제1신학강론 (제27강론)

이 말은 말솜씨를 뽐내는 이들에게 하는 말이다. 성경의 말씀으로 시작하겠다. “보라, 교만한 자야, 내가 너를 대적한다.” 그렇다. 분명 그런 사람들이 있다. 우리의 말을 두고 귀와 혀가 근질거리는 사람들, 이제는 내가 보기에 손까지 근질거리는 사람들이 있다. 그들은 속되고 헛된 말, 거짓으로 지식이라 불리는 것의 반론, 아무 유익도 낳지 못하는 말다툼을 즐긴다. 바울은 간결한 말씀을 선포하고 확증하는 사람이자 어부들의 제자요 스승으로서, 지나치고 쓸데없이 복잡한 말을 모두 그렇게 부른다. 내가 지금 말하는 이 사람들은 고상하고 훌륭한 말을 구사하는 데 혀가 그토록 날렵하고 능숙한 만큼, 행동에도 조금이나마 마음을 쏟았으면 좋겠다. 그러면 아마 기이하고 놀라운 궤변가와 말의 곡예사가 되는 일도 좀 줄어들 것이다. 우스운 일을 두고 나도 좀 우습게 말해 본 것이다.

Πρὸς τοὺς ἐν λόγῳ κομψοὺς ὁ λόγος. καὶ ἵνα ἀπὸ τῆς γραφῆς ἄρξωμαι· Ἴδου ἐγὼ ἐπὶ σὲ τὴν ὑβρίστριαν. εἰσὶ γάρ, εἰσί τινες, οἱ τὴν ἀκοὴν προσκνώμενοι καὶ τὴν γλῶσσαν, ἤδη δέ, ὡς ὁρῶ, καὶ τὴν χεῖρα, τοῖς ἡμετέροις λόγοις, καὶ χαίροντες ταῖς βεβήλοις κενοφωνίαις, καὶ ἀντιθέσεσι τῆς ψευδωνύμου γνώσεως, καὶ ταῖς εἰς οὐδὲν χρήσιμον φερούσαις λογομαχίαις. οὕτω γὰρ ὁ Παῦλος καλεῖ πᾶν τὸ ἐν λόγῳ περιττὸν καὶ περίεργον, ὁ τοῦ συντετμημένου λόγου κῆρυξ καὶ βεβαιωτής, ὁ τῶν ἁλιέων μαθητὴς καὶ διδάσκαλος. οὗτοι δέ, περὶ ὧν ὁ λόγος, εἴθε μέν, ὥσπερ τὴν γλῶσσαν εὔστροφον ἔχουσι καὶ δεινὴν ἐπιθέσθαι λόγοις εὐγενεστέροις τε καὶ δοκιμωτέροις, οὕτω τι καὶ περὶ τὰς πράξεις ἠσχολοῦντο μικρὸν γοῦν, καὶ ἴσως ἧττον ἂν ἦσαν σοφισταὶ καὶ κυβισταὶ λόγων ἄτοποι καὶ παράδοξοι, ἵν εἴπω τι καὶ γελοίως περὶ γελοίου πράγματος.

