제5신학강론 (제31강론)

아들에 관한 논의는 이와 같다. 이렇게 그분은 돌을 던지는 자들 가운데로 지나가, 그들을 피하셨다. 말씀은 돌에 맞지 않으시며, 오히려 돌을 던지신다. 원하실 때 짐승들을 돌팔매로 치신다. 그 짐승들은 산에 잘못 다가가는 논증들이다. 그들은 말한다. “성령에 관해서는 무엇이라 말하겠는가? 어디서 우리에게 낯설고 성경에 기록되지 않은 하나님을 끌어들이는가?” 아들에 관해서는 온건한 이들도 이미 이렇게 말한다. 길과 강들에서 서로 갈라졌다가 서로 합쳐지는 모습을 볼 수 있듯, 여기에서도 불경이 풍성하여, 다른 문제에서는 갈라진 이들이 또 다른 문제에서는 서로 합쳐진다. 그래서 무엇이 합치고 무엇이 맞서는지 분명히 알아볼 수도 없다.

Ὁ μὲν δὴ περὶ τοῦ υἱοῦ λόγος τοιοῦτος· καὶ οὕτω διαπέφευγε τοὺς λιθάζοντας, διελθὼν διὰ μέσου αὐτῶν. ὁ λόγος γὰρ οὐ λιθάζεται, λιθοβολεῖ δέ, ὅταν ἐθέλῃ, καὶ σφενδονᾷ θηρία, λόγους κακῶς τῷ ὄρει προσβαίνοντας. τί δ’ ἂν εἴποις, φασί, περὶ τοῦ ἁγίου πνεύματος; πόθεν ἡμῖν ἐπεισάγεις ξένον θεὸν καὶ ἄγραφον; τοῦτο ἤδη καὶ οἱ περὶ τὸν υἱὸν μετριάζοντες. ὅπερ γὰρ ἐπὶ τῶν ὁδῶν εὑρεῖν ἐστὶ καὶ τῶν ποταμῶν, σχίζονταί τε ἀπ’ ἀλλήλων, καὶ εἰς ἄλληλα συνάγονται· τοῦτο κἀνταῦθα συμβαίνει διὰ τὸν πλοῦτον τῆς ἀσεβείας, καὶ τοὺς τὰ ἄλλα διεστῶτας ἐν ἄλλοις συμφέρεσθαι, ὥστε μηδὲ γινώσκειν καθαρῶς δύνασθαι τὸ συμφέρον ἢ τὸ μαχόμενον.

그러므로 성령에 관한 논의에도 어려운 점이 있다. 아들에 관한 논증에 지친 사람들이 성령과 더욱 거세게 맞붙기 때문만은 아니다. 그들은 반드시 어떤 불경을 행해야 하는 모양이다. 그러지 않으면 삶도 살 만하지 않은 모양이다. 우리도 많은 질문에 지쳐, 먹는 데 어려움을 겪는 사람들과 같은 상태가 되었기 때문이다. 그들이 어떤 음식에 물리면 모든 음식에 싫증을 느끼듯, 우리도 모든 논의에 똑같이 싫증을 느낀다. 그렇더라도 성령께서 힘을 주시면, 말씀이 달려가고 하나님께서 영광을 받으실 것이다. 하나님의 성경에서 영과 거룩함이 얼마나 여러 뜻으로 이해되고 쓰이는지를 부지런히 살피고 구별하는 일, 그 해석에 적절한 증언들을 모으는 일, 두 말이 결합한 ‘성령’이 그 밖에 어떤 고유한 뜻을 가지는지를 살피는 일은, 자신과 우리를 위해 이 문제를 연구한 다른 이들에게 맡기겠다. 우리도 그들을 위해 연구했기 때문이다. 우리는 이어지는 논의로 나아가겠다.

ἔχει μὲν οὖν τι καὶ δυσχερὲς ὁ περὶ τοῦ πνεύματος λόγος, οὐ μόνον ὅτι ἐν τοῖς περὶ τοῦ υἱοῦ λόγοις ἀποκαμόντες οἱ ἄνθρωποι θερμότερον τῷ πνεύματι προσπαλαίουσι· χρὴ γάρ τι πάντως αὐτοὺς ἀσεβεῖν, ἢ οὐδὲ βιωτός ἐστιν αὐτοῖς ὁ βίος· ἀλλ’ ὅτι καὶ ἡμεῖς τῷ πλήθει τῶν ζητημάτων ἀποκναισθέντες ταὐτὸ πάσχομεν τοῖς κακοσίτοις, οἳ ἐπειδὰν πρός τι τῶν βρωμάτων ἀηδισθῶσι, πρὸς πάντα λόγον ὁμοίως, ὥσπερ ἐκεῖνοι πρὸς τροφήν, δυσχεραίνομεν. ὅμως διδότω τὸ πνεῦμα, καὶ ὁ λόγος δραμεῖται, καὶ ὁ θεὸς δοξασθήσεται. τὸ μὲν οὖν ἐπιμελῶς ἐξετάζειν καὶ διαιρεῖσθαι, ποσαχῶς ἢ τὸ πνεῦμα ἢ τὸ ἅγιον παρὰ τῇ θείᾳ γραφῇ νοεῖται καὶ λέγεται, μετὰ τῶν προσφόρων τῇ θεωρίᾳ μαρτυριῶν, καὶ ὅ τι παρὰ ταῦτα ἰδιοτρόπως τὸ ἐξ ἀμφοῖν συνημμένον, λέγω δὲ τὸ πνεῦμα τὸ ἅγιον, ἑτέροις παρήσομεν, οἳ καὶ ἑαυτοῖς καὶ ἡμῖν ταῦτα πεφιλοσοφήκασιν, ἐπεὶ καὶ ἡμεῖς ταῦτα ἐκείνοις. αὐτοὶ δὲ πρὸς τὰ ἑξῆς τοῦ λόγου τρεψόμεθα.

우리가 낯설고 위조된 하나님으로 성령을 끌어들인다며 불쾌해하고, 글자를 지키겠다고 거세게 싸우는 이들은, 두려울 것이 없는 곳에서 두려워하고 있음을 알라. 글자를 사랑한다는 태도가 자신의 불경을 덮는 옷임을 분명히 알라. 조금 뒤에 그들의 반론을 힘껏 논박하면 이것이 드러날 것이다. 우리는 우리가 존중하는 성령의 신성을 그토록 확신하므로, 거기서부터 신학을 시작하겠다. 어떤 이들에게 더 대담하게 보이더라도, 같은 표현들을 삼위일체께 적용하겠다. 아버지는 세상에 오는 모든 사람을 비추는 참 빛으로 계셨다. 아들은 세상에 오는 모든 사람을 비추는 참 빛으로 계셨다. 또 다른 보혜사는 세상에 오는 모든 사람을 비추는 참 빛으로 계셨다. 계셨고, 계셨고, 계셨다. 그러나 하나였다. 빛이며, 빛이며, 빛이다. 그러나 한 빛, 한 하나님이다. 이것은 다윗도 전에 떠올렸던 것이다. 그는 “그대의 빛 안에서 우리가 빛을 보리라”라고 말했다. 이제 우리도 그것을 보았으며 선포한다. 아버지라는 빛에서, 성령이라는 빛 안에서, 아들이라는 빛을 알아본다. 이것은 삼위일체에 관한 짧고 군더더기 없는 신학이다. 배척하는 자는 배척하고, 불법을 행하는 자는 불법을 행하라. 우리는 이해한 것을 선포한다. 아래에서 우리 말이 들리지 않으면, 높은 산에 올라 외치겠다. 성령을 높이고 두려워하지 않겠다. 두려워한다면, 선포하는 일보다 침묵하는 일을 두려워하겠다.

Οἱ μὲν οὖν, ὡς ξένον τινὰ θεὸν καὶ παρέγγραπτον εἰσαγόντων ἡμῶν τὸ πνεῦμα τὸ ἅγιον, δυσχεραίνοντες, καὶ σφόδρα προπολεμοῦντες τοῦ γράμματος, ἴστωσαν ἐκεῖ φοβούμενοι φόβον, οὗ μὴ ἔστι φόβος, καὶ σαφῶς γινωσκέτωσαν ὅτι ἔνδυμα τῆς ἀσεβείας ἐστὶν αὐτοῖς ἡ φιλία τοῦ γράμματος, ὡς δειχθήσεται μικρὸν ὕστερον, ἐπειδὰν τὰς ἐνστάσεις αὐτῶν εἰς δύναμιν διελέγξωμεν. ἡμεῖς δὲ τοσοῦτον θαρροῦμεν τῇ θεότητι τοῦ πνεύματος, ὃ πρεσβεύομεν, ὥστε καὶ τῆς θεολογίας ἐντεῦθεν ἀρξόμεθα, τὰς αὐτὰς τῇ τριάδι φωνὰς ἐφαρμόζοντες, κἄν τισι δοκῇ τολμηρότερον. ἦν τὸ φῶς τὸ ἀληθινόν, ὃ φωτίζει πάντα ἄνθρωπον ἐρχόμενον εἰς τὸν κόσμον, ὁ πατήρ. ἦν τὸ φῶς τὸ ἀληθινόν, ὃ φωτίζει πάντα ἄνθρωπον ἐρχόμενον εἰς τὸν κόσμον, ὁ υἱός. ἦν τὸ φῶς τὸ ἀληθινόν, ὃ φωτίζει πάντα ἄνθρωπον ἐρχόμενον εἰς τὸν κόσμον, ὁ ἄλλος παράκλητος. ἦν, καὶ ἦν, καὶ ἦν· ἀλλ’ ἓν ἦν. φῶς, καὶ φῶς, καὶ φῶς· ἀλλ’ ἓν φῶς, εἷς θεός. τοῦτό ἐστιν ὃ καὶ Δαβὶδ ἐφαντάσθη πρότερον, λέγων· Ἐν τῷ φωτί σου ὀψόμεθα φῶς. καὶ νῦν ἡμεῖς καὶ τεθεάμεθα καὶ κηρύσσομεν, ἐκ φωτὸς τοῦ πατρὸς φῶς καταλαμβάνοντες τὸν υἱὸν ἐν φωτὶ τῷ πνεύματι, σύντομον καὶ ἀπέριττον τῆς τριάδος θεολογίαν. ὁ ἀθετῶν ἀθετείτω, ὁ ἀνομῶν ἀνομείτω· ἡμεῖς ὃ νενοήκαμεν, καὶ κηρύσσομεν. ἐπ’ ὄρος ὑψηλὸν ἀναβησόμεθα καὶ βοήσομεν, εἰ μὴ κάτωθεν ἀκουοίμεθα. ὑψώσομεν τὸ πνεῦμα, οὐ φοβηθησόμεθα. εἰ δὲ καὶ φοβηθησόμεθα, ἡσυχάζοντες, οὐ κηρύσσοντες·

아버지께서 계시지 않았던 때가 있다면, 아들께서 계시지 않았던 때도 있었다. 아들께서 계시지 않았던 때가 있다면, 성령께서 계시지 않았던 때도 있었다. 한 분이 처음부터 계셨다면, 세 분 모두 그러하다. 그대가 한 분을 아래로 내린다면, 나는 감히 말하겠다. 다른 두 분도 위에 두지 말라. 불완전한 신성에 무슨 유익이 있는가? 더 정확히 말하면, 완전하지 않다면 무슨 신성이겠는가? 완성에 필요한 무엇이 부족하다면, 어떻게 완전하겠는가? 거룩함이 없다면 어떤 의미로 부족하다. 성령이 없는데 어떻게 거룩함이 있겠는가? 성령과 다른 어떤 거룩함이 있다면, 그것을 무엇으로 이해하는지 말해 보라. 거룩함이 성령과 같다면, 어떻게 처음부터 계시지 않았겠는가? 마치 하나님께서 한때 불완전하시며 성령 없이 계시는 것이 더 좋은 일인 것처럼 말한다. 성령이 처음부터 계시지 않았다면, 나보다 조금 먼저 계셨더라도 나와 같은 부류다. 우리는 시간 때문에 하나님과 구별되기 때문이다. 나와 같은 부류라면, 어떻게 나를 하나님이 되게 하시며 신성과 결합하게 하시는가?

Εἰ ἦν ὅτε οὐκ ἦν ὁ πατήρ, ἦν ὅτε οὐκ ἦν ὁ υἱός. εἰ ἦν ὅτε οὐκ ἦν ὁ υἱός, ἦν ὅτε οὐδὲ τὸ πνεῦμα τὸ ἅγιον. εἰ τὸ ἓν ἦν ἀπ’ ἀρχῆς, καὶ τὰ τρία. εἰ τὸ ἓν κάτω βάλλεις, τολμῶ, καὶ λέγω, μηδὲ τὰ δύο θῇς ἄνω. τίς γὰρ ἀτελοῦς θεότητος ὄνησις; μᾶλλον δὲ τίς θεότης, εἰ μὴ τελεία; τελεία δὲ πῶς, ᾗ λείπει τι πρὸς τελείωσιν; λείπει δέ πὼς, μὴ ἐχούσῃ τὸ ἅγιον· ἔχοι δ’ ἂν πῶς, μὴ τοῦτο ἔχουσα; ἢ γὰρ ἄλλη τις παρὰ τοῦτο ἡ ἁγιότης· καὶ ἥ τις αὕτη νοεῖται, λεγέτω τις· ἢ εἴπερ ἡ αὐτή, πῶς οὐκ ἀπ’ ἀρχῆς; ὥσπερ ἄμεινον ὂν τῷ θεῷ εἶναί ποτε ἀτελεῖ, καὶ δίχα πνεύματος. εἰ μὴ ἀπ’ ἀρχῆς ἦν, μετ’ ἐμοῦ τέτακται, καὶ εἰ μικρὸν πρὸ ἐμοῦ. χρόνῳ γὰρ ἀπὸ θεοῦ τεμνόμεθα. εἰ τέτακται μετ’ ἐμοῦ, πῶς ἐμὲ ποιεῖ θεόν, ἢ πῶς συνάπτει θεότητι;

더 정확히 말하면, 처음부터 성령에 관하여 그대에게 조금 논하겠다. 삼위일체에 관해서는 이미 앞에서 설명했다. 사두가이인들은 성령이 전혀 존재하지 않는다고 생각했다. 천사들과 부활도 그렇다고 생각했다. 구약에 실린 그 많은 성령의 증언을 무슨 근거로 내뱉어 버렸는지 나는 모르겠다. 그리스인들 가운데 신적인 일을 더 깊이 논하고 우리에게 더 가까이 온 이들은, 내 생각에 성령을 어렴풋이 떠올렸다. 그러나 이름에서는 차이가 있었다. 온 우주의 정신, 밖에서 들어오는 정신 등으로 불렀다. 우리 가운데 지혜로운 이들은 어떤 사람은 활동이라고, 어떤 사람은 피조물이라고, 어떤 사람은 하나님이라고 생각했다. 어떤 사람은 어느 쪽인지 알지 못했다. 성경이 어느 쪽도 분명히 밝히지 않았다고 하며 성경을 존중한다는 이유를 댔다. 이 때문에 경배하지도 업신여기지도 않으며, 성령에 관해 중간쯤에 머문다. 더 정확히 말하면 매우 비참한 처지에 머문다. 하나님이라고 생각한 이들 가운데도, 어떤 이들은 생각에서만 경건하다. 어떤 이들은 입술로도 경건하기를 감행한다. 나는 신성을 재는 더 지혜로운 이들의 말도 들었다. 그들은 우리처럼 생각의 대상이 셋임을 인정한다. 그러나 서로 그토록 다르게 하여, 하나는 본질과 능력 모두에서 한계가 없게 하고, 다른 하나는 능력에서는 한계가 없지만 본질에서는 그렇지 않게 하며, 나머지 하나는 둘 모두에서 한정되게 한다. 창조주, 협력자, 봉사자라는 이름을 붙이고, 이름들에 담긴 순서와 존엄이 실제의 순서라고 생각하는 이들을 다른 방식으로 본뜨는 것이다.

Μᾶλλον δὲ φιλοσοφήσω σοι περὶ αὐτοῦ μικρὸν ἄνωθεν. περὶ τριάδος γὰρ καὶ πρότερον διειλήφαμεν. τὸ πνεῦμα τὸ ἅγιον Σαδδουκαῖοι μὲν οὐδὲ εἶναι τὸ παράπαν ἐνόμισαν· οὐδὲ γὰρ ἀγγέλους, οὐδὲ ἀνάστασιν· οὐκ οἶδ’ ὅθεν τὰς τοσαύτας περὶ αὐτοῦ μαρτυρίας ἐν τῇ παλαιᾷ διαπτύσαντες. Ἑλλήνων δὲ οἱ θεολογικώτεροι, καὶ μᾶλλον ἡμῖν προσεγγίσαντες, ἐφαντάσθησαν μέν, ὡς ἐμοὶ δοκεῖ· περὶ δὲ τὴν κλῆσιν διηνέχθησαν, νοῦν τοῦ παντός, καὶ τὸν θύραθεν νοῦν, καὶ τὰ τοιαῦτα προσαγορεύσαντες. τῶν δὲ καθ’ ἡμᾶς σοφῶν οἱ μὲν ἐνέργειαν τοῦτο ὑπέλαβον, οἱ δὲ κτίσμα, οἱ δὲ θεόν, οἱ δὲ οὐκ ἔγνωσαν ὁπότερον τούτων, αἰδοῖ τῆς γραφῆς, ὥς φασιν, ὡς οὐδέτερον σαφῶς δηλωσάσης. καὶ διὰ τοῦτο οὔτε σέβουσιν, οὔτε ἀτιμάζουσι, μέσως πὼς περὶ αὐτοῦ διακείμενοι, μᾶλλον δὲ καὶ λίαν ἀθλίως. καὶ τῶν θεὸν ὑπειληφότων οἱ μὲν ἄχρι διανοίας εἰσὶν εὐσεβεῖς, οἱ δὲ τολμῶσιν εὐσεβεῖν καὶ τοῖς χείλεσιν. ἄλλων δὲ ἤκουσα μετρούντων θεότητα σοφωτέρων, οἳ τρία μὲν εἶναι καθ’ ἡμᾶς ὁμολογοῦσι τὰ νοούμενα, τοσοῦτον δὲ ἀλλήλων διέστησαν, ὡς τὸ μὲν καὶ οὐσίᾳ καὶ δυνάμει ποιεῖν ἀόριστον· τὸ δὲ δυνάμει μέν, οὐκ οὐσίᾳ δέ· τὸ δὲ ἀμφοτέροις περιγραπτόν· ἄλλον τρόπον μιμούμενοι τοὺς δημιουργόν, καὶ συνεργόν, καὶ λειτουργὸν ὀνομάζοντας, καὶ τὴν ἐν τοῖς ὀνόμασι τάξιν καὶ χάριν τῶν πραγμάτων ἀκολουθίαν εἶναι νομίζοντας.

