제2변증서

로마인 여러분, 최근 여러분의 도시에서 우르비쿠스 치하에 일어난 일과 곳곳에서 통치자들이 마찬가지로 자행하는 불합리한 일들 때문에, 나는 여러분을 위해 이 글을 쓰지 않을 수 없었습니다. 여러분도 우리와 같은 감정을 지닌 형제들이기 때문입니다. 비록 여러분이 이 사실을 모르고, 높은 지위라고 여기는 것들의 명예 때문에 인정하려 하지 않더라도 그렇습니다. 어디서나 자기 잘못 때문에 아버지나 이웃, 자녀나 친구, 형제나 남편이나 아내에게 훈계를 받는 사람들은, (불의하고 방탕한 이들은 영원한 불에서 벌을 받으며, 덕을 지키고 그리스도처럼 산 이들은 고통 없는 상태로 하나님과 함께할 것이라고 확신한 이들은 예외입니다. 곧 그리스도인이 된 이들을 말합니다.) 쉽게 마음을 바꾸지 못하고 쾌락을 좋아하며 선을 향해 나아가는 데 굼뜬 탓에, 악한 귀신들과 더불어 우리를 미워하며 이런 재판관들을 자기 손아래 두고 종처럼 부려, 귀신에 사로잡힌 통치자들을 시켜 우리를 죽이도록 만듭니다. 우르비쿠스 치하에서 일어난 이 모든 일의 원인을 여러분이 분명히 알도록, 그 경위를 전하겠습니다.

Καὶ τὰ χθὲς δὲ καὶ πρώην ἐν τῇ πόλει ὑμῶν γενόμενα ἐπὶ Οὐρβίκου, ὦ Ῥωμαῖοι, καὶ τὰ πανταχοῦ ὁμοίως ὑπὸ τῶν ἡγουμένων ἀλόγως πραττόμενα ἐξηνάγκασέ με ὑπὲρ ὑμῶν, ὁμοιοπαθῶν ὄντων καὶ ἀδελφῶν, κἂν ἀγνοῆτε καὶ μὴ θέλητε διὰ τὴν δόξαν τῶν νομιζομένων ἀξιωμάτων, τὴν τῶνδε τῶν λόγων σύνταξιν ποιήσασθαι. Πανταχοῦ γάρ, ὃς ἂν σωφρονίζηται ὑπὸ πατρὸς ἢ γείτονος ἢ τέκνου ἢ φίλου ἢ ἀδελφοῦ ἢ ἀνδρὸς ἢ γυναικὸς κατ᾿ ἔλλειψιν, (χωρὶς τῶν πεισθέντων τοὺς ἀδίκους καὶ ἀκολάστους ἐν αἰωνίῳ πυρὶ κολασθήσεσθαι, τοὺς δ᾿ ἐναρέτους καὶ ὁμοίως Χριστῷ βιώσαντας ἐν ἀπαθείᾳ συγγενήσεσθαι τῷ θεῷ, λέγομεν δὲ τῶν γενομένων Χριστιανῶν), διὰ τὸ δυσμετάθετον καὶ φιλήδονον καὶ δυσκίνητον πρὸς τὸ καλὸν ὁρμῆσαι, καὶ οἱ φαῦλοι δαίμονες, ἐχθραίνοντες ἡμῖν καὶ τοὺς τοιούτους δικαστὰς ἔχοντες ὑποχειρίους καὶ λατρεύοντας, ὡς οὖν ἄρχοντας δαιμονιῶντας, φονεύειν ἡμᾶς παρασκευάζουσιν. Ὅπως δὲ καὶ ἡ αἰτία τοῦ παντὸς γενομένου ἐπὶ Οὐρβίκου φανερὸ ὑμῖν γένηται, τὰ πεπραγμένα ἀπαγγελῶ.

어떤 여자가 방탕한 남자와 함께 살고 있었습니다. 그 여자 자신도 전에는 방탕했습니다. 그러나 그리스도의 가르침을 알게 되자 스스로 절제하게 되었고 남편도 그렇게 살도록 설득하려 했습니다. 그 가르침을 전하며, 절제와 바른 이성을 따라 살지 않는 이들은 장차 영원한 불에서 벌을 받는다고 일러 주었습니다. 그러나 남편은 같은 방탕을 계속하여, 자기 행동으로 아내의 마음이 떠나게 했습니다. 여자는 자연의 법과 정의에 어긋나게 온갖 방법으로 쾌락을 얻으려는 남편과 더는 함께 잠자리에 드는 것이 옳지 않다고 여겼습니다. 그래서 혼인 관계를 끝내고 싶어 했습니다. 그러나 가까운 사람들이 남편이 언젠가 달라질 가망이 있다며 좀 더 기다리라고 거듭 권하자, 마음을 억누르며 함께 지냈습니다. 그 뒤 남편이 알렉산드리아에 가서 더 심한 일을 저지른다는 소식이 전해졌습니다. 그 여자는 혼인을 유지하며 함께 먹고 자다가 남편의 불의하고 불경한 행실에 동참하게 되지 않으려고, 여러분이 레푸디움이라고 부르는 이혼 통지를 보내고 헤어졌습니다. 이 훌륭하고 선량하다는 남편은 마땅히 기뻐했어야 합니다. 아내가 전에는 술과 온갖 악행을 즐기며 하인들과 품꾼들 사이에서 거리낌 없이 하던 일을 그만두었고, 남편도 같은 일을 그만두기를 원했기 때문입니다. 그러나 그는 이를 원하지 않았고, 아내가 떠나자 그 여자가 그리스도인이라며 고발했습니다. 여자는 황제이신 당신께 청원서를 올려, 먼저 자기 일을 정리할 시간을 허락해 달라고 청했습니다. 그 일을 마친 뒤 고발 내용에 관해 변론하겠다는 것이었습니다. 당신께서는 이를 허락하셨습니다. 그 여자의 전남편은 이제 당장 그녀를 상대로 더 말할 수 없게 되자, 그 여자에게 그리스도교를 가르친 프톨레마이오스라는 사람에게 다음과 같은 방식으로 방향을 돌렸습니다. 그는 우르비쿠스가 불러들인 사람이었습니다. 그는 자기 친구인 백인대장을 설득해 프톨레마이오스를 붙잡고, 그리스도인이냐는 것만 묻게 했습니다. 그 백인대장이 프톨레마이오스를 투옥했습니다. 프톨레마이오스는 진리를 사랑하고 속임수나 거짓말을 마음에 품지 않은 사람이었으므로, 자신이 그리스도인임을 고백했습니다. 백인대장은 그를 감옥에 가두고 오랫동안 괴롭혔습니다. 마침내 그가 우르비쿠스 앞에 끌려갔을 때에도, 그리스도인이냐는 바로 그 한 가지만 물었습니다. 그는 그리스도의 가르침을 통해 자신이 얻은 좋은 것들을 알고 있었으므로, 이번에도 그 신성한 덕의 가르침을 고백했습니다. 무언가를 부인하는 사람은 그것을 나쁘다고 판단해 거부하거나, 자신이 그 일에 합당하지 않고 무관하다고 생각하여 고백을 피합니다. 참된 그리스도인에게는 어느 쪽도 해당하지 않습니다. 우르비쿠스가 그를 끌고 가라고 명령하자, 그리스도인이었던 루키오스라는 사람이 이처럼 불합리한 판결을 보고 우르비쿠스에게 말했습니다. “간음이나 음행, 살인이나 절도, 강도나 그 밖의 어떤 범죄를 저질렀다는 증거도 없는데, 그리스도인이라는 이름을 인정했다는 이유로 이 사람을 벌한 까닭이 무엇입니까? 우르비쿠스여, 당신의 판결은 경건하신 황제께도, 철학자인 카이사르의 아드님께도, 거룩한 원로원에도 어울리지 않습니다.” 그는 다른 대답 없이 루키오스에게 말했습니다. “너도 그런 사람인 모양이구나.” 루키오스가 “그렇습니다”라고 하자, 그도 끌고 가라고 명령했습니다. 루키오스는 오히려 감사한다고 말했습니다. 그런 악한 주인들에게서 벗어나 하늘의 아버지이자 왕께로 간다는 것을 알았기 때문입니다. 또 다른 세 번째 사람이 나서자 그에게도 형벌이 선고되었습니다.