그들은 경건에 이르는 모든 길을 무너뜨리고 오직 한 가지에만 눈을 돌린다. 제기된 문제 가운데 무엇을 얽어매고 무엇을 풀어낼 것인가 하는 일이다. 이는 극장에서 씨름 기술을 구경거리로 내보이는 사람들과 같다. 경기 규칙에 따라 승리를 얻는 기술보다는 그런 일에 무지한 이들의 눈을 속이고 갈채를 낚아채는 기술을 내보이는 것이다. 그래서 어느 시장이나 그들의 말로 시끄러워야 하고, 어느 잔치나 수다와 지겨움에 시달려야 한다. 어느 축제든, 어느 애도의 자리든 마찬가지다. 축제는 축제다움을 잃고 침울함으로 가득하며, 슬픔은 논쟁이라는 더 큰 재난을 위안으로 받는다. 소박한 생활에 익숙한 여성들의 방마저 소란에 시달리고, 말을 서두르는 통에 수줍음의 꽃을 빼앗긴다. 형편이 이렇고, 이 폐해를 억제할 수도 견딜 수도 없으며, 우리의 위대한 신비가 잔재주로 전락할 위험에 놓여 있다. 자, 우리를 엿보는 이들이여, 우리는 아버지의 마음으로 움직이며, 거룩한 예레미야의 말처럼 속이 찢어지는 아픔을 겪고 있다. 적어도 이런 우리의 말만큼은 거칠게 물리치지 말고 받아 주기를 바란다. 할 수만 있다면 잠시 혀를 멈추고 우리에게 귀를 기울여 주기 바란다. 어느 쪽이든 그대들은 손해 볼 것이 없다. 우리가 듣는 이들의 귀에 말을 전했다면, 이 말은 어떤 열매를 맺었을 것이고, 그 열매는 그대들의 유익이다. 씨 뿌리는 이는 모든 마음에 말씀을 뿌리지만, 열매를 맺는 것은 좋고 기름진 마음이기 때문이다. 그렇지 않다면 그대들은 우리의 이 말까지 비웃고 떠나면서 우리를 반박하고 욕할 재료를 더 많이 얻을 것이니, 한층 더 흡족하게 즐길 수 있을 것이다. 놀라지 말라. 내가 뜻밖의 말을 하고 그대들의 방식과 다르게 말하더라도 말이다. 그대들은 모든 것을 알고 가르칠 수 있다고 참으로 씩씩하고 용감하게 공언한다. 무지하고 뻔뻔하다고 말해 그대들의 마음을 상하게 하고 싶지는 않다.

Ἐπεὶ δὲ πᾶσαν εὐσεβείας ὁδὸν καταλύσαντες πρὸς ἓν τοῦτο βλέπουσι μόνον, ὅ τι δήσουσιν ἢ λύσουσι τῶν προβαλλομένων, - καθάπερ ἐν τοῖς θεάτροις οἱ τὰ παλαίσματα δημοσιεύοντες, καὶ τῶν παλαισμάτων οὐχ ὅσα πρὸς νίκην φέρει κατὰ νόμους ἀθλήσεως, ἀλλ’ ὅσα τὴν ὄψιν κλέπτει τῶν ἀμαθῶν τὰ τοιαῦτα καὶ συναρπάζει τὸν ἐπαινέτην, - καὶ δεῖ πᾶσαν μὲν ἀγορὰν περιβομβεῖσθαι τοῖς τούτων λόγοις, πᾶν δὲ συμπόσιον ἀποκναίεσθαι φλυαρίᾳ καὶ ἀηδίᾳ, πᾶσαν δὲ ἑορτὴν καὶ πένθος ἅπαν, τὴν μὲν ἀνέορτον εἶναι καὶ μεστὴν κατηφείας, τὸ δὲ παραμυθεῖσθαι συμφορᾷ μείζονι τοῖς ζητήμασι, πᾶσαν δὲ διοχλεῖσθαι γυναικωνῖτιν, ἁπλότητι σύντροφον, καὶ τὸ τῆς αἰδοῦς ἄνθος ἀποσυλᾶσθαι τῇ περὶ λόγον ταχύτητι· ἐπειδὴ ταῦτα οὕτω, καὶ τὸ κακὸν ἄσχετον καὶ ἀφόρητον, καὶ κινδυνεύει τεχνύδριον εἶναι τὸ μέγα ἡμῶν μυστήριον· φέρε, τοσοῦτον γοῦν ἡμῶν ἀνασχέσθωσαν οἱ κατάσκοποι σπλάγχνοις πατρικοῖς κινουμένων καί, ὅ φησιν ὁ θεῖος Ἱερεμίας, σπαρασσομένων τὰ αἰσθητήρια, ὅσον μὴ τραχέως τὸν περὶ τούτων δέξασθαι λόγον, καὶ τὴν γλῶσσαν μικρὸν ἐπισχόντες, ἂν ἄρα καὶ δύνωνται, τὴν ἀκοὴν ἡμῖν ὑποθέτωσαν. πάντως δὲ οὐδὲν ζημιωθήσεσθε. ἢ γὰρ εἰς ὦτα ἐλαλήσαμεν ἀκουόντων, καί τινα καρπὸν ἔσχεν ὁ λόγος, τὴν ὠφέλειαν τὴν ὑμετέραν, - ἐπειδὴ σπείρει μὲν ὁ σπείρων τὸν λόγον ἐπὶ πᾶσαν διάνοιαν, καρποφορεῖ δὲ ἡ καλή τε καὶ γόνιμος, - ἢ ἀπήλθετε καὶ τοῦτο ἡμῶν διαπτύσαντες, καὶ πλείονα λαβόντες ὕλην ἀντιλογίας τε καὶ τῆς καθ’ ἡμῶν λοιδορίας, ἵνα καὶ μᾶλλον ὑμᾶς αὐτοὺς ἑστιάσητε. μὴ θαυμάσητε δέ, εἰ παράδοξον ἐρῶ λόγον, καὶ παρὰ τὸν ὑμέτερον νόμον, οἳ πάντα εἰδέναι τε καὶ διδάσκειν ὑπισχνεῖσθε λίαν νεανικῶς καὶ γενναίως, ἵνα μὴ λυπῶ λέγων ἀμαθῶς καὶ θρασέως.