우리는 성령이 존재하지 않는다고 생각하는 이들이나, 그리스인들 가운데 헛소리를 하는 이들과는 논의하지 않겠다. 논의하면서 죄인들의 기름에 살찌는 일이 없기를 바란다. 다른 이들과는 이렇게 대화하겠다. 성령은 반드시 스스로 존재하는 것들 가운데 하나이거나, 다른 것 안에서 생각되는 것들 가운데 하나라고 보아야 한다. 이런 문제에 능숙한 이들은 앞의 것을 본질이라 부르고, 뒤의 것을 우유적 속성이라 부른다. 우유적 속성이라면 하나님의 활동일 것이다. 다른 무엇이며, 누구의 활동이겠는가? 이 설명이 어떤 의미로 합성이라는 문제도 더 잘 피하기 때문이다. 활동이라면 분명히 행해지는 것이며, 행하는 주체는 아닐 것이다. 행해지자마자 멈출 것이다. 활동은 그런 것이기 때문이다. 그러면 어떻게 성령께서 활동하시고 말씀하시며, 구별하시고 슬퍼하시고 분노하시는가? 그 밖에도 분명히 움직이는 주체에 속하고, 움직임 자체에는 속하지 않는 일들을 어떻게 하시는가? 어떤 본질이시며 본질에 딸린 속성이 아니라면, 피조물이나 하나님이라고 생각해야 한다. 둘 중 어디에도 참여하지 않거나 둘이 합성된 중간의 무엇은, 염소와 사슴이 섞인 짐승을 꾸며 내는 이들도 생각하지 못할 것이다. 피조물이라면, 어떻게 우리가 그분을 믿으며 그분 안에서 완성되는가? 어떤 존재를 믿는 것과, 그 존재에 관하여 믿는 것은 같지 않다. 앞의 것은 신성에 속하며, 뒤의 것은 어떤 대상에나 적용되기 때문이다. 하나님이시라면 피조물도, 만들어진 것도, 우리와 같은 종도 아니시며, 낮은 이름들 가운데 어느 것도 아니시다.

Ἡμῖν δὲ πρὸς μὲν τοὺς οὐδὲ εἶναι ὑπειληφότας οὐδεὶς λόγος, ἢ τοὺς ληροῦντας ἐν Ἕλλησιν. μηδὲ γὰρ ἁμαρτωλῶν ἐλαίῳ πιανθείημεν εἰς τὸν λόγον. πρὸς δὲ τοὺς ἄλλους οὕτω διαλεξόμεθα. τὸ πνεῦμα τὸ ἅγιον ἢ τῶν καθ’ ἑαυτὸ ὑφεστηκότων πάντως ὑποθετέον, ἢ τῶν ἐν ἑτέρῳ θεωρουμένων· ὧν τὸ μὲν οὐσίαν καλοῦσιν οἱ περὶ ταῦτα δεινοί, τὸ δὲ συμβεβηκός. εἰ μὲν οὖν συμβέβηκεν, ἐνέργεια τοῦτο ἂν εἴη θεοῦ. τί γὰρ ἕτερον, ἢ τίνος; τοῦτο γάρ πως μᾶλλον καὶ φεύγει σύνθεσιν. καὶ εἰ ἐνέργεια, ἐνεργηθήσεται δῆλον ὅτι, οὐκ ἐνεργήσει, καὶ ὁμοῦ τῷ ἐνεργηθῆναι παύσεται. τοιοῦτον γὰρ ἡ ἐνέργεια. πῶς οὖν ἐνεργεῖ, καὶ τάδε λέγει, καὶ ἀφορίζει, καὶ λυπεῖται, καὶ παροξύνεται, καὶ ὅσα κινουμένου σαφῶς ἐστίν, οὐ κινήσεως; εἰ δὲ οὐσία τις, οὐ τῶν περὶ τὴν οὐσίαν, ἤτοι κτίσμα ὑποληφθήσεται, ἢ θεός. μέσον γάρ τι τούτων, ἤτοι μηδετέρου μετέχον, ἢ ἐξ ἀμφοῖν σύνθετον, οὐδ’ ἂν οἱ τοὺς τραγελάφους πλάττοντες ἐννοήσαιεν. ἀλλ᾿ εἰ μὲν κτίσμα, πῶς εἰς αὐτὸ πιστεύομεν, ἢ ἐν αὐτῷ τελειούμεθα; οὐ γὰρ ταὐτόν ἐστι πιστεύειν εἴς τι, καὶ περὶ αὐτοῦ πιστεύειν. τὸ μὲν γάρ ἐστι θεότητος, τὸ δὲ παντὸς πράγματος. εἰ δὲ θεός, ἀλλ᾿ οὐ κτίσμα, οὐδὲ ποίημα, οὐδὲ σύνδουλον, οὐδ᾿ ὅλως τι τῶν ταπεινῶν ὀνομάτων.

여기에서 그대가 말할 차례다. 돌팔매를 던지고, 삼단논법을 엮어 보라. “반드시 태어나지 않았거나 태어났을 것이다. 태어나지 않았다면, 근원이 없는 것들이 둘이다.” 태어났다면, 다시 나눈다. “아버지에게서 태어났거나 아들에게서 태어났을 것이다. 아버지에게서 태어났다면, 아들들이 둘이며 형제들이다.” 그대는 원한다면 내게 쌍둥이까지 꾸며 내라. 또는 하나는 형이고 다른 하나는 아우라고 해 보라. 그대는 몸에 관한 생각을 너무 좋아하기 때문이다. “아들에게서 태어났다면, 우리에게 하나님이라는 손자까지 생겼다”라고 말한다. 이보다 더 기이한 것이 무엇이겠는가? 이것이 악한 일을 하는 데 지혜롭고, 선한 말을 쓰기는 원하지 않는 이들의 주장이다. 그러나 그 구분이 필연적임을 알았다면, 나는 이름들을 두려워하지 않고 그 실재들을 받아들였을 것이다. 아들이 더 높은 어떤 관계에서 아들이시며, 하나님에게서 나셨고 같은 본질이심을 우리가 달리 표현할 수 없었다고 해서, 아래의 모든 명칭과 우리의 친족 관계를 신적인 것에 옮겨야 한다고 생각해서는 안 된다. 이 설명에 따라, 하나님과 아버지라고 불리시므로 하나님이 남성이라고 생각하겠는가? 명칭만 보면 신성은 여성이라고 생각하겠는가? 성령은 낳지 않으시므로 중성이라고 생각하겠는가? 옛날의 헛소리와 신화들에 따라, 하나님께서 자신의 의지와 결합하여 아들을 낳으셨다는 장난까지 한다면, 마르키온과, 새로운 아이온들을 구상한 발렌티노스의 양성 신을 우리에게 끌어들인 셈이다.

Ἐνταῦθα σὸς ὁ λόγος· αἱ σφενδόναι πεμπέσθωσαν, οἱ συλλογισμοὶ πλεκέσθωσαν. ἢ ἀγέννητον πάντως, ἢ γεννητόν. καὶ εἰ μὲν ἀγέννητον, δύο τὰ ἄναρχα. εἰ δὲ γεννητόν, ὑποδιαίρει πάλιν· ἢ ἐκ τοῦ πατρὸς τοῦτο, ἢ ἐκ τοῦ υἱοῦ. καὶ εἰ μὲν ἐκ τοῦ πατρός, υἱοὶ δύο καὶ ἀδελφοί. σὺ δέ μοι πλάττε καὶ διδύμους, εἰ βούλει, ἢ τὸν μὲν πρεσβύτερον, τὸν δὲ νεώτερον· ἐπειδὴ λίαν εἶ φιλοσώματος. εἰ δὲ ἐκ τοῦ υἱοῦ, πέφηνέ, φησι, καὶ υἱωνὸς ἡμῖν θεός· οὗ τί ἂν γένοιτο παραδοξότερον; ταῦτα μὲν οὖν οἱ σοφοὶ τοῦ κακοποιῆσαι, τὰ δὲ ἀγαθὰ γράφειν οὐ θέλοντες. ἐγὼ δὲ εἰ μὲν ἑώρων ἀναγκαίαν τὴν διαίρεσιν, ἐδεξάμην ἂν τὰ πράγματα, οὐ φοβηθεὶς τὰ ὀνόματα. οὐ γάρ, ἐπειδὴ κατά τινα σχέσιν ὑψηλοτέραν υἱὸς ὁ υἱός, οὐ δυνηθέντων ἡμῶν ἄλλως ἢ οὕτως ἐνδείξασθαι τὸ ἐκ τοῦ θεοῦ καὶ ὁμοούσιον, ἤδη καὶ πάσας οἰητέον ἀναγκαῖον εἶναι τὰς κάτω κλήσεις, καὶ τῆς ἡμετέρας συγγενείας, μεταφέρειν ἐπὶ τὸ θεῖον. ἢ τάχα ἂν σύ γε καὶ ἄρρενα τὸν θεὸν ἡμῖν ὑπολάβοις, κατὰ τὸν λόγον τοῦτον, ὅτι θεὸς ὀνομάζεται, καὶ πατήρ; καὶ θῆλύ τι τὴν θεότητα, ὅσον ἐπὶ ταῖς κλήσεσι; καὶ τὸ πνεῦμα οὐδέτερον, ὅτι μὴ γεννητικόν; εἰ δέ σοι καὶ τοῦτο παιχθείη, τῇ ἑαυτοῦ θελήσει τὸν θεὸν συγγενόμενον, κατὰ τοὺς παλαιοὺς λήρους καὶ μύθους, γεννήσασθαι τὸν υἱόν, εἰσήχθη τις ἡμῖν καὶ Μαρκίωνος καὶ Οὐαλεντίνου θεὸς ἀρρενόθηλυς, τοῦ τοὺς καινοὺς αἰῶνας ἀνατυπώσαντος.

그러나 우리는 태어나지 않음과 태어남 사이에 아무것도 없다고 생각하는 그대의 첫 구분을 받아들이지 않는다. 그러므로 형제들과 손자들은 그 거창한 구분과 함께 곧 사라질 것이다. 복잡한 매듭의 첫 시작이 풀리면 나머지도 함께 풀리듯, 그것들도 함께 풀려 신학에서 물러날 것이다. 말해 보라. 그대의 구분 사이에 드러났으며, 그대보다 더 나은 신학자인 우리 구원자께서 제시하신 ‘나오심’을 어디에 두겠는가? 그대의 셋째 언약 때문에, 그대의 복음서에서 다음 말을 삭제하지 않았다면 말이다. “아버지에게서 나오시는 성령.” 성령은 아버지에게서 나오시므로 피조물이 아니시다. 태어나신 것은 아니므로 아들이 아니시다. 태어나지 않으심과 태어나심 사이에 계시므로 하나님이시다. 이렇게 그대의 삼단논법의 덫을 피하여, 그대의 구분들보다 강한 하나님으로 드러나셨다. “그러면 나오심은 무엇인가?” 그대가 아버지의 태어나지 않으심을 설명하라. 그러면 나도 아들의 탄생을 본성의 원리로 설명하겠다. 성령의 나오심도 설명하겠다. 하나님의 신비를 엿보며 우리 둘 다 미쳐 보자. 그런데 우리는 누구인가? 발밑의 것들도 알 수 없으며, 바다의 모래와 빗방울과 영원의 날들도 셀 수 없는 이들이다. 하물며 하나님의 깊은 곳에 들어가, 그토록 말할 수 없고 이해를 뛰어넘는 본성을 설명할 수 있겠는가?

Ἐπεὶ δέ σου τὴν πρώτην διαίρεσιν οὐ δεχόμεθα, τὴν μηδὲν ἀγεννήτου καὶ γεννητοῦ μέσον ὑπολαμβάνουσαν, αὐτίκα οἰχήσονταί σοι μετὰ τῆς σεμνῆς διαιρέσεως οἱ ἀδελφοὶ καὶ οἱ υἱωνοί, ὥσπερ τινὸς δεσμοῦ πολυπλόκου τῆς πρώτης ἀρχῆς λυθείσης συνδιαλυθέντες, καὶ τῆς θεολογίας ὑποχωρήσαντες. ποῦ γὰρ θήσεις τὸ ἐκπορευτόν, εἰπέ μοι, μέσον ἀναφανὲν τῆς σῆς διαιρέσεως, καὶ παρὰ κρείσσονος ἢ κατὰ σὲ θεολόγου, τοῦ σωτῆρος ἡμῶν, εἰσαγόμενον; εἰ μὴ τὴν φωνὴν ἐκείνην τῶν σῶν ἐξεῖλες εὐαγγελίων, διὰ τὴν τρίτην σου διαθήκην, Τὸ πνεῦμα τὸ ἅγιον, ὃ παρὰ τοῦ πατρὸς ἐκπορεύεται· ὃ καθ’ ὅσον μὲν ἐκεῖθεν ἐκπορεύεται, οὐ κτίσμα· καθ’ ὅσον δὲ οὐ γεννητόν, οὐχ υἱός· καθ’ ὅσον δὲ ἀγεννήτου καὶ γεννητοῦ μέσον, θεός. καὶ οὕτω σου τὰς τῶν συλλογισμῶν ἄρκυς διαφυγὸν θεὸς ἀναπέφηνε, τῶν σῶν διαιρέσεων ἰσχυρότερος. τίς οὖν ἡ ἐκπόρευσις; εἰπὲ σὺ τὴν ἀγεννησίαν τοῦ πατρός, κἀγὼ τὴν γέννησιν τοῦ υἱοῦ φυσιολογήσω, καὶ τὴν ἐκπόρευσιν τοῦ πνεύματος, καὶ παραπληκτίσωμεν ἄμφω εἰς θεοῦ μυστήρια παρακύπτοντες· καὶ ταῦτα τίνες; οἱ μηδὲ τὰ ἐν ποσὶν εἰδέναι δυνάμενοι, μηδὲ ψάμμον θαλασσῶν, καὶ σταγόνας ὑετοῦ, καὶ ἡμέρας αἰῶνος ἐξαριθμεῖσθαι, μὴ ὅτι γε θεοῦ βάθεσιν ἐμβατεύειν, καὶ λόγον ὑπέχειν τῆς οὕτως ἀρρήτου καὶ ὑπὲρ λόγον φύσεως.

그들은 말한다. “그러면 성령께 무엇이 부족해서 아들이 아니신가? 부족한 것이 없다면 아들이셨을 것이다.” 우리는 부족한 것이 없다고 말한다. 하나님은 부족한 분이 아니시기 때문이다. 말하자면, 드러나시는 방식이나 서로의 관계가 다르므로 명칭도 달라진 것이다. 아들에게도 아버지가 되는 데 부족한 무엇이 있는 것은 아니다. 아들이심은 결핍이 아니지만, 그렇다고 아버지는 아니시다. 그렇다면 아버지에게도 아들이 되는 데 부족한 무엇이 있어야 할 것이다. 아버지는 아들이 아니시기 때문이다. 그러나 이것들은 어떤 결핍이나 본질의 열등함에서 생기는 것이 아니다. 태어나지 않으심과 태어나심과 나오심 자체가 각각 아버지와 아들과, 성령이라고 불리는 그분의 호칭을 정한 것이다. 하나의 신적 본성과 존엄 안에서 세 위격이 혼동되지 않도록 지키려는 것이다. 아들은 아버지가 아니시다. 아버지는 한 분이시기 때문이다. 그러나 아버지와 같은 본성을 가지신다. 성령도 하나님에게서 계신다고 해서 아들은 아니시다. 독생자는 한 분이시기 때문이다. 그러나 아들과 같은 본성을 가지신다. 세 분은 신성으로 하나이며, 그 하나는 고유한 성질들로 셋이다. 하나라는 말이 사벨리오스의 것이 되지 않고, 셋이라는 말이 지금의 그릇된 분할의 것이 되지 않게 하려는 것이다.

Τί οὖν ἐστί, φησιν, ὃ λείπει τῷ πνεύματι, πρὸς τὸ εἶναι υἱόν; εἰ γὰρ μὴ λεῖπόν τι ἦν, υἱὸς ἂν ἦν. οὐ λείπειν φαμέν· οὐδὲ γὰρ ἐλλειπὴς θεός· τὸ δὲ τῆς ἐκφάνσεως, ἵν’ οὕτως εἴπω, ἢ τῆς πρὸς ἄλληλα σχέσεως διάφορον διάφορον αὐτῶν καὶ τὴν κλῆσιν πεποίηκεν. οὐδὲ γὰρ τῷ υἱῷ λείπει τι πρὸς τὸ εἶναι πατέρα, οὐδὲ γὰρ ἔλλειψις ἡ υἱότης, ἀλλ’ οὐ παρὰ τοῦτο πατήρ. ἢ οὕτω γε καὶ τῷ πατρὶ λείψει τι πρὸς τὸ εἶναι υἱόν· οὐ γὰρ υἱὸς ὁ πατήρ. ἀλλ’ οὐκ ἐλλείψεως ταῦτά ποθεν, οὐδὲ τῆς κατὰ τὴν οὐσίαν ὑφέσεως· αὐτὸ δὲ τὸ μὴ γεγεννῆσθαι, καὶ τὸ γεγεννῆσθαι, καὶ τὸ ἐκπορεύεσθαι, τὸν μὲν πατέρα, τὸν δὲ υἱόν, τὸ δὲ τοῦθ’ ὅπερ λέγεται πνεῦμα ἅγιον προσηγόρευσεν, ἵνα τὸ ἀσύγχυτον σώζηται τῶν τριῶν ὑποστάσεων ἐν τῇ μιᾷ φύσει τε καὶ ἀξίᾳ τῆς θεότητος. οὔτε γὰρ ὁ υἱὸς πατήρ, εἷς γὰρ πατήρ, ἀλλ’ ὅπερ ὁ πατήρ· οὔτε τὸ πνεῦμα υἱὸς ὅτι ἐκ τοῦ θεοῦ, εἷς γὰρ ὁ μονογενής, ἀλλ’ ὅπερ ὁ υἱός· ἓν τὰ τρία τῇ θεότητι, καὶ τὸ ἓν τρία ταῖς ἰδιότησιν· ἵνα μήτε τὸ ἓν Σαβέλλιον ᾖ, μήτε τὰ τρία τῆς πονηρᾶς νῦν διαιρέσεως.