Γυνή τις συνεβίου ἀνδρὶ ἀκολασταίνοντι, ἀκολασταίνουσα καὶ αὐτὴ πρότερον. Ἐπεὶ δὲ τὰ τοῦ Χριστοῦ διδάγματα ἔγνω, αὐτὴ ἐσωφρονίσθη καὶ τὸν ἄνδρα ὁμοίως σωφρονεῖν πείθειν ἐπειρᾶτο, τὰ διδάγματα ἀναφέρουσα, τήν τε μέλλουσαν τοῖς οὐ σωφρόνως καὶ μετὰ λόγου ὀρθοῦ βιοῦσιν ἔσεσθαι ἐν αἰωνίῳ πυρὶ κόλασιν ἀπαγγέλλουσα. Ὁ δὲ ταῖς αὐταῖς ἀσελγείαις ἐπιμένων ἀλλοτρίαν διὰ τῶν πράξεων ἐποιεῖτο τὴν γαμετήν. Ἀσεβὲς γὰρ ἡγουμένη τὸ λοιπὸν ἡ γυνὴ συγκατακλίνεσθαι ἀνδρί, παρὰ τὸν τῆς φύσεως νόμον καὶ παρὰ τὸ δίκαιον πόρους ἡδονῆς ἐκ παντὸς πειρωμένῳ ποιεῖσθαι, τῆς συζυγίας χωρισθῆναι ἐβουλήθη. Καὶ ἐπεὶ ἐξεδυσωπεῖτο ὑπὸ τῶν αὐτῆς, ἔτι προσμένειν συμβουλευόντων, ὡς εἰς ἐλπίδα μεταβολῆς ἥξοντός ποτε τοῦ ἀνδρός, βιαζομένη ἑαυτὴν ἐπέμενεν. Ἐπειδὴ δὲ ὁ ταύτης ἀνὴρ εἰς τὴν Ἀλεξάνδρειαν πορευθεὶς χαλεπώτερα πράττειν ἀπηγγέλθη, ὅπως μὴ κοινωνὸς τῶν ἀδικημάτων καὶ ἀσεβημάτων γένηται μένουσα ἐν τῇ συζυγίᾳ καὶ ὁμοδίαιτος καὶ ὁμόκοιτος γινομένη, τὸ λεγόμενον παρ᾿ ὑμῖν ῥεπούδιον δοῦσα ἐχωρίσθη. Ὁ δὲ καλὸς κἀγαθὸς ταύτης ἀνήρ, δέον αὐτὸν χαίρειν, ὅτι, ἃ πάλαι μετὰ τῶν ὑπηρετῶν καὶ τῶν μισθοφόρων εὐχερῶς ἔπραττε, μέθαις χαίρουσα καὶ κακίᾳ πάσῃ, τούτων μὲν τῶν πράξεων πέπαυτο καὶ αὐτὸν τὰ αὐτὰ παύσασθαι πράττοντα ἐβούλετο, μὴ βουλομένου ἀπαλλαγείσης κατηγορίαν πεποίηται, λέγων αὐτὴν Χριστιανὴν εἶναι. Καὶ ἡ μὲν βιβλίδιόν σοι τῷ αὐτοκράτορι ἀναδέδωκε, πρότερον συγχωρηθῆναι αὐτῇ διοικήσασθαι τὰ ἑαυτῆς ἀξιοῦσα, ἔπειτα ἀπολογήσασθαι περὶ τοῦ κατηγορήματος μετὰ τὴν τῶν πραγμάτων αὐτῆς διοίκησιν, καὶ συνεχώρησας τοῦτο. Ὁ δὲ ταύτης ποτὲ ἀνήρ, πρὸς ἐκείνην μὲν μὴ δυνάμενος τανῦν ἔτι λέγειν, πρὸς Πτολεμαῖόν τινα, ὃν Οὔρβικος ἐκαλέσατο, διδάσκαλον ἐκείνης τῶν Χριστιανῶν μαθημάτων γενόμενον ἐτράπετο διὰ τοῦδε τοῦ τρόπου. Ἑκατόνταρχον εἰς δεσμὰ ἐμβαλόντα τὸν Πτολεμαῖον, φίλον αὐτῷ ὑπάρχοντα, ἔπεισε λαβέσθαι τοῦ Πτολεμαίου καὶ ἀνερωτῆσαι, εἰ, αὐτὸ τοῦτο μόνον, Χριστιανός ἐστι. Καὶ τὸν Πτολεμαῖον, φιλαλήθη ἀλλ᾿ οὐκ ἀπατηλὸν οὐδὲ ψευδολόγον τὴν γνώμην ὄντα, ὁμολογήσαντα ἑαυτὸν εἶναι Χριστιανόν, ἐν δεσμοῖς γενέσθαι ὁ ἑκατόνταρχος πεποίηκε, καὶ ἐπὶ πολὺν χρόνον ἐν τῷ δεσμωτηρίῳ ἐκολάσατο. Τελευταῖον δέ, ὅτε ἐπὶ Οὔρβικον ἤχθη ὁ ἄνθρωπος, ὁμοίως αὐτὸ τοῦτο μόνον ἐξητάσθη, εἰ εἴη Χριστιανός. Καὶ πάλιν, τὰ καλὰ ἑαυτῷ συνεπιστάμενος διὰ τὴν ἀπὸ τοῦ Χριστοῦ διδαχήν, τὸ διδασκάλιον τῆς θείας ἀρετῆς ὡμολόγησεν. Ὁ γὰρ ἀρνούμενος ὁτιοῦν ἢ κατεγνωκὼς τοῦ πράγματος ἔξαρνος γίνεται, ἢ ἑαυτὸν ἀνάξιον ἐπιστάμενος καὶ ἀλλότριον τοῦ πράγματος τὴν ὁμολογίαν φεύγει· ὧν οὐδὲν πρόσεστι τῷ ἀληθινῷ Χριστιανῷ. Καὶ τοῦ Οὐρβίκου κελεύσαντος αὐτὸν ἀπαχθῆναι, Λούκιός τις, καὶ αὐτὸς ὢν Χριστιανός, ὁρῶν τὴν ἀλόγως οὕτω γενομένην κρίσιν, πρὸς τὸν Οὔρβικον ἔφη· Τίς ἡ αἰτία, τοῦ μήτε μοιχὸν μήτε πόρνον μήτε ἀνδροφόνον μήτε λωποδύτην μήτε ἅρπαγα μήτε ἁπλῶς ἀδίκημά τι πράξαντα ἐλεγχόμενον, ὀνόματος δὲ Χριστιανοῦ προσωνυμίαν ὁμολογοῦντα τὸν ἄνθρωπον τοῦτον ἐκολάσω; Οὐ πρέποντα Εὐσεβεῖ αὐτοκράτορι οὐδὲ φιλοσόφῳ Καίσαρος παιδὶ οὐδὲ τῇ ἱερᾷ συγκλήτῳ κρίνεις, ὦ Οὔρβικε. Καὶ ὃς οὐδὲν ἄλλο ἀποκρινάμενος καὶ πρὸς τὸν Λούκιον ἔφη· Δοκεῖς μοι καὶ σὺ εἶναι τοιοῦτος. Καὶ τοῦ Λουκίου φήσαντος· Μάλιστα, πάλιν καὶ αὐτὸν ἀπαχθῆναι ἐκέλευσεν. Ὁ δὲ καὶ χάριν εἰδέναι ὡμολόγει, πονηρῶν δεσποτῶν τῶν τοιούτων ἀπηλλάχθαι γινώσκων καὶ πρὸς τὸν πατέρα καὶ βασιλέα τῶν οὐρανῶν πορεύεσθαι. Καὶ ἄλλος δὲ τρίτος ἐπελθὼν κολασθῆναι προσετιμήθη.

누군가는 이렇게 말할지도 모릅니다. “그렇다면 너희 모두 스스로 목숨을 끊고 벌써 하나님께 가 버리지, 왜 우리를 괴롭히느냐?” 우리가 그렇게 하지 않는 까닭과, 심문을 받을 때 두려움 없이 고백하는 까닭을 말하겠습니다. 우리는 하나님께서 세상을 헛되이 만드신 것이 아니라 인류를 위해 만드셨다고 배웠습니다. 앞서 말했듯이 그분은 자신의 성품을 본받는 사람들을 기뻐하시고, 말이나 행동으로 악을 택하는 이들을 싫어하십니다. 그러므로 우리가 모두 스스로 목숨을 끊는다면, 우리 손이 미치는 한 아무도 태어나 하나님의 가르침을 배우지 못하고 인류마저 없어지게 할 책임을 지게 됩니다. 그런 일을 한다면 우리 자신도 하나님의 뜻에 어긋나게 행동하는 것입니다. 그러나 심문을 받을 때에는 우리 자신에게 아무 악행이 없음을 알기에 부인하지 않습니다. 모든 일에서 진실을 말하지 않는 것은 불경한 일이라고 여기며, 진실을 말하는 것이 하나님께서 기뻐하시는 일임을 알기 때문입니다. 또 지금 여러분을 부당한 선입견에서 벗어나게 하려고 힘쓰고 있습니다.

Ὅπως δὲ μή τις εἴπη· Πάντες οὖν ἑαυτοὺς φονεύσαντες πορεύεσθε ἤδη παρὰ τὸν θεὸν καὶ ἡμῖν πράγματα μὴ παρέχετε, ἐρῶ δι᾿ ἣν αἰτίαν τοῦτο οὐ πράττομεν καὶ δι᾿ ἣν ἐξεταζόμενοι ἀφόβως ὁμολογοῦμεν. Οὐκ εἰκῇ τὸν κόσμον πεποιηκέναι τὸν θεὸν δεδιδάγμεθα, ἀλλ᾿ ἢ διὰ τὸ ἀνθρώπειον γένος· χαίρειν τε τοῖς τὰ προσόντα αὐτῷ μιμουμένοις φροέφημεν ἀπαρέσκεσθαι δὲ τοῖς τὰ φαῦλα ἀσπαζομένοις ἢ λόγῳ ἢ ἔργῳ. Εἰ οὖν πάντες ἑαυτοὺς φονεύσομεν, τοῦ μὴ γεννηθῆναί τινα καὶ μαθητευθῆναι εἰς τὰ θεῖα διδάγματα ἢ καὶ μὴ εἶναι τὸ ἀνθρώπειον γένος, ὅσον ἐφ᾿ ἡμῖν, αἴτιοι ἐσόμεθα, ἐναντίον τῇ τοῦ θεοῦ βουλῇ καὶ αὐτοὶ ποιοῦντες, ἐὰν τοῦτο πράξωμεν. Ἐξεταζόμενοι δὲ οὐκ ἀρνοίμεθα διὰ τὸ συνεπίστασθαι ἑαυτοῖς μηδὲν φαῦλον, ἀσεβὲς δὲ ἡγούμενοι μὴ κατὰ πάντα ἀληθεύειν, ὃ καὶ φίλον τῷ θεῷ γινώσκομεν, ὑμᾶς δὲ καὶ τῆς ἀδίκου προλήψεως ἀπαλλάξαι νῦν σπεύδοντες.

우리가 말하는 대로 하나님께서 우리를 도우신다면, 불의한 사람들에게 붙잡혀 벌을 받지는 않을 것이라는 생각이 누군가에게 떠오를 수도 있습니다. 이 문제도 설명하겠습니다. 하나님께서는 온 세상을 만들고 땅의 것들을 사람들에게 복종시키셨으며, 열매가 자라고 계절이 바뀌도록 하늘의 원소들을 질서 있게 두시고 거기에 신성한 법을 정하셨습니다. 이것들도 사람들을 위해 만드신 것이 분명합니다. 그리고 사람들과 하늘 아래의 모든 것을 돌보는 일을, 그 임무에 세우신 천사들에게 맡기셨습니다. 그러나 천사들은 그 질서를 어기고, 여자들과의 결합에 굴복하여 자녀들을 낳았습니다. 이들이 이른바 귀신들입니다. 나아가 그들은 인류를 자신들의 종으로 삼았습니다. 어떤 이들은 마술 문서로, 어떤 이들은 두려움과 형벌을 가하여, 또 어떤 이들은 제물과 향과 술을 바치는 법을 가르쳐 종으로 삼았습니다. 그들 자신이 욕망의 격정에 종이 된 뒤 그런 것들을 필요로 했기 때문입니다. 그들은 사람들 사이에 살인과 전쟁, 간음과 방탕과 온갖 악을 뿌렸습니다. 그 때문에 시인들과 신화 작가들은, 자신들이 기록한 남자와 여자, 도시와 민족에 관한 사건들이 사실은 그 천사들과 그들에게서 태어난 귀신들이 저지른 일임을 알지 못하여, 그 일들을 신 자신과 그에게서 태어났다는 아들들, 또 그의 형제라고 불리는 포세이돈과 플루톤 및 그들의 자녀들에게 돌렸습니다. 각 천사가 자신과 자기 자녀들에게 붙인 이름으로 그들을 불렀던 것입니다.