그대들이여, 하나님에 관해 논하는 일은 아무나 할 수 있는 일이 아니다. 아무나 할 수 있는 일이 아니다. 그렇게 값싼 일도, 땅바닥을 기어 다니는 사람들의 일도 아니다. 덧붙여 말하겠다. 언제나 해도 되는 일도, 누구에게나 해도 되는 일도, 무엇이든 말해도 되는 일도 아니다. 알맞은 때가 있고, 알맞은 상대가 있으며, 알맞은 범위가 있다. 아무나 할 수 없다는 것은, 이 일이 시험을 거치고 관조에 이른 사람들, 그에 앞서 영혼과 몸을 깨끗하게 한 사람들, 적어도 자신을 깨끗하게 하고 있는 사람들에게 속하기 때문이다. 깨끗하지 않은 사람이 깨끗한 것에 접하는 일은 아마 안전하지도 않을 것이다. 병든 눈으로 햇빛을 바라보는 일이 그러하듯이 말이다. 그러면 언제인가? 바깥의 진흙과 소란에서 벗어나 고요히 머무를 때, 해롭고 떠도는 인상들이 우리 마음의 중심을 어지럽히지 않을 때이다. 그런 혼란은 아름다운 글씨에 나쁜 글씨를 섞거나 향유의 향기에 진흙을 섞는 것과 같다. 우리는 참으로 고요히 머물러 하나님을 알아야 하며, 알맞은 때를 얻었을 때 신학의 올바름을 판단해야 한다. 그러면 누구에게 말해야 하는가? 이 일을 진지하게 받아들이는 사람들에게 말해야 한다. 경마, 극장, 노래, 먹고 마시는 일, 성욕에 관한 이야기 뒤에 이것까지 여느 화젯거리처럼 즐겁게 떠벌리는 사람들에게 할 일은 아니다. 이런 문제를 놓고 수다를 떨고 교묘한 반론을 꾸미는 일도 그들에게는 향락의 일부이다. 무엇을 논해야 하며, 어디까지 논해야 하는가? 우리가 닿을 수 있는 것을, 듣는 이의 준비와 능력이 미치는 데까지 논해야 한다. 지나치게 큰 소리나 지나치게 많은 음식은 귀와 몸을 해친다. 다른 예를 더 들자면, 힘에 부치는 짐은 그것을 지는 사람을 해치고, 너무 거센 비는 땅을 해친다. 마찬가지로 듣는 이들도 단단한 말에, 이렇게 표현해도 좋다면, 짓눌리고 짐을 져서 본래 지녔던 능력마저 손상되는 일이 없어야 한다.