“그러면 성령은 하나님이신가?” 그렇다. “그러면 같은 본질이신가?” 하나님이시라면 그렇다. 그들은 말한다. “같은 분에게서 하나는 아들이고 다른 하나는 아들이 아니면서, 둘이 같은 본질인 예를 제시하라. 그러면 하나님이시며 하나님이심을 받아들이겠다.” 그대도 내게 다른 하나님과 하나님의 본성을 제시하라. 그러면 같은 이름들과 같은 실재들을 가진 동일한 삼위일체를 제시하겠다. 그러나 하나님은 한 분이며 최고의 본성은 하나라면, 어디서 같은 예를 제시하겠는가? 그대는 다시 아래에 있는 것들과 자신의 주변에서 찾는가? 아래의 것들에서 위의 것들을, 변하는 본성에서 움직이지 않는 것들을 헤아리는 것은 매우 부끄럽고, 상당히 헛된 일이기도 하다. 이사야가 말하듯, 죽은 것들 가운데서 살아 있는 것을 찾는 일이다. 그렇더라도 그대를 위해, 거기에서도 이 논증을 어느 정도 도와 보겠다. 다른 것들은 생략하겠다. 동물에 관한 탐구에서 많은 것을 말할 수 있을 것이다. 자연이 동물의 번식에 마련한 것들 가운데, 우리에게 익숙한 것도 소수만 아는 것도 있다. 같은 것들에서 같은 것들만 태어나거나, 다른 것들에서 다른 것들만 태어나는 것이 아니다. 다른 것들에서 같은 것들이 태어나기도 하고, 같은 것들에서 다른 것들이 태어나기도 한다고 한다. 그 이야기를 믿을 수 있다면, 다른 출생 방식도 있다. 어떤 것은 자신에게 소모되면서 태어난다. 또 어떤 것들은 자연의 솜씨에 따라 어떤 동물에서 다른 동물로 옮겨지고 바뀌면서, 어떤 의미로 자신을 벗어나기도 한다. 이미 같은 존재에게서, 하나는 출생으로 생긴 것이 아니고 다른 하나는 출생으로 생겼으면서 같은 본질인 경우도 있다. 이것이 지금의 문제와 어떤 의미로 더 닮았다. 우리의 일 가운데 모두에게 익숙한 예 하나를 말하고, 다른 논의로 옮겨 가겠다.

Τί οὖν; θεὸς τὸ πνεῦμα; πάνυ γε. τί οὖν, ὁμοούσιον; εἴπερ θεός. δὸς οὖν μοί, φησιν, ἐκ τοῦ αὐτοῦ τὸ μὲν υἱόν, τὸ δὲ οὐχ υἱόν, εἶτα ὁμοούσια, καὶ δέχομαι θεὸν καὶ θεόν. δός μοι καὶ σὺ θεὸν ἄλλον, καὶ φύσιν θεοῦ, καὶ δώσω σοι τὴν αὐτὴν τριάδα μετὰ τῶν αὐτῶν ὀνομάτων τε καὶ πραγμάτων. εἰ δὲ εἷς θεὸς μία φύσις ἡ ἀνωτάτω, πόθεν παραστήσω σοι τὴν ὁμοίωσιν; ἢ ζητεῖς πάλιν ἐκ τῶν κάτω καὶ τῶν περὶ σέ; λίαν μὲν αἰσχρόν, καὶ οὐκ αἰσχρὸν μόνον, ἀλλὰ καὶ μάταιον ἐπιεικῶς, ἐκ τῶν κάτω τῶν ἄνω τὴν εἰκασίαν λαμβάνειν, καὶ τῶν ἀκινήτων ἐκ τῆς ῥευστῆς φύσεως, καί, ὅ φησιν Ἠσαίας, ἐκζητεῖσθαι τὰ ζῶντα ἐν τοῖς νεκροῖς· ὅμως δὲ πειράσομαι, σὴν χάριν, κἀντεῦθεν δοῦναί τινα τῷ λόγῳ βοήθειαν. τὰ μὲν οὖν ἄλλα παρήσειν μοι δοκῶ, πολλὰ ἂν ἔχων ἐκ τῆς περὶ ζώων ἱστορίας εἰπεῖν, τὰ μὲν ἡμῖν γνώριμα, τὰ δὲ τοῖς ὀλίγοις, ὅσα περὶ τὰς τῶν ζώων γενέσεις ἡ φύσις ἐφιλοτεχνήσατο. γεννᾶσθαι γὰρ λέγεται, οὐκ ἐκ τῶν αὐτῶν τὰ αὐτὰ μόνον, οὐδὲ ἐξ ἑτέρων ἕτερα, ἀλλὰ καὶ ἐξ ἑτέρων τὰ αὐτά, καὶ ἐκ τῶν αὐτῶν ἕτερα. εἰ δέ τῳ πιστὸς ὁ λόγος, καὶ ἄλλος ἐστὶ τρόπος γεννήσεως, αὐτό τι ὑφ’ ἑαυτοῦ δαπανώμενον καὶ τικτόμενον. ἔστι δὲ ἃ καὶ ἐξίσταταί πὼς ἑαυτῶν, ἐξ ἄλλων ζώων εἰς ἄλλα μεθιστάμενά τε καὶ μεταποιούμενα, φιλοτιμίᾳ φύσεως. ἤδη δὲ καὶ τοῦ αὐτοῦ, τὸ μὲν οὐ γέννημα, τὸ δὲ γέννημα, πλὴν ὁμοούσια· ὃ καὶ τῷ παρόντι πὼς μᾶλλον προσέοικεν. ἓν δέ τι τῶν ἡμετέρων εἰπών, ὃ καὶ πᾶσι γνώριμον, ἐφ’ ἕτερον μεταβήσομαι λόγον.

아담은 무엇이었는가? 하나님께서 빚으신 존재였다. 하와는 무엇이었는가? 빚으신 존재에서 떼어 낸 부분이었다. 셋은 무엇이었는가? 둘에게서 태어난 존재였다. 그러면 빚어진 존재와 떼어 낸 존재와 태어난 존재는 그대에게 같아 보이는가? 어떻게 같지 않겠는가? 이들은 같은 본질인가, 아니면 무엇인가? 어떻게 같은 본질이 아니겠는가? 그러므로 서로 다르게 존재하게 된 것들도 같은 본질일 수 있다는 점이 인정되었다. 내가 이렇게 말하는 것은 빚음이나 절단이나 몸에 속한 어떤 것을 신성에 옮기려는 뜻이 아니다. 말다툼을 좋아하는 이들이 또 내게 달려들지 말라. 나는 이것들을 무대처럼 삼아, 생각으로 이해하는 것들을 살핀다. 비유에 쓰이는 어느 것도 온 진리에 완전히 이를 수는 없기 때문이다. 그들은 말한다. “그러면 이것들이 무슨 소용인가? 한 존재에게서 하나는 탄생으로, 다른 하나는 다른 방식으로 나오지 않기 때문이다.” 그러면 어떤가? 하와와 셋은 같은 아담에게서 나오지 않았는가? 다른 누구에게서 나왔겠는가? 둘 다 탄생으로 나온 것인가? 결코 그렇지 않다. 그러면 무엇인가? 하나는 떼어 낸 부분이고, 다른 하나는 태어난 존재다. 그런데 둘은 서로 같다. 인간이기 때문이다. 누구도 반박하지 않을 것이다. 그러므로 성령은 반드시 태어나신 분이거나, 같은 본질도 하나님도 아니시라는 공격을 그만두겠는가? 인간의 일들에서 우리 생각이 가능함을 알았으니 말이다. 그대가 몹시 다투기로 마음먹고 분명한 사실들까지 거스르려는 것이 아니라면, 이 설명으로 충분하다고 생각한다.

Ὁ Ἀδὰμ τί ποτε ἦν; πλάσμα θεοῦ. τί δὲ ἡ Εὖα; τμῆμα τοῦ πλάσματος. τί δὲ ὁ Σήθ; ἀμφοτέρων γέννημα. ἆρ’ οὖν ταὐτόν σοι φαίνεται πλάσμα, καὶ τμῆμα, καὶ γέννημα; πῶς οὔ; ὁμοούσια δὲ ταῦτα, ἢ τί; πῶς δ’ οὔ; ὡμολόγηται οὖν καὶ τὰ διαφόρως ὑποστάντα τῆς αὐτῆς εἶναι οὐσίας ἐνδέχεσθαι. λέγω δὲ ταῦτα, οὐκ ἐπὶ τὴν θεότητα φέρων τὴν πλάσιν, ἢ τὴν τομήν, ἤ τι τῶν ὅσα σώματος, μή μοί τις ἐπιφυέσθω πάλιν τῶν λογομάχων, ἐπὶ δὲ τούτων θεωρῶν, ὡς ἐπὶ σκηνῆς, τὰ νοούμενα. οὐδὲ γὰρ οἷόν τε τῶν εἰκαζομένων οὐδὲν πρὸς πᾶσαν ἐξικνεῖσθαι καθαρῶς τὴν ἀλήθειαν. καὶ τί ταῦτά, φασιν; οὐ γὰρ τοῦ ἑνὸς τὸ μὲν γέννημα, τὸ δὲ ἄλλο τι. τί οὖν; ἡ Εὖα καὶ ὁ Σήθ, οὐχὶ τοῦ αὐτοῦ τοῦ Ἀδάμ; τίνος γὰρ ἄλλου; ἢ καὶ ἀμφότεροι γεννήματα; οὐδαμῶς. ἀλλὰ τί; τὸ μὲν τμῆμα, τὸ δὲ γέννημα. καὶ μὴν ἀμφότεροι ταὐτὸν ἀλλήλοις· ἄνθρωποι γάρ· οὐδεὶς ἀντερεῖ. παύσῃ οὖν ἀπομαχόμενος πρὸς τὸ πνεῦμα, ὡς ἢ γέννημα πάντως, ἢ μὴ ὁμοούσιον, μηδὲ θεόν, καὶ ἐκ τῶν ἀνθρωπίνων τὸ δυνατὸν λαβὼν τῆς ἡμετέρας ὑπολήψεως; ἐγὼ μὲν οἶμαί σοι καλῶς ἔχειν, εἰ μὴ λίαν ἔγνωκας φιλονεικεῖν, καὶ πρὸς τὰ δῆλα μάχεσθαι.

그들은 말한다. “누가 성령께 경배했는가? 옛사람이나 새사람 가운데 누가 했는가? 누가 기도했는가? 경배하거나 기도해야 한다는 말은 어디에 기록되어 있는가? 그대는 어디서 이것을 얻었는가?” 성경에 기록되지 않았다는 문제를 논할 때, 더 온전한 이유를 뒤에 설명하겠다. 지금은 이것만 말해도 충분하다. 우리가 경배하는 것은 성령 안에서이며, 기도하는 것은 성령을 통해서다. “하나님은 영이시며, 그분께 경배하는 이들은 영과 진리 안에서 경배해야 한다”라고 말씀하신다. 다시 “우리는 무엇을 어떻게 기도해야 하는지 알지 못하지만, 성령 자신이 말할 수 없는 탄식으로 우리를 위해 간구하신다.” 또 “나는 영으로 기도하고, 정신으로도 기도하겠다.” 이것은 정신과 영 안에서 기도한다는 뜻이다. 그러므로 성령께 경배하거나 기도하는 일은, 성령 자신이 자신에게 기도와 경배를 올리는 것과 다르지 않다고 나는 생각한다. 하나님을 모신 이들 가운데 누가 이것을 칭찬하지 않겠는가? 한 분께 드리는 경배가 세 분께 드리는 경배임을 잘 아는 이들 가운데 누가 그러하겠는가? 세 분은 존엄과 신성에서 동등하시기 때문이다. 만물이 아들을 통해 생겨났다는 말도 나는 두려워하지 않겠다. 성령도 그 만물 가운데 하나라는 주장 때문이다. 그 말은 생겨난 모든 것들에 관한 말이지, 무조건 모든 것들에 관한 말이 아니다. 아버지와 생겨나지 않은 것들은 포함되지 않는다. 그러므로 성령이 생겨났음을 입증한 뒤에, 아들을 통해 생겨났다고 하며 피조물들과 함께 세라. 그것을 입증하지 않는 한, 모든 것을 아우르는 표현을 붙들어도 불경을 뒷받침할 수 없다. 생겨났다면 반드시 그리스도를 통해 생겨났다. 나도 부정하지 않겠다. 생겨나지 않으셨다면, 어떻게 만물 가운데 하나이며 그리스도를 통해 생겨나셨겠는가? 그러므로 독생자에 맞서 아버지께 잘못된 존경을 드리는 일을 그만두라. 피조물을 드리면서 더 존귀한 아들을 빼앗는 것은 잘못된 존경이다. 성령에 맞서 아들을 존경하는 일도 그만두라. 아들은 동료 종의 창조주가 아니시며, 동등한 분과 함께 영광을 받으신다. 삼위일체 가운데 어떤 분도 그대와 같은 자리에 놓지 말라. 삼위일체에게서 떨어져 나가지 않도록 하라. 그 어떤 것으로도 하나이며 똑같이 존귀한 본성을 잘라 내지 말라. 세 분 가운데 어느 한 분을 끌어내리면, 전체를 끌어내린 셈이다. 더 정확히 말하면, 전체에게서 떨어져 나간 셈이다. 완전한 불경을 감행하는 것보다, 연합에 관한 작은 이해라도 얻는 편이 낫다.

Ἀλλὰ τίς προσεκύνησε τῷ πνεύματί, φησιν; τίς ἢ τῶν παλαιῶν, ἢ τῶν νέων; τίς δὲ προσηύξατο; ποῦ δὲ τὸ χρῆναι προσκυνεῖν ἢ προσεύχεσθαι γέγραπται; καὶ πόθεν τοῦτο ἔχεις λαβών; τὴν μὲν τελεωτέραν αἰτίαν ἀποδώσομεν ὕστερον, ἡνίκα ἂν περὶ τοῦ ἀγράφου διαλεγώμεθα. νῦν δὲ τοσοῦτον εἰπεῖν ἐξαρκέσει· τὸ πνεῦμά ἐστιν, ἐν ᾧ προσκυνοῦμεν, καὶ δι’ οὗ προσευχόμεθα. Πνεῦμα γάρ, φησιν, ὁ θεός, καὶ τοὺς προσκυνοῦντας αὐτὸν ἐν πνεύματι καὶ ἀληθείᾳ προσκυνεῖν δεῖ. καὶ πάλιν· Τὸ γὰρ τί προσευξώμεθα, καθ’ ὃ δεῖ, οὐκ οἴδαμεν, ἀλλ’ αὐτὸ τὸ πνεῦμα ὑπερεντυγχάνει ὑπὲρ ἡμῶν στεναγμοῖς ἀλαλήτοις. καί, Προσεύξομαι τῷ πνεύματι, προσεύξομαι δὲ καὶ τῷ νοί, τοῦτ’ ἐστίν, ἐν νοὶ καὶ πνεύματι. τὸ οὖν προσκυνεῖν τῷ πνεύματι, ἢ προσεύχεσθαι, οὐδὲν ἄλλο εἶναί μοι φαίνεται, ἢ αὐτὸ ἑαυτῷ τὴν εὐχὴν προσάγειν καὶ τὴν προσκύνησιν. ὃ τίς οὐκ ἂν ἐπαινέσειε τῶν ἐνθέων, καὶ τῶν εὖ εἰδότων ὅτι καὶ ἡ τοῦ ἑνὸς προσκύνησις τῶν τριῶν ἐστὶ προσκύνησις, διὰ τὸ ἐν τοῖς τρισὶν ὁμότιμον τῆς ἀξίας καὶ τῆς θεότητος; καὶ μὴν οὐδὲ ἐκεῖνο φοβηθήσομαι τὸ πάντα διὰ τοῦ υἱοῦ γεγονέναι λέγεσθαι, ὡς ἑνὸς τῶν πάντων ὄντος καὶ τοῦ ἁγίου πνεύματος. πάντα γὰρ ὅσα γέγονεν, εἴρηται, οὐχ ἁπλῶς ἅπαντα· οὐδὲ γὰρ ὁ πατήρ, οὐδ’ ὅσα μὴ γέγονεν. δείξας οὖν ὅτι γέγονε, τότε τῷ υἱῷ δός, καὶ τοῖς κτίσμασι συναρίθμησον. ἕως δ’ ἂν μὴ τοῦτο δεικνύῃς, οὐδὲν τῷ περιληπτικῷ βοηθῇ πρὸς ἀσέβειαν. εἰ μὲν γὰρ γέγονε, διὰ χριστοῦ πάντως· οὐδὲ αὐτὸς ἀρνήσομαι. εἰ δὲ οὐ γέγονε, πῶς ἢ τῶν πάντων ἕν, ἢ διὰ χριστοῦ; παῦσαι οὖν καὶ τὸν πατέρα κακῶς τιμῶν κατὰ τοῦ μονογενοῦς, - κακὴ δὲ τιμὴ κτίσμα διδόντα τὸ τιμιώτερον υἱὸν ἀποστερεῖν, - καὶ τὸν υἱὸν κατὰ τοῦ πνεύματος. οὐ γὰρ ὁμοδούλου δημιουργός, ἀλλ’ ὁμοτίμῳ συνδοξαζόμενος. μηδὲν μετὰ σεαυτοῦ θῇς τῆς τριάδος, μὴ τῆς τριάδος ἐκπέσῃς. μηδενὶ περικόψῃς τὴν μίαν φύσιν καὶ ὁμοίως σεβάσμιον, ὡς ὅ τι ἂν τῶν τριῶν καθέλῃς, τὸ πᾶν ἔσῃ καθῃρηκώς, μᾶλλον δὲ τοῦ παντὸς ἐκπεπτωκώς. βέλτιον μικρὰν τῆς ἑνώσεως φαντασίαν λαβεῖν, ἢ παντελῆ τολμῆσαι δυσσέβειαν.