Εἰ δέ τινα ὑπέλθοι καὶ ἡ ἔννοια αὕτη ὅτι, εἰ θεὸν ὡμολογοῦμεν βοηθόν, οὐκ ἄν, ὡς λέγομεν, ὑπὸ ἀδίκων ἐκρατούμεθα καὶ ἐτιμωρούμεθα, καὶ τοῦτο διαλύσω. Ὁ θεὸς τὸν πάντα κόσμον ποιήσας καὶ τὰ ἐπίγεια ἀνθρώποις ὑποτάξας καὶ τὰ οὐράνια στοιχεῖα εἰς αὔξησιν καρπῶν καὶ ὡρῶν μεταβολὰς κοσμήσας καὶ θεῖον τούτοις νόμον τάξας, ἃ καὶ αὐτὰ δι᾿ ἀνθρώπους φαίνεται πεποιηκώς, τὴν μὲν τῶν ἀνθρώπων καὶ τῶν ὑπὸ τὸν οὐρανὸν πρόνοιαν ἀγγέλοις, οὓς ἐπὶ τούτοις ἔταξε, παρέδωκεν. Οἱ δ᾿ ἄγγελοι, παραβάντες τήνδε τὴν τάξιν, γυναικῶν μίξεσιν ἡττήθησαν καὶ παῖδας ἐτέκνωσαν, οἵ εἰσιν οἱ λεγόμενοι δαίμονες. Καὶ προσέτι λοιπὸν τὸ ἀνθρώπειον γένος ἑαυτοῖς ἐδούλωσαν· τὰ μὲν διὰ μαγικῶν γραφῶν, τὰ δὲ διὰ φόβων καὶ τιμωριῶν, ὧν ἐπέφερον, τὸ δὲ διὰ διδαχῆς θυμάτων καὶ θυμιαμάτων καὶ σπονδῶν, ὧν ἐνδεεῖς γεγόνασι μετὰ τὸ πάθεσιν ἐπιθυμιῶν δουλωθῆναι· καὶ εἰς ἀνθρώπους φόνους, πολέμους, μοιχείας, ἀκολασίας καὶ πᾶσαν κακίαν ἔσπειραν. Ὅθεν καὶ ποιηταὶ καὶ μυθολόγοι, ἀγνοοῦντες τοὺς ἀγγέλους καὶ τοὺς ἐξ αὐτῶν γεννηθέντας δαίμονας ταῦτα πρᾶξαι εἰς ἄῤῥενας καὶ θηλείας καὶ πόλεις καὶ ἔθνη, ἅπερ συνέγραψαν, εἰς αὐτὸν τὸν θεὸν καὶ τοὺς ὡς ἀπ᾿ αὐτοῦ σπορᾷ γενομένους υἱοὺς καὶ τῶν λεχθέντων ἐκείνου ἀδελφῶν καὶ τέκνων ὁμοίως τῶν ἀπ᾿ ἐκείνων, Ποσειδῶνος καὶ Πλούτωνος, ἀνήνεγκαν. Ὀνόματι γὰρ ἕκαστον, ὅπερ ἕκαστος ἑαυτῷ τῶν ἀγγέλων καὶ τοῖς τέκνοις ἔθετο, προσηγόρευσαν.

만물의 아버지는 태어나지 않으신 분이므로, 누군가 붙여 준 이름을 갖고 계시지 않습니다. 이름으로 불리는 존재에게는 그보다 먼저 이름을 지어 준 이가 있기 때문입니다. 아버지, 하나님, 창조자, 주님, 주권자라는 말은 고유한 이름이 아니라, 그분의 은혜와 행하신 일에서 나온 호칭입니다. 그분의 아들, 본래의 의미에서 유일하게 아들이라 불리는 분은 피조물보다 앞서 함께 계시며 나신 로고스입니다. 처음에 하나님께서 그를 통해 만물을 창조하고 질서 있게 하셨을 때 그러했습니다. 그는 기름부음을 받았고 하나님께서 그를 통해 만물의 질서를 세우셨기에 그리스도라고 불립니다. 이 이름 자체도 우리가 다 알지 못하는 뜻을 담고 있습니다. ‘하나님’이라는 호칭도 고유한 이름이 아니라, 설명하기 어려운 실재에 관해 인간의 본성에 새겨진 생각인 것과 같습니다. 예수라는 이름에는 사람과 구원자라는 이름과 뜻이 함께 담겨 있습니다. 앞서 말했듯이 그는 하나님 아버지의 뜻에 따라, 믿는 사람들을 위해 태어나고 귀신들을 무너뜨리려고 사람이 되셨습니다. 이 사실은 지금 눈앞에서 일어나는 일들로도 알 수 있습니다. 온 세상과 여러분의 도시에서, 우리 그리스도인들 가운데 많은 사람이 귀신 들린 많은 이들에게 본티오 빌라도 치하에서 십자가에 달리신 예수 그리스도의 이름으로 명령하여, 다른 어떤 구마사나 주문을 외는 자나 주술사도 고치지 못한 이들을 고쳤고 지금도 고치고 있습니다. 그들을 사로잡은 귀신들을 무력하게 만들고 쫓아내는 것입니다.

Ὄνομα δὲ τῷ πάντων πατρὶ θετόν, ἀγεννήτῳ ὄντι, οὐκ ἔστιν· ᾧ γὰρ ἂν καὶ ὄνομά τι προσαγορεύεται, πρεσβύτερον ἔχει τὸν θέμενον τὸ ὄνομα. Τὸ δὲ πατὴρ καὶ θεὸς καὶ κτίστης καὶ κύριος καὶ δεσπότης οὐκ ὀνόματά ἐστιν, ἀλλ᾿ ἐκ τῶν εὐποιϊῶν καὶ τῶν ἔργων προσρήσεις. Ὁ δὲ υἱὸς ἐκείνου, ὁ μόνος λεγόμενος κυρίως υἱός, ὁ λόγος πρὸ τῶν ποιημάτων καὶ συνὼν καὶ γεννώμενος, ὅτε τὴν ἀρχὴν δι᾿ αὐτοῦ πάντα ἔκτισε καὶ ἐκόσμησε, Χριστὸς μὲν κατὰ τὸ κεχρῖσθαι καὶ κοσμῆσαι τὰ πάντα δι᾿ αὐτοῦ τὸν θεὸν λέγεται, ὄνομα καὶ αὐτὸ περιέχον ἄγνωστον σημασίαν, ὃν τρόπον καὶ τὸ θεὸς προσαγόρευμα οὐκ ὄνομά ἐστιν, ἀλλὰ πράγματος δυσεξηγήτου ἔμφυτος τῇ φύσει τῶν ἀνθρώπων δόξα. Ἰησοῦς δὲ καὶ ἀνθρώπου καὶ σωτῆρος ὄνομα καὶ σημασίαν ἔχει. Καὶ γὰρ καὶ ἄνθρωπος, ὡς προέφημεν, γέγονε κατὰ τὴν τοῦ θεοῦ καὶ πατρὸς βουλὴν ἀποκυηθεὶς ὑπὲρ τῶν πιστευόντων ἀνθρώπων καὶ ἐπὶ καταλύσει τῶν δαιμόνων· καὶ νῦν ἐκ τῶν ὑπ᾿ ὄψιν γινομένων μαθεῖν δύνασθε. Δαιμονιολήπτους γὰρ πολλοὺς κατὰ πάντα τὸν κόσμον καὶ ἐν τῇ ὑμετέρᾳ πόλει πολλοὶ τῶν ἡμετέρων ἀνθρώπων, τῶν Χριστιανῶν, ἐπορκίζοντες κατὰ τοῦ ὀνόματος Ἰησοῦ Χριστοῦ, τοῦ σταυρωθέντος ἐπὶ Ποντίου Πιλάτου, ὑπὸ τῶν ἄλλων πάντων ἐπορκιστῶν καὶ ἐπᾳστῶν καὶ φαρμακευτῶν μὴ ἰαθέντας, ἰάσαντο καὶ ἔτι νῦν ἰῶνται, καταργοῦντες καὶ ἐκδιώκοντες τοὺς κατέχοντας τοὺς ἀνθρώπους δαίμονας.