Οὐ παντός, ὦ οὗτοι, τὸ περὶ θεοῦ φιλοσοφεῖν, οὐ παντός· οὐχ οὕτω τὸ πρᾶγμα εὔωνον καὶ τῶν χαμαὶ ἐρχομένων. προσθήσω δέ, οὐδὲ πάντοτε, οὐδὲ πᾶσιν, οὐδὲ πάντα, ἀλλ’ ἔστιν ὅτε, καὶ οἷς, καὶ ἐφ’ ὅσον. οὐ πάντων μέν, ὅτι τῶν ἐξητασμένων καὶ διαβεβηκότων ἐν θεωρίᾳ, καὶ πρὸ τούτων καὶ ψυχὴν καὶ σῶμα κεκαθαρμένων, ἢ καθαιρομένων, τὸ μετριώτατον. μὴ καθαρῷ γὰρ ἅπτεσθαι καθαροῦ τυχὸν οὐδὲ ἀσφαλές, ὥσπερ οὐδὲ ὄψει σαθρᾷ ἡλιακῆς ἀκτῖνος. ὅτε δέ; ἡνίκα ἂν σχολὴν ἄγωμεν ἀπὸ τῆς ἔξωθεν ἰλύος καὶ ταραχῆς, καὶ μὴ τὸ ἡγεμονικὸν ἡμῶν συγχέηται τοῖς μοχθηροῖς τύποις καὶ πλανωμένοις, οἷον γράμμασι πονηροῖς ἀναμιγνύντων κάλλη γραμμάτων, ἢ βορβόρῳ μύρων εὐωδίαν. δεῖ γὰρ τῷ ὄντι σχολάσαι, καὶ γνῶναι θεόν· καὶ ὅταν λάβωμεν καιρόν, κρίνειν θεολογίας εὐθύτητα. τίσι δέ; οἷς τὸ πρᾶγμα διὰ σπουδῆς, καὶ οὐχ ὡς ἕν τι τῶν ἄλλων καὶ τοῦτο φλυαρεῖται ἡδέως, μετὰ τοὺς ἱππικούς, καὶ τὰ θέατρα, καὶ τὰ ᾄσματα, καὶ τὴν γαστέρα, καὶ τὰ ὑπὸ γαστέρα· οἷς καὶ τοῦτο μέρος τρυφῆς, ἡ περὶ ταῦτα ἐρεσχελία καὶ κομψεία τῶν ἀντιθέσεων. τίνα δὲ φιλοσοφητέον, καὶ ἐπὶ πόσον; ὅσα ἡμῖν ἐφικτά, καὶ ἐφ’ ὅσον ἡ τοῦ ἀκούοντος ἕξις ἐφικνεῖται καὶ δύναμις· ἵνα μὴ καθάπερ αἱ ὑπερβάλλουσαι τῶν φωνῶν, ἢ τῶν τροφῶν, τὴν ἀκοὴν βλάπτουσιν ἢ τὰ σώματα, - εἰ βούλει δέ, τῶν φορτίων τὰ ὑπὲρ δύναμιν τοὺς ὑποβαίνοντας, ἢ τὴν γῆν τῶν ὑετῶν οἱ σφοδρότεροι, - οὕτω δὴ καὶ οὗτοι τοῖς στερροῖς, ἵν οὕτως εἴπω, τῶν λόγων καταπιεσθέντες καὶ βαρυνθέντες ζημιωθεῖεν καὶ εἰς τὴν ἀρχαίαν δύναμιν.

이것은 하나님을 늘 기억해서는 안 된다는 말이 아니다. 무슨 일이든 가볍고 성급하게 받아들이는 이들이 또다시 우리에게 달려들지 않기를 바란다. 우리는 숨 쉬는 것보다 더 자주 하나님을 기억해야 한다. 이런 말까지 할 수 있다면, 오직 이 일만 해야 한다. 나 역시 다음 말씀들을 기리는 사람이다. 밤낮으로 묵상하라는 말씀, 저녁과 아침과 한낮에 이야기하라는 말씀, 언제나 주님을 찬송하라는 말씀이다. 모세의 말도 덧붙이자면, 누울 때나 일어날 때나 길을 갈 때나 그 밖에 무슨 일을 하든, 하나님을 기억함으로써 깨끗하게 빚어져야 한다. 그러므로 내가 제지하는 것은 끊임없이 하나님을 기억하는 일이 아니라 끊임없이 신학을 논하는 일이다. 신학 자체를 불경한 일이라 하여 제지하는 것이 아니라 때에 맞지 않는 것을 제지하며, 가르치는 일을 제지하는 것이 아니라 도를 넘는 것을 제지한다. 꿀도 꿀이지만, 배불리 지나치게 먹으면 토하게 된다. 솔로몬도 나도 생각하듯이, 모든 일에는 때가 있다. 좋은 방식으로 행하지 않으면 좋은 것도 좋지 않게 된다. 겨울에 핀 꽃은 철에 전혀 맞지 않고, 여자가 남자의 장식을 하거나 남자가 여자의 장식을 하는 것도, 상중에 기하학을 논하는 것도, 술자리에서 눈물을 흘리는 것도 그러하다. 알맞은 때를 가장 존중해야 할 이 일에서만 때를 무시하겠는가?