우리 논의는 핵심 자체에 이르렀다. 오래전에 죽고 믿음에 자리를 내주었던 질문이 이제 되살아나므로, 나는 탄식한다. 그렇더라도 말다툼꾼들 앞에 서야 한다. 논거가 있고 성령을 변호하면서도, 출석하지 않아 패소하는 일이 없어야 한다. 그들은 말한다. “하나님이며 하나님이며 하나님이라면, 어떻게 세 하나님이 아닌가? 어떻게 여러 지배자를 믿는 일이 아닌가?” 누가 이런 말을 하는가? 불경을 더 완성한 이들인가, 둘째 무리인가? 둘째 무리는 아들에 관해서는 어느 정도 분별 있는 이들을 뜻한다. 나는 두 무리 모두에게 공통된 답과, 둘째 무리에게 고유한 답을 가지고 있다. 둘째 무리에게 할 답은 이렇다. 성령에게서 멀어졌더라도 아들을 경배하는 그대들은, 세 신을 믿는다는 우리에게 무슨 말을 하는가? 그대들은 두 신을 믿지 않는가? 독생자께 드리는 경배도 부정한다면, 그대들은 분명히 반대자들 편에 섰다. 그러면 우리가 왜 그대들을 완전히 죽지 않은 이들처럼 친절하게 대하겠는가? 경배하며 적어도 그만큼은 구원에 합당한 태도를 가진다면, 그대들에게 묻겠다. 두 신을 믿는다는 고발을 받으면, 그대들은 어떤 설명을 하겠는가? 분별 있는 설명이 있다면 대답하라. 우리에게도 대답할 길을 주라. 그대들이 두 신을 믿는다는 고발을 물리치는 논거들은, 우리가 세 신을 믿는다는 고발을 물리치는 데도 충분할 것이다. 이렇게 우리는 고발자인 그대들을 변호자로 삼아 이긴다. 이보다 더 훌륭한 것이 무엇인가?

Ἥκει δὲ ἡμῖν ὁ λόγος ἐπ’ αὐτὸ τὸ κεφάλαιον· καὶ στένω μέν, ὅτι πάλαι τεθνηκὸς ζήτημα, καὶ τῇ πίστει παραχωρῆσαν, νῦν ἀνακαινίζεται· στῆναι δὲ ὅμως ἀναγκαῖον πρὸς τοὺς λογολέσχας, καὶ μὴ ἐρήμην ἁλῶναι, λόγον ἔχοντας, καὶ συνηγοροῦντας πνεύματι. εἰ θεός, φησι, καὶ θεός, καὶ θεός, πῶς οὐχὶ τρεῖς θεοί; ἢ πῶς οὐ πολυαρχία τὸ δοξαζόμενον; ταῦτα τίνες; οἱ τελεώτεροι τὴν ἀσέβειαν, ἢ καὶ οἱ τῆς δευτέρας μερίδος, λέγω δὲ τοὺς περὶ τὸν υἱόν πὼς εὐγνώμονας; ὁ μὲν γὰρ κοινός μοι πρὸς ἀμφοτέρους λόγος, ὁ δὲ πρὸς τούτους ἴδιος. ὁ μὲν οὖν πρὸς τούτους τοιοῦτος. τί φατε τοῖς τριθείταις ἡμῖν οἱ τὸν υἱὸν σέβοντες, εἰ καὶ τοῦ πνεύματος ἀφεστήκατε; ὑμεῖς δὲ οὐ διθεῖται; εἰ μὲν γὰρ ἀρνεῖσθε καὶ τοῦ μονογενοῦς τὴν προσκύνησιν, σαφῶς τέταχθε μετὰ τῶν ἐναντίων· καὶ τί φιλανθρωπευόμεθα πρὸς ὑμᾶς ὡς οὐ πάντῃ νενεκρωμένους; εἰ δὲ σέβεσθε, καὶ μέχρι τούτου διάκεισθε σωτηρίως, ὑμᾶς ἐρωτήσομεν· τίς ὁ λόγος τῆς διθείας ὑμῖν, ἂν τοῦτο ἐγκαλῆσθε; εἰ ἔστι λόγος συνέσεως, ἀποκρίθητε, δότε καὶ ἡμῖν ὁδὸν ἀποκρίσεως. οἷς γὰρ ἂν ὑμεῖς τὴν διθείαν ἀποκρούσησθε λόγοις, οὗτοι καὶ ἡμῖν κατὰ τῆς τριθείας ἀρκέσουσι. καὶ οὕτω νικῶμεν, ὑμῖν τοῖς κατηγόροις συνηγόροις χρώμενοι· οὗ τί γενναιότερον;

두 무리 모두를 향한 우리의 공통된 논박과 설명은 무엇인가? 우리에게 하나님은 한 분이시다. 신성이 하나이며, 세 분을 믿더라도 그 하나에게서 계신 분들이 그 하나를 향해 관계를 맺기 때문이다. 어느 한 분은 더 하나님이시고 다른 한 분은 덜 하나님이신 것이 아니다. 어느 한 분은 앞서고 다른 한 분은 뒤서는 것도 아니다. 뜻에 따라 잘리지 않고 능력에 따라 나뉘지 않는다. 나뉠 수 있는 것들에 속하는 어떤 성질도 여기에 적용할 수 없다. 짧게 말하면, 신성은 구별되는 분들 안에서 나뉘지 않는다. 서로 이어진 세 해 안에서, 빛이 하나로 결합하는 것과 같다. 신성과 첫째 원인과 단일 지배를 바라볼 때, 우리가 떠올리는 것은 하나다. 신성이 계신 분들과, 첫째 원인에게서 시간 없이 동등한 영광으로 계신 분들을 바라볼 때, 경배받는 분들은 셋이다.

Ὁ δὲ κοινὸς ἡμῖν πρὸς ἀμφοτέρους τίς ἀγών τε καὶ λόγος; ἡμῖν εἷς θεός, ὅτι μία θεότης· καὶ πρὸς ἓν τὰ ἐξ αὐτοῦ τὴν ἀναφορὰν ἔχει, κἂν τρία πιστεύηται. οὐ γὰρ τὸ μὲν μᾶλλον, τὸ δὲ ἧττον θεός· οὐδὲ τὸ μὲν πρότερον, τὸ δὲ ὕστερον· οὐδὲ βουλήσει τέμνεται, οὐδὲ δυνάμει μερίζεται, οὐδέ τι τῶν ὅσα τοῖς μεριστοῖς ὑπάρχει, κἀνταῦθα λαβεῖν ἐστίν· ἀλλὰ ἀμέριστος ἐν μεμερισμένοις, εἰ δεῖ συντόμως εἰπεῖν, ἡ θεότης· καὶ οἷον ἐν ἡλίοις τρισὶν ἐχομένοις ἀλλήλων, μία τοῦ φωτὸς σύγκρασις. ὅταν μὲν οὖν πρὸς τὴν θεότητα βλέψωμεν, καὶ τὴν πρώτην αἰτίαν, καὶ τὴν μοναρχίαν, ἓν ἡμῖν τὸ φανταζόμενον· ὅταν δὲ πρὸς τὰ ἐν οἷς ἡ θεότης, καὶ τὰ ἐκ τῆς πρώτης αἰτίας ἀχρόνως ἐκεῖθεν ὄντα καὶ ὁμοδόξως, τρία τὰ προσκυνούμενα.

그들은 말할 수 있다. “그리스인들 가운데도 더 깊이 철학하는 이들에 따르면 신성이 하나이지 않은가? 우리에게도 인류 전체의 인간성은 하나이지 않은가? 그런데 신들은 여럿이고 하나가 아니다. 인간들도 그렇지 않은가?” 그러나 그 경우에 공통성의 하나됨은 개념으로만 생각할 수 있다. 각 존재는 시간과 정념과 능력에서 서로 크게 나뉘어 있다. 우리는 합성되어 있을 뿐 아니라, 서로 맞서며 자기 자신과도 맞선다. 한평생은 말할 것도 없고, 하루 동안도 온전히 같게 머무르지 않는다. 몸과 영혼에서 언제나 흘러가고 변한다. 천사들과 삼위일체 아래의 모든 높은 본성도 그러한지는 나는 알지 못한다. 어떤 이들은 합성되지 않았고, 최고의 선에 가까워 선을 더 굳게 지킨다고 해도 말이다.

Τί δέ, οὐχὶ καὶ παρ’ Ἕλλησι, φαῖεν ἄν, μία θεότης, ὡς οἱ τὰ τελεώτερα παρ’ ἐκείνοις φιλοσοφοῦντες, καὶ παρ’ ἡμῖν ἀνθρωπότης μία, τὸ γένος ἅπαν; ἀλλ’ ὅμως πολλοὶ θεοί, καὶ οὐχ εἷς, ὡς δὲ καὶ ἄνθρωποι; ἀλλ’ ἐκεῖ μὲν ἡ κοινότης τὸ ἓν ἔχει μόνον ἐπινοίᾳ θεωρητόν· τὰ δὲ καθ’ ἕκαστον πλεῖστον ἀλλήλων καὶ τῷ χρόνῳ καὶ τοῖς πάθεσι καὶ τῇ δυνάμει μεμερισμένα. ἡμεῖς τε γὰρ οὐ σύνθετοι μόνον, ἀλλὰ καὶ ἀντίθετοι καὶ ἀλλήλοις καὶ ἡμῖν αὐτοῖς, οὐδὲ ἐπὶ μιᾶς ἡμέρας οἱ αὐτοὶ καθαρῶς μένοντες, μὴ ὅτι τὸν ἅπαντα βίον, ἀλλὰ καὶ σώμασι καὶ ψυχαῖς ἀεὶ ῥέοντές τε καὶ μεταπίπτοντες. οὐκ οἶδα δέ, εἰ μὴ καὶ ἄγγελοι καὶ πᾶσα φύσις ἡ ἄνω μετὰ τὴν τριάδα, κἂν ἁπλοῖ τινὲς ὦσι, καὶ πρὸς τὸ καλὸν παγιώτεροι τῇ πρὸς τὸ ἄκρον καλὸν ἐγγύτητι.

그리스인들이 경배하는 신들과, 그들이 말하는 다이몬들은, 우리가 고발할 필요도 없다. 그들의 신학자들에 의해 붙잡히기 때문이다. 어떤 신들은 정념에 사로잡히고, 어떤 신들은 분쟁을 일으키며, 갖가지 악과 변화로 가득하다. 서로에게만이 아니라 첫째 원인들에게도 맞선다. 그 원인들은 오케아노스와 테튀스와 파네스, 그 밖에 내가 알지 못하는 이름들로 불린다. 마지막에는 지배를 사랑하여 자식들을 미워하고, 탐욕 때문에 다른 신들을 모두 삼키는 어떤 신도 있다. 그는 인간들과 신들 모두의 아버지가 되려 한다. 그들은 불행하게도 먹히고 토해진다. 그들이 이야기의 부끄러움을 피하며 말하듯, 이것들이 신화와 어떤 감추어진 뜻이라면, “모든 것이 셋으로 나뉘었다”라는 말과, 각 신이 다른 존재를 맡고 물질과 지위에서도 나뉘어 있다는 말에는 무엇이라 답하겠는가? 우리의 경우는 이렇지 않다. 나의 신학자는 “이것은 야곱의 몫이 아니다”라고 말한다. 각 분은 본질과 능력의 동일함 때문에, 자신과의 관계 못지않게 다른 분과의 관계에서도 하나됨을 가지신다. 우리가 파악한 범위에서는 이것이 연합에 관한 설명이다. 이 설명이 튼튼하다면, 깨달음에 대해 하나님께 감사하자. 그렇지 않다면, 더 튼튼한 설명을 찾자.

Οἵ τε παρ’ Ἑλλήνων σεβόμενοι θεοί τε καὶ δαίμονες, ὡς αὐτοὶ λέγουσιν, οὐδὲν ἡμῶν δέονται κατηγόρων, ἀλλὰ τοῖς σφῶν αὐτῶν ἁλίσκονται θεολόγοις, ὡς μὲν ἐμπαθεῖς, ὡς δὲ στασιώδεις, ὅσων δὲ κακῶν γέμοντες καὶ μεταβολῶν, καὶ οὐ πρὸς ἀλλήλους μόνον ἀλλὰ καὶ πρὸς τὰς πρώτας αἰτίας ἀντιθέτως ἔχοντες, οὓς δὴ ᾿Ωκεανούς, καὶ Τηθύας, καὶ Φάνητας, καὶ οὐκ οἶδα οὕς τινας ὀνομάζουσι· καὶ τελευταῖόν τινα θεὸν μισότεκνον διὰ φιλαρχίαν, πάντας καταπίνοντα τοὺς ἄλλους ἐξ ἀπληστίας, ἵνα γένηται πάντων ἀνδρῶν τε θεῶν τε πατήρ, δυστυχῶς ἐσθιομένων καὶ ἐμουμένων. εἰ δὲ ταῦτα μῦθοι καὶ ὑπόνοιαί τινες, ὡς αὐτοί φασι, τὸ αἰσχρὸν τοῦ λόγου διαδιδράσκοντες, τί φήσουσι πρὸς τό, Τριχθὰ δὲ πάντα δέδασται, καὶ τὸ ἄλλον ἄλλῳ τινὶ τῶν ὄντων ἐπιστατεῖν, διῃρημένους καὶ ταῖς ὕλαις καὶ τοῖς ἀξιώμασι; τὸ δὲ ἡμέτερον οὐ τοιοῦτον· οὐδὲ αὕτη μερὶς τῷ Ἰακώβ, φησιν ὁ ἐμὸς θεολόγος· ἀλλὰ τὸ ἓν ἕκαστον αὐτῶν ἔχει πρὸς τὸ συγκείμενον οὐχ ἧττον ἢ πρὸς ἑαυτό, τῷ ταὐτῷ τῆς οὐσίας καὶ τῆς δυνάμεως. καὶ οὗτος ὁ τῆς ἑνώσεως λόγος, ὅσον ἐφ᾿ οἷς ἡμεῖς κατειλήφαμεν. εἰ μὲν οὖν οὗτος ἰσχυρὸς ὁ λόγος, τῷ θεῷ χάρις τῆς θεωρίας· εἰ δὲ μή, ζητῶμεν τὸν ἰσχυρότερον.

그대가 우리의 연합을 무너뜨리는 말들은 장난인지 진지한 말인지 모르겠다. 그 설명은 무엇인가? 그들은 말한다. “같은 본질인 것들은 함께 센다.” 함께 센다는 것은 하나의 수로 모은다는 뜻이다. “같은 본질이 아닌 것들은 함께 세지 않는다. 그러므로 이 설명에 따르면, 그대들은 세 하나님이라고 말하는 일을 피하지 못할 것이다. 우리에게는 위험이 전혀 없다. 우리는 같은 본질이라고 말하지 않기 때문이다.” 그러므로 그대는 한마디로 어려움을 피하고, 나쁜 승리를 얻었다. 죽음이 두려워 목매는 사람들과 같은 일을 했다. 단일 지배를 확립하는 데 수고하지 않으려고 신성을 부정하고, 지켜야 할 것을 원수들에게 넘겼기 때문이다. 나는 수고해야 하더라도 경배받으시는 분을 내버리지 않겠다. 그런데 여기에서는 무슨 수고가 필요한지도 보이지 않는다.

Τοὺς δὲ σοὺς λόγους οὐκ οἶδα πότερον παίζοντος εἶναι φήσομεν, ἢ σπουδάζοντος, οἷς ἀναιρεῖς ἡμῶν τὴν ἕνωσιν. τίς γὰρ δὴ καὶ ὁ λόγος; τὰ ὁμοούσια συναριθμεῖται, φησι· συναρίθμησιν λέγων τὴν εἰς ἀριθμὸν ἕνα συναίρεσιν· οὐ συναριθμεῖται δὲ τὰ μὴ ὁμοούσια· ὥστε ὑμεῖς μὲν οὐ φεύξεσθε τὸ τρεῖς λέγειν θεοὺς κατὰ τὸν λόγον τοῦτον· ἡμῖν δὲ οὐδὲ εἷς κίνδυνος· οὐ γὰρ ὁμοούσια λέγομεν. σὺ μὲν οὖν ἀπήλλαξας σεαυτὸν πραγμάτων μιᾷ φωνῇ, καὶ τὴν κακὴν νίκην νενίκηκας· ὅμοιόν τι ποιήσας τοῖς διὰ θανάτου φόβον ἀπαγχομένοις. ἵνα γὰρ μὴ κάμῃς τῇ μοναρχίᾳ συνιστάμενος, ἠρνήσω θεότητα, καὶ προδέδωκας τοῖς ἐχθροῖς τὸ ζητούμενον. ἐγὼ δὲ κἄν τι δέῃ καμεῖν, οὐ προήσομαι τὸ προσκυνούμενον. ἐνταῦθα δὲ οὐδὲ ὁρῶ τίς ὁ πόνος.

그대는 말한다. “같은 본질인 것들은 함께 세고, 그렇지 않은 것들은 하나씩 표현한다.” 그대는 이것을 어디서 얻었는가? 어떤 교리꾼과 이야기꾼에게서 얻었는가? 모든 수는 대상들의 양을 나타내며, 사물들의 본성을 나타내지는 않는다는 사실을 모르는가? 나는 구식이며, 더 정확히 말하면 무지해서, 수가 셋이면 본성이 달라도 셋이라고 부른다. 또는 본질이 이어져 있더라도, 그만큼의 개별 존재를 하나와 하나와 하나라고 달리 부른다. 계산할 때에는 사물 자체보다 사물의 수량을 보기 때문이다. 그대는 글자에 맞서면서도 글자를 몹시 붙드니, 그곳에서 내게 증거를 가져오라. 잠언에는 잘 걸어가는 셋이 있다. 사자와 염소와 수탉이다. 민족 가운데 연설하는 왕은 넷째다. 그 밖에도 본성은 다르면서 넷으로 세는 다른 것들이 거기에 있다. 그것들은 말하지 않겠다. 모세의 글에서는 두 케루빔을 각각 하나씩 세는 것을 발견한다. 그러면 그대의 말재주에 따르면, 본성이 그토록 서로 다른 것들이 어떻게 셋인가? 본성이 그토록 같고 함께 있는 이것들은 어떻게 하나씩 세는 것인가? 하나님과 맘몬을 두 주인으로 한데 세면, 둘이 그토록 서로 멀리 떨어져 있다는 이유로 함께 센 일이 더욱 비웃음을 받을 것이다.