하나님께서 악한 천사들과 귀신들과 사람들을 없애기 위해 온 세상을 뒤엎고 해체하는 일을 아직 미루시는 것도, 그리스도인들의 씨앗 때문입니다. 그분은 그 씨앗이 자연을 존속시키는 원인임을 아십니다. 그렇지 않았다면 여러분도 더는 이런 일을 하거나 악한 귀신들에게 움직여질 수 없었을 것입니다. 심판의 불이 내려와 모든 것을 가차 없이 심판했을 것입니다. 전에 홍수가 모든 사람을 없애고, 우리에게는 노아, 여러분에게는 데우칼리온이라 불리는 한 사람과 그의 가족만 남겼던 것과 같습니다. 그에게서 다시 이 많은 사람이 태어났고, 그 가운데는 악한 이들도 훌륭한 이들도 있습니다. 우리가 말하는 세상의 불사름은 이렇게 일어날 것입니다. 스토아학파가 말하듯 모든 것이 서로 다른 것으로 바뀌는 원리에 따라 일어나는 것은 아닙니다. 그런 설명은 지극히 부당한 것으로 드러났습니다. 우리는 사람이 운명에 따라 행동하거나 일어나는 일을 겪는다고도 말하지 않습니다. 각 사람은 자기 선택에 따라 옳게 행하거나 죄를 짓습니다. 악한 귀신들이 작용하여 소크라테스와 같은 훌륭한 사람들은 박해받고 감옥에 갇히며, 사르다나팔로스나 에피쿠로스 같은 사람들은 풍요와 명성 속에서 행복한 듯 보입니다. 스토아학파는 이를 이해하지 못하여 모든 일이 필연적 운명에 따라 일어난다고 선언했습니다. 그러나 하나님께서는 처음에 천사들과 사람들을 자유롭게 선택하는 존재로 만드셨으므로, 그들은 저지른 잘못에 대해 영원한 불에서 마땅한 벌을 받을 것입니다. 생겨난 모든 존재는 악과 덕을 받아들일 수 있는 본성을 지닙니다. 어느 쪽으로든 향할 능력이 없다면 그들 가운데 무엇도 칭찬받을 수 없을 것입니다. 곳곳에서 바른 이성에 따라 법을 세우고 철학을 한 사람들도, 어떤 일은 행하고 어떤 일은 삼가라고 명함으로써 이를 보여 줍니다. 스토아 철학자들 역시 윤리 논의에서는 같은 것을 굳게 존중합니다. 그러므로 그들의 근원과 비물질적 존재에 관한 논의가 제대로 들어맞지 않음이 드러납니다. 사람이 하는 일이 운명에 따라 일어난다고 하든, 하나님이 변하고 달라지며 언제나 같은 것으로 해체되는 것들과 따로 존재하지 않는다고 하든, 그들은 썩어 없어질 것들만 이해한 셈이 됩니다. 또 하나님 자신이 각 부분과 전체에서 온갖 악에 빠진다고 하거나, 악도 덕도 없다고 하게 됩니다. 이는 모든 건전한 생각과 이성과 지성에 어긋납니다.

Ὅθεν καὶ ἐπιμένει ὁ θεὸς τὴν σύγχυσιν καὶ κατάλυσιν τοῦ παντὸς κόσμου μὴ ποιῆσαι, ἵνα καὶ οἱ φαῦλοι ἄγγελοι καὶ δαίμονες καὶ ἄνθρωποι μηκέτι ὦσι, διὰ τὸ σπέρμα τῶν Χριστιανῶν, ὃ γινώσκει ἐν τῇ φύσει ὅτι αἴτιόν ἐστιν. Ἐπεὶ εἰ μὴ τοῦτο ἦν, οὐκ ἂν οὐδὲ ὑμῖν ταῦτα ἔτι ποιεῖν καὶ ἐνεργεῖσθαι ὑπὸ τῶν φαύλων δαιμόνων δυνατὸν ἦν, ἀλλὰ τὸ πῦρ τὸ τῆς κρίσεως κατελθὸν ἀνέδην πάντα διέκρινεν, ὡς καὶ πρότερον ὁ κατακλυσμὸς μηδένα λιπὼν ἀλλ᾿ ἢ τὸν μόνον σὺν τοῖς ἰδίοις παρ᾿ ἡμῖν καλούμενον Νῶε, παρ᾿ ὑμῖν δὲ Δευκαλίωνα, ἐξ οὗ πάλιν οἱ τοσοῦτοι γεγόνασιν, ὧν οἱ μὲν φαῦλοι, οἱ δὲ σπουδαῖοι. Οὕτω γὰρ ἡμεῖς τὴν ἐκπύρωσίν φαμεν γενήσεσθαι, ἀλλ᾿ οὐχ, ὡς οἱ Στωϊκοί, κατὰ τὸν τῆς εἰς ἄλληλα πάντων μεταβολῆς λόγον, ὃ αἴσχιστον ἐφάνη· ἀλλ᾿ οὐδὲ καθ᾿ εἱμαρμένην πράττειν τοὺς ἀνθρώπους ἢ πάσχειν τὰ γινόμενα, ἀλλὰ κατὰ μὲν τὴν προαίρεσιν ἕκαστον κατορθοῦν ἢ ἁμαρτάνειν, καὶ κατὰ τὴν τῶν φαύλων δαιμόνων ἐνέργειαν τοὺς σπουδαίους, οἷον Σωκράτην καὶ τοὺς ὁμοίους, διώκεσθαι καὶ ἐν δεσμοῖς εἶναι, Σαρδανάπαλον δὲ καὶ Ἐπίκουρον καὶ τοὺς ὁμοίους ἐν ἀφθονίᾳ καὶ δόξῃ δοκεῖν εὐδαιμονεῖν. Ὃ μὴ νοήσαντες οἱ Στωϊκοὶ καθ᾿ εἱμαρμένης ἀνάγκην πάντα γίνεσθαι ἀπεφήναντο. Ἀλλ᾿ ὅτι αὐτεξούσιον τό τε τῶν ἀγγέλων γένος καὶ τῶν ἀνθρώπων τὴν ἀρχὴν ἐποίησεν ὁ θεός, δικαίως ὑπὲρ ὧν ἂν πλημμελήσωσι τὴν τιμωρίαν ἐν αἰωνίῳ πυρὶ κομίσονται. Γενητοῦ δὲ παντὸς ἥδε ἡ φύσις, κακίας καὶ ἀρετῆς δεκτικὸν εἶναι· οὐ γὰρ ἂν ἦν ἐπαινετὸν οὐδὲν αὐτῶν, εἰ οὐκ ἂν ἐπ᾿ ἀμφότερα τρέπεσθαι καὶ δύναμιν εἶχε. Δεικνύουσι δὲ τοῦτο καὶ οἱ πανταχοῦ κατά λόγον τὸν ὀρθὸν νομοθετήσαντες καὶ φιλοσοφήσαντες ἄνθρωποι ἐκ τοῦ ὑπαγορεύειν τάδε μὲν πράττειν, τῶνδε δὲ ἀπέχεσθαι. Καὶ οἱ Στωϊκοὶ φιλόσοφοι ἐν τῷ περὶ ἠθῶν λόγῳ τὰ αὐτὰ τιμῶσι καρτερῶς, ὡς δηλοῦσθαι ἐν τῷ περὶ ἀρχῶν καὶ ἀσωμάτων λόγῳ οὐκ εὐοδοῦν αὐτούς. Εἴτε γὰρ καθ᾿ εἱμαρμένην φήσουσι τὰ γινόμενα πρὸς ἀνθρώπων γίνεσθαι, ἢ μηδὲν εἶναι θεὸν παρὰ τρεπόμενα καὶ ἀλλοιούμενα καὶ ἀναλυόμενα εἰς τὰ αὐτὰ ἀεί, φθαρτῶν μόνων φανήσονται κατάληψιν ἐσχηκέναι καὶ αὐτὸν θεὸν διά τε τῶν μερῶν καὶ διὰ τοῦ ὅλου ἐν πάσῃ κακίᾳ γινόμενον ἢ μηδὲν εἶναι κακίαν μηδ᾿ ἀρετήν· ὅπερ καὶ παρὰ πᾶσαν σώφρονα ἔννοιαν καὶ λόγον καὶ νοῦν ἐστι.

스토아의 가르침을 따른 이들도 적어도 윤리에서는 바르게 살았기에, 어떤 점에서는 시인들도 그러했듯이, 온 인류에게 타고난 로고스의 씨앗 때문에 미움받고 죽임당했음을 우리는 압니다. 앞서 말한 헤라클레이토스와 우리 시대의 무소니오스, 그 밖의 사람들을 알고 있습니다. 앞서 지적했듯이 귀신들은 어떤 방식으로든 이성에 따라 살고 악을 피하려 힘쓰는 모든 사람이 늘 미움받게 만들었습니다. 그러므로 그 귀신들이 자신들의 정체를 폭로당하고서, 씨앗으로 주어진 로고스의 일부에 따라서가 아니라 완전한 로고스, 곧 그리스도를 알고 바라보며 사는 이들을 훨씬 더 미움받게 만드는 것도 놀랍지 않습니다. 그들은 영원한 불에 갇혀 마땅한 형벌을 받을 것입니다. 벌써 사람들이 예수 그리스도의 이름으로 그들을 제압하고 있다면, 이는 그들과 그들을 섬기는 이들이 장차 영원한 불에서 받을 형벌을 알려 줍니다. 모든 예언자가 이런 일이 일어날 것이라고 미리 선포했고, 우리 스승 예수께서도 그렇게 가르치셨습니다.

Καὶ τοὺς ἀπὸ τῶν Στωϊκῶν δὲ δογμάτων, ἐπειδὴ κἂν τὸν ἠθικὸν λόγον κόσμιοι γεγόνασιν, ὡς καὶ ἔν τισιν οἱ ποιηταί, διὰ τὸ ἔμφυτον παντὶ γένει ἀνθρώπων σπέρμα τοῦ λόγου, μεμισῆσθαι καὶ πεφονεῦσθαι οἴδαμεν· Ἡράκλειτον μέν, ὡς προέφημεν, καὶ Μουσώνιον δὲ ἐν τοῖς καθ᾿ ἡμᾶς καὶ ἄλλους οἴδαμεν. Ὡς γὰρ ἐσημάναμεν, πάντας τοὺς κἂν ὁπωσδήποτε κατὰ λόγον βιοῦν σπουδάζοντας καὶ κακίαν φεύγειν μισεῖσθαι ἀεὶ ἐνήργησαν οἱ δαίμονες. Οὐδὲν δὲ θαυμαστόν, εἰ τοὺς οὐ κατὰ σπερματικοῦ λόγου μέρος, ἀλλὰ κατὰ τὴν τοῦ παντὸς λόγου, ὅ ἐστι Χριστοῦ, γνῶσιν καὶ θεωρίαν πολὺ μᾶλλον μισεῖσθαι οἱ δαίμονες ἐλεγχόμενοι ἐνεργοῦσιν· οἳ τὴν ἀξίαν κόλασιν καὶ τιμωρίαν κομίσονται ἐν αἰωνίῳ πυρὶ ἐγκλεισθέντες. Εἰ γὰρ ὑπὸ τῶν ἀνθρώπων ἤδη διὰ τοῦ ὀνόματος Ἰησοῦ Χριστοῦ ἡττῶνται, δίδαγμά ἐστι τῆς καὶ μελλούσης αὐτοῖς καὶ τοῖς λατρεύουσιν αὐτοῖς ἐσομένης ἐν πυρὶ αἰωνίῳ κολάσεως. Οὕτως καὶ γὰρ οἱ προφῆται πάντες προεκήρυξαν γενήσεσθαι, καὶ Ἰησοῦς ὁ ἡμέτερος διδάσκαλος ἐδίδαξε.

그러므로 나 역시 앞서 말한 자들 가운데 누군가의 음모로 나무 형틀에 매달리게 되리라고 예상합니다. 떠들썩한 소리와 허풍을 좋아하는 크레스켄스가 그럴 수도 있습니다. 그 사람은 철학자라 불릴 자격이 없습니다. 그는 우리에 관해 알지도 못하면서 그리스도인들이 무신론자이며 불경하다고 공개적으로 거짓 증언을 합니다. 잘못된 생각에 빠진 많은 사람의 환심을 사고 그들을 즐겁게 하려고 그러는 것입니다. 그리스도의 가르침을 읽지도 않고 우리를 비난한다면, 그는 대단히 악한 자이며 보통 사람들보다도 훨씬 못합니다. 그들도 자기가 모르는 것에 관해 말하거나 거짓 증언하는 일을 흔히 삼가기 때문입니다. 읽고도 그 안의 위대함을 이해하지 못했거나, 이해했으면서도 자기도 그런 사람이라는 의심을 피하려고 이러는 것이라면, 무지하고 불합리한 평판과 두려움에 굴복한, 더욱 비열하고 악한 사람입니다. 내가 그에게 몇 가지 질문을 던져 그가 실로 아무것도 모른다는 것을 알아내고 드러냈다는 사실을 여러분이 알기 바랍니다. 내 말이 참되다는 것을 확인하시려면, 우리의 논쟁을 보고받지 않으셨을 경우 내가 여러분 앞에서 다시 같은 질문으로 토론할 준비가 되어 있습니다. 그런 일을 살피는 것도 황제다운 일이 될 것입니다. 이미 내 질문과 그의 답변을 알고 계신다면, 그가 우리의 가르침을 전혀 모른다는 점이 분명할 것입니다. 설령 알고 있다 해도, 앞서 말했듯이 청중 때문에 소크라테스처럼 말할 용기가 없다면, 그는 지혜를 사랑하는 철학자가 아니라 명예를 사랑하는 사람으로 드러납니다. 그는 소크라테스의 이 훌륭한 말조차 존중하지 않기 때문입니다. “사람을 진리보다 더 높여서는 안 된다.” 무관심을 최종 목적으로 삼는 견유학파 사람은 무관심 이외의 선을 알 수 없습니다.

Κἀγὼ οὖν προσδοκῶ ὑπό τινος τῶν ὠνομασμένων ἐπιβουλευθῆναι καὶ ξύλῳ ἐμπαγῆναι, ἢ κἂν ὑπὸ Κρίσκεντος τοῦ φιλοψόφου καὶ φιλοκόμπου. Οὐ γὰρ φιλόσοφον εἰπεῖν ἄξιον τὸν ἄνδρα, ὅς γε περὶ ἡμῶν ἃ μὴ ἐπίσταται δημοσίᾳ καταμαρτυρεῖ, ὡς ἀθέων καὶ ἀσεβῶν Χριστιανῶν ὄντων, πρὸς χάριν καὶ ἡδονὴν τῶν πολλῶν τῶν πεπλανημένων ταῦτα πράττων. Εἴτε γὰρ μὴ ἐντυχὼν τοῖς τοῦ Χριστοῦ διδάγμασι κατατρέχει ἡμῶν, παμπόνηρός ἐστι καὶ ἰδιωτῶν πολὺ χείρων, οἳ φυλάττονται πολλάκις περὶ ὧν οὐκ ἐπίστανται διαλέγεσθαι καὶ ψευδομαρτυρεῖν· ἢ εἰ ἐντυχών, μὴ συνῆκε τὸ ἐν αὐτοῖς μεγαλεῖον ἢ συνεὶς πρὸς τὸ μὴ ὑποπτευθῆναι τοιοῦτος ταῦτα ποιεῖ, πολὺ μᾶλλον ἀγεννὴς καὶ παμπόνηρος, ἰδιωτικῆς καὶ ἀλόγου δόξης καὶ φόβου ἐλάττων ὤν. Καὶ γὰρ προσθέντα με καὶ ἐρωτήσαντα αὐτὸν ἐρωτήσεις τινὰς τοιαύτας καὶ μαθεῖν καὶ ἐλέγξαι, ὅτι ἀληθῶς μηδὲν ἐπίσταται, εἰδέναι ὑμᾶς βούλομαι. Καὶ ὅτι ἀληθῆ λέγω, εἰ μὴ ἀνηνέχθησαν ὑμῖν αἱ κοινωνίαι τῶν λόγων, ἕτοιμος καὶ ἐφ᾿ ὑμῶν κοινωνεῖν τῶν ἐρωτήσεων πάλιν· βασιλικὸν δ᾿ ἂν καὶ τοῦτο ἔργον εἴη. Εἰ δὲ καὶ ἐγνώσθησαν ὑμῖν αἱ ἐρωτήσεις μου καὶ αἱ ἐκείνου ἀποκρίσεις, φανερὸν ὑμῖν ἐστιν, ὅτι οὐδὲν τῶν ἡμετέρων ἐπίσταται· ἢ εἰ καὶ ἐπίσταται, διὰ τοὺς ἀκούοντας δὲ οὐ τολμᾷ λέγειν ὁμοίως Σωκράτει, ὡς προέφην, οὐ φιλόσοφος ἀλλὰ φιλόδοξος ἀνὴρ δείκνυται, ὅς γε μηδὲ τὸ σωκρατικὸν ἀξιέραστον ὂν τιμᾷ· „Ἀλλ᾿ οὔτι γε πρὸ τῆς ἀληθείας τιμητέος ἀνήρ“. Ἀδύνατον δὲ Κυνικῷ, ἀδιάφορον τὸ τέλος προθεμένῳ, τὸ ἀγαθὸν εἰδέναι πλὴν ἀδιαφορίας.

철학자라 불리는 이들의 말을 되풀이하는 사람이 있을지 모르므로, 곧 불의한 자들이 영원한 불에서 벌을 받는다는 우리의 말은 허풍과 협박에 지나지 않으며, 우리가 사람들에게 덕 있게 살라고 권하는 까닭도 그것이 선하고 훌륭해서가 아니라 두려움 때문이라는 주장에 대해, 짧게 대답하겠습니다. 만일 그런 심판이 없다면 하나님도 없거나, 계시더라도 사람들에게 관심이 없다는 말이 됩니다. 덕도 악도 아무것도 아니게 되며, 앞서 말했듯이 입법자들은 정해진 선한 규범을 어긴 사람들을 부당하게 벌하는 셈이 됩니다. 그러나 그들은 불의하지 않습니다. 그들의 아버지께서도 로고스를 통해 자신과 같은 일을 행하라고 가르치시므로, 이 가르침에 따르는 이들 역시 불의하지 않습니다. 누군가 사람들의 법이 서로 다르다는 점을 들어, 어떤 사람들은 이것을 선하고 저것을 부끄럽게 여기지만, 다른 사람들은 앞의 사람들이 부끄럽게 여기는 것을 선하게 여기고 선하게 여기는 것을 부끄럽게 여긴다고 말한다면, 이에 대한 답도 들어 보십시오. 우리는 악한 천사들이 자기들의 악행에 맞는 법을 세웠다는 것을 압니다. 그들과 같은 사람이 된 이들은 그런 법을 즐깁니다. 그러나 바른 이성으로 살펴보면 모든 의견과 가르침이 좋다고 드러나는 것은 아닙니다. 어떤 것은 악하고 어떤 것은 선합니다. 그러므로 나는 이런 사람들에게도 같은 내용과 비슷한 말을 할 것이며, 필요하다면 더 자세히 설명하겠습니다. 이제 본래의 논의로 돌아가겠습니다.

Ἵνα δὲ μή τις εἴπῃ τὸ λεγόμενον ὑπὸ τῶν νομιζομένων φιλοσόφων, ὅτι κόμποι καὶ φόβητρά ἐστι τὰ λεγόμενα ὑφ᾿ ἡμῶν ὅτι κολάζονται ἐν αἰωνίῳ πυρὶ οἱ ἄδικοι, καὶ διὰ φόβον ἀλλ᾿ οὐ διὰ τὸ καλὸν εἶναι καὶ ἀρεστὸν ἐναρέτως βιοῦν τοὺς ἀνθρώπους ἀξιοῦμεν, βραχυεπῶς πρὸς τοῦτο ἀποκρινοῦμαι, ὅτι, εἰ μὴ τοῦτό ἐστιν, οὔτε ἔστι θεός, ἤ, εἰ ἔστιν, οὐ μέλει αὐτῷ τῶν ἀνθρώπων, καὶ οὐδέν ἐστιν ἀρετὴ οὐδὲ κακία, καί, ὡς προέφημεν, ἀδίκως τιμωροῦσιν οἱ νομοθέται τοὺς παραβαίνοντας τὰ διατεταγμένα καλά. Ἀλλ᾿ ἐπεὶ οὐκ ἄδικοι ἐκεῖνοι καὶ ὁ αὐτῶν πατήρ, τὰ αὐτὰ αὐτῷ πράττειν διὰ τοῦ λόγου διδάσκων, οἱ τούτοις συντιθέμενοι οὐκ ἄδικοι. Ἐὰν δέ τις τοὺς διαφόρους νόμους τῶν ἀνθρώπων προβάληται, λέγων, ὅτι παρ᾿ οἷς μὲν ἀνθρώποις τάδε καλά, τάδε αἰσχρὰ νενόμισται, παρ᾿ ἄλλοις δὲ τὰ παρ᾿ ἐκείνοις αἰσχρὰ καλά, καὶ τὰ καλὰ αἰσχρὰ νομίζεται, ἀκουέτω καὶ τῶν εἰς τοῦτο λεγομένων. Καὶ νόμους διατάξασθαι τῇ ἑαυτῶν κακίᾳ ὁμοίους τοὺς πονηροὺς ἀγγέλους ἐπιστάμεθα, οἷς χαίρουσιν οἱ ὅμοιοι γενόμενοι ἄνθρωποι, καὶ ὀρθὸς λόγος παρελθὼν οὐ πάσας δόξας οὐδὲ πάντα δόγματα καλὰ ἀποδείκνυσιν, ἀλλὰ τὰ μὲν φαῦλα, τὰ δὲ ἀγαθά· ὥστε μοι καὶ πρὸς τοὺς τοιούτους τὰ αὐτὰ καὶ τὰ ὅμοια εἰρήσεται, καὶ λεχθήσεται διὰ πλειόνων, ἐὰν χρεία ᾖ. Τανῦν δὲ ἐπὶ τὸ προκείμενον ἀνέρχομαι.

우리의 가르침이 모든 인간의 가르침보다 뛰어난 것은, 온전한 로고스이신 그리스도께서 우리를 위해 나타나 몸과 이성과 영혼을 지닌 분이 되셨기 때문입니다. 철학자와 입법자들이 언제나 훌륭하게 말하고 발견한 것들은, 로고스의 일부에 따라 탐구하고 사유하며 애써 얻은 것입니다. 그러나 그리스도이신 로고스의 모든 것을 알지는 못했으므로, 자신들의 말과 모순되는 이야기를 자주 했습니다. 그리스도 이전에도 인간의 이성으로 사물을 살피고 잘못을 드러내려 한 이들은 불경하고 쓸데없는 것을 캐묻는 자라며 재판정에 끌려갔습니다. 그런 일을 누구보다 힘있게 했던 소크라테스는 우리와 같은 혐의로 고발당했습니다. 새로운 신적 존재들을 들여오고, 도시에서 인정하는 신들을 믿지 않는다고 했습니다. 그는 악한 귀신들, 곧 시인들이 이야기한 행위를 저지른 존재들을 멀리하라고 사람들에게 가르쳤고, 호메로스와 다른 시인들을 국가에서 내보냈습니다. 또 이성적 탐구를 통해 사람들이 알지 못하는 하나님을 알도록 권하며 이렇게 말했습니다. “만물의 아버지이자 창조자를 찾는 것은 쉽지 않고, 찾은 뒤에도 모든 사람에게 말하는 것은 안전하지 않다.” 우리의 그리스도께서는 자신의 능력으로 이 일들을 이루셨습니다. 소크라테스에게 설득되어 이 가르침을 위해 죽으려 한 사람은 없었습니다. 그러나 그리스도는 소크라테스도 부분적으로 알았던 분입니다. (그분은 모든 사람 안에 계시는 로고스이셨고 지금도 그러하시며, 예언자들을 통해 장차 일어날 일을 미리 말씀하셨고, 친히 우리와 같은 감정을 지닌 사람이 되어 이것들을 가르치셨습니다.) 철학자나 학자들뿐 아니라 일하는 장인들과 전혀 배운 것이 없는 이들도 그분께 설득되어, 세상의 명예와 두려움과 죽음을 하찮게 여겼습니다. 이것은 말로 다할 수 없는 아버지의 능력이지 인간의 말로 꾸민 장치가 아니기 때문입니다.

Μεγαλειότερα μὲν οὖν πάσης ἀνθρωπείου διδασκαλίας φαίνεται τὰ ἡμέτερα διὰ τοῦ τὸ λογικὸν τὸ ὅλον τὸν φανέντα δι᾿ ἡμᾶς Χριστὸν γεγονέναι καὶ σῶμα καὶ λόγον καὶ ψυχήν. Ὅσα γὰρ καλῶς ἀεὶ ἐφθέγξαντο καὶ εὗρον οἱ φιλοσοφήσαντες ἢ νομοθετήσαντες, κατὰ λόγου μέρος δι᾿ εὑρέσεως καὶ θεωρίας ἐστὶ πονηθέντα αὐτοῖς. Ἐπειδὴ δὲ οὐ πάντα τὰ τοῦ λόγου ἐγνώρισαν, ὅς ἐστι Χριστός, καὶ ἐναντία ἑαυτοῖς πολλάκις εἶπον. Καὶ οἱ προγεγενημένοι τοῦ Χριστοῦ, κατὰ τὸ ἀνθρώπινον λόγῳ πειραθέντες τὰ πράγματα θεωρῆσαι καὶ ἐλέγξαι, ὡς ἀσεβεῖς καὶ περίεργοι εἰς δικαστήρια ἤχθησαν. Ὁ πάντων δὲ αὐτῶν εὐτονώτερος πρὸς τοῦτο γενόμενος Σωκράτης τὰ αὐτὰ ἡμῖν ἐνεκλήθη· καὶ γὰρ ἔφασαν αὐτὸν καινὰ δαιμόνια εἰσφέρειν, καὶ οὓς ἡ πόλις νομίζει θεοὺς μὴ ἡγεῖσθαι αὐτόν. Ὁ δὲ δαίμονας μὲν τοὺς φαύλους καὶ τοὺς πράξαντας ἃ ἔφασαν οἱ ποιηταί, ἐκβαλὼν τῆς πολιτείας καὶ Ὅμηρον καὶ τοὺς ἄλλους ποιητάς, παραιτεῖσθαι τοὺς ἀνθρώπους ἐδίδαξε, πρὸς θεοῦ δὲ τοῦ ἀγνώστου αὐτοῖς διὰ λόγου ζητήσεως ἐπίγνωσιν προὐτρέπετο, εἰπών· „Τὸν δὲ πατέρα καὶ δημιουργὸν πάντων οὔθ᾿ εὑρεῖν ῥᾴδιον, οὔθ᾿ εὑρόντα εἰς πάντας εἰπεῖν ἀσφαλές“. Ἅ ὁ ἡμέτερος Χριστὸς διὰ τῆς ἑαυτοῦ δυνάμεως ἔπραξε. Σωκράτει μὲν γὰρ οὐδεὶς ἐπείσθη ὑπὲρ τούτου τοῦ δόγματος ἀποθνήσκειν· Χριστῷ δέ, τῷ καὶ ὑπὸ Σωκράτους ἀπὸ μέρους γνωσθέντι (λόγος γὰρ ἦν καὶ ἔστιν ὁ ἐν παντὶ ὤν, καὶ διὰ τῶν προφητῶν προειπὼν τὰ μέλλοντα γίνεσθαι καὶ δι᾿ ἑαυτοῦ ὁμοιοπαθοῦς γενομένου καὶ διδάξαντος ταῦτα), οὐ φιλόσοφοι οὐδὲ φιλόλογοι μόνον ἐπείσθησαν, ἀλλὰ καὶ χειροτέχναι καὶ παντελῶς ἰδιῶται, καὶ δόξης καὶ φόβου καὶ θανάτου καταφρονήσαντες· ἐπειδὴ δύναμίς ἐστι τοῦ ἀῤῥήτου πατρὸς καὶ οὐχὶ ἀνθρωπείου λόγου τὰ σκεύη.

태어난 모든 사람이 반드시 죽어야 하는 것이 아니었다면, 우리가 죽임당하지도 않고 불의한 사람들과 귀신들이 우리보다 강하지도 않았을 것입니다. 그러므로 우리는 죽음의 빚을 갚으면서도 감사합니다. 지금 크레스켄스와 그처럼 어리석은 이들에게 크세노폰의 이야기를 들려주는 것도 알맞고 시의적절하다고 생각합니다. 크세노폰은 헤라클레스가 어느 갈림길을 걷다가 여자의 모습으로 나타난 덕과 악을 만났다고 했습니다. 악은 고운 옷을 입고, 치장으로 사랑스럽고 화사해진 얼굴로 보는 즉시 눈길을 끌면서 헤라클레스에게 말했습니다. 자기를 따르면 언제나 즐겁게 살며, 자기와 같은 눈부신 장식으로 꾸미고 지내게 해 주겠다고 했습니다. 반면 덕은 거친 얼굴과 옷차림으로 이렇게 말했습니다. “그러나 내 말을 따른다면, 덧없이 사라지고 썩는 장식이나 아름다움으로 자신을 꾸미지 않고 영원하고 훌륭한 장식으로 꾸미게 될 것이다.” 우리는 누구든 좋아 보이는 것을 피하고, 힘들고 어리석어 보이는 일을 따라 행하면 행복을 얻게 되리라고 확신합니다. 악은 자기 행동을 가리려고, 덕에 속하는 참된 좋은 것들을 썩지 않는 것의 모방으로 둘러씁니다. (악은 썩지 않는 것을 하나도 지니지 못하고 만들어 낼 수도 없습니다.) 그렇게 땅의 것에 매인 사람들을 종으로 삼으며, 자기에게 속한 악을 덕에 뒤집어씌웁니다. 그러나 실제로 좋은 것들을 깨달은 사람들은 덕 안에서 썩지 않습니다. 지각 있는 사람이라면 누구나, 우리가 사람들이 피하려는 죽음까지 하찮게 여긴다는 사실에서 판단을 이끌어 내어, 그리스도인들과 경기 선수들, 또 시인들이 신들에게 돌린 행동을 실제로 저지른 사람들에 대해서도 이렇게 생각해야 합니다.