Καὶ οὐ λέγω τοῦτο μὴ δεῖν πάντοτε μεμνῆσθαι θεοῦ. μὴ πάλιν ἐπιφυέσθωσαν ἡμῖν οἱ πάντα εὔκολοι καὶ ταχεῖς. μνημονευτέον γὰρ θεοῦ μᾶλλον ἢ ἀναπνευστέον· καί, εἰ οἷόν τε τοῦτο εἰπεῖν, μηδὲ ἄλλο τι ἢ τοῦτο πρακτέον. κἀγὼ τῶν ἐπαινούντων εἰμὶ τὸν λόγον, ὃς μελετᾷν ἡμέρας καὶ νυκτὸς διακελεύεται, καὶ ἑσπέρας καὶ πρωὶ καὶ μεσημβρίας διηγεῖσθαι, καὶ εὐλογεῖν τὸν κύριον ἐν παντὶ καιρῷ· εἰ δεῖ καὶ τὸ Μωυσέως εἰπεῖν, κοιταζόμενον, διανιστάμενον, ὁδοιποροῦντα, ὅ τι οὖν ἄλλο πράττοντα, καὶ τῇ μνήμῃ τυποῦσθαι πρὸς καθαρότητα. ὥστε οὐ τὸ μεμνῆσθαι διηνεκῶς κωλύω, τὸ θεολογεῖν δέ· οὐδὲ τὴν θεολογίαν, ὥσπερ ἀσεβές, ἀλλὰ τὴν ἀκαιρίαν· οὐδὲ τὴν διδασκαλίαν, ἀλλὰ τὴν ἀμετρίαν. ἢ μέλιτος μὲν πλησμονὴ καὶ κόρος ἔμετον ἐργάζεται, καίπερ ὄντος μέλιτος, καὶ καιρὸς τῷ παντὶ πράγματι, ὡς Σολομῶντι κἀμοὶ δοκεῖ, καὶ τὸ καλὸν οὐ καλόν, ὅταν μὴ καλῶς γίνηται, ὥσπερ ἄνθος ἐν χειμῶνι παντελῶς ἄωρον, καὶ γυναιξὶ κόσμος ἀνδρεῖος, ἢ γυναικεῖος ἀνδράσι, καὶ πένθει γεωμετρία, καὶ πότῳ δάκρυον, ἐνταῦθα δὲ μόνον τὸν καιρὸν ἀτιμάσομεν, οὗ μάλιστα τιμητέον τὸ εὔκαιρον;

벗들이여, 형제들이여, 결코 그래서는 안 된다. 그대들이 형제답게 행동하지 않아도 나는 여전히 그대들을 형제라 부른다. 그렇게 생각하지 말자. 성급하고 제어하기 힘든 말처럼 우리를 타고 이끄는 이성을 내던지고, 알맞게 제어해 주는 경외의 굴레를 뱉어 버린 채 목표에서 멀리 달려 나가지 말자. 우리의 경계 안에서 논하자. 이집트로 떠밀려 가거나 아시리아 사람들에게 끌려가지 말고, 낯선 땅에서 주님의 노래를 부르지 말자. 내가 말하는 것은 가리지 않고 모든 귀에 들려주는 일이다. 남의 편이든 우리 편이든, 적이든 벗이든, 호의적이든 악의적이든 말이다. 그들은 우리의 일을 유심히 살피고, 우리 안에 있는 악의 불씨가 불길이 되기를 바란다. 몰래 자기 바람을 불어넣어 불을 붙이고 부채질하여 하늘까지 솟구치게 하며, 주위를 불살랐던 바빌론의 불길보다 더 높이 타오르게 한다. 그들은 자기들의 가르침에서 힘을 얻지 못하므로 우리의 허술한 곳에서 그것을 찾아낸다. 그러기에 상처에 달라붙는 파리처럼 우리의 불행이라 해야 할지 잘못이라 해야 할지 모를 것들에 달려든다. 적어도 우리는 더 이상 우리 자신을 모르는 채로 지내지 말자. 이런 일에서 지켜야 할 품위도 소홀히 여기지 말자. 서로의 적의를 풀 수 없다면, 적어도 이 점에서는 합의하자. 신비한 것은 신비에 합당하게 말하고, 거룩한 것은 거룩하게 말하며, 밖으로 내놓아서는 안 될 것을 속된 귀에 던져 주지 말자. 귀신들을 숭배하고 부끄러운 신화와 행위를 받드는 이들이 우리보다 더 경건해 보이게 하지 말자. 그들은 입문하지 않은 이들에게 어떤 말을 전하느니 차라리 자기 피를 내주려 할 것이다. 이것을 알자. 옷차림과 생활, 웃음과 걸음걸이에 어울리는 품위가 있듯이, 말과 침묵에도 품위가 있다. 우리는 하나님의 다른 이름들과 능력들과 함께 말씀도 공경하기 때문이다. 우리의 논쟁도 법도를 지키게 하자.