Συναριθμεῖται, φής, τὰ ὁμοούσια· τὰ δὲ μὴ οὕτως ἔχοντα μοναδικὴν ἔχει τὴν δήλωσιν. πόθεν σοι τοῦτο, καὶ παρὰ τίνων δογματιστῶν καὶ μυθολόγων; ἢ ἀγνοεῖς, ὅτι πᾶς ἀριθμὸς τῆς ποσότητος τῶν ὑποκειμένων ἐστὶ δηλωτικός, οὐ τῆς φύσεως τῶν πραγμάτων; ἐγὼ δὲ οὕτως ἀρχαίως ἔχω, μᾶλλον δὲ ἀμαθῶς, ὥστε τρία μὲν ὀνομάζω τὰ τοσαῦτα τῷ ἀριθμῷ, κἂν διέστηκε τὴν φύσιν· ἓν δέ, καὶ ἕν, καὶ ἕν, ἄλλως τὰς τοσαύτας μονάδας, κἂν τῇ οὐσίᾳ συνάπτωνται, οὐ πρὸς τὰ πράγματα μᾶλλον ἀφορῶν, ἢ τὸ πόσον τῶν πραγμάτων, καθ’ ὧν ἡ ἀρίθμησις. ἐπεὶ δὲ λίαν περιέχῃ τοῦ γράμματος, καίτοι γε πολεμῶν τῷ γράμματι, ἐκεῖθέν μοι λάβε τὰς ἀποδείξεις. τρία ἐν ταῖς παροιμίαις ἐστίν, ἃ εὐόδως πορεύεται, λέων, καὶ τράγος, καὶ ἀλεκτρυών· καὶ βασιλεὺς δημηγορῶν ἐν ἔθνει τὸ τέταρτον· ἵνα μὴ λέγω τὰς ἄλλας ἐκεῖ τετράδας ἀριθμουμένας, τῇ φύσει δὲ διῃρημένας. καὶ δύο τῷ Μωυσεῖ χερουβὶμ εὑρίσκω μοναδικῶς ἀριθμούμενα. πῶς οὖν ἢ ἐκεῖνα τρία, κατὰ τὴν σὴν τεχνολογίαν, τοσοῦτον ἀλλήλων ἀπερρηγμένα ταῖς φύσεσιν· ἢ ταῦτα μοναδικά, τοσοῦτον ἀλλήλοις ὁμοφυῆ καὶ συγκείμενα; εἰ γὰρ λέγοιμι θεὸν καὶ μαμωνᾶν δύο κυρίους εἰς ἓν ἀριθμουμένους, τοσούτῳ μακρὰν ὄντας ἀλλήλων, τάχα ἂν καὶ μᾶλλον γελασθείην τῆς συναριθμήσεως.

그들은 말한다. “내가 함께 세며 같은 본질이라고 말하는 것들은, 그 이름들도 일치하게 함께 붙는 것들이다. 예를 들어 ‘인간 셋’, ‘신 셋’이며, ‘이것과 저것 셋’이 아니다.” 무슨 바꾸기인가? 이것은 이름들에 법을 정하는 일이지, 진실을 말하는 일이 아니다. 그러면 내게도 베드로와 바울과 요한은 셋이 아니고 같은 본질도 아니다. 바울 셋, 베드로 셋, 같은 수의 요한이라고 불릴 때까지는 그렇다. 그대가 일반적인 이름들에서 지킨 규칙을, 우리도 그대가 만들어 낸 원칙에 따라 더 개별적인 이름들에서 요구하겠다. 그대가 얻은 것을 내주지 않아 불공정하게 하겠는가? 공동서신에서 증언하는 이들이 셋, 곧 영과 물과 피라고 말하는 요한은 어떻게 되는가? 그는 먼저, 그대가 같은 본질인 것들에 허용하는 함께 세기를 같은 본질이 아닌 것들에 감히 적용했으므로, 헛소리를 하는 것처럼 보이는가? 누가 영과 물과 피가 하나의 본질이라고 말하겠는가? 다음으로, 그는 문법을 맞추지 않고 남성형 ‘셋’을 앞세운 뒤, 세 가지를 중성형으로 이어 붙였다. 그대와 그대 문법의 한계와 규칙을 어겼기 때문에 헛소리를 하는 것처럼 보이는가? 남성형 ‘셋’을 앞세우고 중성형 ‘하나와 하나와 하나’를 이어 붙이는 것과, 남성형 ‘하나와 하나와 하나’를 말하고 남성형이 아닌 중성형 ‘셋’이라 부르는 것이 무슨 차이가 있는가? 그대 자신은 신성에 관해서는 그 말을 받아들이지 않는다. 그대에게 게는 어떤가? 동물인 게와 기구인 게와 별자리인 게가 있다. 개는 어떤가? 육지의 개와 물속의 개와 하늘의 개가 있다. 게라고 불리는 것 셋과 개라고 불리는 것 셋이라고 하지 않겠는가? 분명히 그렇게 한다. 그렇다고 해서 같은 본질인가? 분별 있는 이들 가운데 누가 그렇게 말하겠는가? 함께 세기에 관한 그대의 논증이 그토록 많은 반박으로 무너진 모습을 보는가? 같은 본질인 것들이 반드시 함께 세어지지는 않으며, 같은 본질이 아닌 것들도 함께 세어진다. 이름을 함께 붙이는 일도 두 경우 모두에 있다. 그러므로 그대가 세운 주장들에 무슨 이득이 있는가?

Ἀλλ’ ἐμοί, φησιν, ἐκεῖνα συναριθμούμενα λέγεται, καὶ τῆς αὐτῆς οὐσίας, οἷς συνεκφωνεῖται καταλλήλως καὶ τὰ ὀνόματα· οἷον, ἄνθρωποι τρεῖς, καὶ θεοὶ τρεῖς, οὐχὶ τρία τάδε καὶ τάδε. τίς γὰρ ἡ ἀντίδοσις; τοῦτο νομοθετοῦντός ἐστι τοῖς ὀνόμασιν, οὐκ ἀληθεύοντος. ἐπεὶ κἀμοὶ Πέτρος, καὶ Παῦλος, καὶ Ἰωάννης, οὐ τρεῖς, οὐδὲ ὁμοούσιοι, ἕως ἂν μὴ τρεῖς Παῦλοι, καὶ τρεῖς Πέτροι, καὶ Ἰωάνναι τοσοῦτοι λέγωνται. ὃ γὰρ σὺ τετήρηκας ἐπὶ τῶν γενικωτέρων ὀνομάτων, τοῦτο καὶ ἡμεῖς ἀπαιτήσομεν ἐπὶ τῶν εἰδικωτέρων κατὰ τὴν σὴν ἀνάπλασιν. ἢ ἀδικήσεις, μὴ διδοὺς ὅπερ εἴληφας; τί δὲ ὁ Ἰωάννης, τρεῖς εἶναι τοὺς μαρτυροῦντας λέγων ἐν ταῖς καθολικαῖς, τὸ πνεῦμα, τὸ ὕδωρ, τὸ αἷμα; ἆρά σοι ληρεῖν φαίνεται, πρῶτον μὲν ὅτι τὰ μὴ ὁμοούσια συναριθμῆσαι τετόλμηκεν, ὃ τοῖς ὁμοουσίοις σὺ δίδως, - τίς γὰρ ἂν εἴποι ταῦτα μιᾶς οὐσίας; - δεύτερον δὲ ὅτι μὴ καταλλήλως ἔχων ἀπήντησεν, ἀλλὰ τὸ τρεῖς ἀρρενικῶς προθείς, τὰ τρία οὐδετέρως ἐπήνεγκε, παρὰ τοὺς σοὺς καὶ τῆς σῆς γραμματικῆς ὅρους καὶ νόμους; καίτοι τί διαφέρει, ἢ τρεῖς προθέντα ἓν καὶ ἓν καὶ ἓν ἐπενεγκεῖν, ἢ ἕνα καὶ ἕνα καὶ ἕνα λέγοντα μὴ τρεῖς ἀλλὰ τρία προσαγορεύειν; ὅπερ αὐτὸς ἀπαξιοῖς ἐπὶ τῆς θεότητος. τί δέ σοι ὁ καρκίνος τό τε ζῶον, τό τε ὄργανον, ὅ τε ἀστήρ; τί δὲ ὁ κύων, ὅ τε χερσαῖος, καὶ ὁ ἔνυδρος, καὶ ὁ οὐράνιος; οὐ τρεῖς λέγεσθαί σοι δοκοῦσι καρκίνοι καὶ κύνες; πάντως γε. ἆρα οὖν παρὰ τοῦτο καὶ ὁμοούσιοι; τίς φήσει τῶν νοῦν ἐχόντων; ὁρᾷς ὅπως σοι διαπέπτωκεν ὁ περὶ τῆς συναριθμήσεως λόγος, τοσούτοις ἐληλεγμένος; εἰ γὰρ μήτε τὰ ὁμοούσια πάντως συναριθμεῖται, καὶ συναριθμεῖται τὰ μὴ ὁμοούσια, ἥ τε τῶν ὀνομάτων συνεκφώνησις ἐπ’ ἀμφοῖν, τί σοι πλέον ὧν ἐδογμάτισας;

나는 다음 문제도 살펴본다. 논의에서 벗어나지 않을 것 같다. 하나와 하나는 둘로 합쳐지지 않는가? 둘은 하나와 하나로 풀리지 않는가? 분명히 그렇다. 그대의 말대로 합쳐지는 것들은 같은 본질이고 나뉘는 것들은 다른 본질이라면, 무슨 일이 생기는가? 같은 것들이 같은 본질이면서 다른 본질이 된다. 나는 그대가 크게 자랑하는 앞세워 세기와 뒤에 놓아 세기도 비웃는다. 마치 이름들의 순서 안에 실제의 지위가 있는 것처럼 자랑하기 때문이다. 그렇다면 같은 논리에 따라, 성경에서 본성의 동등한 존엄 때문에 같은 분들이 앞에서도 뒤에서도 세어지므로, 그분들이 자기 자신보다 더 존귀하며 덜 존귀하다고 하지 못할 이유가 무엇인가? 하나님과 주님이라는 표현에 관한 나의 설명도 같다. ‘그분에게서’, ‘그분을 통해서’, ‘그분 안에서’라는 전치사들도 그렇다. 그대는 이것들로 신적인 것을 말재주에 맞추어 다룬다. 하나는 아버지께, 하나는 아들께, 하나는 성령께 배정한다. 이것들이 각 분에게 하나씩 고정적으로 배정되었다면, 그대는 무엇을 했겠는가? 부지런히 살핀 이들이 분명히 알듯, 모든 표현이 모든 분에게 쓰이는데도, 그대는 이것들로 존엄과 본성에 그토록 큰 불평등을 끌어들이지 않는가? 몹시 분별없는 이들이 아니라면, 이것들도 충분하다. 그러나 그대는 한번 성령에게 달려들면 그 기세를 멈추기 어려운 사람이다. 더 사나운 멧돼지들처럼 끝까지 다투며 칼을 향해 돌진하고, 상처가 속으로 모두 들어갈 때까지 밀고 간다. 그러니 그대에게 어떤 논거가 더 남았는지 살펴보자.

Σκοπῶ δὲ κἀκεῖνο, καὶ ἴσως οὐκ ἔξω λόγου. τὸ ἓν καὶ τὸ ἓν οὐκ εἰς δύο συντίθεται; τὰ δύο δὲ οὐκ εἰς ἓν καὶ ἓν ἀναλύεται; δῆλον ὅτι. εἰ οὖν ὁμοούσια μὲν τὰ συντιθέμενα κατὰ τὸν σὸν λόγον, ἑτεροούσια δὲ τὰ τεμνόμενα, τί συμβαίνει; τὰ αὐτὰ ὁμοούσιά τε εἶναι καὶ ἑτεροούσια. γελῶ σου καὶ τὰς προαριθμήσεις, καὶ τὰς ὑπαριθμήσεις, αἷς σὺ μέγα φρονεῖς, ὥσπερ ἐν τῇ τάξει τῶν ὀνομάτων κειμένων τῶν πραγμάτων. εἰ γὰρ τοῦτο, τί κωλύει κατὰ τὸν αὐτὸν λόγον, ἐπειδὴ τὰ αὐτὰ καὶ προαριθμεῖται καὶ ὑπαριθμεῖται παρὰ τῇ γραφῇ διὰ τὴν ἰσοτιμίαν τῆς φύσεως, αὐτὰ ἑαυτῶν εἶναι τιμιώτερά τε καὶ ἀτιμότερα; ὁ δὲ αὐτός μοι καὶ περὶ τῆς Θεὸς φωνῆς καὶ Κύριος λόγος· ἔτι δὲ τῶν προθέσεων, τῆς ἐξ οὗ, καὶ δι’ οὗ, καὶ ἐν ᾧ, αἷς σὺ κατατεχνολογεῖς ἡμῖν τὸ θεῖον, τὴν μὲν τῷ πατρὶ διδούς, τὴν δὲ τῷ υἱῷ, τὴν δὲ τῷ ἁγίῳ πνεύματι. τί γὰρ ἂν ἐποίησας, παγίως ἑκάστου τούτων ἑκάστῳ νενεμημένου· ὁπότε πάντων πᾶσι συντεταγμένων, ὡς δῆλον τοῖς φιλοπόνοις, τοσαύτην σὺ διὰ τούτων εἰσάγεις καὶ τῆς ἀξίας καὶ τῆς φύσεως ἀνισότητα; ἀπόχρη καὶ ταῦτα τοῖς μὴ λίαν ἀγνώμοσιν. ἐπεὶ δέ σε τῶν χαλεπῶν ἐστίν, ἅπαξ ἐπιπηδήσαντα τῷ πνεύματι, τῆς φορᾶς σχεθῆναι, ἀλλὰ μή, καθάπερ τῶν συῶν τοὺς θρασυτέρους, εἰς τέλος φιλονεικεῖν, καὶ πρὸς τὸ ξίφος ὠθίζεσθαι, μέχρις ἂν πᾶσαν εἴσω τὴν πληγὴν ὑπολάβῃς, φέρε, σκεψώμεθα τίς ἔτι σοι λείπεται λόγος.

그대는 성경에 기록되지 않았다는 문제를 우리에게 자꾸 되풀이한다. 그러나 이것은 낯설거나 끼워 넣은 것이 아니며, 옛사람들과 지금 사람들에게 알려지고 드러난 것이다. 이 문제를 논한 많은 이들이 이미 이를 밝혔다. 그들은 하나님의 성경을 게으르거나 부차적으로 읽지 않았다. 글자를 열어 안을 들여다보고, 감추어진 아름다움을 볼 자격을 얻었으며, 지식의 빛으로 밝아졌다. 우리도 가능한 한 간략히 밝히겠다. 우리가 쓸데없는 일을 하거나, 다른 이의 기초 위에 세우면서 지나치게 명예를 좇는 것처럼 보이지 않도록 하려는 것이다. 앞서 아버지와 뒤에 아들이 그러하듯, 성령을 하나님이라고 아주 분명하게 기록하거나 그 이름으로 자주 부르지 않았다는 점이, 그대에게 모독과 쓸데없는 수다와 불경의 이유가 된다면, 우리는 그 폐해를 풀어 주겠다. 실재와 이름들, 특히 성경의 표현 방식에 관하여 조금 논하여 풀겠다.

Πάλιν καὶ πολλάκις ἀνακυκλεῖς ἡμῖν τὸ ἄγραφον. ὅτι μὲν οὖν οὐ ξένον τοῦτο, οὐδὲ παρείσακτον, ἀλλὰ καὶ τοῖς πάλαι καὶ τοῖς νῦν γνωριζόμενον καὶ παραγυμνούμενον, δέδεικται μὲν ἤδη πολλοῖς τῶν περὶ τούτου διειληφότων, ὅσοι μὴ ῥᾳθύμως μηδὲ παρέργως ταῖς θείαις γραφαῖς ἐντυχόντες, ἀλλὰ διασχόντες τὸ γράμμα καὶ εἴσω παρακύψαντες, τὸ ἀπόθετον κάλλος ἰδεῖν ἠξιώθησαν, καὶ τῷ φωτισμῷ τῆς γνώσεως κατηυγάσθησαν. δηλώσομεν δὲ καὶ ἡμεῖς ἐξ ἐπιδρομῆς, ὅσον ἐνδέχεται, τοῦ μὴ δοκεῖν εἶναι περιττοί τινες, μηδὲ φιλοτιμότεροι τοῦ δέοντος, ἐποικοδομοῦντες ἐπὶ θεμέλιον ἀλλότριον. εἰ δὲ τὸ μὴ λίαν σαφῶς γεγράφθαι θεὸν μηδὲ πολλάκις ὀνομαστί, ὥσπερ τὸν πατέρα πρότερον καὶ τὸν υἱὸν ὕστερον, αἴτιόν σοι γίνεται βλασφημίας, καὶ τῆς περιττῆς ταύτης γλωσσαλγίας καὶ ἀσεβείας, ἡμεῖς σοι λύσομεν ταύτην τὴν βλάβην, μικρὰ περὶ πραγμάτων καὶ ὀνομάτων καὶ μάλιστα παρὰ τῇ τῆς γραφῆς συνηθείᾳ φιλοσοφήσαντες.

어떤 것들은 실제로 그렇지 않지만 그렇게 말해진다. 어떤 것들은 실제로 있지만 말해지지 않는다. 어떤 것들은 실제로 있지도 않고 말해지지도 않는다. 어떤 것들은 둘 다이며, 실제로 있고 말해지기도 한다. 그대는 이것들의 증거를 요구하는가? 나는 제시할 준비가 되어 있다. 성경에서 하나님은 주무시고 깨어나시며, 화내시고 걸으시며, 케루빔을 보좌로 삼으신다. 그러나 언제 정념에 사로잡힌 분이 되셨는가? 언제 하나님이 몸을 지니셨다고 들었는가? 실제로 그렇지 않은 것을 형상으로 표현했다. 우리가 이를 수 있는 만큼, 우리의 것들에서 하나님의 것들을 이름 붙였기 때문이다. 그분이 자신만 아시는 이유로 우리에게 활동을 멈추고, 이를테면 관심을 두지 않으시는 것을 잠이라고 불렀다. 우리의 잠은 활동하지 않으며 아무 일도 하지 않는 상태이기 때문이다. 상태를 바꾸어 갑자기 선을 행하시는 것은 깨어남이라고 불렀다. 외면하다가 돌아보는 것처럼, 깨어남은 잠이 풀리는 것이기 때문이다. 우리는 벌하시는 일을 화내심이라고 표현했다. 우리에게는 벌하는 일이 분노에서 나오기 때문이다. 여기에서 활동하시다가 저기에서 활동하시는 일은 걸으심이라고 불렀다. 한곳에서 다른 곳으로 옮기는 일이 걸음이기 때문이다. 거룩한 권능들 안에서 쉬시며, 이를테면 즐겨 머무시는 일은 앉으심과 보좌에 오르심이라고 불렀다. 이것도 우리의 표현이다. 신적인 것은 거룩한 이들 안에서 어느 곳보다 편히 쉬기 때문이다. 빠른 움직임은 날아가심이라고 불렀다. 돌보심은 얼굴이라고 불렀다. 주심과 받아들이심은 손이라고 불렀다. 그 밖의 하나님의 능력과 활동도, 우리에게 다른 육체적 모습으로 그려졌다.

τῶν πραγμάτων τὰ μὲν οὐκ ἔστι, λέγεται δέ· τὰ δὲ ὄντα οὐ λέγεται· τὰ δὲ οὔτε ἔστιν, οὔτε λέγεται· τὰ δὲ ἄμφω, καὶ ἔστι, καὶ λέγεται. τούτων ἀπαιτεῖς με τὰς ἀποδείξεις; παρασχεῖν ἕτοιμος. ὑπνοῖ τῇ γραφῇ θεός, καὶ γρηγορεῖ, καὶ ὀργίζεται, καὶ βαδίζει, καὶ θρόνον ἔχει τὰ χερουβίμ· καίτοι πότε γέγονεν ἐμπαθής; πότε δὲ σῶμα θεὸν ἀκήκοας; τοῦτο οὐκ ὂν ἀνεπλάσθη. ὠνομάσαμεν γάρ, ὡς ἡμῖν ἐφικτόν, ἐκ τῶν ἡμετέρων τὰ τοῦ θεοῦ. τὸ μὲν ἠρεμεῖν αὐτὸν ἀφ’ ἡμῶν, καὶ οἷον ἀμελεῖν, δι’ ἃς αὐτὸς οἶδεν αἰτίας, ὑπνοῦν. τὸ γὰρ ἡμέτερον ὑπνοῦν τοιοῦτον, ἀνενέργητόν τε καὶ ἄπρακτον. τὸ δὲ ἀθρόως εὖ ποιεῖν ἐκ μεταβολῆς, γρηγορεῖν. ὕπνου γὰρ λύσις ἐγρήγορσις, ὥσπερ ἀποστροφῆς ἐπίσκεψις. τὸ δὲ κολάζειν ὀργίζεσθαι πεποιήκαμεν· οὕτω γὰρ ἡμῖν ἐξ ὀργῆς ἡ κόλασις. τὸ δὲ νῦν μὲν τῇδε, νῦν δὲ τῇδε ἐνεργεῖν, βαδίζειν. ἡ γὰρ ἀπ’ ἄλλου πρὸς ἄλλο μετάβασις, βαδισμός. τὸ δὲ ἐναναπαύεσθαι ταῖς ἁγίαις δυνάμεσι, καὶ οἷον ἐμφιλοχωρεῖν, καθέζεσθαι καὶ θρονίζεσθαι. καὶ τοῦτο ἡμέτερον. οὐδενὶ γὰρ οὕτως ὡς τοῖς ἁγίοις τὸ θεῖον ἐναναπαύεται. τὸ δὲ ὀξυκίνητον, πτῆσιν· τὴν δὲ ἐπισκοπήν, πρόσωπον· τὸ διδόναι δὲ καὶ προσίεσθαι, χεῖρα· καὶ ἄλλη τις ὅλως τῶν τοῦ θεοῦ δυνάμεων ἢ ἐνεργειῶν ἄλλο τι τῶν σωματικῶν ἡμῖν ἀνεζωγράφησεν.

다시, 그대는 자신의 요새인 태어나지 않으심과 시작이 없으심을 어디서 얻었는가? 우리도 죽지 않으심을 어디서 얻었는가? 이것들을 그 이름 그대로 제시하라. 그렇지 않으면 지워 버리겠다. 그대가 의지한 이름들과 피신처의 성벽이 무너지면, 자신의 가정 때문에 그대는 죽었다. 그 이름들이 그대로 쓰이지 않더라도, 그런 결론을 이끄는 말들에서 얻었음이 분명하지 않은가? 어떤 말들인가? “나는 처음이며, 그 뒤에도 나다.” 또 “나보다 앞서 다른 하나님은 없으며, 내 뒤에도 없을 것이다.” ‘있다’라는 말 전체는 나의 것이며, 시작되지도 멈추지도 않는다. 그대는 이것들을 받아, 그분 앞에 아무것도 없고 더 앞선 원인도 없다는 사실을 시작이 없음과 태어나지 않음이라고 불렀다. 존재하심이 멈추지 않는다는 사실은 죽지 않음과 소멸하지 않음이라고 불렀다. 앞의 두 짝은 이와 같다. 실제로 있지도 않고 말해지지도 않는 것은 무엇인가? 신적인 것이 악하다는 말, 구가 네모라는 말, 과거가 현재라는 말, 인간이 합성되지 않았다는 말이다. 그런 무엇을 감히 생각하거나 선언할 만큼 미쳐 버린 사람을 그대는 본 적이 있는가? 실제로 있고 말해지기도 하는 것들을 밝히는 일이 남았다. 하나님, 인간, 천사, 심판이다. 이런 삼단논법들이 헛되며, 믿음을 무너뜨리고 신비를 헛되게 한다는 말도 그러하다.

Πάλιν σὺ πόθεν τὸ ἀγέννητον λαβὼν ἔχεις, ἢ τὸ ἄναρχον, τὰς σὰς ἀκροπόλεις, ἢ καὶ ἡμεῖς τὸ ἀθάνατον; δεῖξον ταῦτα ὀνομαστί, ἢ διαγράψομεν, καὶ τέθνηκας ἐκ τῶν σῶν ὑποθέσεων, καθαιρεθέντων σοι τῶν ὀνομάτων, καὶ τοῦ τείχους τῆς καταφυγῆς ἐφ’ ᾧ ἐπεποίθεις. ἢ δῆλον ὅτι ἐκ τῶν ταῦτα συναγόντων, κἂν μὴ ταῦτα λέγηται; τίνων τούτων; Ἐγώ εἰμι πρῶτος, καὶ ἐγὼ μετὰ ταῦτα. καί, Πρὸ ἐμοῦ οὐκ ἔστιν ἄλλος θεός, καὶ μετ’ ἐμὲ οὐκ ἔσται. ὅλον γὰρ τὸ ἔστιν ἐμόν· οὔτε ἠργμένον, οὔτε παυσόμενον. ταῦτα λαβών, τὸ μὲν μὴ εἶναί τι πρὸ αὐτοῦ, μηδὲ πρεσβυτέραν αἰτίαν ἔχειν, ἄναρχον προσηγόρευσας, καὶ ἀγέννητον· τὸ δὲ μὴ στήσεσθαι τοῦ εἶναι, ἀθάνατον καὶ ἀνώλεθρον. αἱ μὲν δὴ πρῶται συζυγίαι τοιαῦται, καὶ οὕτως ἔχουσαι. τίνα δὲ οὔτε ἔστιν, οὔτε λέγεται; πονηρὸν τὸ θεῖον, ἡ σφαῖρα τετράγωνος, τὸ παρελθὸν ἐνέστηκεν, οὐ σύνθετον ὁ ἄνθρωπος. τίνα γὰρ εἰς τοσοῦτόν ποτε ἐμπληξίας ἀφικόμενον ἔγνως, ὥστε τι τοιοῦτον ἢ ἐννοῆσαι τολμῆσαι, ἢ ἀποφήνασθαι; λείπεται δεῖξαι τίνα καὶ ἔστι καὶ λέγεται· θεός, ἄνθρωπος, ἄγγελος, κρίσις· ματαιότης οἱ τοιοῦτοι συλλογισμοί, καὶ τῆς πίστεως ἀνατροπή, καὶ τοῦ μυστηρίου κένωσις.

이름들과 실재 사이에 이토록 차이가 큰데, 그대는 왜 글자의 종이 되며 유대인의 지혜에 가담하는가? 실재들을 버리고 음절들을 따르는가? 그대가 다섯의 두 배나 일곱의 두 배라고 말할 때, 내가 그 말에서 열이나 열넷이라는 결론을 끌어내면, 또는 ‘이성적이며 죽을 수 있는 생물’에서 인간이라는 결론을 끌어내면, 그대는 내가 헛소리를 한다고 생각하겠는가? 그대의 뜻을 말하는데, 어떻게 그러하겠는가? 그 말들은 말하는 이의 것이기도 하지만, 그렇게 말하도록 뜻으로 이끄는 이의 것이기도 하다. 그러므로 여기에서 나는 말해진 표현들보다 이해되는 뜻을 더 살폈을 것이다. 마찬가지로, 성경에서 그대로 말해지지 않거나 분명히 말해지지 않은 다른 뜻을 발견하더라도, 이름을 트집 잡는 그대를 두려워하여 그것을 표현하기를 피하지 않았을 것이다. 절반쯤 분별 있는 이들에게는 이렇게 맞서겠다. 그대에게는 이 반론조차 허용되지 않는다. 그토록 분명하고 많은 아들의 호칭들을 부정하는 사람은, 이 호칭들이 훨씬 더 분명하고 많다는 것을 알더라도 존중하지 않았을 것이 분명하기 때문이다. 이제 논의를 조금 거슬러 올라가, 이 모든 감추어짐의 이유를 밝히겠다. 그대들이 지혜로운 사람들이더라도 설명하겠다.

τοσαύτης οὖν οὔσης διαφορᾶς ἐν τοῖς ὀνόμασι καὶ τοῖς πράγμασι, πῶς οὕτω σὺ λίαν δουλεύεις τῷ γράμματι, καὶ γίνῃ μετὰ τῆς Ἰουδαικῆς σοφίας, καὶ συλλαβαῖς ἀκολουθεῖς, ἀφεὶς τὰ πράγματα; εἰ δὲ σοῦ τὰ δὶς πέντε λέγοντος, ἢ τὰ δὶς ἑπτά, τὰ δέκα συνῆγον, ἢ τέσσαρες καὶ δέκα ἐκ τῶν λεγομένων· ἢ ἐκ τοῦ ζῶον λογικόν, θνητόν, τὸν ἄνθρωπον, ἆρα ἄν σοι ληρεῖν ἐνομίσθην; καὶ πῶς, τὰ σὰ λέγων; οὐ γὰρ τοῦ λέγοντος μᾶλλον οἱ λόγοι, ἢ τοῦ λέγειν συναναγκάζοντος. ὥσπερ οὖν ἐνταῦθα οὐκ ἂν τὰ λεγόμενα μᾶλλον ἐσκόπουν, ἢ τὰ νοούμενα· οὕτως οὐδὲ εἴ τι ἄλλο τῶν μὴ λεγομένων, ἢ μὴ σαφῶς, ἐκ τῆς γραφῆς νοούμενον ηὕρισκον, ἔφυγον ἂν τὴν ἐκφώνησιν, φοβούμενος σὲ τὸν συκοφάντην τῶν ὀνομάτων. οὕτω μὲν οὖν στησόμεθα πρὸς τοὺς ἐξ ἡμισείας εὐγνώμονας. σοὶ γὰρ οὐδὲ τοῦτο ἔξεστι λέγειν. ὁ γὰρ τὰς τοῦ υἱοῦ προσηγορίας οὕτως ἐναργεῖς οὔσας καὶ τοσαύτας ἀρνούμενος, οὐδ’ ἂν ταύτας ᾐδέσθης δῆλον ὅτι, καὶ εἰ πολλῷ σαφεστέρας καὶ πλείους ἐγίνωσκες. ἤδη δὲ καὶ τὴν αἰτίαν δηλώσω τῆς πάσης ἐπικρύψεως, καίπερ σοφοῖς οὖσιν ὑμῖν, βραχύ τι τὸν λόγον ἀναγαγών.

온 세월에 걸쳐 삶의 뚜렷한 변화가 두 차례 있었다. 이것들은 두 언약이라고 불리며, 그 일이 널리 알려졌으므로 땅의 흔들림이라고도 불린다. 하나는 우상들에서 율법으로, 다른 하나는 율법에서 복음으로 바뀐 일이다. 우리는 셋째 흔들림도 선포한다. 여기에서 저기, 다시는 움직이거나 흔들리지 않는 것으로 옮겨 가는 일이다. 두 언약은 같은 일을 겪었다. 무엇인가? 한꺼번에 바뀌지 않았고, 일을 시작한 첫 움직임과 동시에 전부 바뀌지도 않았다. 무슨 까닭인가? 알아야 한다. 우리가 강제당하지 않고 설득받게 하려는 것이다. 비자발적인 것은 오래 유지되지 않기 때문이다. 억지로 붙들어 둔 물줄기나 식물과 같다. 자발적인 것은 더 오래 유지되며 더 안전하다. 강제로 한 일은 강제한 자의 것이고, 자발적으로 한 일은 우리의 것이다. 자발성은 하나님의 너그러움에 속하며, 강제는 폭군의 권력에 속한다. 그러므로 하나님은 원하지 않는 이들에게 선을 강요하기보다, 원하는 이들에게 은혜를 베풀어야 한다고 여기셨다. 이 때문에 교육자와 의사처럼, 조상의 관습들에서 어떤 것은 제거하고 어떤 것은 허용하시며, 즐거운 것을 조금 남겨 두신다. 의사들이 환자에게 하듯, 더 좋은 것들에 약을 섞는 솜씨로 치료를 받아들이게 하려는 것이다. 습관과 오랜 세월로 존중해 온 것들을 바꾸는 일은 쉽지 않기 때문이다. 무엇을 뜻하는가? 첫 언약은 우상들을 없애고 제사들은 허용했다. 둘째 언약은 제사들을 없애고 할례는 금하지 않았다. 그들은 한번 제거를 받아들인 뒤에는 허용된 것도 내놓았다. 앞의 사람들은 제사들을, 뒤의 사람들은 할례를 내놓았다. 이방인들은 유대인이 되었고, 유대인들은 그리스도인이 되었다. 부분적인 변화들을 통해 복음으로 이끌려 왔다. 이 일은 바울이 그대를 설득하게 하라. 그는 할례를 행하고 정결 의식을 지키던 데서 나아가 이렇게 말했다. “형제들이여, 내가 아직 할례를 선포한다면 왜 여전히 박해를 받는가?” 앞의 것은 경륜에 속하며, 뒤의 것은 완성에 속한다.

Δύο γεγόνασι μεταθέσεις βίων ἐπιφανεῖς ἐκ τοῦ παντὸς αἰῶνος, αἳ καὶ δύο διαθῆκαι καλοῦνται, καὶ σεισμοὶ γῆς, διὰ τὸ τοῦ πράγματος περιβόητον· ἡ μὲν ἀπὸ τῶν εἰδώλων ἐπὶ τὸν νόμον, ἡ δὲ ἀπὸ τοῦ νόμου πρὸς τὸ εὐαγγέλιον. καὶ τρίτον σεισμὸν εὐαγγελιζόμεθα, τὴν ἐντεῦθεν ἐπὶ τὰ ἐκεῖσε μετάστασιν, τὰ μηκέτι κινούμενα, μηδὲ σαλευόμενα. ταὐτὸν δὲ αἱ δύο διαθῆκαι πεπόνθασι. τί τοῦτο; οὐκ ἀθρόως μετεκινήθησαν, οὐδὲ ὁμοῦ τῇ πρώτῃ κινήσει τῆς ἐγχειρήσεως. τίνος ἕνεκεν; εἰδέναι γὰρ ἀναγκαῖον ἵνα μὴ βιασθῶμεν, ἀλλὰ πεισθῶμεν. τὸ μὲν γὰρ ἀκούσιον οὐδὲ μόνιμον· ὥσπερ ἃ βίᾳ κατέχεται τῶν ῥευμάτων ἢ τῶν φυτῶν· τὸ δὲ ἑκούσιον μονιμώτερόν τε καὶ ἀσφαλέστερον. καὶ τὸ μὲν τοῦ βιασαμένου, τὸ δὲ ἡμέτερον· καὶ τὸ μὲν ἐπιεικείας θεοῦ, τὸ δὲ τυραννικῆς ἐξουσίας. οὔκουν ᾤετο δεῖν ἄκοντας εὖ ποιεῖν, ἀλλ’ ἑκόντας εὐεργετεῖν. διὰ τοῦτο παιδαγωγικῶς τε καὶ ἰατρικῶς τὸ μὲν ὑφαιρεῖ τῶν πατρίων, τὸ δὲ συγχωρεῖ, μικρόν τι τῶν πρὸς ἡδονὴν ἐνδιδούς· ὥσπερ οἱ ἰατροὶ τοῖς ἀρρωστοῦσιν, ἵνα ἡ φαρμακεία παραδεχθῇ διὰ τῆς τέχνης φαρματτομένη τοῖς χρηστοτέροις. οὐ γὰρ ῥᾴστη τῶν ἐν ἔθει καὶ μακρῷ χρόνῳ τετιμημένων ἡ μετάθεσις. λέγω δὲ τί; ἡ πρώτη τὰ εἴδωλα περικόψασα τὰς θυσίας συνεχώρησεν· ἡ δευτέρα τὰς θυσίας περιελοῦσα τὴν περιτομὴν οὐκ ἐκώλυσεν· εἶτα ὡς ἅπαξ ἐδέξαντο τὴν ὑφαίρεσιν, καὶ τὸ συγχωρηθὲν συνεχώρησαν· οἱ μὲν τὰς θυσίας, οἱ δὲ τὴν περιτομήν· καὶ γεγόνασιν, ἀντὶ μὲν ἐθνῶν, Ἰουδαῖοι· ἀντὶ δὲ τούτων, Χριστιανοί, ταῖς κατὰ μέρος μεταθέσεσι κλαπέντες ἐπὶ τὸ εὐαγγέλιον. πειθέτω σὲ τοῦτο Παῦλος, ἐκ τοῦ περιτέμνειν καὶ ἁγνίζεσθαι προελθὼν ἐπὶ τὸ λέγειν· Ἐγὼ δέ, ἀδελφοί, εἰ περιτομὴν κηρύσσω, τί ἔτι διώκομαι; ἐκεῖνο τῆς οἰκονομίας, τοῦτο τῆς τελειότητος.

나는 신학의 경우를 여기에 비길 수 있다. 다만 반대 방향이라는 점이 다르다. 저기에서는 제거를 통해 바뀌었고, 여기에서는 더함을 통해 완성되기 때문이다. 다음과 같다. 구약은 아버지를 분명히 선포하고, 아들은 더 희미하게 선포했다. 신약은 아들을 드러내고, 성령의 신성을 가리켜 알렸다. 지금은 성령께서 우리 가운데 사시며, 자신을 더 분명하게 알려 주신다. 아버지의 신성이 아직 고백되지 않았는데 아들을 분명히 선포하는 것은 안전하지 않았기 때문이다. 아들의 신성이 받아들여지지 않았는데 성령을 더 얹는 것도 안전하지 않았다. 조금 더 대담하게 말하면, 성령이라는 짐까지 얹는 것이다. 감당할 수 없는 음식에 눌리고, 아직 약한 눈을 햇빛에 들이대어, 감당할 수 있는 것까지 잃을 위험을 피하려는 것이다. 조금씩 더하고, 다윗이 말한 오름을 거치며, 영광에서 영광으로 나아가고 성장함으로써, 삼위일체의 빛이 더 밝아진 이들에게 비치게 하려는 것이다. 이 때문에 성령은 제자들에게도, 받는 이들의 능력에 맞추어 조금씩 찾아오신다고 생각한다. 복음의 시작에, 수난 뒤에, 승천 뒤에 오셔서, 능력들을 이루시고 숨으로 불어넣어지시며, 불 같은 혀들로 나타나신다. 예수께서도 성령을 조금씩 드러내신다. 그대 자신도 더 부지런히 읽으면 알아볼 것이다. “내가 아버지께 구하겠다. 그러면 다른 보혜사, 진리의 영을 너희에게 보내실 것이다”라고 말씀하신다. 하나님을 대적하는 분이나 다른 권한에서 말씀하시는 분처럼 보이지 않게 하려는 것이다. 그다음에는 “보내실 것이다. 그러나 내 이름으로 보내실 것이다”라고 하신다. ‘구하겠다’는 빼고 ‘보내실 것이다’는 유지하셨다. 그다음에는 “내가 보내겠다”라고 하신다. 자신의 존엄이다. 그다음에는 “그분이 오실 것이다”라고 하신다. 성령의 권한이다.

τούτῳ τὸ τῆς θεολογίας εἰκάζειν ἔχω, πλὴν ὅσον ἐκ τῶν ἐναντίων. ἐκεῖ μὲν γὰρ ἐκ τῶν ὑφαιρέσεων ἡ μετάθεσις· ἐνταῦθα δὲ διὰ τῶν προσθηκῶν ἡ τελείωσις. ἔχει γὰρ οὕτως. ἐκήρυσσε φανερῶς ἡ παλαιὰ τὸν πατέρα, τὸν υἱὸν ἀμυδρότερον. ἐφανέρωσεν ἡ καινὴ τὸν υἱόν, ὑπέδειξε τοῦ πνεύματος τὴν θεότητα. ἐμπολιτεύεται νῦν τὸ πνεῦμα, σαφεστέραν ἡμῖν παρέχον τὴν ἑαυτοῦ δήλωσιν. οὐ γὰρ ἦν ἀσφαλές, μήπω τῆς τοῦ πατρὸς θεότητος ὁμολογηθείσης, τὸν υἱὸν ἐκδήλως κηρύττεσθαι· μηδὲ τῆς τοῦ υἱοῦ παραδεχθείσης, τὸ πνεῦμα τὸ ἅγιον, ἵν’ εἴπω τι καὶ τολμηρότερον, ἐπιφορτίζεσθαι· μὴ καθάπερ τροφῇ τῇ ὑπὲρ δύναμιν βαρηθέντες, καὶ ἡλιακῷ φωτὶ σαθροτέραν ἔτι προσβαλόντες τὴν ὄψιν, καὶ εἰς τὸ κατὰ δύναμιν κινδυνεύσωσι· ταῖς δὲ κατὰ μέρος προσθήκαις, καί, ὡς εἶπε Δαβίδ, ἀναβάσεσι, καὶ ἐκ δόξης εἰς δόξαν προόδοις καὶ προκοπαῖς, τὸ τῆς τριάδος φῶς ἐκλάμψῃ τοῖς λαμπροτέροις. διὰ ταύτην, οἶμαι, τὴν αἰτίαν καὶ τοῖς μαθηταῖς κατὰ μέρος ἐπιδημεῖ, τῇ τῶν δεχομένων δυνάμει παραμετρούμενον, ἐν ἀρχῇ τοῦ εὐαγγελίου, μετὰ τὸ πάθος, μετὰ τὴν ἄνοδον, τὰς δυνάμεις ἐπιτελοῦν, ἐμφυσώμενον, ἐν γλώσσαις πυρίναις φαινόμενον. καὶ ὑπὸ Ἰησοῦ κατ’ ὀλίγον ἐκφαίνεται, ὡς ἐπιστήσεις καὶ αὐτὸς ἐντυγχάνων ἐπιμελέστερον· Ἐρωτήσω, φησί, τὸν πατέρα, καὶ ἄλλον παράκλητον πέμψει ὑμῖν, τὸ πνεῦμα τῆς ἀληθείας· ἵνα μὴ ἀντίθεος εἶναι δόξῃ τις, καὶ ὡς ἀπ’ ἄλλης τινὸς ἐξουσίας ποιεῖσθαι τοὺς λόγους. εἶτα, Πέμψει μέν, ἐν δὲ τῷ ὀνόματί μου. τὸ Ἐρωτήσω παρείς, τὸ Πέμψει τετήρηκεν. εἶτα, Πέμψω, τὸ οἰκεῖον ἀξίωμα· εἶτα, Ἥξει, ἡ τοῦ πνεύματος ἐξουσία.

비춤들이 우리에게 조금씩 밝아지는 모습과, 우리도 지키는 것이 좋은 신학의 순서를 보는가? 한꺼번에 드러내지도 말고, 끝까지 감추지도 말라. 한꺼번에 드러내는 것은 지혜롭지 않고, 끝까지 감추는 것은 하나님을 저버리는 일이다. 앞의 것은 바깥의 사람들을 충격에 빠뜨릴 수 있고, 뒤의 것은 우리 사람들을 멀어지게 할 수 있다. 아마 다른 이들도 이미 떠올렸을지 모르지만, 나는 내 생각의 열매라고 여기는 것을 앞서 말한 것에 더하겠다. 제자들은 많은 가르침을 받았지만, 구원자께는 그때 그들이 감당할 수 없다고 하신 어떤 것들이 있었다. 아마 내가 말한 이유들 때문에 그런 것들은 가려져 있었다. 또 성령께서 오시면 우리에게 모든 것을 가르치실 것이라고 하셨다. 나는 그 가운데 하나가 성령의 신성 자체라고 생각한다. 구원자께서 본래의 영광을 회복하신 뒤, 그 지식이 무르익어 받아들일 만해지고 놀라운 일을 더는 의심하지 않게 되었을 때, 나중에 분명히 밝혀진 것이다. 그분이 약속하시거나 성령께서 가르치신 것 가운데 이보다 더 큰 것이 무엇이겠는가? 약속되거나 가르쳐진 것이 크고 하나님의 위엄에 합당해야 한다면 말이다.

Ὁρᾷς φωτισμοὺς κατὰ μέρος ἡμῖν ἐλλάμποντας, καὶ τάξιν θεολογίας, ἣν καὶ ἡμᾶς τηρεῖν ἄμεινον, μήτε ἀθρόως ἐκφαίνοντας, μήτε εἰς τέλος κρύπτοντας. τὸ μὲν γὰρ ἄτεχνον, τὸ δὲ ἄθεον· καὶ τὸ μὲν τοὺς ἀλλοτρίους πλῆξαι δυνάμενον, τὸ δὲ ἀλλοτριῶσαι τοὺς ἡμετέρους. ὃ δὲ ἴσως μὲν ἤδη τισὶν ἦλθεν ἐπὶ νοῦν καὶ τῶν ἄλλων, ἐγὼ δὲ τῆς ἐμαυτοῦ διανοίας ὑπολαμβάνω καρπόν, προσθήσω τοῖς εἰρημένοις. ἦν τινὰ τῷ σωτῆρι, καὶ εἰ πολλῶν ἐνεπίμπλαντο μαθημάτων, ἃ μὴ δύνασθαι τότε βασταχθῆναι τοῖς μαθηταῖς ἐλέγετο, δι’ ἃς εἶπον ἴσως αἰτίας, καὶ διὰ τοῦτο παρεκαλύπτετο· καὶ πάλιν πάντα διδαχθήσεσθαι ἡμᾶς ὑπὸ τοῦ πνεύματος ἐνδημήσαντος. τούτων ἓν εἶναι νομίζω καὶ αὐτὴν τοῦ πνεύματος τὴν θεότητα, τρανουμένην εἰς ὕστερον, ὡς τηνικαῦτα ὡρίμου καὶ χωρητῆς ἤδη τυγχανούσης τῆς γνώσεως, μετὰ τὴν τοῦ σωτῆρος ἀποκατάστασιν, οὐκέτι ἀπιστουμένου τῷ θαύματι. τί γὰρ ἂν τούτου μεῖζον ἢ ἐκεῖνος ὑπέσχετο, ἢ τὸ πνεῦμα ἐδίδαξεν; εἴπερ τι μέγα οἴεσθαι χρή, καὶ θεοῦ μεγαλοπρεπείας ἄξιον, τὸ ὑπισχνούμενον, ἢ τὸ διδασκόμενον.

이 문제에 관한 내 입장은 이렇다. 나와 내 친구들도 이 입장을 지키기를 바란다. 아버지를 하나님으로, 아들을 하나님으로, 성령을 하나님으로 경배하는 것이다. 세 고유한 성질과 하나의 신성을 경배한다. 그 신성은 영광과 존경과 본질과 왕국에서 나뉘지 않는다. 조금 앞서 살던, 하나님을 모신 한 사람이 그렇게 논했다. 이런 입장이 아니거나, 때에 휩쓸려 때마다 다른 사람이 되고 가장 큰 문제들에 허술하게 판단하는 사람은, 성경의 말대로 떠오르는 새벽별과 저기서 오는 밝은 영광을 보지 못하기를 바란다. 성령이 경배받으실 분이 아니라면, 어떻게 세례를 통해 나를 하나님이 되게 하시는가? 경배받으실 분이라면, 어떻게 존귀하지 않으신가? 존귀하시다면, 어떻게 하나님이 아니신가? 하나가 다른 하나에 매달려 있다. 참으로 황금의 사슬이며 구원하는 사슬이다. 우리는 성령에게서 새로 태어남을 얻는다. 새로 태어남에서 다시 빚어짐을 얻는다. 다시 빚어짐에서, 다시 빚으신 분의 존엄을 알아보는 지식을 얻는다.

Ἔχω μὲν οὕτω περὶ τούτων, καὶ ἔχοιμι, καὶ ὅς τις ἐμοὶ φίλος - σέβειν θεὸν τὸν πατέρα, θεὸν τὸν υἱόν, θεὸν τὸ πνεῦμα τὸ ἅγιον, τρεῖς ἰδιότητας, θεότητα μίαν, δόξῃ, καὶ τιμῇ, καὶ οὐσίᾳ, καὶ βασιλείᾳ μὴ μεριζομένην, ὥς τις τῶν μικρῷ πρόσθεν θεοφόρων ἐφιλοσόφησεν· ἢ μὴ ἴδοι ἑωσφόρον ἀνατέλλοντα, ὥς φησιν ἡ γραφή, μηδὲ δόξαν τῆς ἐκεῖθεν λαμπρότητος, ὅς τις οὐχ οὕτως ἔχει, ἢ συμφέρεται τοῖς καιροῖς, ἄλλοτε ἄλλος γινόμενος, καὶ περὶ τῶν μεγίστων σαθρῶς βουλευόμενος. εἰ μὲν γὰρ οὐδὲ προσκυνητόν, πῶς ἐμὲ θεοῖ διὰ τοῦ βαπτίσματος; εἰ δὲ προσκυνητόν, πῶς οὐ σεπτόν; εἰ δὲ σεπτόν, πῶς οὐ θεός; ἓν ἤρτηται τοῦ ἑνός, ἡ χρυσῆ τις ὄντως σειρὰ καὶ σωτήριος. καὶ παρὰ μὲν τοῦ πνεύματος ἡμῖν ἡ ἀναγέννησις· παρὰ δὲ τῆς ἀναγεννήσεως ἡ ἀνάπλασις· παρὰ δὲ τῆς ἀναπλάσεως ἡ ἐπίγνωσις τῆς ἀξίας τοῦ ἀναπλάσαντος.

성경에 기록되지 않았다고 가정하더라도, 이런 말을 할 수 있을 것이다. 그러나 이제 증언들의 무리도 그대에게 올 것이다. 그것들을 통해 성령의 신성이 성경에 매우 분명히 기록되어 있음이, 몹시 우둔하거나 성령에게서 멀리 떨어진 이들이 아닌 사람들에게 드러날 것이다. 이렇게 살펴보라. 그리스도가 태어나신다. 성령께서 앞서 가신다. 그리스도가 세례받으신다. 성령께서 증언하신다. 그리스도가 시험받으신다. 성령께서 이끄신다. 그리스도가 능력들을 행하신다. 성령께서 함께하신다. 그리스도가 올라가신다. 성령께서 뒤를 이으신다. 하나님께서 하시는 큰 일들 가운데 성령께서 하지 못하시는 것이 무엇인가? 태어나지 않으심과 탄생을 제외하고, 하나님께 쓰는 이름들 가운데 성령께 쓰지 않는 것이 무엇인가? 다른 모든 것도 질서와 아름다운 배열로 이끄는 신성 안에 혼동이 없도록, 그 고유한 성질들은 아버지와 아들에게 유지되어야 하기 때문이다. 나는 풍성한 호칭들을 생각하며, 성령을 대적하는 이들이 그 얼마나 많은 이름들을 뻔뻔하게 거스르는지 생각할 때 두려워 떤다. 하나님의 영, 그리스도의 영, 그리스도의 정신, 주님의 영, 주님 자신이라고 불리신다. 자녀로 삼으시는 영, 진리의 영, 자유의 영, 지혜와 이해와 계획과 능력과 지식과 경건과 하나님 경외의 영이라고 불리신다. 이 모든 것을 이루시기 때문이다. 본질로 모든 것을 채우시며, 모든 것을 붙드신다. 본질로 세계를 채우시며, 능력으로는 세계가 담을 수 없는 분이시다. 합의로 정해져서가 아니라 본성상 선하고 올바르며 다스리시는 분이다. 거룩하게 하시되 거룩하게 되시는 분은 아니며, 측정하시되 측정되는 분은 아니시다. 다른 이들은 그분께 참여하되, 그분은 다른 무엇에 참여하지 않으신다. 채우시되 채워지지 않고, 붙드시되 붙들리지 않으신다. 상속으로 받는 분이시며, 영광을 받으시고, 함께 세어지시며, 경고의 근거로 제시되신다. 하나님의 손가락이시며, 하나님처럼 불이시다. 나는 이것이 같은 본질을 드러낸다고 생각한다. 창조하신 영, 세례와 부활을 통해 다시 창조하시는 영이시다. 모든 것을 아시고 가르치시며, 원하시는 곳에 원하시는 만큼 불어오시는 영이시다. 인도하시고 말씀하시고 보내시며 구별하신다. 분노하시며 시험을 받으신다. 계시하시고 비추시며 생명을 주신다. 더 정확히 말하면, 빛 자체이며 생명 자체이시다. 성전을 만드시고 하나님이 되게 하시며 완성하신다. 그래서 세례에 앞서 오시기도 하고, 세례 뒤에 구해지시기도 한다. 하나님께서 하시는 일들을 하시며, 불 같은 혀들로 나뉘시고, 은사들을 나누어 주시며, 사도들과 예언자들과 복음 전하는 이들과 목자들과 교사들을 세우신다. 지성적이며, 여러 방식으로 활동하시고, 분명하고 명료하시며, 막을 수 없고 오염되지 않으신다. 이것은 가장 지혜롭고, 활동이 다양하며, 모든 것을 분명하고 명료하게 하시고, 스스로 권한을 가지며 변하지 않으신다는 뜻과 같다. 모든 능력을 가지시고 모든 것을 돌보시며, 순수하고 매우 섬세한 모든 지성적 영들을 통과하신다. 내 생각에 천사의 권능들과 예언자와 사도의 권능들이 그러하다. 그분은 같은 때에, 서로 다른 장소들에 계신다. 그 권능들은 각각 다른 곳에 배정되어 있다. 이로써 제한받지 않으심이 드러난다.

ταῦτα μὲν οὖν εἴποι τις ἂν τὸ ἄγραφον ὑποθέμενος· ἤδη δὲ ἥξει σοι καὶ ὁ τῶν μαρτυριῶν ἐσμός, ἐξ ὧν, ὅτι καὶ λίαν ἔγγραφος, ἡ τοῦ πνεύματος θεότης ἐπιδειχθήσεται τοῖς μὴ λίαν σκαιοῖς, μηδὲ ἀλλοτρίοις τοῦ πνεύματος. σκόπει δὲ οὕτως· γεννᾶται Χριστός, προτρέχει· βαπτίζεται, μαρτυρεῖ· πειράζεται, ἀνάγει· δυνάμεις ἐπιτελεῖ, συμπαρομαρτεῖ· ἀνέρχεται, διαδέχεται. τί γὰρ οὐ δύναται τῶν μεγάλων, καὶ ὧν θεός; τί δὲ οὐ προσαγορεύεται ὧν θεός, πλὴν ἀγεννησίας καὶ γεννήσεως; ἔδει γὰρ τὰς ἰδιότητας μεῖναι πατρὶ καὶ υἱῷ, ἵνα μὴ σύγχυσις ᾖ παρὰ θεότητι, τῇ καὶ τἄλλα εἰς τάξιν ἀγούσῃ καὶ εὐκοσμίαν. ἐγὼ μὲν φρίττω τὸν πλοῦτον ἐννοῶν τῶν κλήσεων, καὶ καθ’ ὅσων ὀνομάτων ἀναισχυντοῦσιν οἱ τῷ πνεύματι ἀντιπίπτοντες. πνεῦμα θεοῦ λέγεται, πνεῦμα χριστοῦ, νοῦς Χριστοῦ, πνεῦμα κυρίου, αὐτὸ κύριος· πνεῦμα υἱοθεσίας, ἀληθείας, ἐλευθερίας· πνεῦμα σοφίας, συνέσεως, βουλῆς, ἰσχύος, γνώσεως, εὐσεβείας, φόβου θεοῦ· καὶ γὰρ ποιητικὸν τούτων ἁπάντων· πάντα τῇ οὐσίᾳ πληροῦν, πάντα συνέχον· πληρωτικὸν κόσμου κατὰ τὴν οὐσίαν, ἀχώρητον κόσμῳ κατὰ τὴν δύναμιν· ἀγαθόν, εὐθές, ἡγεμονικόν, φύσει οὐ θέσει· ἁγιάζον, οὐχ ἁγιαζόμενον, μετροῦν, οὐ μετρούμενον, μετεχόμενον, οὐ μετέχον, πληροῦν, οὐ πληρούμενον, συνέχον, οὐ συνεχόμενον· κληρονομούμενον, δοξαζόμενον, συναριθμούμενον, ἐπαπειλούμενον· δάκτυλος θεοῦ, πῦρ ὡς θεός, εἰς ἔμφασιν, οἶμαι, τοῦ ὁμοουσίου· πνεῦμα τὸ ποιῆσαν, τὸ ἀνακτίζον διὰ βαπτίσματος, δι’ ἀναστάσεως· πνεῦμα τὸ γινῶσκον ἅπαντα, τὸ διδάσκον, τὸ πνέον ὅπου θέλει καὶ ὅσον, ὁδηγοῦν, λαλοῦν, ἀποστέλλον, ἀφορίζον, παροξυνόμενον, πειραζόμενον· ἀποκαλυπτικόν, φωτιστικόν, ζωτικόν, μᾶλλον δὲ αὐτοφῶς καὶ ζωή· ναοποιοῦν, θεοποιοῦν, τελειοῦν, ὥστε καὶ προλαμβάνειν τὸ βάπτισμα, καὶ ἐπιζητεῖσθαι μετὰ τὸ βάπτισμα· ἐνεργοῦν ὅσα θεός, μεριζόμενον ἐν γλώσσαις πυρίναις, διαιροῦν χαρίσματα, ποιοῦν ἀποστόλους, προφήτας, εὐαγγελιστάς, ποιμένας, καὶ διδασκάλους· νοερόν, πολυμερές, σαφές, τρανόν, ἀκώλυτον, ἀμόλυντον· ᾧπερ ἴσον δύναται τὸ σοφώτατον καὶ πολύτροπον ταῖς ἐνεργείαις, καὶ σαφηνιστικὸν πάντων, καὶ τρανωτικόν, καὶ αὐτεξούσιον καὶ ἀναλλοίωτον· παντοδύναμον, παντεπίσκοπον, διὰ πάντων χωροῦν πνευμάτων νοερῶν, καθαρῶν, λεπτοτάτων, ἀγγελικῶν, οἶμαι, δυνάμεων, ὥσπερ καὶ προφητικῶν καὶ ἀποστολικῶν, κατὰ ταὐτό, καὶ οὐκ ἐν τοῖς αὐτοῖς τόποις, ἄλλων δὲ ἀλλαχοῦ νενεμημένων, ᾧ δηλοῦται τὸ ἀπερίγραπτον.

이것들을 말하고 가르치며, 다른 하나님이라는 뜻으로 다른 보혜사라고도 부르는 이들, 성령에 대한 모독만은 용서받지 못함을 아는 이들, 성령을 속였으므로 인간이 아닌 하나님을 속인 것이라 하여 아나니아와 사피라를 그토록 두렵게 책망한 이들은, 그대가 보기에 성령을 하나님이라고 선포하는가, 다른 무엇이라고 선포하는가? 이것을 몰라서 가르칠 사람이 필요하다면, 그대는 참으로 둔하며 성령에게서 멀리 떨어져 있다. 그러므로 호칭들은 이렇게 많으며, 이토록 살아 있다. 각 표현에 관한 증언들을 그대에게 나열할 필요가 무엇인가? 여기에서도 더 낮게 말하는 것들이 있다. 주어지심, 보내심을 받으심, 나뉘심, 은사, 선물, 불어넣으심, 약속, 간구, 그 밖에 이런 것들이다. 각각 말하지 않도록, 이것들은 첫째 원인에게 돌려야 한다. 누구에게서 계신지를 밝히며, 나뉜 세 근원을 여러 신처럼 받아들이지 않게 하려는 것이다. 사벨리오스처럼 한 위격으로 합치는 것과, 아레이오스처럼 여러 본성으로 갈라놓는 것은 불경에서 같다.

Οἱ ταῦτα λέγοντες καὶ διδάσκοντες, καὶ πρός γε ἄλλον παράκλητον, οἷον ἄλλον θεόν, ὀνομάζοντες, οἱ τὴν εἰς αὐτὸ βλασφημίαν μόνην εἰδότες ἀσυγχώρητον, οἱ τὸν Ἀνανίαν καὶ τὴν Σάπφειραν οὕτω φοβερῶς στηλιτεύσαντες, ἐπειδὴ ἐψεύσαντο τὸ πνεῦμα τὸ ἅγιον, ὡς θεὸν ψευσαμένους, οὐκ ἄνθρωπον· οὗτοι τί σοι δοκοῦσι, πότερον θεὸν τὸ πνεῦμα κηρύσσειν, ἢ ἄλλο τι; ὡς λίαν ὄντως παχύς τις εἰ, καὶ πόρρω τοῦ πνεύματος, εἰ τοῦτο ἀπορεῖς, καὶ δέῃ τοῦ διδάξοντος. αἱ μὲν οὖν κλήσεις τοσαῦται καὶ οὕτως ἔμψυχοι. τί γὰρ δεῖ σοι τὰς ἐπὶ τῶν ῥημάτων μαρτυρίας παρατίθεσθαι; ὅσα δὲ κἀνταῦθα λέγεται ταπεινότερον, τὸ δίδοσθαι, τὸ ἀποστέλλεσθαι, τὸ μερίζεσθαι, τὸ χάρισμα, τὸ δώρημα, τὸ ἐμφύσημα, ἡ ἐπαγγελία, ἡ ὑπερέντευξις, εἴτε τι ἄλλο τοιοῦτον, ἵνα μὴ καθ’ ἕκαστον λέγω, ἐπὶ τὴν πρώτην αἰτίαν ἀνενεκτέον, ἵνα τὸ ἐξ οὗ δειχθῇ, καὶ μὴ τρεῖς ἀρχαὶ μεμερισμέναι πολυθέως παραδεχθῶσιν. ἴσον γὰρ εἰς ἀσέβειαν, καὶ Σαβελλίως συνάψαι, καὶ Ἀρειανῶς διαστῆσαι, τὸ μὲν τῷ προσώπῳ, τὸ δὲ ταῖς φύσεσιν.

나는 정신의 탐구심으로 혼자 많은 것을 살피고, 사방에서 논증을 바로잡으며, 이토록 큰 실재의 어떤 형상을 찾았다. 그러나 아래의 것들 가운데 무엇과 신적 본성을 비교해야 할지 찾지 못했다. 작은 닮음이라도 발견하면, 더 큰 부분이 벗어나 버리고 나를 그 비유와 함께 아래에 남겨 두기 때문이다. 다른 이들도 그랬듯, 나는 샘구멍과 샘과 강을 생각했다. 아버지는 샘구멍, 아들은 샘, 성령은 강에 각각 대응할 수 있지 않을까 생각했다. 이것들은 시간으로 나뉘지 않고, 이어져 있으므로 서로 떨어져 있지도 않다. 세 고유한 성질로 나뉘는 듯 보여도 그렇다. 그러나 나는 먼저, 머무름 없는 어떤 신성의 흐름을 받아들이게 될까 두려웠다. 다음으로, 이 비유 때문에 수로 하나인 존재를 끌어들이게 될까 두려웠다. 샘구멍과 샘과 강은 서로 다른 모습으로 나타날 뿐, 수로는 하나이기 때문이다.

Ὡς ἔγωγε πολλὰ διασκεψάμενος πρὸς ἐμαυτὸν τῇ φιλοπραγμοσύνῃ τοῦ νοῦ, καὶ πανταχόθεν τὸν λόγον εὐθύνας, καὶ ζητῶν εἰκόνα τινὰ τοῦ τοσούτου πράγματος, οὐκ ἔσχον ᾧ τινὶ χρὴ τῶν κάτω τὴν θείαν φύσιν παραβαλεῖν. κἂν γὰρ μικρά τις ὁμοίωσις εὑρεθῇ, φεύγει τὸ πλεῖον, ἀφέν με κάτω μετὰ τοῦ ὑποδείγματος. ὀφθαλμόν τινα, καὶ πηγήν, καὶ ποταμὸν ἐνενόησα, καὶ γὰρ καὶ ἄλλοι, μὴ τῷ μὲν ὁ πατήρ, τῇ δὲ ὁ υἱός, τῷ δὲ τὸ πνεῦμα τὸ ἅγιον ἀναλόγως ἔχῃ. ταῦτα γὰρ οὔτε χρόνῳ διέστηκεν, οὔτε ἀλλήλων ἀπέρρηκται τῇ συνεχείᾳ· κἂν δοκεῖ πὼς τρισὶν ἰδιότησι τέμνεσθαι. ἀλλ’ ἔδεισα, πρῶτον μὲν ῥύσιν τινὰ θεότητος παραδέξασθαι στάσιν οὐκ ἔχουσαν· δεύτερον δὲ μὴ τὸ ἓν τῷ ἀριθμῷ διὰ τῆς εἰκασίας ταύτης εἰσάγηται. ὀφθαλμὸς γάρ, καὶ πηγή, καὶ ποταμὸς ἕν ἐστιν ἀριθμῷ, διαφόρως σχηματιζόμενα.

다시 해와 빛줄기와 빛을 생각했다. 그러나 여기에도 두려움이 있다. 먼저, 해와 해 안의 것들처럼 합성되지 않은 본성이 어떤 합성으로 생각될까 두렵다. 다음으로, 아버지만 본질을 지닌 분으로 세우고, 다른 두 분은 스스로 존재하는 분으로 세우지 않을까 두렵다. 하나님 안에 있는 능력들로만 삼고 스스로 존재하는 분들로 삼지 않을까 두렵다. 빛줄기와 빛은 다른 해가 아니며, 해에서 나오는 어떤 흐름과 본질의 성질들이기 때문이다. 그렇게 비유를 따라 하나님께 존재하심과 존재하지 않으심을 동시에 적용할까 두렵다. 이것은 앞서 말한 것들보다 더 불합리하다. 다음과 같은 설명을 제시하는 이의 말도 들었다. 햇빛의 반짝임이 벽에 비친다는 것이다. 물의 움직임에 따라 떨리는 그 반짝임을, 빛줄기가 받아 중간의 공기를 통과한다. 그다음 단단한 물체에 가로막혀, 놀라운 떨림이 된다. 그것은 많고 잦은 움직임으로 뛰논다. 합쳐지고 갈라지는 속도 때문에, 하나이기보다는 여럿이지도 않고, 여럿이기보다는 하나이지도 않다. 눈에 붙잡히기 전에 달아난다.

Πάλιν ἥλιον ἐνεθυμήθην, καὶ ἀκτῖνα, καὶ φῶς. ἀλλὰ κἀνταῦθα δέος, πρῶτον μὲν μὴ σύνθεσίς τις ἐπινοῆται τῆς ἀσυνθέτου φύσεως, ὥσπερ ἡλίου καὶ τῶν ἐν ἡλίῳ· δεύτερον δὲ μὴ τὸν πατέρα μὲν οὐσιώσωμεν, τἄλλα δὲ μὴ ὑποστήσωμεν, ἀλλὰ δυνάμεις θεοῦ ποιήσωμεν ἐνυπαρχούσας, οὐχ ὑφεστώσας, - οὔτε γὰρ ἀκτίς, οὔτε φῶς, ἄλλος ἥλιος, ἀλλ’ ἡλιακαί τινες ἀπόρροιαι, καὶ ποιότητες οὐσιώδεις - καὶ ἅμα τὸ εἶναι καὶ τὸ μὴ εἶναι τῷ θεῷ δῶμεν ἐν τούτοις, ὅσον ἐκ τοῦ ὑποδείγματος, ὃ καὶ τῶν εἰρημένων ἀτοπώτερον. ἤκουσα δέ τινος καὶ τοιοῦτον ὑπογράφοντος λόγον, - μαρμαρυγήν τινα ἡλιακὴν τοίχῳ προσαστράπτουσαν, καὶ περιτρέμουσαν ἐξ ὑδάτων κινήσεως, ἣν ἡ ἀκτὶς ὑπολαβοῦσα διὰ τοῦ ἐν μέσῳ ἀέρος, εἶτα σχεθεῖσα τῷ ἀντιτύπῳ, παλμὸς ἐγένετο καὶ παράδοξος. ἄττει γὰρ πολλαῖς καὶ πυκναῖς ταῖς κινήσεσιν, οὐχ ἓν οὖσα μᾶλλον ἢ πολλά, οὐδὲ πολλὰ μᾶλλον ἢ ἕν, τῷ τάχει τῆς συνόδου καὶ τῆς διαστάσεως, πρὶν ὄψει κρατηθῆναι, διαδιδράσκουσα.

그러나 나는 이것도 받아들일 수 없다. 먼저, 그 반짝임을 움직인 것은 아주 분명하다. 그러나 하나님보다 앞선 것은 아무것도 없어서, 그분을 움직인 어떤 것도 있을 수 없다. 그분 자신이 모든 것의 원인이시며, 더 앞선 원인을 가지시지 않기 때문이다. 다음으로, 여기에도 같은 생각들, 곧 합성과 흐름, 안정되지 않고 굳건하지 않은 본성이라는 생각이 있다. 이 가운데 어느 것도 신성에 관하여 생각해서는 안 된다. 전체적으로 보면, 비유들에서 떠오르는 것을 살펴도 내 생각을 안정되게 붙잡아 주는 것은 아무것도 없다. 다만 누군가 분별 있게 비유의 한 부분만 받아들이고 나머지는 버린다면 다르다. 그러므로 마침내 나는 형상들과 그림자들을 떠나보내는 것이 가장 좋겠다고 생각했다. 그것들은 오해를 일으키며 진리에서 매우 멀리 떨어져 있기 때문이다. 나는 더 경건한 생각을 붙들고, 적은 말들에 머물며, 성령을 안내자로 삼고, 거기에서 받은 비춤을 끝까지 지키면서, 그 빛을 참된 벗과 동반자로 삼아 이 시대를 지나가기로 했다. 또 힘을 다해 다른 이들도 아버지와 아들과 성령, 곧 하나의 신성과 능력께 경배하도록 설득하기로 했다. 모든 영광과 존경과 권능이 그분께 영원토록 있기를. 아멘.

Ἀλλ’ οὐδὲ τοῦτο θέσθαι δυνατὸν ἐμοί, δι’ ἓν μέν, ὅτι τὴν μὲν τὸ κινῆσαν καὶ πάνυ δῆλον· θεοῦ δὲ οὐδὲν πρεσβύτερον, ἵν’ ᾖ τι τὸ τοῦτον κεκινηκός. αὐτὸς μὲν γὰρ πάντων αἰτία, αἰτίαν δὲ πρεσβυτέραν οὐκ ἔχει. δεύτερον δέ, ὅτι κἀνταῦθα τῶν αὐτῶν ὑπόνοια, συνθέσεως, χύσεως, ἀστάτου καὶ οὐ παγίας φύσεως, ὧν οὐδὲν ἐννοητέον περὶ θεότητος. καὶ ὅλως οὐδὲν ἔστιν ὅ μοι τὴν διάνοιαν ἵστησιν ἐπὶ τῶν ὑποδειγμάτων θεωροῦντι τὸ φανταζόμενον, πλὴν εἴ τις ἕν τι λαβὼν τῆς εἰκόνος, ὑπ’ εὐγνωμοσύνης τὰ λοιπὰ ῥίψειε. τέλος οὖν ἔδοξέ μοι κράτιστον εἶναι τὰς μὲν εἰκόνας χαίρειν ἐᾶσαι καὶ τὰς σκιάς, ὡς ἀπατηλὰς καὶ τῆς ἀληθείας πλεῖστον ἀποδεούσας, αὐτὸν δὲ τῆς εὐσεβεστέρας ἐννοίας ἐχόμενον, ἐπ’ ὀλίγων ῥημάτων ἱστάμενον, ὁδηγῷ τῷ πνεύματι χρώμενον, ἣν ἐντεῦθεν ἔλλαμψιν ἐδεξάμην, ταύτην εἰς τέλος διαφυλάσσοντα, ὡς γνησίαν κοινωνὸν καὶ συνόμιλον, τὸν αἰῶνα τοῦτον διαπορεύεσθαι διατέμνοντα, καὶ τοὺς ἄλλους πείθειν εἰς δύναμιν προσκυνεῖν πατέρα, καὶ υἱόν, καὶ πνεῦμα ἅγιον, τὴν μίαν θεότητά τε καὶ δύναμιν· ὅτι αὐτῷ πᾶσα δόξα, τιμή, κράτος, εἰς τοὺς αἰῶνας τῶν αἰώνων· Ἀμήν.