Οὐκ ἂν δὲ οὐδὲ ἐφονευόμεθα οὐδὲ δυνατώτεροι ἡμῶν ἦσαν οἵ τε ἄδικοι ἄνθρωποι καὶ δαίμονες, εἰ μὴ πάντως παντὶ γεννωμένῳ ἀνθρώπῳ καὶ θανεῖν ὠφείλετο· ὅθεν καὶ τὸ ὄφλημα ἀποδιδόντες εὐχαριστοῦμεν. Καίτοι γε καὶ τὸ ξενοφώντειον ἐκεῖνο νῦν πρός τε Κρίσκεντα καὶ τοὺς ὁμοίως αὐτῷ ἀφραίνοντας καλὸν καὶ εὔκαιρον εἰπεῖν ἡγούμεθα. Τὸν Ἡρακλέα ἐπὶ τρίοδόν τινα ἔφη ὁ Ξενοφῶν βαδίζοντα εὑρεῖν τήν τε ἀρετὴν καὶ τὴν κακίαν, ἐν γυναικῶν μορφαῖς φαινομένας. Καὶ τὴν μὲν κακίαν, ἁβρᾷ ἐσθῆτι καὶ ἐρωτοπεποιημένῳ καὶ ἀνθοῦντι ἐκ τῶν τοιούτων προσώπῳ, θελκτικήν τε εὐθὺς πρὸς τὰς ὄψεις οὖσαν, εἰπεῖν πρὸς τὸν Ἡρακλέα ὅτι, ἢν αὐτῇ ἕπηται, ἡδόμενόν τε καὶ κεκοσμημένον τῷ λαμπροτάτῳ καὶ ὁμοίῳ τῷ περὶ αὐτὴν κόσμῳ διαιτήσειν ἀεὶ ποιήσει. Καὶ τὴν ἀρετὴν ἐν αὐχμηρῷ μὲν τῷ προσώπῳ καὶ τῇ περιβολῇ οὖσαν εἰπεῖν· Ἀλλ᾿ ἢν ἐμοὶ πείθῃ, οὐ κόσμῳ οὐδὲ κάλλει τῷ ῥέοντι καὶ φθειρομένῳ ἑαυτὸν κοσμήσεις ἀλλὰ τοῖς ἀϊδίοις καὶ καλοῖς κόσμοις. Καὶ πάνθ᾿ ὁντινοῦν πεπείσμεθα, φεύγοντα τὰ δοκοῦντα καλά, τὰ δὲ νομιζόμενα σκληρὰ καὶ ἄλογα μετερχόμενον, εὐδαιμονίαν ἐκδέχεσθαι. Ἡ γὰρ κακία, πρόβλημα ἑαυτῆς τῶν πράξεων τὰ προσόντα τῇ ἀρετῇ καὶ ὄντως ὄντα καλὰ διὰ μιμήσεως ἀφθάρτων περιβαλλομένη (ἄφθαρτον γὰρ οὐδὲν ἔχει οὐδὲ ποιῆσαι δύναται), δουλαγωγεῖ τοὺς χαμαιπετεῖς τῶν ἀνθρώπων, τὰ προσόντα αὐτῇ φαῦλα τῇ ἀρετῇ περιθεῖσα. Οἱ δὲ νενοηκότες τὰ προσόντα τῷ ὄντι καλὰ καὶ ἄφθαρτοι τῇ ἀρετῇ· ὃ καὶ περὶ Χριστιανῶν καὶ τῶν ἀπὸ τοῦ ἄθλου καὶ τῶν ἀνθρώπων τῶν τοιαῦτα πραξάντων, ὁποῖα ἔφασαν οἱ ποιηταὶ περὶ τῶν νομιζομένων θεῶν, ὑπολαβεῖν δεῖ πάντα νουνεχῆ, ἐκ τοῦ καὶ τοῦ φευκτοῦ καταφρονεῖν ἡμᾶς θανάτου λογισμὸν ἕλκοντα.

나 자신도 플라톤의 가르침을 즐겨 따르던 때에 그리스도인들이 비방받는다는 말을 들었습니다. 그러나 그들이 죽음과 그 밖에 두렵다고 여겨지는 모든 것 앞에서 두려워하지 않는 모습을 보고, 그들이 악행과 쾌락에 빠져 산다는 것은 불가능하다고 생각했습니다. 쾌락에 탐닉하거나 절제하지 못하며 사람의 살을 먹는 것을 좋다고 여기는 자가, 자기가 누리던 좋은 것들을 잃으면서까지 죽음을 기꺼이 받아들일 수 있겠습니까? 그런 사람이라면 무슨 수를 써서라도 이 세상에서 계속 살며 통치자들의 눈을 피하려 하지 않겠습니까? 스스로 죽임당할 사람이라고 나서는 일은 더더욱 하지 않을 것입니다. 그런데 악한 귀신들은 악한 사람들을 통해 이런 일까지 벌였습니다. 그들은 우리를 향한 중상모략을 구실로 사람들을 죽이고, 우리 집안의 종들이나 어린아이들이나 여자들을 고문으로 끌고 갔습니다. 그리고 무서운 학대를 가해 그 터무니없는 이야기들을 자백하도록 강요합니다. 정작 그런 행동을 공개적으로 하는 자들은 그들 자신입니다. 우리는 그런 일들과 아무 관계가 없으므로 개의치 않습니다. 태어나지 않으시고 말로 다할 수 없는 하나님을 우리 생각과 행동의 증인으로 모시고 있기 때문입니다. 왜 우리는 그런 행위들도 좋다고 공개적으로 인정하고 신성한 철학이라고 주장하지 않겠습니까? 사람을 죽일 때 크로노스의 비밀 의식을 행한다고 하거나, 피를 실컷 마신다는 말을 듣는다면 여러분이 존경하는 우상과 같은 일을 한다고 말할 수도 있을 것입니다. 그 우상에는 짐승의 피뿐 아니라 사람의 피도 뿌려집니다. 여러분 가운데 가장 명망 있고 고귀한 사람을 통해, 죽임당한 이들의 피를 뿌리게 한다고 할 수도 있을 것입니다. 남자와 성관계를 맺고 여자들과 거리낌 없이 어울리면서 제우스와 다른 신들을 본받는다고 하고, 에피쿠로스와 시인들의 글을 변론의 근거로 내세울 수도 있지 않겠습니까? 그러나 우리는 지금 이 글에서도 힘써 말했듯이, 그런 가르침과 그런 행동을 한 자들, 또 그들을 본받는 자들을 피하도록 권하기 때문에 여러 모양으로 공격받습니다. 그래도 개의치 않습니다. 만물을 살피시는 하나님께서 의로우심을 알기 때문입니다. 지금이라도 누군가 높은 연단에 올라 비극 배우의 목소리로 이렇게 외쳤으면 좋겠습니다. “부끄러워하라! 너희가 드러내 놓고 하는 일을 죄 없는 이들에게 돌리다니, 부끄러워하라! 너희 자신과 너희 신들에게 속한 일을, 그런 일에 조금도 참여하지 않는 이들에게 뒤집어씌우다니! 마음을 바꾸고 바르게 살아라!”

Καὶ γὰρ αὐτὸς ἐγώ, τοῖς Πλάτωνος χαίρων διδάγμασι, διαβαλλομένους ἀκούων Χριστιανούς, ὁρῶν δὲ ἀφόβους πρὸς θάνατον καὶ πάντα τὰ ἄλλα νομιζόμενα φοβερά, ἐνενόουν ἀδύνατον εἶναι ἐν κακίᾳ καὶ φιληδονίᾳ ὑπάρχειν αὐτούς. Τίς γὰρ φιλήδονος ἢ ἀκρατὴς καὶ ἀνθρωπείων σαρκῶν βορὰν ἀγαθὸν ἡγούμενος δύναιτο ἂν θάνατον ἀσπάζεσθαι, ὅπως τῶν αὐτοῦ ἀγαθῶν στερηθῇ, ἀλλ᾿ οὐκ ἐκ παντὸς ζῆν μὲν ἀεὶ τὴν ἐνθάδε βιοτὴν καὶ λανθάνειν τοὺς ἄρχοντας ἐπειρᾶτο, οὐχ ὅτι γε ἑαυτὸν κατήγγελλε φονευθησόμενον; Ἤδη καὶ τοῦτο ἐνήργησαν οἱ φαῦλοι δαίμονες διά τινων πονηρῶν ἀνθρώπων πραχθῆναι. Φονεύοντες γὰρ αὐτοί τινας ἐπὶ συκοφαντίᾳ τῇ εἰς ἡμᾶς καὶ εἰς βασάνους εἵλκυσαν οἰκέτας τῶν ἡμετέρων ἢ παῖδας ἢ γύναια, καὶ δι᾿ αἰκισμῶν φοβερῶν ἐξαναγκάζουσι κατειπεῖν ταῦτα τὰ μυθολογούμενα, ἃ αὐτοὶ φανερῶς πράττουσιν· ὧν ἐπειδὴ οὐδὲν πρόσεστιν ἡμῖν, οὐ φροντίζομεν, θεὸν τὸν ἀγέννητον καὶ ἄῤῥητον μάρτυρα ἔχοντες τῶν τε λογισμῶν καὶ τῶν πράξεων. Τίνος γὰρ χάριν οὐχὶ καὶ ταῦτα δημοσίᾳ ὡμολογοῦμεν ἀγαθὰ καὶ φιλοσοφίαν θείαν αὐτὰ ἀπεδείκνυμεν, φάσκοντες Κρόνου μὲν μυστήρια τελεῖν ἐν τῷ ἀνδροφονεῖν, καὶ ἐν τῷ αἵματος ἐμπίπλασθαι, ὡς λέγεται, τὰ ἴσα τῷ παρ᾿ ὑμῖν τιμωμένῳ εἰδώλῳ, ᾧ οὐ μόνον ἀλόγων ζώων αἵματα προσραίνεται ἀλλὰ καὶ ἀνθρώπεια, διὰ τοῦ παρ᾿ ὑμῖν ἐπισημοτάτου καὶ εὐγενεστάτου ἀνδρὸς τὴν πρόσχυσιν τοῦ τῶν φονευθέντων αἵματος ποιούμενοι, Διὸς δὲ καὶ τῶν ἄλλων θεῶν μιμηταὶ γενόμενοι ἐν τῷ ἀνδροβατεῖν καὶ γυναιξὶν ἀδεῶς μίγνυσθαι, Ἐπικούρου μὲν καὶ τὰ τῶν ποιητῶν συγγράμματα ἀπολογίαν φέροντες; Ἐπειδὴ δὲ ταῦτα τὰ μαθήματα καὶ τοὺς ταῦτα πράξαντας καὶ μιμουμένους φεύγειν πείθομεν, ὡς καὶ νῦν διὰ τῶνδε τῶν λόγων ἠγωνίσμεθα, ποικίλως πολεμούμεθα· ἀλλ᾿ οὐ φροντίζομεν, ἐπεὶ θεὸν τῶν πάντων ἐπόπτην δίκαιον οἴδαμεν. Εἴθε καὶ νῦν τις ἂν τραγικῇ φωνῇ ἀνεβόησεν ἐπί τι βῆμα ὑψηλὸν ἀναβάς· Αἰδέσθητε, αἰδέσθητε ἃ φανερῶς πράττετε εἰς ἀναιτίους ἀναφέροντες, καὶ τὰ προσόντα καὶ ἑαυτοῖς καὶ τοῖς ὑμετέροις θεοῖς περιβάλλοντες τούτοις ὧν οὐδὲν οὐδ᾿ ἐπὶ ποσὸν μετουσία ἐστί. Μετάθεσθε, σωφρονίσθητε.

나 역시 악한 귀신들이 다른 사람들을 멀어지게 하려고 그리스도인들의 신성한 가르침에 악한 외피를 씌웠음을 알게 되었습니다. 그런 말들이 거짓임을 알고 나서는 그 외피와 대중의 평판을 비웃었습니다. 나는 그리스도인으로 인정받기를 바라며 온 힘을 다해 힘쓰고 있음을 고백합니다. 플라톤의 가르침이 그리스도의 가르침과 전혀 무관하다는 뜻이 아닙니다. 다만 모든 점에서 같지는 않다는 뜻입니다. 스토아학파와 시인들과 저술가들의 가르침도 마찬가지입니다. 각 사람은 씨앗으로 주어진 신성한 로고스의 일부를 통해 자신과 친연성이 있는 것을 보고 훌륭한 말을 했습니다. 그러나 더 중요한 문제들에서 자기 말과 반대되는 주장을 한 사실은, 그들에게 확고한 이해와 반박할 수 없는 지식이 없었음을 드러냅니다. 그러므로 누구에게서든 훌륭하게 말해진 것은 모두 우리 그리스도인들의 것입니다. 우리는 태어나지 않으시고 말로 다할 수 없는 하나님에게서 나온 로고스를 하나님 다음으로 경배하고 사랑하기 때문입니다. 그는 우리를 위해 사람이 되셨고, 우리의 고통에 참여하여 우리를 고쳐 주고자 하셨습니다. 모든 저술가는 자기 안에 타고난 로고스의 씨앗을 통해 실재를 희미하게나마 볼 수 있었습니다. 그러나 능력에 따라 주어진 어떤 것의 씨앗과 모상은 그 자체와 다릅니다. 그 자체에 참여하고 그것을 본받는 일은 그에게서 오는 은혜에 따라 이루어집니다.

Καὶ γὰρ ἐγώ, μαθὼν περίβλημα πονηρὸν εἰς ἀποστροφὴν τῶν ἄλλων ἀνθρώπων περιτεθειμένον ὑπὸ τῶν φαύλων δαιμόνων τοῖς Χριστιανῶν θείοις διδάγμασι, καὶ ψευδολογουμένων ταῦτα καὶ τοῦ περιβλήματος κατεγέλασα καὶ τῆς παρὰ τοῖς πολλοῖς δόξης. Χριστιανὸς εὑρεθῆναι καὶ εὐχόμενος καὶ παμμάχως ἀγωνιζόμενος ὁμολογῶ, οὐχ ὅτι ἀλλότριά ἐστι τὰ Πλάτωνος διδάγματα τοῦ Χριστοῦ, ἀλλ᾿ ὅτι οὐκ ἔστι πάντη ὅμοια, ὥσπερ οὐδὲ τὰ τῶν ἄλλων, Στωϊκῶν τε καὶ ποιητῶν καὶ συγγραφέων. Ἕκαστος γάρ τις ἀπὸ μέρους τοῦ σπερματικοῦ θείου λόγου τὸ συγγενὲς ὁρῶν καλῶς ἐφθέγξατο· οἱ δὲ τἀναντία ἑαυτοῖς ἐν κυριωτέροις εἰρηκότες οὐκ ἐπιστήμην τὴν ἄπτωτον καὶ γνῶσιν τὴν ἀνέλεγκτον φαίνονται ἐσχηκέναι. Ὅσα οὖν παρὰ πᾶσι καλῶς εἴρηται, ἡμῶν τῶν Χριστιανῶν ἐστι· τὸν γὰρ ἀπὸ ἀγεννήτου καὶ ἀῤῥήτου θεοῦ λόγον μετὰ τὸν θεὸν προσκυνοῦμεν καὶ ἀγαπῶμεν, ἐπειδὴ καὶ δι᾿ ἡμᾶς ἄνθρωπος γέγονεν, ὅπως καὶ τῶν παθῶν τῶν ἡμετέρων συμμέτοχος γενόμενος καὶ ἴασιν ποιήσηται. Οἱ γὰρ συγγραφεῖς πάντες διὰ τῆς ἐνούσης ἐμφύτου τοῦ λόγου σπορᾶς ἀμυδρῶς ἐδύναντο ὁρᾶν τὰ ὄντα. Ἕτερον γάρ ἐστι σπέρμα τινὸς καὶ μίμημα κατὰ δύναμιν δοθέν, καὶ ἕτερον αὐτό, οὗ κατὰ χάριν τὴν ἀπ᾿ ἐκείνου ἡ μετουσία καὶ μίμησις γίνεται.

그러므로 여러분께서는 판단하신 바를 적어 이 청원서를 게시해 주시기를 청합니다. 다른 사람들도 우리의 가르침을 알고, 그릇된 생각과 선에 대한 무지에서 벗어날 수 있게 하려는 것입니다. 그들은 자신들의 잘못으로 형벌을 받을 처지에 놓입니다. [이 사실들을 사람들에게 알리기 위해.] 인간의 본성에는 선하고 부끄러운 것을 분별하는 능력이 있기 때문입니다. 그들은 우리가 자기들이 말하는 그런 부끄러운 일을 한다는 것을 알지도 못하면서 우리에게 유죄를 선고합니다. 그러면서도 그런 일을 저질렀고 지금도 사람들에게 같은 일을 요구하는 신들을 즐겨 섬깁니다. 그러므로 우리가 그런 일을 한다며 죽음이나 투옥이나 그와 같은 형벌을 선고하는 일은, 다른 재판관이 필요 없을 만큼 자기들 스스로에게 유죄를 선고하는 셈입니다.

Καὶ ὑμᾶς οὖν ἀξιοῦμεν ὑπογράψαντας τὸ ὑμῖν δοκοῦν προθεῖναι τουτὶ τὸ βιβλίδιον, ὅπως καὶ τοῖς ἄλλοις τὰ ἡμέτερα γνωσθῇ καὶ δύνωνται τῆς ψευδοδοξίας καὶ ἀγνοίας τῶν καλῶν ἀπαλλαγῆναι, οἳ παρὰ τὴν ἑαυτῶν αἰτίαν ὑπεύθυνοι ταῖς τιμωρίαις γίνονται [εἰς τὸ γνωσθῆναι τοῖς ἀνθρώποις ταῦτα], διὰ τὸ ἐν τῇ φύσει τῇ τῶν ἀνθρώπων εἶναι τὸ γνωριστικὸν καλοῦ καὶ αἰσχροῦ, καὶ διὰ τὸ ἡμῶν, οὓς οὐκ ἐπίστανται τοιαῦτα ὁποῖα λέγουσιν αἰσχρὰ πράττειν, καταψηφίζεσθαι, καὶ διὰ τὸ χαίρειν τοιαῦτα πράξασι θεοῖς καὶ ἔτι νῦν ἀπαιτοῦσι παρὰ ἀνθρώπων τὰ ὅμοια, ὡς ἐκ τοῦ καὶ ἡμῖν, ὡς τοιαῦτα πράττουσι, θάνατον ἢ δεσμὰ ἢ ἄλλο τι τοιοῦτον προστιμᾶν ἑαυτοὺς κατακρίνειν, ὡς μὴ δέεσθαι ἄλλων δικαστῶν.

[나는 내 민족 가운데 있는 불경하고 기만적인 시몬파의 가르침도 경멸했습니다.] 여러분이 이것을 게시해 주시면, 우리도 모든 사람에게 알려, 그들이 할 수 있다면 마음을 바꾸게 하겠습니다. 우리는 오직 이 목적 때문에 이 글을 썼습니다. 건전하게 판단한다면 우리의 가르침은 부끄러운 것이 아닙니다. 오히려 모든 인간의 철학보다 뛰어납니다. 그렇지 않다고 하더라도, 적어도 소타데스와 필라이니스, 아르케스트라토스와 에피쿠로스, 그 밖에 비슷한 시적 가르침들과 같지는 않습니다. 그런 것들은 말로든 글로든 누구나 접하도록 허용되어 있습니다. 이제 우리 힘으로 할 수 있는 일을 다했으므로 글을 마치겠습니다. 어디에 있는 누구든 모든 사람이 진리를 알기에 합당해지기를 함께 기도합니다. 여러분도 경건과 철학에 어울리게 자신들을 위해 정의로운 판단을 하시기를 빕니다.

[Καὶ τοῦ ἐν τῷ ἐμῷ ἔθνει ἀσεβοῦς καὶ πλάνου σιμωνιανοῦ διδάγματος κατεφρόνησα.] Ἐὰν δὲ ὑμεῖς τοῦτο προγράψητε, ἡμεῖς τοῖς πᾶσι φανερὸν ποιήσαιμεν, ἵνα εἰ δύναιντο μεταθῶνται· τούτου γε μόνου χάριν τούσδε τοὺς λόγους συνετάξαμεν. Οὐκ ἔστι δὲ ἡμῶν τὰ διδάγματα κατὰ κρίσιν σώφρονα αἰσχρά, ἀλλὰ πάσης μὲν φιλοσοφίας ἀνθρωπείου ὑπέρτερα· εἰ δὲ μή, κἂν σωταδείοις καὶ φιλαινιδείοις καὶ ἀρχεστρατείοις καὶ ἐπικουρείοις καὶ τοῖς ἄλλοις τοῖς τοιούτοις ποιητικοῖς διδάγμασιν οὐχ ὅμοια, οἷς ἐντυγχάνειν πᾶσι, καὶ λεγομένοις καὶ γεγραμμένοις, συγκεχώρηται. Καὶ παυσόμεθα λοιπόν, ὅσον ἐφ᾿ ἡμῖν ἦν πράξαντες, καὶ προσεπευξάμενοι τῆς ἀληθείας καταξιωθῆναι τοὺς πάντη πάντας ἀνθρώπους. Εἴη οὖν καὶ ὑμᾶς ἀξίως εὐσεβείας καὶ φιλοσοφίας τὰ δίκαια ὑπὲρ ἑαυτῶν κρῖναι.