Μηδαμῶς, ὦ φίλοι καὶ ἀδελφοί· ἀδελφοὺς γὰρ ὑμᾶς ἔτι καλῶ, καίπερ οὐκ ἀδελφικῶς ἔχοντας· μὴ οὕτω διανοώμεθα, μηδὲ καθάπερ ἵπποι θερμοὶ καὶ δυσκάθεκτοι, τὸν ἐπιβάτην λογισμὸν ἀπορρίψαντες, καὶ τὴν καλῶς ἄγχουσαν εὐλάβειαν ἀποπτύσαντες, πόρρω τῆς νύσσης θέωμεν· ἀλλ’ εἴσω τῶν ἡμετέρων ὅρων φιλοσοφῶμεν, καὶ μὴ εἰς Αἴγυπτον ἐκφερώμεθα, μηδὲ εἰς Ἀσσυρίους κατασυρώμεθα, μηδὲ ᾄδωμεν τὴν ᾠδὴν κυρίου ἐπὶ γῆς ἀλλοτρίας, πάσης ἀκοῆς λέγω, ξένης τε καὶ ἡμετέρας, ἐχθρᾶς καὶ φιλίας, εὐγνώμονος καὶ ἀγνώμονος, ἣ λίαν ἐπιμελῶς τηρεῖ τὰ ἡμέτερα, καὶ βούλοιτο ἂν τὸν σπινθῆρα τῶν ἐν ἡμῖν κακῶν γενέσθαι φλόγα, ἐξάπτει τε καὶ ἀναρριπίζει καὶ εἰς οὐρανὸν αἴρει ταῖς παρ’ ἑαυτῆς αὔραις λανθάνουσα, καὶ ποιεῖ τῆς Βαβυλωνίας φλογὸς τὰ κύκλῳ καταφλεγούσης ὑψηλοτέραν. ἐπειδὴ γὰρ οὐκ ἐν τοῖς ἑαυτῶν δόγμασιν ἔχουσι τὴν ἰσχύν, ἐν τοῖς ἡμετέροις σαθροῖς ταύτην θηρεύουσι, καὶ διὰ τοῦτο, ὥσπερ αἱ μυῖαι τοῖς τραύμασιν, οὕτω τοῖς ἡμετέροις ἐπιτίθενται - εἴτε ἀτυχήμασι χρὴ λέγειν, εἴτε ἁμαρτήμασιν. ἀλλ’ ἡμεῖς γε μὴ ἐπὶ πλεῖον ἡμᾶς αὐτοὺς ἀγνοήσωμεν, μηδὲ τὸ περὶ ταῦτα κόσμιον ἀτιμάσωμεν· ἀλλ’ εἰ μὴ τὴν ἔχθραν καταλύσασθαι δυνατόν, ἐκεῖνό γε συμβῶμεν ἀλλήλοις, μυστικῶς τὰ μυστικὰ φθέγγεσθαι, καὶ ἁγίως τὰ ἅγια, καὶ μὴ ῥίπτειν εἰς βεβήλους ἀκοὰς τὰ μὴ ἔκφορα, μηδὲ σεμνοτέρους ἡμῶν ἀποφαίνωμεν τοὺς προσκυνοῦντας τοῖς δαιμονίοις καὶ τῶν αἰσχρῶν μύθων καὶ πραγμάτων θεραπευτάς, οἳ θᾶττον ἂν τοῦ αἵματος ἢ λόγων ἔστιν ὧν μεταδοῖεν τοῖς ἀμυήτοις. ἀλλ’ εἰδῶμεν, ὥσπερ ἐσθῆτος καὶ διαίτης καὶ γέλωτος καὶ βαδίσματος οὖσάν τινα κοσμιότητα, οὕτω καὶ λόγου καὶ σιωπῆς, ὅτι καὶ λόγον πρεσβεύομεν μετὰ τῶν ἄλλων τοῦ θεοῦ προσηγοριῶν καὶ δυνάμεων. ἔστω καὶ τὸ φιλόνεικον ἡμῶν ἔννομον.

우리 말을 적대적으로 듣는 이에게 왜 하나님의 나심과 창조됨, 존재하지 않는 것들에서 비롯된 하나님, 절단과 분할과 해체에 관한 말을 들려주는가? 왜 고발하는 이들을 재판관 자리에 앉히는가? 왜 원수들에게 칼을 쥐여 주는가? 간음과 소년을 욕보이는 일을 찬양하고, 정욕을 숭배하며, 몸을 넘어서는 것은 아무것도 생각할 수 없는 사람, 바로 어제그제 자신을 위해 신들을 세운 사람, 그것도 가장 부끄러운 일로 이름난 신들을 세운 사람을 생각해 보라. 그가 이 문제에 관한 말을 어떻게, 어떤 생각으로 받아들이겠는가? 물질적으로 받아들이지 않겠는가? 부끄럽게, 무지하게, 늘 하던 대로 받아들이지 않겠는가? 그대의 신학을 자기 신들과 정욕을 변호하는 데 쓰지 않겠는가? 우리 자신이 이런 표현들을 악용한다면, 그들이 우리의 일에 관해 올바르게 생각하도록 설득하기는 더욱 어려울 것이다. 스스로도 악을 지어내는 사람들이라면, 건네주는 악을 언제 마다하겠는가? 이것이 우리 서로의 싸움이 가져오는 결과다. 말씀께서 기뻐하시는 정도를 넘어 말씀을 위해 싸우는 이들이 가져오는 결과다. 그들은 미친 사람과 같은 짓을 한다. 제집에 불을 지르고, 자식을 찢어 상하게 하며, 남인 줄로 여기고 부모를 밀쳐 내는 사람과 같다.

Τί γέννησιν ἀκούει θεοῦ καὶ κτίσιν, καὶ θεὸν ἐξ οὐκ ὄντων, καὶ τομὴν καὶ διαίρεσιν καὶ ἀνάλυσιν, ὁ πικρὸς τῶν λεγομένων ἀκροατής; τί δικαστὰς τοὺς κατηγόρους καθίζομεν; τί τὰ ξίφη τοῖς ἐχθροῖς ἐγχειρίζομεν; πῶς, οἴει, δέξεται τὸν περὶ τούτων λόγον, ἢ μεθ’ οἵας τῆς διανοίας, ὁ τὰς μοιχείας ἐπαινῶν καὶ τὰς παιδοφθορίας, καὶ προσκυνῶν τὰ πάθη, καὶ μηδὲν ὑπὲρ τὸ σῶμα διανοηθῆναι δυνάμενος, ὁ χθὲς καὶ πρώην ἑαυτῷ στήσας θεούς, καὶ τούτους ἐπὶ τοῖς αἰσχίστοις γνωριζομένους; οὐχ ὑλικῶς; οὐκ αἰσχρῶς; οὐκ ἀμαθῶς; οὐχ ὡς εἴωθεν; οὐ συνήγορον τῶν οἰκείων θεῶν καὶ παθῶν τὴν σὴν θεολογίαν ποιήσεται; εἰ γὰρ αὐτοὶ ταῖς φωναῖς ταύταις ἐπηρεάζομεν, σχολῇ γ’ ἂν ἐκείνους πείσαιμεν φιλοσοφεῖν ἐν τοῖς ἡμετέροις· καὶ εἰ παρ’ ἑαυτῶν εἰσὶν ἐφευρεταὶ κακῶν, πότε ἂν τῶν διδομένων ἀπόσχοιντο; ταῦτα ἡμῖν ὁ πρὸς ἀλλήλους πόλεμος. ταῦτα οἱ πλεῖον ὑπὲρ τοῦ Λόγου μαχόμενοι, ἢ ὅσον ἀρέσκει τῷ Λόγῳ, καὶ ταὐτὸν πάσχοντες τοῖς μαινομένοις, οἳ τοὺς ἰδίους οἴκους ἀνάπτουσιν, ἢ τοὺς παῖδας σπαράττουσιν, ἢ τοὺς γονέας περιωθοῦσιν, ὡς ἀλλοτρίους νομίζοντες.

이제 우리의 논의에서 이질적인 요소를 치워 버리고, 큰 군단을 돼지 떼 속으로 보내 깊은 곳에 빠져들게 했으니, 다음으로는 우리 자신을 돌아보자. 조각상을 다듬듯이 신학을 논하는 사람을 아름답게 다듬자. 먼저 이것을 생각해 보자. 말에 대한 이토록 큰 집착과 혀의 병은 무엇인가? 이 새로운 질병과 끝없는 욕망은 무엇인가? 왜 우리는 손을 묶어 놓고 혀를 무장시켰는가? 우리는 손님 대접하기를 기리지 않는가? 형제 사랑, 남편 사랑, 정결한 독신, 가난한 이들을 돌보는 일을 높이 여기지 않는가? 시편을 노래하고, 밤새 서서 기도하며, 눈물 흘리는 일을 높이 여기지 않는가? 단식으로 몸을 절제하지 않는가? 기도를 통해 하나님을 향해 떠나가지 않는가? 우리를 이루는 두 요소를 올바로 판단하여, 열등한 것을 더 나은 것에 복종시키지 않는가? 내 말은 흙을 영에 복종시키는 일이다. 우리의 삶을 죽음을 준비하는 연습으로 삼지 않는가? 위에서 받은 고귀한 출신을 기억하며 정욕을 다스리는 주인이 되지 않는가? 부풀어 올라 사나워지는 분노를 길들이지 않는가? 우리를 넘어뜨리는 교만, 이성 없는 슬픔, 절제 없는 쾌락, 음탕한 웃음, 무절제한 눈길, 만족할 줄 모르는 귀, 도를 넘는 말, 엉뚱한 생각을 다스리지 않는가? 악한 자가 우리에게서 얻어 우리를 공격하는 데 쓰는 모든 것을 다스리지 않는가? 성경의 표현대로, 그는 창문을 통해, 곧 감각 기관을 통해 죽음을 들여온다. 그러나 우리는 정반대로 행동했다. 왕들이 승리를 기념하여 사면하듯, 다른 이들의 정욕에 자유를 내주었다. 그들이 우리 쪽에 고개를 끄덕이고 더욱 대담하게 하나님을 공격하기만 하면 된다는 것이다. 우리는 좋지 않은 일의 대가로 악한 보상을 되돌려 준다. 마음껏 불경하게 행동할 자유를 주는 것이다.

Ἐπεὶ δὲ ἀπεσκευασάμεθα τοῦ λόγου τὸ ἀλλότριον, καὶ εἰς τὴν ἀγέλην τῶν χοίρων ἀπεπεμψάμεθα τὸν πολὺν λεγεῶνα κατὰ βυθῶν χωρήσαντα, ὃ δεύτερόν ἐστι, πρὸς ἡμᾶς αὐτοὺς ἴδωμεν, καὶ ξέσωμεν εἰς κάλλος, ὥσπερ ἀνδριάντα, τὸν θεόλογον. ἐκεῖνο δὲ πρῶτον λογισώμεθα, τίς ