽은 발의 소들을 쳤으며, 제우스의 아내는 노파가 되어 세멜레를 찾아갔습니다. 이런 것을 배워 놓고 어떻게 우리를 비웃습니까? 여러분의 아스클레피오스는 죽었고, 테스피아이에서 하룻밤에 처녀 쉰 명과 관계한 자도 자기 몸을 불의 먹이로 내주고 떠났습니다. 프로메테우스는 인간에게 은혜를 베푼 대가로 카우카소스에 매달려 형벌을 받았습니다. 여러분에 따르면 제우스는 시기심이 많아, 인간들이 망하기를 바라며 꿈을 감춥니다. 그러니 자기들의 전승을 살펴보고, 적어도 우리도 비슷한 신화를 말한다고 여기며 받아들이십시오. 그러나 우리는 어리석은 것이 아니며, 허황된 것은 여러분의 이야기입니다. 신들의 탄생을 말한다면 그들이 죽을 존재라는 사실도 인정하게 됩니다. 헤라는 왜 지금 임신하지 않습니까? 늙었습니까, 아니면 알려 줄 사람이 없습니까? 그리스인 여러분, 이제 내 말을 믿고 여러분의 신화와 신들을 우의로 풀이하지 마십시오. 그렇게 하려 한다면 여러분 자신의 손으로도 신성이 없어집니다. 여러분의 악령들이 전해지는 모습 그대로라면 그들은 성품이 악합니다. 자연 현상으로 바꾸어 풀이하면 더는 전해지는 모습의 존재가 아닙니다. 나는 자연의 원소 자체를 숭배하라는 설득에도 따르지 않고, 이웃에게 그렇게 하라고 권하지도 않겠습니다. 람프사코스의 메트로도로스도 『호메로스에 관하여』에서 몹시 어리석게 논하며 모든 것을 우의로 돌렸습니다. 그는 헤라와 아테나와 제우스가 그들에게 신역과 성소를 세운 사람들이 생각하는 그런 존재가 아니라, 자연의 실체와 원소들의 배열이라고 말합니다. 여러분은 헥토르와 아킬레우스, 아가멤논, 모든 그리스인과 이방인, 헬레네와 파리스도 같은 자연에 속하며 이야기의 구성을 위해 등장했다고 말할 것입니다. 앞서 말한 인간들은 아무도 실제로 없었다는 셈입니다. 우리는 이것을 가정의 방식으로 제시했습니다. 하나님에 관한 우리의 이해를 물질과 진흙 속에서 뒹구는 자들과 비교하는 것조차 경건한 일이 아니기 때문입니다.

Οὐ γὰρ μωραίνομεν, ἄνδρες Ἕλληνες, οὐδὲ λήρους ἀπαγγέλλομεν, θεὸν ἐν ἀνθρώπου μορφῇ γεγονέναι καταγγέλλοντες. Οἱ λοιδοροῦντες ἡμᾶς συγκρίνατε τοὺς μύθους ὑμῶν τοῖς ἡμετέροις διηγήμασι. Δηΐφοβος, ὥς φασιν, ἦν ἡ Ἀθηνᾶ διὰ τὸν Ἕκτορα, καὶ χάριν Ἀδμήτου Φοῖβος ἀκειρεκόμης τὰς εἰλίποδας βοῦς ἐποίμαινε, καὶ πρεσβύτις ἀφικνεῖται πρὸς τὴν Σεμέλην ἡ τοῦ Διὸς γαμετή. Τοιαῦτα δὲ μελετῶντες πῶς ἡμᾶς διαγελᾶτε; Τέθνηκεν ὑμῶν ὁ Ἀσκληπιός, καὶ ὁ τὰς πεντήκοντα παρθένους μιᾷ νυκτὶ Θεσπιάσι διακορεύσας βορᾷ πυρὸς ἑαυτὸν παραδοὺς οἴχεται. Προμηθεὺς τῷ Καυκάσῳ προσαρτηθεὶς τιμωρίαν χάριν τῆς εἰς ἀνθρώπους εὐεργεσίας ὑπήνεγκεν. Φθονερὸς ὁ Ζεὺς καθ᾿ ὑμᾶς, καὶ κρύπτει τὸν ὄνειρον τοῖς ἀνθρώποις βουλόμενος ἀπόλλυσθαι. Διόπερ ἀποβλέψαντες πρὸς τὰ οἰκεῖα ἀπομνημονεύματα κἄν ὡς ὁμοίως μυθολογοῦντας ἀποδέξασθε. Καὶ ἡμεῖς μὲν οὐκ ἀφραίνομεν, φλήναφα δὲ τὰ ὑμέτερα. Γένεσιν ἄν λέγητε θεῶν, καὶ θνητοὺς αὐτοὺς ἀποφανεῖσθε. Διὰ τί γὰρ οὐ κύει νῦν ἡ Ἥρα; Πότερον γεγήρακεν, ἤ τοῦ μηνύσαντος ὑμῖν ἀπορεῖται; Πείσθητέ μοι νῦν, ὦ ἄνδρες Ἕλληνες, μηδὲ τοὺς μύθους μηδὲ τοὺς θεοὺς ὑμῶν ἀλληγορήσητε. Κἄν γὰρ τοῦτο πράττειν ἐπιχειρήσητε, θεότης ἡ καθ᾿ ὑμᾶς ἀνῄρηται καὶ ὑφ᾿ ὑμῶν· οἱ γὰρ τοιοῦτοι παρ᾿ ὑμῖν ὄντες οἱ δαίμονες, ὁποῖοι καὶ λέγονται, φαῦλοι τὸν τρόπον εἰσίν, ἢ μεταγενόμενοι πρὸς τὸ φυσικώτερον οὔκ εἰσιν οἷοι καὶ λέγονται. Σέβειν δὲ τῶν στοιχείων τὴν ὑπόστασιν οὔτ᾿ ἂν πεισθείην, οὔτ᾿ ἂν πείσαιμι τὸν πλησίον. Καὶ Μητρόδωρος δὲ ὁ Λαμψακηνὸς ἐν τῷ περὶ Ὁμήρου λίαν εὐήθως διείλεκται, πάντα εἰς ἀλληγορίαν μετάγων. Οὔτε γὰρ Ἥραν οὔτε Ἀθηνᾶν οὔτε Δία τοῦτ᾿ εἶναί φησιν ὅπερ οἱ τοὺς περιβόλους αὐτοῖς καὶ τεμένη καθιδρύσαντες νομίζουσι, φύσεως δὲ ὑποστάσεις καὶ στοιχείων διακοσμήσεις. Καὶ τὸν Ἕκτορα δὲ καὶ τὸν Ἀχιλλέα δηλαδὴ καὶ τὸν Ἀγαμέμνονα καὶ πάντας ἁπαξαπλῶς Ἕλληνάς τε καὶ βαρβάρους σὺν τῇ Ἑλένῃ καὶ τῷ Πάριδι, τῆς αὐτῆς φύσεως ὑπάρχοντας, χάριν οἰκονομίας ἐρεῖτε παρεισῆχθαι, οὐδενὸς ὄντος τῶν προειρημένων ἀνθρώπων. Ταῦτα δὲ ἡμεῖς προετείναμεν ὥσπερ ἐπὶ ὑποθέσεως· τὴν γὰρ ἡμετέραν περὶ τοῦ θεοῦ κατάληψιν οὐδὲ συγκρίνειν ὅσιον τοῖς εἰς ὕλην καὶ βόρβορον κυλινδουμένοις.

여러분의 가르침은 또 어떻습니까? 누가 여러분의 공공 축제를 비웃지 않겠습니까? 악한 악령들을 핑계 삼아 열리면서 인간을 불명예에 빠뜨리는 축제들 말입니다. 나는 어떤 사람을 여러 번 보았습니다. 보고 놀랐다가, 놀란 뒤에는 경멸했습니다. 그는 속으로는 다른 사람이면서 겉으로는 자신이 아닌 존재인 척했습니다. 몹시 교태를 부리고 온갖 자세로 몸을 비틀며, 눈을 번쩍이고, 두 손을 꼬고, 진흙 가면을 쓰고 광란하는 사람이었습니다. 때로는 아프로디테가 되고, 때로는 아폴론이 되었습니다. 혼자서 모든 신을 고발하는 자, 미신의 축소판, 영웅들의 행적을 헐뜯는 자, 살인을 연기하는 자, 간음을 일깨우는 자, 광기의 창고, 음란한 자들의 교사, 범죄자들의 구실이 되는 자였습니다. 그런 사람이 모든 이에게 칭찬받았습니다. 나는 모든 것을 거짓으로 꾸미는 그를 거절했습니다. 그의 불경함과 행동과 그 사람 자체를 거절했습니다. 그러나 여러분은 이런 자들에게 사로잡히고, 여러분의 활동에 동참하지 않는 사람들을 비방합니다. 나는 많은 이의 노래에 입을 벌리고 감탄하거나, 자연에 어긋나게 고개를 끄덕이고 움직이는 자와 감정을 나누고 싶지 않습니다. 그가 무슨 놀랍거나 뛰어난 일을 합니까? 코맹맹이 소리로 외설을 노래하고 해서는 안 될 몸짓을 합니다. 여러분의 딸들과 아들들은 무대에서 간음하는 법을 교묘하게 가르치는 자들을 구경합니다. 여러분의 공연장은 참 훌륭합니다. 밤중에 악하게 벌어지는 온갖 일을 선포하고, 추한 말을 외쳐 관객을 즐겁게 하니까요. 여러분의 시인들도 참 훌륭한 거짓말쟁이이며, 꾸민 형상으로 듣는 사람들을 속입니다.

Οἷα γάρ ἐστιν ὑμῶν καὶ τὰ διδάγματα; Τίς οὐκ ἂν χλευάσει τὰς δημοτελεῖς πανηγύρεις ὑμῶν, αἵ προφάσει πονηρῶν δαιμόνων ἐπιτελούμεναι εἰς ἀδοξίαν τοὺς ἀνθρώπους περιτρέπουσιν; Εἶδόν τινα πολλάκις, καὶ ἰδὼν ἐθαύμασα, καὶ μετὰ τὸ θαυμάσαι κατεφρόνησα, πῶς ἔσωθεν μέν ἐστιν ἄλλος, ἔξωθεν δὲ ὅπερ οὐκ ἔστι ψεύδεται, ἁβρυνόμενον σφόδρα καὶ παντοίως διακλώμενον, καὶ τοῦτο μὲν τοῖς ὀφθαλμοῖς μαρμαρύττοντα, τοῦτο δὲ τὼ χεῖρε λυγιζόμενον, καὶ διὰ πηλίνης ὄψεως δαιμονῶντα, καὶ ποτὲ μὲν ὡς Ἀφροδίτην, ποτὲ δὲ ὡς Ἀπόλλωνα γινόμενον, ἕνα κατήγορον πάντων τῶν θεῶν, δεισιδαιμονίας ἐπιτομήν, διάβολον ἡρωϊκῶν πράξεων, φόνων ὑποκριτήν, μοιχείας ὑπομνηματιστήν, θησαυρὸν μανίας, κιναίδων παιδευτήν, καταδικαζομένων ἀφορμήν, καὶ τὸν τοιοῦτον ὑπὸ πάντων ἐπαινούμενον. Ἐγὼ δὲ αὐτὸν παρῃτησάμην πάντα ψευδόμενον, καὶ τὴν ἀθεότητα καὶ τὰ ἐπιτηδεύματα καὶ τὸν ἄνθρωπον. Ὑμεῖς δὲ ὑπὸ τούτων συλαγωγεῖσθε, καὶ τοὺς μὴ κοινωνοῦντας ὑμῶν ταῖς πραγματείαις λοιδορεῖτε. Κεχηνέναι πολλῶν ᾀδόντων οὐ θέλω, καὶ τῷ νεύοντι καὶ κινουμένῳ παρὰ φύσιν οὐ βούλομαι συνδιατίθεσθαι. Τί θαυμαστὸν ἢ παρ᾿ ὑμῖν ἐξῃρημένον διαπράττεται; Ῥιναυλοῦσι τὰ αἰσχρά, κινοῦνται δὲ κινήσεις ἃς οὐκ ἐχρῆν, καὶ τοὺς ὅπως δεῖ μοιχεύειν ἐπὶ τῆς σκηνῆς σοφιστεύοντας αἱ θυγατέρες ὑμῶν καὶ οἱ παῖδες θεωροῦσι. Καλὰ παρ᾿ ὑμῖν τὰ ἀκροατήρια, κηρύττοντα πάνθ᾿ ἅπερ ἐν νυκτὶ μοχθηρῶς πραγματεύεται καὶ τέρποντα τοὺς ἀκροατὰς αἰσχρῶν λόγων ἐκφωνήμασι. Καλοὶ δέ εἰσιν ὑμῶν καὶ οἱ ποιηταὶ ψευδολόγοι, καὶ διὰ σχημάτων ἐξαπατῶντες τοὺς ἀκροωμένους.

나는 육체 훈련으로 몸이 무거워져 살덩이의 짐을 지고 다니는 사람들을 보았습니다. 그들 앞에는 상과 우승관이 놓여 있고, 경기 주최자들은 그들을 독려했습니다. 용맹한 선행을 위해서가 아니라 폭력과 분쟁의 경쟁을 위해서였으며, 더 잘 때리는 자에게 관을 씌웠습니다. 이것은 악행 가운데 작은 것들입니다. 더 큰 것들을 말하려면 누가 주저하지 않겠습니까? 어떤 이들은 방탕하게 게으른 삶을 택하고는 죽임을 당하도록 자기 몸을 팝니다. 곤궁한 사람은 자신을 팔고, 부유한 사람은 죽이는 자들을 삽니다. 관객들은 이들을 지켜보려고 앉아 있으며, 싸우는 자들은 아무 의미도 없는 일로 결투하지만 도우러 내려오는 이는 없습니다. 여러분이 이런 일을 벌이는 것이 옳습니까? 여러분 가운데 유력자는 살인하는 무리를 모아, 강도들을 먹여 살리겠다고 나섭니다. 강도들은 그에게서 나와 등장하고, 여러분은 모두 구경하러 모여 심판자가 됩니다. 한편으로는 주최자의 악행을, 다른 한편으로는 결투자들 자신을 심판합니다. 살인 장면을 보지 못한 사람은 슬퍼합니다. 악하고 불경하고 더러운 행위의 구경꾼이 되는 벌을 받지 못했다고 슬퍼하는 셈입니다. 여러분은 고기를 먹으려고 동물을 죽이고, 인간들을 사들여 자기 영혼에 인육을 먹입니다. 지극히 불경한 유혈로 영혼을 기릅니다. 강도는 빼앗으려고 죽이지만, 부자는 죽는 것을 보려고 검투사를 삽니다.

Εἶδον· ἀνθρώπους ὑπὸ τῆς σωμασκίας βεβαρημένους καὶ φορτίον τῶν ἐν αὐτοῖς κρεῶν περιφέροντας, οἷς ἔπαθλα καὶ στέφανοι πρόκεινται, παρακαλουμένων αὐτοὺς τῶν ἀγωνοθετῶν, οὐκ ἐπ᾿ ἀνδραγαθίᾳ, ὕβρεως δὲ καὶ στάσεως φιλονεικίᾳ, καὶ τὸν μᾶλλον πλήκτην στεφανούμενον. Καὶ ταῦτα μέν ἐστι τῶν κακῶν τὰ ἐλάττονα· τὰ δὲ μείζονα τίς οὐκ ἂν ἐξειπεῖν ὀκνήσειεν; Ἀργίαν τινὲς ἐπανῃρημένοι διὰ τὴν ἀσωτίαν ἑαυτοὺς εἰς τὸ φονευθῆναι πιπράσκουσι· καὶ πωλεῖ μὲν ἑαυτὸν ὁ πονῶν, ὁ δὲ πλουτῶν ὠνεῖται τοὺς φονεύοντας. Καὶ τούτοις οἱ μαρτυροῦντες καθίζονται, μονομαχοῦσί τε οἱ πυκτεύοντες περὶ οὐδενός, καὶ ὁ βοηθήσων οὐ κάτεισιν. Ἆρα γε τὰ τοιαῦτα ὑφ᾿ ὑμῶν καλῶς ἐπιτελεῖται; Τὸ μὲν γὰρ στρατόπεδον τῶν μιαιφονούντων ὁ προὔχων ἐν ὑμῖν συναγείρει, λῃστοτροφεῖν ἐπαγγελλόμενος· οἱ δὲ λῃστεύοντες ἀπ᾿ αὐτοῦ προΐασι, καὶ πάντες ἐπὶ τὴν θέαν συνίετε κριταὶ γινόμενοι, τοῦτο μὲν πονηρίας ἀγωνοθέτου, τοῦτο δὲ καὶ αὐτῶν τῶν μονομαχούντων. Ὁ δὲ τῷ φόνῳ μὴ περιτυχὼν λυπεῖται, διότι μὴ κατεκρίθη πονηρῶν καὶ ἀθέων καὶ μιαρῶν ἔργων θεατὴς γενέσθαι. Θύετε ζῶα διὰ τὴν κρεωφαγίαν, καὶ ἀνθρώπους ὠνεῖσθε τῇ ψυχῇ τὴν ἀνθρωποφαγίαν παρεχόμενοι, τρέφοντες αὐτὴν αἱματεκχυσίαις ἀθεωτάταις. Ὁ μὲν οὖν λῃστεύων φονεύει χάριν τοῦ λαβεῖν, ὁ δὲ πλουτῶν μονομάχους ὠνεῖται χάριν τοῦ φονεύεσθαι.

에우리피데스의 작품을 따라 미쳐 날뛰며 알크마이온이 어머니를 죽인 일을 이야기하는 자가 내게 무슨 유익을 줍니까? 자기 본래의 모습도 없이, 입을 크게 벌리고 칼을 휘두르며 소리를 질러 흥분하고 비인간적인 옷을 입은 자 말입니다. 아쿠실라오스의 신화도 물러가고, 그의 말을 운문으로 만드는 메난드로스도 물러가라 하십시오. 내가 왜 신화 속 피리 연주자에게 감탄해야 합니까? 왜 아리스토크세노스를 따라 테베의 안티게네이데스를 캐물어야 합니까? 우리는 쓸모없는 것들을 여러분에게 양보합니다. 여러분도 우리의 가르침을 받아들이거나, 똑같이 여러분의 것들에서 우리가 벗어나도록 내버려 두십시오.

Τί μοι συμβάλλεται πρὸς ὠφέλειαν ὁ κατὰ τὸν Εὐριπίδην μαινόμενος καὶ τὴν Ἀλκμαίωνος μητροκτονίαν ἀπαγγέλλων, ᾧ μηδὲ τὸ οἰκεῖον πρόσεστι σχῆμα, κέχηνέ τε μέγα καὶ ξίφος περιφέρει καὶ κεκραγὼς πίμπραται καὶ φορέει στολὴν ἀπάνθρωπον; Ἐῤῥέτω καὶ τὰ Ἀκουσιλάου μυθολογήματα, καὶ Μένανδρος τῆς ἐκείνου γλώττης ὁ στιχοποιός. Τί μοι καὶ τεθηπέναι τὸν μυθικὸν αὐλητήν; Τί δέ μοι καὶ κατὰ Ἀριστόξενον τὸν Θηβαῖον Ἀντιγενίδην πολυπραγμονεῖν; Παραχωροῦμεν ὑμῖν τὰ μὴ ὠφέλιμα· καὶ ὑμεῖς ἢ πείσθητε τοῖς δόγμασι ἡμῶν, ἢ κατὰ τὸ ὅμοιον τῶν ὑμετέρων ἡμῖν ἐκχωρήσατε.

여러분의 철학자들이 무슨 크고 놀라운 일을 합니까? 한쪽 어깨를 드러내고, 머리카락을 길게 늘어뜨리며, 수염을 기르고, 짐승 같은 손톱을 달고 다닙니다. 아무것도 필요 없다고 말하지만, 프로테우스처럼 자루 때문에 가죽장이가 필요하고, 겉옷 때문에 직조공이, 지팡이 때문에 나무꾼이 필요하며, 탐식 때문에 부자와 요리사도 필요합니다. 개를 닮으려는 사람이여, 그대는 하나님을 모르고 이성 없는 짐승을 본받는 데로 돌아섰습니다. 공공장소에서 그럴듯하게 소리치며 자신을 변호하고, 아무것도 받지 못하면 욕을 퍼부으며, 철학을 생계 수단으로 삼습니다. 플라톤의 가르침을 따르면 에피쿠로스의 이론을 펴는 자가 큰 소리로 맞서고, 아리스토텔레스를 따르려 하면 데모크리토스를 따르는 자가 비방합니다. 피타고라스는 자신이 에우포르보스였다고 말하며 페레키데스의 가르침을 물려받았지만, 아리스토텔레스는 영혼의 불멸을 헐뜯습니다. 여러분의 학파 계보는 분열되어 있고 서로 불일치하면서도, 서로 일치하는 우리에게 싸움을 겁니다. 누군가는 신이 몸이라고 하지만, 나는 몸이 없다고 말합니다. 그는 세계가 해체되지 않는다고 하지만, 나는 해체된다고 합니다. 그는 세계 화재가 주기적으로 일어난다고 하지만, 나는 단 한 번이라고 합니다. 그는 미노스와 라다만티스가 심판자라고 하지만, 나는 하나님 자신이 심판자라고 합니다. 그는 영혼만 불멸을 얻는다고 하지만, 나는 영혼과 함께 육체도 불멸을 얻는다고 합니다. 그리스인 여러분, 우리가 여러분에게 무슨 해를 끼칩니까? 왜 하나님의 말씀을 따르는 사람들을 가장 더러운 자처럼 미워합니까? 우리에게는 식인이 없습니다. 배웠다는 여러분이 거짓 증인이 되었습니다. 여러분의 이야기에서는 펠롭스가 신들의 식사가 되고 포세이돈의 연인이 되며, 크로노스는 아들들을 먹어 치우고 제우스는 메티스를 삼킵니다.

Τί μέγα καὶ θαυμαστὸν οἱ παρ᾿ ὑμῖν ἐργάζονται φιλόσοφοι; Θατέρου γὰρ τῶν ὤμων ἐξαμελοῦσι, κόμην ἐπιειμένοι πολλήν, πωγωνοτροφοῦσιν, ὄνυχας θηρίων περιφέροντες, καὶ λέγοντες μὲν δεῖσθαι μηδενός, κατὰ δὲ τὸν Πρωτέα σκυτοδέψου μὲν χρῄζοντες διὰ τὴν πήραν, ὑφάντου δὲ διὰ τὸ ἱμάτιον καὶ διὰ τὸ ξύλον δρυοτόμου, διὰ δὲ τὴν γαστριμαργίαν τῶν πλουτούντων καὶ ὀψοποιοῦ. Ὦ ζηλῶν ἄνθρωπε τὸν κύνα, τὸν θεὸν οὐκ οἶδας καὶ ἐπὶ τὴν ἄλογον μίμησιν μεταβέβηκας· ὁ δὲ κεκραγὼς δημοσίᾳ μετ᾿ ἀξιοπιστίας ἔκδικος γίνῃ σαυτοῦ, κἂν μὴ λάβῃς λοιδορεῖς, καὶ γίνεταί σοι τέχνη τοῦ πορίζειν τὸ φιλοσοφεῖν. Τοῖς Πλάτωνος ἕπῃ δόγμασι· καὶ ὁ κατ᾿ Ἐπίκουρον σοφιστεύων διαπρύσιος ἀνθίσταταί σοι. Πάλιν τε εἶναι θέλεις κατὰ τὸν Ἀριστοτέλην· καί τις κατὰ τὸν Δημόκριτον λοιδορεῖταί σοι. Πυθαγόρας Εὔφορβος γεγενῆσθαί φησιν, καὶ τοῦ Φερεκύδους δόγματος κληρονόμος ἐστίν· ὁ δὲ Ἀριστοτέλης τῆς ψυχῆς διαβάλλει τὴν ἀθανασίαν. Στασιώδεις δὲ ἔχοντες τῶν δογμάτων τὰς διαδοχὰς ἀσύμφωνοι πρὸς τοὺς συμφώνους ἑαυτοῖς διαμάχεσθε. Σῶμά τις εἶναι λέγει θεόν, ἐγὼ δὲ ἀσώματον· ἄλυτον εἶναι τὸν κόσμον, ἐγὼ δὲ λυόμενον· ἐκπύρωσιν ἀποβαίνειν κατὰ καιρούς, ἐγὼ δὲ εἰσάπαξ· κριτὰς εἶναι Μίνω καὶ Ραδάμανθυν, ἐγὼ δὲ αὐτὸν τὸν θεόν· ἀπαθανατίζεσθαι μόνην τὴν ψυχήν, ἐγὼ δὲ καὶ τὸ σὺν αὐτῇ σαρκίον. Τί βλάπτομεν ὑμᾶς, ὦ ἄνδρες Ἕλληνες; Τί δὲ τοὺς λόγῳ θεοῦ κατακολουθοῦντας καθάπερ μιαρωτάτους μεμισήκατε; Παρ᾿ ἡμῖν οὐκ ἔστιν ἀνθρωποφαγία· ψευδομάρτυρες οἱ πεπαιδευμένοι γεγόνατε· παρ᾿ ὑμῖν δὲ ὁ Πέλοψ δεῖπνον τῶν θεῶν γίνεται, καὶ Ποσειδῶνος ἐρώμενος, καὶ Κρόνος τοὺς υἱοὺς ἀναλίσκει, καὶ ὁ Ζεὺς τὴν Μῆτιν καταπίνει.

남의 말을 의기양양하게 뽐내며 갈까마귀처럼 남의 깃털로 치장하는 일을 그만두십시오. 각 도시가 자기 고유의 표현을 여러분에게서 거두어 간다면 여러분의 궤변은 힘을 잃을 것입니다. 신이 누구인지 찾으면서도 여러분 자신 안의 것은 모르고, 하늘만 멍하니 쳐다보다가 구덩이에 빠집니다. 여러분이 차려 놓은 책들은 미로 같고, 독자들은 다나오스 딸들의 밑 빠진 항아리 같습니다. 왜 시간을 나누어, 일부는 과거이고, 일부는 현재이며, 일부는 미래라고 합니까? 현재가 존재한다면 미래가 어떻게 지나가 버릴 수 있습니까? 배를 탄 사람들이 배가 움직이는데도 몰라서 산이 달린다고 생각하듯, 여러분도 달려 지나가는 것이 자신들이며 시대는 서 있다는 것을 모릅니다. 그것을 만드신 분이 존재하기를 원하시는 동안은 그렇습니다. 내가 나의 생각을 말하는데 왜 비난받아야 하며, 여러분은 왜 나의 모든 것을 무너뜨리려 합니까? 여러분도 우리와 같은 방식으로 생겨나서 같은 세계의 질서에 참여하고 있지 않습니까? 왜 여러분에게만 지혜가 있다고 주장합니까? 다른 해도, 다른 별의 움직임도, 다른 출생도 없고, 다른 사람과 구별되는 특별한 죽음도 없으면서 말입니다. 문법학자들이 여러분의 수다의 시작이 되었습니다. 지혜를 분할하는 여러분은 참된 지혜에서 잘려 나갔고, 그 조각들에 인간의 이름을 붙였습니다. 하나님은 알지 못하면서 서로 싸워 서로를 무너뜨립니다. 그래서 여러분 모두 아무것도 아닙니다. 말을 자기 것으로 삼으면서도 눈먼 사람이 귀먹은 사람에게 말하듯 대화합니다. 목공 일을 할 줄 모르면서 왜 목공 도구를 붙들고 있습니까? 왜 말을 주워 올리면서 행동에서는 멀리 떨어져 있고, 명성 때문에 부풀었다가 재난을 만나면 움츠러듭니까? 여러분은 겉모양을 이치에 어긋나게 사용합니다. 공공장소에서는 뽐내며 행진하면서 자기 가르침은 구석에 숨깁니다. 우리는 여러분이 그런 자임을 알고 떠났으며, 더는 여러분의 것에 손대지 않고 하나님의 말씀을 따릅니다. 사람이여, 왜 글자들의 전쟁을 준비합니까? 왜 아테네식 더듬는 발음으로 글자 소리를 권투하듯 맞부딪치게 합니까? 더 자연스럽게 말하면 될 일입니다. 아테네인도 아니면서 아티카 말을 한다면, 왜 도리아 말을 하지 않는지 말해 보십시오. 어째서 하나는 더 이방인답고 다른 하나는 대화하기 더 즐겁다고 여깁니까?

Παύσασθε λόγους ἀλλοτρίους θριαμβεύοντες καὶ ὥσπερ ὁ κολοιὸς οὐκ ἰδίοις ἐπικοσμούμενοι πτεροῖς. Ἑκάστη πόλις ἐὰν ἀφέληται τὴν ἰδίαν αὐτῆς ἀφ᾿ ὑμῶν λέξιν, ἐξαδυνατήσουσιν ὑμῖν τὰ σοφίσματα. Ζητοῦντες τίς ὁ θεός, τὰ ἐν ὑμῖν ἀγνοεῖτε· κεχηνότες δὲ εἰς τὸν οὐρανὸν κατὰ βαράθρων πίπτετε. Λαβυρίνθοις ἐοίκασιν ὑμῶν τῶν βιβλίων αἱ ἀναθέσεις, οἱ δὲ ἀναγινώσκοντες τῷ πίθῳ τῶν Δαναΐδων. Τί μοι μερίζετε τὸν χρόνον, λέγοντες τὸ μέν τι εἶναι παρῳχηκὸς αὐτοῦ, τὸ δὲ ἐνεστός, τὸ δὲ μέλλον; Πῶς γὰρ δύναται παρελθεῖν ὁ μέλλων, εἰ ἔστιν ὁ ἐνεστώς; Ὥσπερ δὲ οἱ ἐμπλέοντες τῆς νεὼς φερομένης οἴονται διὰ τὴν ἀμαθίαν ὅτι τὰ ὄρη τρέχουσιν, οὕτω καὶ ὑμεῖς οὐ γινώσκετε παρατρέχοντας μὲν ὑμᾶς, ἑστῶτα δὲ τὸν αἰῶνα, μέχρις ἂν αὐτὸν ὁ ποιήσας εἶναι θελήσῃ. Διὰ τί γὰρ ἐγκαλοῦμαι λέγων τὰ ἐμά, τὰ δέ μου πάντα καταλύειν σπεύδετε; Μὴ γὰρ οὐχ ὑμεῖς κατὰ τὸν ὅμοιον τρόπον ἡμῖν γεγένησθε, τῆς αὐτῆς τοῦ κόσμου διοικήσεως μετειληφότες; Τί φάσκετε σοφίαν εἶναι παρ᾿ ὑμῖν μόνοις, οὐκ ἔχοντες ἄλλον ἥλιον οὐδ᾿ ἀστέρων ἐπιφοιτήσεις καὶ γένεσιν διαφορωτέραν, θάνατόν τε παρὰ τοὺς ἄλλους ἀνθρώπους ἐξαίρετον; Ἀρχὴ τῆς φλυαρίας ὑμῖν γεγόνασιν οἱ γραμματικοί, καὶ οἱ μερίζοντες τὴν σοφίαν τῆς κατὰ ἀλήθειαν σοφίας ἀπετμήθητε, τὰ δὲ ὀνόματα τῶν μερῶν ἀνθρώποις προσενείματε· καὶ τὸν μὲν θεὸν ἀγνοεῖτε, πολεμοῦντες δὲ ἑαυτοῖς ἀλλήλους καθαιρεῖτε. Καὶ διὰ τοῦτο πάντες οὐδέν ἐστε· σφετερίζοντες μὲν τοὺς λόγους, διαλεγόμενοι δὲ καθάπερ τυφλὸς κωφῷ. Τί κατέχετε σκεύη τεκτονικά, τεκταίνειν μὴ γινώσκοντες; Τί λόγους ἐπαναιρεῖσθε, τῶν ἔργων μακρὰν ἀφεστῶτες, φυσώμενοι μὲν διὰ δόξης, ἐν δὲ ταῖς συμφοραῖς ταπεινούμενοι; Παρὰ λόγον καταχρᾶσθε τοῖς σχήμασι· δημοσίᾳ μὲν γὰρ πομπεύετε, τοὺς δὲ λόγους ἐπὶ τὰς γωνίας ἀποκρύπτετε. Τοιούτους ὑμᾶς ἐπιγνόντες καταλελοίπαμεν, καὶ τῶν ὑμετέρων οὐκέτι ψαύομεν, θεοῦ δὲ λόγῳ κατακολουθοῦμεν. Τί γάρ, ἄνθρωπε, τῶν γραμμάτων ἐξαρτύεις τὸν πόλεμον; Τί δὲ ὡς ἐν πυγμῇ συγκρούεις τὰς ἐκφωνήσεις ἀυτῶν διὰ τῶν Ἀθηναίων ψελλισμῶν, δέον σε λαλεῖν φυσικώτερον; Εἰ γὰρ ἀττικίζεις οὐκ ὢν Ἀθηναῖος, λέγε μοι τοῦ μὴ δωρίζειν τὴν αἰτίαν. Πῶς τὸ μὲν εἶναί σοι δοκεῖ βαρβαρικώτερον, τὸ δὲ πρὸς τὴν ὁμιλίαν ἱλαρώτερον;

그대는 그들의 교육을 고집하면서, 내가 원하는 가르침의 견해를 선택하는 일에는 왜 맞섭니까? 강도는 그 이름으로 고발되었다는 이유만으로 벌하지 않고 진상을 정확히 알아보는데, 우리는 검증하지 않은 비방의 선입견으로 미워하니, 어찌 기이하지 않습니까? 디아고라스는 아테네인이었습니다. 여러분은 그가 아테네의 비의를 춤으로 드러냈다고 처벌했습니다. 그러면서 그의 『프리기아 이야기』를 읽고 우리를 미워합니다. 레온의 기록을 가지고 있으면서 우리가 반박하면 불쾌해하고, 이집트 신들에 관한 아피온의 견해를 간직하면서 우리를 가장 불경한 자들이라고 공표합니다. 여러분의 전승에서도 올림포스의 제우스 무덤을 보여 줍니다. 누가 크레타인들은 거짓말쟁이라고 하더라도 그렇습니다. 수많은 신의 무리는 아무것도 아닙니다. 그들을 경멸하는 에피쿠로스가 횃불을 들고 비의를 섬기더라도, 나는 통치자들에게도 하나님과 만물에 관해 내가 가진 이해를 조금도 감추지 않습니다. 왜 내 삶을 거짓으로 꾸미라고 충고합니까? 죽음을 경멸한다고 하면서 왜 꾀를 써서 피하라고 합니까? 내게는 사슴처럼 겁먹는 마음이 없습니다. 여러분의 말하는 방식은 쓸데없이 말 많은 테르시테스 같습니다. 해는 달아오른 쇳덩이고 달은 흙이라고 하는 사람의 말을 어떻게 믿겠습니까? 그런 것은 말의 경쟁이지 진리를 정돈하는 일이 아닙니다. 또 헤라클레스에 관한 헤로도로스의 책들을 믿는 것이 어리석지 않습니까? 그 책들은 위에도 땅이 있고, 헤라클레스가 죽인 사자가 그곳에서 내려왔다고 선포합니다. 아티카 말투와 철학자들의 더미와 그럴듯한 추론, 땅의 측량과 별의 위치와 해의 운행이 무슨 유익을 줍니까? 이런 탐구에 골몰하는 것은 스스로 자기 가르침을 법으로 삼는 사람의 일입니다.

Εἰ δὲ σὺ τῆς ἐκείνων ἀντέχῃ παιδείας, τί μοι δόξας αἱρουμένῳ δογμάτων ὧν θέλω διαμάχῃ; Πῶς γὰρ οὐκ ἄτοπον τὸν μὲν λῃστὴν διὰ τὸ ἐπικατηγορούμενον ὄνομα μὴ κολάζειν, πρὶν ἢ τἀληθὲς ἐπ᾿ ἀκριβείᾳ καταμανθάνειν, ἡμᾶς δὲ προλήμματι λοιδορίας ἀνεξετάστῳ μεμισηκέναι; Διαγόρας Ἀθηναῖος ἦν, ἀλλὰ τοῦτον ἐξορχησάμενον τὰ παρ᾿ Ἀθηναίοις μυστήρια τετιμωρήκατε· καὶ τοῖς Φρυγίοις αὐτοῦ λόγοις ἐντυγχάνοντες ἡμᾶς μεμισήκατε. Λέοντος κεκτημένοι τὰ ὑπομνήματα πρὸς τοὺς ἀφ᾿ ἡμῶν ἐλέγχους δυσχεραίνετε· καὶ τὰς περὶ τῶν κατ᾿ Αἴγυπτον θεῶν δόξας Ἀπίωνος ἔχοντες παρ᾿ ἑαυτοῖς ὡς ἀθεωτάτους ἡμᾶς ἐκκηρύττετε. Τάφος τοῦ Ὀλυμπίου Διὸς καθ᾿ ὑμᾶς δείκνυται, κἂν ψεύδεσθαί τις τοὺς Κρῆτας λέγῃ. Τῶν πολλῶν θεῶν ἡ ὁμήγυρις οὐδέν ἐστι. Κἂν ὁ καταφρονῶν αὐτῶν Ἐπίκουρος δᾳδουχῇ, τοὺς ἄρχοντας οὐδὲν πλέον τοῦ θεοῦ κατάληψιν ἣν ἔχω περὶ τῶν ὅλων ταύτην οὐκ ἀποκρύπτομαι. Τί μοι συμβουλεύεις ψεύσασθαι τὴν πολιτείαν; Τί δὲ λέγων θανάτου καταφρονεῖν διὰ τέχνης φεύγειν αὐτὸν καταγγέλλεις; Ἐγὼ μὲν οὐκ ἔχω καρδίαν ἐλάφου· τὰ δὲ τῶν ὑμετέρων λόγων ἐπιτηδεύματα κατὰ τὸν ἀμετροεπῆ Θερσίτην γίνεται. Πῶς πεισθήσομαι τῷ λέγοντι μύδρον τὸν ἥλιον καὶ τὴν σελήνην γῆν; Τὰ γὰρ τοιαῦτα λόγων ἐστὶν ἅμιλλα καὶ οὐκ ἀληθείας διακόσμησις. Ἢ πῶς οὐκ ἠλίθιον πείθεσθαι τοῖς Ἡροδώρου βιβλίοις περὶ τοῦ καθ᾿ Ἡρακλέα λόγου, γῆν ἄνω κηρύττουσιν, κατεληλυθέναι τε ἀπ᾿ αὐτῆς λέοντα τὸν ὑφ᾿ Ἡρακλέους φονευθέντα; Τί δ᾿ ἂν ὠφελήσειε λέξις Ἀττικὴ καὶ φιλοσόφων σωρεία καὶ συλλογισμῶν πιθανότητες καὶ μέτρα γῆς καὶ ἄστρων θέσεις καὶ ἡλίου δρόμοι; Τὸ γὰρ περὶ τοιαύτην ἀσχολεῖσθαι ζήτησιν νομοθετοῦντός ἐστιν ἔργον ἑαυτῷ τὰ δόγματα.

이 때문에 나는 여러분의 법률도 비판했습니다. 삶을 다스리는 질서는 하나여서 모두에게 공통되어야 하는데, 지금은 도시의 종류만큼이나 법도 다양해서, 어떤 곳에서 수치스러운 일이 다른 곳에서는 훌륭한 일이 됩니다. 그리스인들은 어머니와 관계하는 일을 피해야 한다고 여기지만, 페르시아의 마기들에게 그런 행위는 아주 훌륭한 일입니다. 소년과의 성적 관계는 이방인들에게 처벌받지만, 로마인들에게는 특권을 얻었습니다. 그들은 방목하는 말 떼처럼 소년 무리를 모으려고 합니다.

Διὰ τοῦτο καὶ τῆς παρ᾿ ὑμῖν κατέγνων νομοθεσίας. Μίαν μὲν γὰρ ἐχρῆν εἶναι καὶ κοινὴν ἁπάντων τὴν πολιτείαν· νυνὶ δὲ ὅσα γένη πόλεων τοσαῦται καὶ τῶν νόμων θέσεις, ὡς εἶναι τὰ παρ᾿ ἐνίοις αἰσχρὰ παρά τισι σπουδαῖα. Νομίζουσι γοῦν Ἕλληνες φευκτὸν εἶναι τὸ συγγίνεσθαι μητρί, κάλλιστον δὲ τὸ τοιοῦτόν ἐστιν ἐπιτήδευμα παρὰ τοῖς Περσῶν μάγοις· καὶ παιδεραστία μὲν ὑπὸ βαρβάρων διώκεται, προνομίαις δὲ ὑπὸ Ῥωμαίων ἠξίωται, παίδων ἀγέλας ὥσπερ ἵππων φορβάδων συναγείρειν αὐτῶν πειρωμένων.

나는 이런 일들을 보고, 비의에도 참여하며, 나약한 남자들과 남녀의 모습을 섞은 자들을 통해 이루어지는 여러 민족의 종교를 살펴보았습니다. 로마에서는 라티아리스라고 부르는 제우스가 인간의 핏덩이와 살육의 피를 즐기는 것을 보았고, 큰 도시에서 멀지 않은 곳의 아르테미스도 같은 종류의 일을 행하며, 곳곳의 다른 악령들도 악행의 반란을 꾀하는 것을 보았습니다. 그래서 홀로 생각하며 어떻게 진리를 찾을 수 있을지 탐구했습니다. 진지한 문제를 숙고하던 중, 나는 어떤 이방의 문헌들을 만나게 되었습니다. 그것들은 그리스인의 가르침보다 오래되었고, 그들의 오류에 비하면 더 신적인 것이었습니다. 나는 그 문헌들을 믿게 되었습니다. 말에 허세가 없고, 말한 이들에게 꾸밈이 없으며, 만물의 창조를 알기 쉽게 설명하고, 앞일을 미리 알리며, 계명들이 탁월하고, 만물을 다스리는 한 분을 가르쳤기 때문입니다. 내 영혼이 하나님께 가르침을 받자, 앞의 것들은 정죄받을 성격을 띠지만, 이 문헌들은 세상의 종살이를 풀어 준다는 것을 깨달았습니다. 이것들은 수많은 지배자와 무수한 폭군에게서 우리를 떼어 내고, 우리가 받은 적 없는 것을 주는 것이 아니라 이미 받았으나 오류 때문에 누리지 못했던 것을 줍니다.

Ταῦτα οὖν ἰδών, ἔτι δὲ καὶ μυστηρίων μεταλαβών, καὶ τὰς παρὰ πᾶσι θρησκείας δοκιμάσας διὰ θηλυδριῶν καὶ ἀνδρογύνων συνισταμένας, εὑρὼν δὲ παρὰ μὲν Ῥωμαίοις τὸν κατ᾿ αὐτοὺς Λατιάριον Δία λύθροις ἀνθρώπων καὶ τοῖς ἀπὸ τῶν ἀνδροκτασιῶν αἵμασι τερπόμενον, Ἄρτεμιν δὲ οὐ μακρὰν τῆς μεγάλης πόλεως τῶν αὐτῶν πράξεων ἐπανῃρημένην τὸ εἶδος, ἄλλον τε ἀλλαχῆ δαίμονα κακοπραγίας ἐπαναστάσεις πραγματευόμενον, κατ᾿ ἐμαυτὸν γενόμενος ἐζήτουν ὅτῳ τρόπῳ τἀληθὲς ἐξευρεῖν δύνωμαι. Περινοοῦντι δέ μοι τὰ σπουδαῖα συνέβη γραφαῖς τισιν ἐντυχεῖν βαρβαρικαῖς, πρεσβυτέραις μὲν ὡς πρὸς τὰ Ἑλλήνων δόγματα, θειοτέραις δὲ ὡς πρὸς τὴν ἐκείνων πλάνην· καί μοι πεισθῆναι ταύταις συνέβη διά τε τῶν λέξεων τὸ ἄτυφον καὶ τῶν εἰπόντων τὸ ἀνεπιτήδευτον καὶ τῆς τοῦ παντὸς ποιήσεως τὸ εὐκατάληπτον καὶ τῶν μελλόντων τὸ προγνωστικὸν καὶ τῶν παραγγελμάτων τὸ ἐξαίσιον καὶ τῶν ὅλων τὸ μοναρχικόν. Θεοδιδάκτου δέ μου γενομένης τῆς ψυχῆς συνῆκα ὅτι τὰ μὲν καταδίκης ἔχει τρόπον, τὰ δὲ ὅτι λύει τὴν ἐν κόσμῳ δουλείαν, καὶ ἀρχόντων μὲν πολλῶν καὶ μυρίων ἡμᾶς ἀποσπᾷ τυράννων, δίδωσι δὲ ἡμῖν οὐχ ὅπερ μὴ ἐλάβομεν, ἀλλ᾿ ὅπερ λαβόντες ὑπὸ τῆς πλάνης ἔχειν ἐκωλύθημεν.

이 일에 입문하여 깨달음을 얻은 나는, 어린아이처럼 갓난 시절의 것들을 벗어 버리고자 합니다. 우리는 악의 구성이 아주 작은 씨앗과 같다는 것을 압니다. 그것은 작은 계기에서 강해졌으나, 다시 풀려 없어질 것입니다. 우리가 하나님의 말씀에 순종하고 자신을 흩어 버리지 않으면 그렇습니다. 하나님은 감추어진 보물을 통해 우리의 것을 차지하셨습니다. 우리는 그것을 파내다가 먼지투성이가 되었고, 그 보물이 우리 안에 굳게 자리 잡도록 합니다. 그러나 그 보물 전체를 자기 소유로 받아들이는 사람은 더 귀중한 부를 다스릴 권한을 손에 넣었습니다. 이 말은 우리와 가까운 사람들에게 하는 말로 두겠습니다. 그리스인 여러분에게는 달리 무엇을 말하겠습니까? 자기보다 나은 사람들을 비방하지 말고, 이방인이라고 불린다는 이유로 그들을 조롱하지 말라는 것입니다. 모든 사람이 서로의 말을 알아듣지 못하는 이유도 원한다면 찾을 수 있습니다. 우리의 가르침을 살펴보려는 이들에게 나는 쉽고 아낌없이 설명하겠습니다.

Τούτων οὖν τὴν κατάληψιν μεμυημένος καὶ πεποιημένος βούλομαι καθάπερ τὰ νήπια τῶν βρεφῶν ἀποδύσασθαι. Τὴν γὰρ τῆς πονηρίας σύστασιν ἐοικυῖαν τῇ τῶν βραχυτάτων σπερμάτων ἴσμεν· ἅτε διὰ μικρᾶς ἀφορμῆς τούτου κρατυνθέντος, πάλιν δὲ αὖ λυθησομένου, ἡμῶν πειθομένων λόγοις θεοῦ καὶ μὴ σκορπιζόντων ἑαυτούς. Διά τινος γὰρ ἀποκρύφου θησαυροῦ τῶν ἡμετέρων ἐπεκράτησεν, ὃν ὀρύττοντες κονιορτῷ μὲν ἡμεῖς ἐνεπλήθημεν, τούτῳ δὲ τοῦ συνεστάναι τὴν ἀφορμὴν παρέχομεν. Τὸ γὰρ αὐτοῦ πᾶν ἀποδεχόμενος κτῆμα τοῦ πολυτιμοτέρου πλούτου τὴν ἐξουσίαν ἐχειρώσατο. Ταῦτα μὲν οὖν πρὸς τοὺς ἡμῶν οἰκείους εἰρήσθω. Πρὸς δὲ ὑμᾶς τοὺς Ἕλληνας τί ἂν ἕτερον, ἢ τὸ μὴ τοῖς κρείττοσι λοιδορεῖσθαι, μηδὲ εἰ βάρβαροι λέγοιντο ταύτην λαμβάνειν τῆς χλεύης τὴν ἀφορμήν; Τοῦ γὰρ πάντας ἀλλήλων ὑπακούειν τῆς διαλέκτου μὴ δύνασθαι τὴν αἰτίαν εὑρεῖν, ἢν ἐθέλητε, δυνήσεσθε· ἐξετάζειν γὰρ βουλομένοις τὰ ἡμέτερα ῥᾳδίαν καὶ ἄφθονον ποιήσομαι τὴν διήγησιν.

이제 우리의 철학이 그리스인의 학문보다 오래되었다는 사실을 제시하는 것이 적절하겠습니다. 비교의 기준은 모세와 호메로스입니다. 둘 다 오래된 인물이며, 한 사람은 시인들과 역사가들보다 앞서고, 다른 사람은 이방의 모든 지혜를 시작한 인물이기 때문입니다. 이제 둘을 비교해 봅시다. 우리의 가르침이 그리스의 교육뿐 아니라 문자의 발명보다도 앞선다는 사실을 알게 될 것입니다. 나는 우리 편 사람들을 증인으로 삼지 않고, 오히려 그리스인들의 도움을 받겠습니다. 전자라면 공정하지 못하며 여러분도 받아들이지 않을 것입니다. 후자의 방식으로 입증하면 놀라운 일이 됩니다. 여러분의 무기로 여러분에게 맞서며, 의심할 여지 없는 증거를 여러분에게서 얻는 셈이기 때문입니다. 호메로스의 시와 가문, 활동 시기를 오래전부터 연구한 이들이 있습니다. 캄비세스 시대에 살았던 레기온의 테아게네스, 타소스의 스테심브로토스와 콜로폰의 안티마코스, 할리카르나소스의 헤로도토스와 올린토스의 디오니시오스가 그들입니다. 그 뒤에는 키메의 에포로스와 아테네의 필로코로스, 소요학파의 메가클레이데스와 카마일레온이 있었고, 다음으로 문법학자 제노도토스, 아리스토파네스, 칼리마코스, 크라테스, 에라토스테네스, 아리스타르코스, 아폴로도로스가 있었습니다. 이 가운데 크라테스 계열은 호메로스가 헤라클레스 후손들의 귀환 전에 활동했다고 하며, 트로이아 전쟁 뒤 80년 이내라고 합니다. 에라토스테네스 계열은 일리온 함락 뒤 100년이 지난 때라고 하고, 아리스타르코스 계열은 이오니아 식민 때, 곧 트로이아 전쟁 뒤 140년이라고 합니다. 필로코로스는 이오니아 식민 이후, 아테네의 아르콘 아르키포스 때, 트로이아 전쟁 뒤 180년이라고 합니다. 아폴로도로스 계열은 이오니아 식민 뒤 100년이라고 하니, 이는 트로이아 전쟁 뒤 240년이 됩니다. 어떤 이들은 그가 올림피아 경기 시작 90년 전에 살았다고 하는데, 이는 일리온 함락 뒤 317년입니다. 다른 이들은 그 시기를 더 늦추어, 호메로스가 아르킬로코스와 동시대였다고 말했습니다. 아르킬로코스는 제23회 올림피아드 무렵, 리디아의 기게스 시대, 트로이아 전쟁 뒤 500년경에 활동했습니다. 앞서 말한 시인, 곧 호메로스의 시기와 그 존재에 관해 전한 사람들의 불일치는 정밀하게 검토할 수 있는 사람들을 위해 이 정도로 요약해 두겠습니다. 그의 작품에 관한 견해들도 거짓임을 밝힐 수 있습니다. 연대 기록이 서로 맞지 않는 사람들에게는 역사의 내용도 참될 수 없기 때문입니다. 기록에 오류가 생기는 이유가 사실이 아닌 것을 쓰는 일 말고 무엇이겠습니까?

Νῦν δὲ προσῆκον μοι νομίζω παραστῆσαι πρεσβυτέραν τὴν ἡμετέραν φιλοσοφίαν τῶν παρ᾿ Ἕλλησιν ἐπιτηδευμάτων. Ὅροι δὲ ἡμῖν κείσονται Μωυσῆς καὶ Ὅμηρος, τῷ ἑκάτερον αὐτῶν εἶναι παλαιότερον, καὶ τὸν μὲν ποιητῶν καὶ ἱστορικῶν εἶναι πρεσβύτερον, τὸν δὲ πάσης βαρβάρου σοφίας ἀρχηγόν. Καὶ ὑφ᾿ ἡμῶν νῦν εἰς σύγκρισιν παραλαμβανέσθωσαν· εὑρήσομεν γὰρ οὐ μόνον τῆς Ἑλλήνων παιδείας τὰ παρ᾿ ἡμῖν ἀλλὰ ἔτι καὶ τῆς τῶν γραμμάτων εὑρέσεως ἀνώτερα. Μάρτυρας δὲ οὐ τοὺς οἴκοι παραλήψομαι, βοηθοῖς δὲ μᾶλλον Ἕλλησι χρήσομαι· τὸ μὲν γὰρ ἄγνωμον, ὅτι μηδὲ ὑφ᾿ ὑμῶν παραδεκτέον, τὸ δ᾿ ἂν ἀποδεικνύηται θαυμαστόν, ὅταν ὑμῖν διὰ τῶν ὑμετέρων ὅπλων ἀντερείδων ἀνυπόπτους παρ᾿ ὑμῶν τοὺς ἐλέγχους λαμβάνω. Περὶ γὰρ τῆς ποιήσεως τοῦ Ὁμήρου, γένους τε αὐτοῦ καὶ χρόνου καθ᾿ ὃν ἤκμασεν, προηρεύνησαν οἱ πρεσβύτατοι, Θεαγένης τε ὁ Ῥηγῖνος κατὰ Καμβύσην γεγονώς, Στησίμβροτός τε ὁ Θάσιος καὶ Ἀντίμαχος ὁ Κολοφώνιος, Ἡρόδοτός τε ὁ Ἁλικαρνασσεὺς καὶ Διονύσιος ὁ Ὀλύνθιος· μετ᾿ ἐκείνους Ἔφορος ὁ Κυμαῖος καὶ Φιλόχορος ὁ Ἀθηναῖος, Μεγακλείδης τε καὶ Χαμαιλέων οἱ Περιπατητικοί· ἔπειτα γραμματικοὶ Ζηνόδοτος, Ἀριστοφάνης, Καλλίμαχος, Κράτης, Ἐρατοσθένης, Ἀρίσταρχος, Ἀπολλόδωρος. Τούτων δὲ οἱ περὶ Κράτητα πρὸ τῆς Ἡρακλειδῶν καθόδου φασὶν αὐτὸν ἠκμακέναι, μετὰ τὰ Τρωϊκὰ ἐνδοτέρω τῶν ὀγδοήκοντα ἐτῶν· οἱ δὲ περὶ Ἐρατοσθένη μετὰ ἑκατοστὸν ἔτος τῆς Ἰλίου ἁλώσεως· οἱ δὲ περὶ Ἀρίσταρχον κατὰ τὴν Ἰωνικὴν ἀποικίαν, ἥ ἐστι μετὰ ἑκατὸν καὶ τεσσαράκοντα ἔτη τῶν Ἰλιακῶν· φιλόχορος δὲ μετὰ τὴν Ἰωνικὴν ἀποικίαν, ἐπὶ ἄρχοντος Ἀθήνῃσιν Ἀρχίππου, τῶν Ἰλιακῶν ὕστερον ἔτεσιν ἑκατὸν ὀγδοήκοντα· οἱ δὲ περὶ Ἀπολλόδωρον μετὰ τὴν Ἰωνικὴν ἀποικίαν ἔτεσιν ἑκατόν, ὅπερ γένοιτο ἂν ὕστερον τῶν Ἰλιακῶν ἔτεσι διακοσίοις τεσσαράκοντα. Τινὲς δὲ πρὸ τῶν ὀλυμπιάδων ἔφασαν αὐτὸν γεγονέναι ἔτεσιν ἐνενήκοντα, τουτέστι μετὰ τὴν Ἰλίου ἅλωσιν ἔτεσι τριακοσίοις ἑπτακαίδεκα· ἕτεροι δὲ κάτω τὸν χρόνον ὑπήγαγον, σὺν Ἀρχιλόχῳ γεγονέναι τὸν Ὅμηρον εἰπόντες· ὁ δὲ Ἀρχίλοχος ἤκμασε περὶ ὀλυμπιάδα τρίτην καὶ εἰκοστήν, κατὰ Γύγην τὸν Λυδόν, τῶν Ἰλιακῶν ὕστερον ἔτεσι πεντακοσίοις. Καὶ περὶ μὲν τοῦ χρόνου τοῦ προειρημένου ποιητοῦ, λέγω δὲ Ὁμήρου, συστάσεως τε καὶ τῶν εἰπόντων περὶ αὐτοῦ ἀσυμφωνίας τοῖς ἐπ᾿ ἀκριβὲς ἐξετάζειν δυναμένοις αὐτάρκως ἡμῖν ὡς ἐπὶ κεφαλαίων εἰρήσθω. Δυνατὸν γὰρ ψευδεῖς ἀποφήνασθαι καὶ τὰς περὶ τοὺς λόγους δόξας. Παρ᾿ οἷς γὰρ ἀσυνάρτητός ἐστιν ἡ τῶν χρόνων ἀναγραφή, παρὰ τούτοις οὐδὲ τὰ τῆς ἱστορίας ἀληθεύειν δυνατόν. Τί γὰρ τὸ αἴτιον τῆς ἐν τῷ γράφειν πλάνης, εἰ μὴ τὸ συντάττειν τὰ μὴ ἀληθῆ;

우리에게는 헛된 명예를 향한 욕망이 없고, 여러 가르침을 마구 사용하지도 않습니다. 세속적이고 땅에 속한 말에서 떨어져, 하나님의 명령에 순종하고 썩지 않음의 아버지의 법을 따르며, 인간의 명성에 달린 모든 것을 버립니다. 부자들만 철학을 하는 것이 아니라, 가난한 사람들도 무료로 가르침을 받습니다. 하나님에게서 오는 것은 세상의 선물로 보상할 수 있는 가치를 뛰어넘기 때문입니다. 우리는 듣고자 하는 사람을 모두 이렇게 받아들입니다. 나이 든 여인이든 젊은이든 받아들이며, 우리 가운데서는 모든 나이가 존중받습니다. 방탕한 일은 멀리 떨어져 있습니다. 우리가 하는 말은 거짓이 아닙니다. 여러분이 믿지 않겠다고 고집하는 데에도 끝이 있으면 좋겠습니다. 그렇지 않더라도, 우리의 가르침은 하나님의 판단으로 확증될 것입니다. 여러분은 웃고 있지만, 장차 울게 될 것입니다. 여러분이 네스토르는 존경하면서 그가 나이가 들어 힘없고 굼떠 말의 멍에 줄을 느리게 자르면서도 젊은이들처럼 싸우려 한다고 감탄하면서, 우리 가운데 노쇠함과 싸우며 하나님에 관해 탐구하는 이들은 비웃으니, 어찌 기이하지 않습니까? 아마존 여인들과 세미라미스와 그 밖의 여성들은 전사였다고 하면서, 우리의 처녀들은 비방하는 여러분을 누가 비웃지 않겠습니까? 아킬레우스는 젊었지만 매우 용감한 사람으로 여겨집니다. 네오프톨레모스는 더 어렸지만 강했습니다. 필록테테스는 병들었지만 신탁은 트로이아를 치는 데 그가 필요하다고 했습니다. 테르시테스는 어떤 사람이었습니까? 그 역시 군대를 이끌었습니다. 무지 탓에 말이 지나치게 많지만 않았다면, 뾰족한 머리에 머리숱이 적다고 욕먹지도 않았을 것입니다. 우리 가운데 철학을 하려는 모든 사람은 눈에 보이는 것을 기준으로 사람을 평가하지 않고, 찾아오는 사람을 외모로 판단하지 않습니다. 마음의 굳셈은 누구에게나 있을 수 있으며, 몸이 약해도 그렇다고 생각하기 때문입니다. 그러나 여러분의 태도에는 시기와 큰 어리석음이 가득합니다.

Παρ᾿ ἡμῖν δὲ τῆς μὲν κενοδοξίας ὁ ἵμερος οὐκ ἔστι, δογμάτων δὲ ποικιλίαις οὐ καταχρώμεθα. Λόγου γὰρ τοῦ δημοσίου καὶ ἐπιγείου κεχωρισμένοι, καὶ πειθόμενοι θεοῦ παραγγέλμασι καὶ νόμῳ πατρὸς ἀφθαρσίας ἑπόμενοι, πᾶν τὸ ἐν δόξῃ κείμενον ἀνθρωπίνῃ παραιτούμεθα. Φιλοσοφοῦσί τε οὐ μόνον οἱ πλουτοῦντες, ἀλλὰ καὶ οἱ πένητες προῖκα τῆς διδασκαλίας ἀπολαύουσι· τὰ γὰρ παρὰ θεοῦ τῆς ἐν κόσμῳ δωρεᾶς ὑπερπαίει τὴν ἀμοιβήν. Τοὺς δὲ ἀκροᾶσθαι βουλομένους πάντας οὕτως προσιέμεθα, κἂν πρεσβύτιδες ὦσι κἂν μειράκια, πᾶσά τε ἁπαξαπλῶς ἡλικία παρ᾿ ἡμῖν τυγχάνει τιμῆς· τὰ δὲ τῆς ἀσελγείας πόῤῥω κεχώρισται. Καὶ ἡμεῖς μὲν λέγοντες οὐ ψευδόμεθα. Τὰ δὲ τῆς ὑμετέρας περὶ τὴν ἀπιστίαν ἐπιμονῆς καλὸν μὲν εἰ λαμβάνοι περιγραφήν· εἰ δ᾿ οὐ, τὰ ἡμέτερα ἔστω θεοῦ γνώμῃ βεβαιούμενα. Γελᾶτε δὲ ὑμεῖς, ὡς καὶ κλαύσοντες. Πῶς γὰρ οὐκ ἄτοπον Νέστορα μὲν καθ᾿ ὑμᾶς, τῶν ἵππων τὰς παρηορίας βραδέως ἀποτέμνοντα διὰ τὸ ἄτονον καὶ νωθὲς τῆς ἡλικίας, θαυμάζεσθαι πειρώμενον ἐπ᾿ ἴσης τοῖς νέοις πολεμεῖν, τοὺς δὲ παρ᾿ ἡμῖν τῷ γήρᾳ παλαίοντας καὶ τὰ περὶ θεοῦ πραγματευομένους γελᾶσθαι; Τίς δὲ οὐκ ἂν γελάσειεν Ἀμαζόνας μὲν καὶ Σεμίραμιν καί τινας ἄλλας πολεμικὰς φασκόντων ὑμῶν γεγονέναι, τὰς δὲ παρ᾿ ἡμῖν παρθένους λοιδορούντων; Μειράκιον ἦν ὁ Ἀχιλλεύς, καὶ γενναῖος εἷναι πεπίστευται σφόδρα· καὶ ὁ Νεοπτόλεμος νεώτερος, ἀλλὰ ἱσχυρὸς ἦν· Φιλοκτήτης ἀσθενής, ἀλλ᾿ ἔχρῃζεν αὐτοῦ κατὰ Τροίας τὸ δαιμόνιον. Ὁ Θερσίτης ὁποῖος ἦν; Ἀλλ᾿ ἐστρατήγει· τὸ δ᾿ ἀμετροεπὲς εἰ μὴ προσῆν αὐτῷ διὰ τὴν ἀμαθίαν, οὐκ ἂν ὡς φοξὸς καὶ ψεδνὸς διεβάλλετο. Πάντες οἱ βουλόμενοι φιλοσοφεῖν παρ᾿ ἡμῖν ἄνθρωποι οὐ τὸ ὁρώμενον δοκιμάζομεν, οὐδὲ τοὺς προσιόντας ἡμῖν ἀπὸ σχήματος κρίνομεν· τὸ γὰρ τῆς γνώμης ἐῤῥωμένον παρὰ πᾶσιν εἶναι δύνασθαι λελογίσμεθα, κἂν ἀσθενεῖς ὦσι τοῖς σώμασι. Τὰ δὲ ὑμέτερα φθόνου μεστὰ καὶ βλακείας πολλῆς.

그래서 나는 여러분이 존중하는 것들을 바탕으로 우리의 삶이 절제되어 있고, 여러분의 관습에는 광기가 가득하다는 것을 밝히려 했습니다. 우리가 여자들과 젊은이들, 처녀들과 노인들 사이에서 헛소리를 한다고 말하며, 여러분과 함께하지 않는다고 조롱하는 이들이여, 그리스인들의 일에 깃든 어리석음을 들으십시오. 여러분의 신들이 하는 일은 큰 명성 속에서도 더욱 허황되며, 여인들의 거처를 통해 여러분은 추태를 드러냅니다. 리시포스는 프락실라의 청동상을 만들었지만, 그녀는 시로 아무 유익한 말도 하지 않았습니다. 메네스트라토스는 레아르키스의 상을, 실라니온은 유녀 사포의 상을, 나우키데스는 레스보스의 에린나 상을, 보이스코스는 미르티스의 상을, 케피소도토스는 비잔티온의 미로 상을 만들었습니다. 곰포스는 프락시고리스의 상을, 암피스트라토스는 클레이토의 상을 만들었습니다. 아니테와 텔레실라와 미스티스에 관해서는 무엇을 더 말하겠습니까? 첫 여인의 상은 에우티크라테스와 케피소도토스가, 둘째의 상은 니케라토스가, 셋째의 상은 아리스토도토스가 만들었습니다. 에페소스의 므네시아르키스 상은 에우티크라테스가, 코린나 상은 실라니온이, 아르고스의 탈라르키스 상은 에우티크라테스가 만들었습니다. 내가 이들을 열거한 것은 우리 가운데 별난 일이 일어나는 듯이 여기지 말고, 눈앞에 있는 활동들을 비교하여 우리 가운데 철학하는 여성들을 비웃지 말라는 뜻입니다. 사포는 음란하고 사랑에 미친 여인으로서 자기 방탕함을 노래합니다. 그러나 우리의 여성들은 모두 절제하며, 처녀들은 물레 곁에서 여러분의 그 소녀보다 더 진지하게 하나님의 말씀을 이야기합니다. 그러니 부끄러워하십시오. 여러분 자신은 그런 여인들의 제자가 되어 있으면서, 우리와 함께 사는 여인들과 그들과 함께하는 모임을 조롱합니다. 글라우키페가 무슨 훌륭한 아이를 여러분에게 보여 주었습니까? 그녀는 기괴한 것을 낳았으며, 그녀의 상이 이를 보여 줍니다. 아테네 태생 에우크테몬의 아들 니케라토스가 만든 청동상입니다. 그녀가 코끼리를 배었다고 해서, 왜 글라우키페가 공적인 영예를 받아야 합니까? 프락시텔레스와 헤로도토스는 유녀 프리네의 상을 만들었고, 에우티크라테스는 유혹한 자의 아이를 밴 판테우키스의 청동상을 만들었습니다. 파이오니아의 여왕 베산티스는 검은 피부의 아이를 배었다는 이유로 데이노메네스의 작품을 통해 기억되게 되었습니다. 나는 피타고라스도 비판했습니다. 황소 위에 에우로페를 앉혔기 때문입니다. 여러분도 비판했습니다. 제우스를 고발하는 그 사람을 그의 기술 때문에 존중했으니까요. 송아지를 만들고 그 위에 승리의 여신을 놓은 미론의 기술도 우습습니다. 아게노르의 딸을 납치한 자가 간음과 무절제의 상을 얻었다는 것이니까요. 올린토스의 헤로도토스는 유녀 글리케라와 수금 타는 아르게이아의 상을 만들었습니다. 브리아크시스는 파시파에의 상을 세웠습니다. 그녀의 방탕을 기념하면서 오늘의 여인들도 그렇게 되기를 바라는 것이나 다름없습니다. 멜라니페라는 지혜로운 여인이 있었고, 그 때문에 리시스트라토스는 그녀를 조각했습니다. 그런데 여러분은 우리 가운데도 지혜로운 여인들이 있다는 것을 믿지 않았습니다.

Διὰ τοῦτο προεθυμήθην ἀπὸ τῶν νομιζομένων παρ᾿ ὑμῖν τιμίων παριστᾶν ὅτι τὰ μὲν ἡμέτερα σωφρονεῖ, τὰ δὲ ὑμέτερα ἔθη μανίας ἔχεται πολλῆς. Οἱ γὰρ ἐν γυναιξὶ καὶ μειρακίοις, παρθένοις τε καὶ πρεσβύταις φλυαρεῖν ἡμᾶς λέγοντες, καὶ διὰ τὸ μὴ σὺν ὑμῖν εἶναι χλευάζοντες, ἀκούσατε τῶν παρ᾿ Ἑλλήνων πραγμάτων τὸν λῆρον. Ληραίνει γὰρ διὰ δόξης μᾶλλον πολλῆς τῶν παρ᾿ ὑμῖν θεῶν τὰ ἐπιτηδεύματα, καὶ διὰ τῆς γυναικωνίτιδος ἀσχημονεῖτε. Πράξιλλαν μὲν γὰρ Λύσιππος ἐχαλκούργησεν, μηδὲν εἰποῦσαν διὰ τῶν ποιημάτων χρήσιμον, Λεαρχίδα δὲ Μενέστρατος, Σιλανίων δὲ Σαπφὼ τὴν ἑταίραν, Ἤρινναν τὴν Λεσβίαν Ναυκύδης, Βοΐσκος Μυρτίδα, Μυρὼ τὴν Βυζαντίαν Κηφισόδοτος, Γόμφος Πραξιγορίδα καὶ Ἀμφίστρατος Κλειτώ. Τί γὰρ μοι περὶ Ἀνύτης λέγειν, Τελεσίλλης τε καὶ Μυστίδος; Τῆς μὲν γὰρ Εὐθυκράτης τε καὶ Κηφισόδοτος, τῆς δὲ Νικήρατος, τῆς δὲ Ἀριστόδοτός εἰσιν οἱ δημιουργοί· Μνησιαρχίδος τῆς Ἐφεσίας Εὐθυκράτης, Κορίννης Σιλανίων, Θαλαρχίδος τῆς Ἀργείας Εὐθυκράτης. Ταύτας δὲ εἰπεῖν προυθυμήθην, ἵνα μηδὲ παρ᾿ ἡμῖν ξένον τι πράττεσθαι νομίζητε, καὶ συγκρίναντες τὰ ὑπ᾿ ὄψιν ἐπιτηδεύματα μὴ χλευάζητε τὰς παρ᾿ ἡμῖν φιλοσοφούσας. Καὶ ἡ μὲν Σαπφὼ γύναιον πορνικὸν ἐρωτομανές, καὶ τὴν ἑαυτῆς ἀσέλγειαν ᾄδει· πᾶσαι δὲ αἱ παρ᾿ ἡμῖν σωφρονοῦσι, καὶ περὶ τὰς ἠλακάτας αἱ παρθένοι τὰ κατὰ θεὸν λαλοῦσιν ἐκφωνήματα τῆς παρ᾿ ὑμῖν παιδὸς σπουδαιότερον. Τούτου χάριν αἰδέσθητε, μαθηταὶ μὲν ὑμεῖς τῶν γυναίων εὑρισκόμενοι, τὰς δὲ σὺν ἡμῖν πολιτευομένας σὺν τῇ μετ᾿ αὐτῶν πανηγύρει χλευάζοντες. Τί γὰρ ὑμῖν ἡ Γλαυκίππη σεμνὸν εἰσηγήσατο παιδίον, ἥτις τεράστιον ἐγέννησεν, καθὼς δείκνυσιν αὐτῆς ἡ εἰκών, Νικηράτου τοῦ Εὐκτήμονος Ἀθηναίου τὸ γένος χαλκεύσαντος; Εἰ γὰρ ἐκύησεν ἐλέφαντα, τί τὸ αἴτιον τοῦ δημοσίας ἀπολαύσαι τιμῆς τὴν Γλαυκίππην; Φρύνην τε τὴν ἑταίραν ὑμῖν Πραξιτέλης καὶ Ἡρόδοτος πεποιήκασι, καὶ Παντευχίδα συλλαμβάνουσαν ἐκ φθορέως Εὐθυκράτης ἐχαλκούργησεν. Βησαντίδα, τὴν Παιόνων βασίλισσαν, ὅτι παιδίον μέλαν ἐκύησε, Δεινομένης διὰ τῆς ἑαυτοῦ τέχνης μνημονεύεσθαι παρεσκεύασεν. Ἐγὼ καὶ Πυθαγόρου κατέγνωκα, τὴν Εὐρώπην ἐπὶ τοῦ ταύρου καθιδρύσαντος, καὶ ὑμῶν, οἵτινες τοῦ Διὸς τὸν κατήγορον διὰ τὴν ἐκείνου τέχνην τετιμήκατε. Γελῶ καὶ τὴν Μύρωνος ἐπιστήμην ποιήσαντος μόσχον, ἐπὶ δὲ αὐτοῦ Νίκην, ὅτι τὴν Ἀγήνορος ἁρπάσας θυγατέρα μοιχείας καὶ ἀκρασίας βραβεῖον ἀπηνέγκατο. Τὴν Γλυκέραν τὴν ἑταίραν καὶ Ἀργείαν τὴν ψάλτριαν ὁ Ὀλύνθιος Ἡρόδοτος κατεσκεύασεν. Βρύαξις Πασιφάην ἔστησεν, ἧς τὴν ἀσέλγειαν μνημονεύσαντες μονονουχὶ καὶ τὰς γυναῖκας τὰς νῦν τοιαύτας εἶναι προῄρησθε. Μελανίππη τις ἦν σοφή· διὰ τοῦτο ταύτην ὁ Λυσίστρατος ἐδημιούργησεν. Ἦ ὑμεῖς δὲ εἶναι παρ᾿ ἡμῖν σοφὰς οὐ πεπιστεύκατε.

폭군 팔라리스도 참 존경할 만하군요. 젖먹이들을 먹어 치운 자가 암브라키아의 폴리스트라토스가 만든 상을 통해 지금까지도 놀라운 인물처럼 전시됩니다. 아크라가스 사람들은 그가 사람을 먹기 때문에 그 얼굴을 보기도 두려워했는데, 교육에 관심 있다는 이들은 조각상을 통해 그를 본다고 자랑합니다. 형제 살해가 여러분 가운데 존중받으니, 어찌 끔찍하지 않습니까? 폴리네이케스와 에테오클레스의 상을 보면서도, 그것들을 만든 피타고라스와 함께 구덩이에 던져 버리지 않습니다. 악의 기념물들을 없애십시오. 내가 왜 페리클리메노스 때문에 아이 서른 명을 낳은 여인의 상을 놀라운 작품으로 생각하고 바라보아야 합니까? 그토록 많은 무절제의 첫 열매를 거둔 여인이라면 혐오하는 편이 나았을 것입니다. 그녀는 로마인들의 암퇘지에 비길 만하며, 그 암퇘지도 비슷한 일 때문에 더 신비로운 숭배를 받는다고 합니다. 아레스는 아프로디테와 간음했고, 안드론은 둘 사이에서 태어난 하르모니아의 상을 여러분에게 만들어 주었습니다. 소프론은 저술로 헛소리와 수다를 전했는데, 청동상 덕분에 더욱 유명해졌으며 그 상은 지금도 있습니다. 거짓 이야기를 하는 아이소포스가 언제나 기억되고 높이 평가받는 것도 그의 우화뿐 아니라 아리스토데모스의 조각 덕분입니다. 그러니 어떻게 부끄럽지 않습니까? 유익한 일은 하지 않은 수많은 여류 시인, 셀 수 없는 유녀와 악한 남자들을 두고서, 우리 여성들의 정숙함을 비방하고 있습니다. 에우안테가 산책로에서 아이를 낳았다는 사실을 배우고, 칼리스트라토스의 기술에 입을 벌려 감탄하며, 칼리아스가 만든 네아이라 상을 바라보는 것이 무슨 중요함이 있습니까? 그녀는 유녀였습니다. 라이스는 매춘을 했고, 투르노스는 그녀를 그 매춘의 기념물로 만들었습니다. 왜 헤파이스티온의 음행을 부끄러워하지 않습니까? 필론이 아무리 훌륭하게 그를 조각했어도 말입니다. 왜 레오카레스가 만든 여성적인 가니메데스를 대단한 소유물인 양 존중했습니까? 프락시텔레스는 더럽혀지는 어떤 여인도 조각했습니다. 여러분은 이런 것을 모두 버리고 참으로 가치 있는 것을 찾아야 했습니다. 필라이니스와 엘레판티스의 입에 담지 못할 착상들을 자기 것으로 삼으면서 우리의 삶을 혐오해서는 안 됩니다.

Πάνυ γοῦν σεμνὸς καὶ ὁ τύραννος Φάλαρις, ὅς, τοὺς ἐπιμαστιδίους θοινώμενος παῖδας, διὰ τῆς Πολυστράτου τοῦ Ἀμπρακιώτου κατασκευῆς μέχρι νῦν ὥς τις ἀνὴρ θαυμαστὸς δείκνυται· καὶ οἱ μὲν Ἀκραγαντῖνοι βλέπειν αὐτοῦ τὸ πρόσωπον τὸ προειρημένον διὰ τὴν ἀνθρωποφαγίαν ἐδεδίεσαν, οἷς δὲ μέλον ἐστὶ παιδείας αὐχοῦσιν ὅτι δι᾿ εἰκόνος αὐτὸν θεωροῦσι. Πῶς γὰρ οὐ χαλεπὸν ἀδελφοκτονίαν παρ᾿ ὑμῖν τετιμῆσθαι, οἱ Πολυνείκους καὶ Ἐτεοκλέους ὁρῶντες τὰ σχήματα, καὶ μὴ σὺν τῷ ποιήσαντι Πυθαγόρᾳ καταβοθρώσαντες; Ἐναπόλλυτε τῆς κακίας τὰ ὑπομνήματα. Τί μοι διὰ τὸν Περικλύμενον γύναιον, ὅπερ ἐκύησε τριάκοντα παῖδας, ὡς θαυμαστὸν ἡγεῖσθαι καὶ κατανοεῖν ποίημα; Πολλῆς γὰρ ἀκρασίας ἀπενεγκαμένῃ τὰ ἀκροθίνια βδελύττεσθαι καλὸν ἦν, τῇ κατὰ Ῥωμαίους συῒ παρεικαζομένῃ, ἥτις καὶ αὐτὴ διὰ τὸ ὅμοιον μυστικωτέρας, ὥς φασιν, ἠξίωται θεραπείας. Ἐμοίχευσε δὲ Ἄρης τὴν Ἀφροδίτην, καὶ τὴν ἀπ᾿ αὐτῶν Ἁρμονίαν Ἄνδρων ὑμῖν κατεσκεύασε. Λήρους καὶ φλυαρίας Σώφρων διὰ συνταγμάτων παραδοὺς ἐνδοξότερος χάριν τῆς χαλκευτικῆς, ἥ μέχρι νῦν ἔστι. Καὶ τὸν ψευδολόγον Αἴσωπον ἀείμνηστον οὐ μόνον τὰ μυθολογήματα ἀλλὰ καὶ ἡ κατὰ τὸν Ἀριστόδημον πλαστικὴ περισπούδαστον ἀπέδειξεν. Εἶτα πῶς οὐκ αἰδεῖσθε, τοσαύτας μὲν ἔχοντες ποιητρίας οὐκ ἐπί τι χρήσιμον, πόρνας δὲ ἀπείρους καὶ μοχθηροὺς ἄνδρας, τῶν παρ᾿ ἡμῖν γυναικῶν διαβάλλοντες τὴν σεμνότητα; Τί μοι σπουδαῖον μανθάνειν Εὐάνθην ἐν Περιπάτῳ τεκεῖν, καὶ πρὸς τὴν Καλλιστράτου κεχηνέναι τέχνην, καὶ πρὸς τῇ Καλλιάδου Νεαίρᾳ παρέχειν τοὺς ὀφθαλμούς; Ἑταίρα γὰρ ἦν. Λαῒς ἐπόρνευσε, καὶ ὁ Τοῦρνος αὐτὴν ὑπόμνημα τῆς πορνείας ἐποίησεν. Διὰ τί τὴν Ἡφαιστίωνος οὐκ αἰδεῖσθε πορνείαν, καὶ εἰ πάνυ Φίλων αὐτὸν ἐντέχνως ποιεῖ; Τίνος δὲ χάριν διὰ Λεωχάρους Γανυμήδη τὸν ἀνδρόγυνον, ὣς τι σπουδαῖον ἔχοντες κτῆμα, τετιμήκατε; Καὶ σπιλούμενόν τι γύναιον Πραξιτέλης ἐδημιούργησεν. Ἐχρῆν δὲ πᾶν τὸ τοιοῦτον παραιτησαμένους τὸ κατὰ ἀλήθειαν σπουδαῖον ζητεῖν, καὶ μηδὲ Φιλαινίδος μηδὲ Ἐλεφαντίδος τῶν ἀῤῥήτων ἐπινοιῶν ἀντιποιουμένους τὴν ἡμετέραν πολιτείαν βδελύττεσθαι.

나는 이 일을 남에게 배워서 설명한 것이 아닙니다. 여러 땅을 다녔고, 여러분의 학문을 가르치기도 했으며, 많은 기술과 고안을 접했습니다. 마지막으로 로마인들의 도시에 머물면서 여러분의 땅에서 그곳으로 옮겨진 갖가지 조각상들을 자세히 보았습니다. 나는 흔히들 하듯 남의 견해로 내 주장을 뒷받침하려 하지 않습니다. 내가 거절할 모든 것에 대해 직접 이해하고 그 기록을 쓰고자 합니다. 그러므로 로마인의 거만함과 아테네인의 썰렁한 말장난, 서로 맞지 않는 가르침들과 작별하고, 우리의 이방 철학을 붙들었습니다. 그 철학이 여러분의 학문보다 얼마나 오래되었는지 쓰기 시작했다가, 급히 설명할 일 때문에 미루어 두었으니, 이제 때가 된 만큼 그 가르침에 관해 말하겠습니다. 우리의 교육을 불쾌하게 여기거나, 수다와 저속한 익살이 가득한 반론을 우리에게 늘어놓으며 이렇게 말하지 마십시오. “타티아노스는 그리스인들을 제치고, 철학한 수없이 많은 사람들을 제치고, 이방의 새로운 가르침을 만들어 낸다.” 무지함이 드러난 사람들이 같은 처지의 한 인간에게 지금 논박받는 것이 무엇이 잘못입니까? 여러분 자신의 지혜로운 사람이 말했듯, 늘 모든 것을 배우며 늙어 가는 것이 무엇이 이상합니까?

Ταῦτα μὲν οὖν οὐ παρ᾿ ἄλλου μαθὼν ἐξεθέμην, πολλὴν ἐπιφοιτήσας γῆν, καὶ τοῦτο μὲν σοφιστεύσας τὰ ὑμέτερα, τοῦτο δὲ τέχναις καὶ ἐπινοίαις ἐγκυρήσας πολλαῖς, ἔσχατον δὲ τῇ Ῥωμαίων ἐνδιατρίψας πόλει, καὶ τὰς ἀφ᾿ ὑμῶν ὡς αὐτοὺς ἀνακομισθείσας ἀνδριάντων ποικιλίας καταμαθών· οὐ γάρ, ὡς ἔθος ἐστὶν τοῖς πολλοῖς, ἀλλοτρίαις δόξαις τἀμαυτοῦ κρατύνειν πειρῶμαι, πάντων δὲ ὧν ἀποποιήσομαι αὐτὸς τὴν κατάληψιν τούτων καὶ τὴν ἀναγραφὴν συντάττειν βούλομαι. Διόπερ χαίρειν εἰπὼν καὶ τῇ Ῥωμαίων μεγαλαυχίᾳ καὶ τῇ Ἀθηναίων ψυχρολογίᾳ, δόγμασιν ἀσυναρτήτοις, τῆς καθ᾿ ἡμᾶς βαρβάρου φιλοσοφίας ἀντεποιησάμην· ἥτις ὅν τρόπον ἐστὶν τῶν παρ᾿ ὑμῖν ἐπιτηδευμάτων ἀρχαιοτέρα γράφειν μὲν ἀρξάμενος, διὰ δὲ τὸ κατεπεῖγον τῆς ἐξηγήσεως ὑπερθέμενος, νῦν ὅτε καιρὸς περὶ τῶν κατ᾿ αὐτὴν δογμάτων λέγειν πειράσομαι. Μὴ γὰρ δυσχεράνητε τὴν ἡμετέραν παιδείαν, μηδὲ φλυαρίαις καὶ βωμολοχίαις μεστὴν ἀντιλογίαν καθ᾿ ἡμῶν πραγματεύησθε, λέγοντες· Τατιανὸς ὑπὲρ τοὺς Ἕλληνας, ὑπὲρ τὸ ἄπειρον τῶν φιλοσοφησάντων πλῆθος, καινοτομεῖ τὰ βαρβάρων δόγματα. Τί γὰρ χαλεπὸν ἀνθρώπους πεφηνότας ἀμαθεῖς ὑπὸ ἀνθρώπου νῦν ὁμοιοπαθοῦς συνελέγχεσθαι; Τί δὲ καὶ ἄτοπον κατὰ τὸν οἰκεῖον ὑμῖν σοφιστὴν γηράσκειν ἀεὶ πάντα διδασκομένους;

그렇다면 호메로스가 트로이아 전쟁 이후의 사람이 아니라, 바로 그 전쟁 때 살았다고 가정합시다. 아가멤논의 무리와 함께 싸웠으며, 원한다면 문자의 발명보다도 먼저 살았다고 해 둡시다. 그래도 앞서 말한 모세는 일리온 함락보다 아주 여러 해 앞선 인물이며, 일리온의 건설과 트로스와 다르다노스보다도 훨씬 오래되었다는 것이 드러날 것입니다. 이를 증명하기 위해 칼데아인과 페니키아인과 이집트인을 증인으로 삼겠습니다. 무엇을 더 길게 말하겠습니까? 설득하겠다고 나선 사람은 청중에게 사실을 간결하게 설명해야 합니다. 바빌로니아인 베로소스는 그곳 벨 신의 사제였으며 알렉산드로스 시대에 살았습니다. 그는 알렉산드로스 뒤 세 번째 통치자인 안티오코스에게 칼데아의 역사를 세 권으로 정리하여 바치며 왕들의 일을 서술했습니다. 그 왕들 가운데 한 사람의 이름을 나부코도노소르라고 하며, 그가 페니키아인과 유대인에게 원정했다고 이야기합니다. 우리는 우리의 예언자들을 통해 이 일이 선포되었음을 압니다. 그 일은 모세의 시대보다 훨씬 뒤에, 페르시아의 지배보다 70년 전에 일어났습니다. 베로소스는 매우 유능한 사람이며, 이를 입증하는 사람이 유바입니다. 그는 『아시리아에 관하여』를 쓰면서 베로소스에게서 역사를 배웠다고 말합니다. 그가 쓴 『아시리아에 관하여』는 두 권입니다.

Πλὴν Ὅμηρος ἔστω μὴ ὕστερον τῶν Ἰλιακῶν, ἀλλὰ κατ᾿ ἐκεῖνον αὐτὸν ὑπειλήφθω τὸν τοῦ πολέμου καιρόν, ἔτι δὲ καὶ τοῖς περὶ τὸν Ἀγαμέμνονα συστρατεύεσθαι, καὶ εἰ βούλεταί τις πρὶν καὶ τῶν στοιχείων γεγονέναι τὴν εὕρεσιν. Φανήσεται γὰρ ὁ προειρημένος Μωυσῆς αὐτῆς μὲν τῆς Ἰλιακῆς ἁλώσεως πρεσβύτερος πάνυ πολλοῖς ἔτεσι γεγονώς, τῆς δὲ Ἰλίου κτίσεως καὶ τοῦ Τρωὸς καὶ Δαρδάνου λίαν ἀρχαιότερος. Ἀποδείξεως δὲ ἕνεκεν μάρτυσι χρήσομαι Χαλδαίοις, Φοίνιξιν, Αἰγυπτίοις. Καὶ τί μοι λέγειν πλείονα; χρὴ γὰρ τὸν πείθειν ἐπαγελλόμενον συντομωτέρας ποιεῖσθαι τὰς περὶ τῶν πραγμάτων πρὸς τοὺς ἀκούοντας διηγήσεις. Βηρωσὸς ἀνὴρ Βαβυλώνιος, ἱερεὺς τοῦ παρ᾿ αὐτοῖς Βήλου, κατ᾿ Ἀλέξανδρον γεγονώς, Ἀντιόχῳ τῷ μετ᾿ αὐτὸν τρίτῳ τὴν Χαλδαίων ἱστορίαν ἐν τρισὶ βιβλίοις κατατάξας καὶ τὰ περὶ τῶν βασιλέων ἐκθέμενος, ἀφηγεῖταί τινος αὐτῶν ὄνομα Ναβουχοδονόσορ, τοῦ στρατεύσαντος ἐπὶ Φοίνικας καὶ Ἰουδαίους· ἅτινα διὰ τῶν καθ᾿ ἡμᾶς προφητῶν ἴσμεν κεκηρυγμένα, γεγονότα μὲν πολὺ τῆς Μωυσέως ἡλικίας κατώτερα, πρὸ δὲ τῆς Περσῶν ἡγεμονίας ἔτεσιν ἑβδομήκοντα. Βηρωσὸς δέ ἐστιν ἀνὴρ ἱκανώτατος· καὶ τούτου τεκμήριον Ἰόβας, ὅς, Περὶ Ἀσσυρίων γράφων, παρὰ Βηρωσοῦ φησι μεμαθηκέναι τὴν ἱστορίαν. Εἰσὶ δὲ αὐτῷ βίβλοι Περὶ Ἀσσυρίων δύο.

칼데아인들 다음으로 페니키아인의 자료는 이렇습니다. 그들 가운데 테오도토스, 힙시크라테스, 모코스라는 세 사람이 있었습니다. 카이토스는 이들의 책을 그리스어로 옮겼으며, 철학자들의 생애도 자세하게 다루었습니다. 그들의 역사에는 어느 왕 때 에우로페의 납치가 일어났고, 메넬라오스가 페니키아를 방문했다는 사실과, 히람의 일이 기록되어 있습니다. 히람은 유대인의 왕 솔로몬에게 딸을 아내로 주고, 성전을 짓도록 온갖 목재도 선물했습니다. 페르가몬의 메난드로스도 같은 일을 기록했습니다. 히람의 시대는 이미 트로이아 전쟁의 시대에 가까우며, 히람과 동시대인 솔로몬은 모세의 시대보다 훨씬 뒤에 속합니다.

Μετὰ δὲ τοὺς Χαλδαίους τὰ Φοινίκων οὕτως ἔχει. Γεγόνασιν παρ᾿ αὐτοῖς τρεῖς ἄνδρες, Θεόδοτος, Ὑψικράτης, Μῶχος· τούτων τὰς βίβλους εἰς ἑλληνίδα κατέταξεν φωνὴν Χαῖτος, ὁ καὶ τοὺς βίους τῶν φιλοσόφων ἐπ᾿ ἀκριβὲς πραγματευσάμενος. Ἐν δὲ ταῖς τῶν προειρημένων δηλοῦται ἱστορίαις κατά τινα τῶν βασιλέων Εὐρώπης ἁρπαγὴν γεγονέναι, Μενελάου τε εἰς τὴν Φοινίκην ἄφιξις, καὶ τὰ περὶ Χείραμον, ὅστις Σολομῶνι τῷ Ἰουδαίων βασιλεῖ πρὸς γάμον δοὺς τὴν θυγατέρα καὶ ξύλων παντοδαπῶν ὕλην εἰς τὴν τοῦ ναοῦ κατασκευὴν ἐδωρήσατο. Καὶ Μένανδρος δὲ ὁ Περγαμηνὸς περὶ τῶν αὐτῶν τὴν ἀναγραφὴν ἐποιήσατο. Τοῦ δὲ Χειράμου ὁ χρόνος ἤδη που τοῖς Ἰλιακοῖς ἐγγίζει· Σολομὼν δὲ ὁ κατὰ Χείραμον πολὺ κατώτερός ἐστι τῆς Μωυσέως ἡλικίας.

이집트인들에게는 정확한 연대 기록이 있습니다. 그들의 일을 설명한 사람은 프톨레마이오스이며, 왕이 아니라 멘데스의 사제입니다. 그는 왕들의 행적을 설명하면서 이집트 왕 아모시스 때 유대인들이 이집트에서 나와 모세의 인도로 그들이 이른 땅으로 갔다고 합니다. 그는 이렇게 말합니다. “아모시스는 이나코스 왕과 동시대의 사람이었다.” 그 뒤 매우 유명한 문법학자 아피온은 다섯 권으로 된 자신의 『이집트사』 가운데 제4권에서 여러 다른 일과 함께 “아모시스는 아바리스를 파괴했으며 아르고스의 이나코스와 동시대였다”고 말합니다. 멘데스의 프톨레마이오스가 『연대기』에 기록한 대로입니다. 이나코스부터 일리온 함락까지의 시간은 스무 세대에 이릅니다. 그 증명은 다음과 같습니다.

Αἰγυπτίων δέ εἰσιν αἱ ἐπ᾿ ἀκριβὲς χρόνων ἀναγραφαί· καὶ τῶν κατ᾿ αὐτοὺς πραγμάτων ἑρμηνεύς ἐστι Πτολεμαῖος, οὐχ ὁ βασιλεύς, ἱερεὺς δὲ Μένδητος. Οὗτος τὰς τῶν βασιλέων πράξεις ἐκτιθέμενος κατ᾿ Ἄμωσιν βασιλέα Αἰγύπτου γεγονέναι Ἰουδαίοις φησὶ τὴν ἐξ Αἰγύπτου πορείαν, εἰς ἅπερ ἦλθον χωρία, Μωυσέως ἡγουμένου. Λέγει δὲ οὕτως· Ὁ δὲ Ἄμωσις ἐγένετο κατ᾿ Ἴναχον βασιλέα. Μετὰ δὲ τοῦτον Ἀπίων ὁ γραμματικός, ἀνὴρ δοκιμώτατος, ἐν τῇ τετάρτῃ τῶν Αἰγυπτιακῶν (πέντε δέ εἰσιν αὐτῷ γραφαί) πολλὰ μὲν καὶ ἄλλα, φησὶ δὲ ὅτι Κατέσκαψε τὴν Αὔαριν Ἄμωσις κατὰ τὸν Ἀργεῖον γενόμενος Ἴναχον, ὡς ἐν τοῖς Χρόνοις ἀνέγραψεν ὁ Μενδήσιος Πτολεμαῖος. Ὁ δὲ ἀπ᾿ Ἰνάχου χρόνος ἄχρι τῆς Ἰλίου ἁλώσεως ἀποπληροῖ γενεὰς εἴκοσι. Καὶ τὰ τῆς ἀποδείξεως ἔχει τοῦτον τὸν τρόπον.

아르고스의 왕들은 다음과 같습니다. 이나코스, 포로네우스, 아피스, 크리아시스, 트리오파스, 아르게이오스, 포르바스, 크로토파스, 스테넬라오스, 다나오스, 링케우스, 프로이토스, 아바스, 아크리시오스, 페르세우스, 스테넬라오스, 에우리스테우스, 아트레우스, 티에스테스, 아가멤논입니다. 일리온은 아가멤논의 통치 제18년에 함락되었습니다. 분별 있는 사람은 그리스인 자신의 전승에 따르면 당시 그들에게 역사 기록조차 없었다는 사실을 정확히 이해해야 합니다. 그들에게 문자를 전한 카드모스는 여러 세대가 지난 뒤에야 보이오티아에 발을 디뎠습니다. 이나코스 뒤 포로네우스 때에야 야수 같은 유목 생활이 겨우 끝났고, 인간들은 새로운 질서를 갖추었습니다. 그러므로 모세가 이나코스와 동시대였다는 사실이 밝혀졌다면, 그는 트로이아 전쟁보다 400년 앞섭니다. 이것은 아티카 왕들의 계보 [그리고 마케도니아 왕들과 프톨레마이오스 왕조, 안티오코스 왕조의 계보]를 통해 증명됩니다. 그리스인들의 잘 알려진 사건들이 이나코스 이후에 기록되고 알려졌다면, 그것들은 분명 모세 이후의 일입니다. 이나코스 다음인 포로네우스 때에는 아테네인들 사이에서 오기고스가 언급되고, 그의 시대에 첫 홍수가 일어났습니다. 포르바스 때에는 악타이오스가 있었으며, 그에게서 아티카가 악타이아라는 이름을 얻었습니다. 트리오파스 때에는 프로메테우스, 에피메테우스, 아틀라스, 두 본성을 지닌 케크롭스와 이오가 있었습니다. 크로토파스 때에는 파에톤의 화재와 데우칼리온의 큰비가 있었습니다. 스테넬로스 때에는 암픽티온의 통치, 다나오스의 펠로폰네소스 도착, 다르다노스의 다르다니아 건설, 에우로페가 페니키아에서 크레타로 옮겨진 일이 있었습니다. 링케우스 때에는 코레의 납치, 엘레우시스 성역 건립, 트립톨레모스의 농사, 카드모스의 테베 도착과 미노스의 통치가 있었습니다. 프로이토스 때에는 에우몰포스가 아테네인들과 전쟁했습니다. 아크리시오스 때에는 펠롭스가 프리기아에서 건너왔고, 이온이 아테네에 도착했으며, 두 번째 케크롭스가 있었습니다. 페르세우스와 디오니소스의 행적, 오르페우스의 제자 무사이오스도 이때의 일입니다. 아가멤논의 통치 때 일리온이 함락되었습니다.

Γεγόνασιν Ἀργείων βασιλεῖς οἵδε· Ἴναχος, Φορωνεύς, Ἆπις, Κρίασις, Τριόπας, Ἀργεῖος, Φόρβας, Κροτώπας, Σθενέλαος, Δαναός, Λυγκεύς, Προῖτος, Ἄβας, Ἀκρίσιος, Περσεύς, Σθενέλαος, Εὐρυσθεύς, Ἀτρεύς, Θυέστης, Ἀγαμέμνων, οὗ κατὰ τὸ ὀκτωκαιδέκατον ἔτος τῆς βασιλείας Ἴλιον ἑάλω. Καὶ χρὴ τὸν νουνεχῆ συνεῖναι μετὰ πάσης ἀκριβείας ὅτι κατὰ τὴν Ἑλλήνων παράδοσιν οὐδ᾿ ἱστορίας τις ἦν παρ᾿ αὐτοῖς ἀναγραφή. Κάδμος γάρ, ὁ τὰ στοιχεῖα τοῖς προειρημένοις παραδούς, μετὰ πολλὰς γενεὰς τῆς Βοιωτίας ἐπέβη. Μετὰ δὲ Ἴναχον ἐπὶ Φορωνέως μόγις τοῦ θηριώδους βίου καὶ νομάδος περιγραφὴ γέγονεν, μετεκοσμήθησάν τε οἱ ἄνθρωποι. Διόπερ εἰ κατὰ Ἴναχον πέφηνεν ὁ Μωυσῆς γεγονώς, πρεσβύτερός ἐστι τῶν Ἰλιακῶν ἔτεσι τετρακοσίοις. Ἀποδείκνυται δὲ τοῦθ᾿ οὕτως ἔχον ἀπό [τε] τῆς τῶν Ἀττικῶν βασιλέων διαδοχῆς [καὶ Μακεδονικῶν καὶ Πτολεμαϊκῶν, ἔτι δὲ καὶ Ἀντιοχικῶν]. Ὅθεν εἰ μετὰ τὸν Ἴναχον αἱ διαφανέστεραι πράξεις παρ᾿ Ἕλλησιν ἀνεγράφησάν τε καὶ γινώσκονται, δῆλον ὡς καὶ μετὰ Μωυσέα. Κατὰ γὰρ Φορωνέα, τὸν μετ᾿ Ἴναχον, μνημονεύεται παρ᾿ Ἀθηναίοις Ὤγυγος, ἐφ᾿ οὗ κατακλυσμὸς ὁ πρῶτος· κατὰ δὲ Φόρβαντα Ἀκταῖος, ἀφ᾿ οὗ καὶ Ἀκταία ἡ Ἀττική· κατὰ δὲ Τριόπαν Προμηθεὺς καὶ Ἐπιμηθεὺς καὶ Ἄτλας καὶ ὁ διφυὴς Κέκροψ καὶ ἡ Ἰώ· κατὰ δὲ Κροτώπαν ἡ ἐπὶ Φαέθοντος ἐκπύρωσις καὶ ἡ ἐπὶ Δευκαλίωνος ἐπομβρία· κατὰ δὲ Σθένελον ἥ τε Ἀμφικτύονος βασιλεία καὶ ἡ εἰς Πελοπόννησον Δαναοῦ παρουσία καὶ ἡ ὑπὸ Δαρδάνου τῆς Δαρδανίας κτίσις ἥ τε ἐκ Φοινίκης τῆς Εὐρώπης εἰς τὴν Κρήτην ἀνακομιδή· κατὰ δὲ Λυγκέα τῆς Κόρης ἡ ἁρπαγὴ καὶ ἡ τοῦ ἐν Ἐλευσῖνι τεμένους καθίδρυσις καὶ ἡ Τριπτολέμου γεωργία καὶ ἡ Κάδμου εἰς Θήβας παρουσία Μίνωός τε ἡ βασιλεία· κατὰ δὲ Προῖτον ὁ Εὐμόλπου πρὸς Ἀθηναίους πόλεμος· κατὰ δὲ Ἀκρίσιον ἡ Πέλοπος ἀπὸ Φρυγίας διάβασις καὶ Ἴωνος εἰς τὰς Ἀθήνας ἄφιξις καὶ ὁ δεύτερος Κέκροψ, αἵ τε Περσέως καὶ Διονύσου πράξεις, καὶ Ὀρφέως μαθητὴς Μουσαῖος· κατὰ δὲ τὴν Ἀγαμέμνονος βασιλείαν ἑάλω τὸ Ἴλιον.

그러므로 앞서 말한 사실에서 모세가 옛 영웅들과 전쟁들과 악령들보다 먼저 살았음이 드러났습니다. 시대가 더 앞선 사람을 믿어야 합니다. 그의 샘에서 가르침을 길어 왔으면서도 제대로 이해하지 못한 그리스인들보다 그를 믿어야 합니다. 그들의 많은 학자들은 쓸데없는 호기심으로, 모세와 그를 따라 철학한 이들에게서 배운 것을 변조하려 했습니다. 한편으로는 독창적인 말을 한다고 여겨지려 했고, 다른 한편으로는 이해하지 못한 것을 꾸며 낸 말로 덮어 진리를 신화처럼 잘못 전하려 했습니다. 우리의 삶과 우리 율법에 관한 역사, 그리스의 학자들이 거기에 관해 한 말과 그것을 언급한 사람들의 수와 이름은 『하나님에 관해 단언한 이들에게』에서 설명할 것입니다.

Οὐκοῦν πέφηνε Μωυσῆς ἀπό γε τῶν προειρημένων πρεσβύτερος ἡρώων παλαιῶν, πολέμων, δαιμόνων. Καὶ χρὴ τῷ πρεσβεύοντι κατὰ τὴν ἡλικίαν πιστεύειν, ἤπερ τοῖς ἀπὸ τῆς πηγῆς ἀρυσαμένοις Ἕλλησιν οὐ κατ᾿ ἐπίγνωσιν τὰ ἐκείνου δόγματα· πολλοὶ γὰρ οἱ κατ᾿ αὐτοὺς σοφισταί, κεχρημένοι περιεργίᾳ, τὰ ὅσα παρὰ τῶν κατὰ Μωυσέα καὶ τῶν ὁμοίως αὐτῷ φιλοσοφούντων ἔγνωσαν καὶ παραχαράττειν ἐπειράθησαν, πρῶτον μὲν ἵνα τι λέγειν ἴδιον νομισθῶσι, δεύτερον δὲ ὅπως, τὰ ὅσα μὴ συνίεσαν διά τινος ἐπιπλάστου ῥητολογίας παρακαλύπτοντες, ὡς μυθολογίαν τὴν ἀλήθειαν παραπρεσβεύωσι. Περὶ μὲν οὖν τῆς καθ᾿ ἡμᾶς πολιτείας, ἱστορίας τε τῆς κατὰ τοὺς ἡμετέρους νόμους, ὅσα τε εἰρήκασιν οἱ παρὰ τοῖς Ἕλλησιν λόγιοι καὶ πόσοι καὶ τίνες εἰσὶ μνημονεύσαντες, ἐν τῷ πρὸς τοὺς ἀποφηναμένους τὰ περὶ θεοῦ δειχθήσεται.

이제 중요한 문제를 아주 정확히 밝히는 데 힘써야 합니다. 모세는 호메로스보다 오래되었을 뿐 아니라, 그보다 앞선 저술가들보다도 오래되었습니다. 곧 리노스, 필람몬, 타미리스, 암피온, 무사이오스, 오르페우스, 데모도코스, 페미오스, 시빌라, 스파르타를 방문한 크레타의 에피메니데스, 『아리마스페이아』를 쓴 프로콘네소스의 아리스타이오스, 켄타우로스 아스볼로스와 이사티스, 드리몬과 키프로스의 에우클로스, 사모스의 호로스, 아테네의 프로나피스보다 앞섭니다. 리노스는 헤라클레스의 스승이며, 헤라클레스는 트로이아 전쟁보다 한 세대 앞선 인물로 밝혀졌습니다. 그의 아들 틀레폴레모스가 일리온 원정에 참여한 사실에서 이를 알 수 있습니다. 오르페우스는 헤라클레스와 동시대 인물입니다. 더구나 그의 이름으로 전하는 작품들은 아테네의 오노마크리토스가 썼다고 하는데, 그는 페이시스트라토스 가문의 통치기인 제50회 올림피아드 무렵에 살았습니다. 무사이오스는 오르페우스의 제자입니다. 암피온은 트로이아 전쟁보다 두 세대 앞서므로, 배우려는 사람들에게 그 이상 길게 쓸 필요가 없습니다. 데모도코스와 페미오스는 바로 트로이아 전쟁 무렵에 살았습니다. 그들은 한 사람은 구혼자들 사이에서, 다른 사람은 파이아케스인들 사이에서 지냈습니다. 타미리스와 필람몬은 이들보다 훨씬 오래된 사람이 아닙니다. 각 분야의 활동과 그 시대와 연대 기록에 관해서는 내 생각에 아주 정확하게 충분히 적었습니다. 이제 남은 것을 채우기 위해 현자라고 불리는 이들에 대해서도 증명하겠습니다. 모든 지혜와 영리함과 입법에서 뛰어나다고 여겨진 미노스는 다나오스 뒤를 이어 왕이 된 링케우스 시대에 살았으며, 이나코스 뒤 열한 번째 세대입니다. 리쿠르고스는 일리온 함락보다 훨씬 뒤에 태어나, 올림피아 경기가 시작되기 100년 전에 라케다이몬인들에게 법을 주었습니다. 드라콘은 제39회 올림피아드 무렵의 인물이고, 솔론은 제46회, 피타고라스는 제62회 무렵입니다. 올림피아 경기는 트로이아 전쟁 뒤 407년에 시작되었음을 우리는 밝혔습니다. 이렇게 증명했으니, 일곱 현자의 시대에 대해서도 짧게 적겠습니다. 앞서 말한 이들 중 가장 오래된 탈레스는 제50회 올림피아드 무렵에 살았으므로, 그 이후의 사람들에 관한 일도 여러분에게 거의 간단히 설명한 셈입니다.

Τὸ δὲ συνέχον σπευτέον μετὰ πάσης ἀκριβείας σαφηνίζειν, ὡς οὐχ Ὁμήρου μόνον πρεσβύτερός ἐστιν ὁ Μωυσῆς, ἔτι δὲ τῶν πρὸ αὐτοῦ συγγραφέων, Λίνου, Φιλάμμωνος, Θαμύριδος, Ἀμφίωνος, Μουσαίου, Ὀρφέως, Δημοδόκου, Φημίου, Σιβύλλης, Ἐπιμενίδου τοῦ Κρητός, ὅστις εἰς τὴν Σπάρτην ἀφίκετο, Ἀρισταίου τοῦ Προκοννησίου, τοῦ τὰ Ἀριμάσπια συγγράψαντος, Ἀσβόλου τε τοῦ Κενταύρου καὶ Ἰσάτιδος, Δρύμωνός τε καὶ Εὔκλου τοῦ Κυπρίου καὶ Ὥρου τοῦ Σαμίου καὶ Προναπίδου τοῦ Ἀθηναίου. Λίνος μὲν γὰρ Ἡρακλέους ἐστὶ διδάσκαλος, ὁ δὲ Ἡρακλῆς μιᾷ τῶν Τρωϊκῶν προγενέστερος πέφηνε γενεᾷ· τοῦτο δέ ἐστι φανερὸν ἀπὸ τοῦ παιδὸς αὐτοῦ Τληπολέμου, στρατεύσαντος ἐπὶ Ἴλιον. Ὀρφεὺς δὲ κατὰ τὸν αὐτὸν χρόνον Ἡρακλεῖ γέγονεν, ἄλλως τε καὶ τὰ εἰς αὐτὸν ἐπιφερόμενά φασιν ὑπὸ Ὀνομακρίτου τοῦ Ἀθηναίου συντετάχθαι, γενομένου κατὰ τὴν Πεισιστρατιδῶν ἀρχὴν περὶ τὴν πεντηκοστὴν ὀλυμπιάδα. Τοῦ δὲ Ὀρφέως μαθητὴς Μουσαῖος. Ἀμφίων δὲ δυσὶ προάγων γενεαῖς τῶν Ἰλιακῶν τοῦ πλείονα πρὸς τοὺς φιλομαθεῖς συντάττειν ἀπείργει ἡμᾶς. Δημόδοκος δὲ καὶ Φήμιος κατὰ τὸν αὐτὸν τῶν Τρωϊκῶν πόλεμον γεγόνασι· διέτριβον γὰρ ὁ μὲν παρὰ τοῖς μνηστῆρσιν, ὁ δὲ παρὰ τοῖς Φαίαξιν. Ὁ Θάμυρις δὲ καὶ ὁ Φιλάμμων οὐ πολὺ τούτων εἰσὶν ἀρχαιότεροι. Περὶ μὲν οὖν τῆς καθ᾿ ἕκαστον λόγον πραγματείας, χρόνων τε καὶ ἀναγραφῆς αὐτῶν, ὡς οἶμαι, σφόδρα μετὰ πάσης ἀκριβείας ὑμῖν ἀνεγράψαμεν. Ἵνα δὲ καὶ τὸ μέχρι νῦν ἐνδέον ἀποπληρώσωμεν, ἔτι καὶ περὶ τῶν νομιζομένων σοφῶν ποιήσομαι τὴν ἀπόδειξιν. Μίνως γάρ, ὁ πάσης προὔχειν νομισθεὶς σοφίας ἀγχινοίας τε καὶ νομοθεσίας, ἐπὶ Λυγκέως τοῦ μετὰ Δαναὸν βασιλεύσαντος γέγονεν, ἑνδεκάτῃ γενεᾷ μετὰ Ἴναχον. Λυκοῦργος δέ, πολὺ γεννηθεὶς μετὰ τὴν Ἰλίου ἅλωσιν, πρὸ τῶν ὀλυμπιάδων ἔτεσιν ἑκατὸν νομοθετεῖ Λακεδαιμονίοις. Δράκων δὲ περὶ ὀλυμπιάδα τριακοστὴν καὶ ἐννάτην εὑρίσκεται γεγονώς· Σόλων περὶ μς΄· Πυθαγόρας περὶ ξβ΄. Τὰς δὲ ὀλυμπιάδας ὕστερον τῶν Ἰλιακῶν ἔτεσι ἀπεδείξαμεν γεγονυίας τετρακοσίοις ἑπτά. Καὶ δὴ τούτων οὕτως ἀποδεδειγμένων, διὰ βραχέων ἔτι καὶ περὶ τῆς τῶν ἑπτὰ σοφῶν ἡλικίας ἀναγράψομεν. Τοῦ γὰρ πρεσβυτάτου τῶν προειρημένων Θάλητος γενομένου περὶ τὴν πεντηκοστὴν ὀλυμπιάδα, καὶ τὰ περὶ τῶν μετ᾿ αὐτὸν σχεδὸν ὑμῖν συντόμως εἴρηται.

그리스인 여러분, 이것은 이방인들의 철학을 따르는 나 타티아노스가 여러분을 위해 쓴 글입니다. 나는 아시리아인의 땅에서 태어났고, 처음에는 여러분의 학문을 배웠으며, 그 뒤 지금 내가 선포한다고 공언하는 것을 배웠습니다. 이제 하나님이 누구이며 그분의 창조가 무엇인지 알기에, 여러분이 내 가르침을 심문한다면 기꺼이 응할 준비가 되어 있습니다. 나는 하나님을 따르는 삶을 끝까지 부인하지 않을 것입니다.

Ταῦτα ὑμῖν, ὦ ἄνδρες Ἕλληνες, ὁ κατὰ βαρβάρους φιλοσοφῶν Τατιανὸς συνέταξα, γεννηθεὶς μὲν ἐν τῇ τῶν Ἀσσυρίων γῇ, παιδευθεὶς δὲ πρῶτον μὲν τὰ ὑμέτερα, δεύτερον δὲ ἅτινα νῦν κηρύττειν ἐπαγγέλλομαι. Γινώσκων δὲ λοιπὸν τίς ὁ θεὸς καὶ τίς ἡ κατ᾿ αὐτὸν ποίησις, ἕτοιμον ἐμαυτὸν ὑμῖν πρὸς τὴν ἀνάκρισιν τῶν δογμάτων παρίστημι, μενούσης μοι τῆς κατὰ θεὸν πολιτείας ἀνεξαρνήτου.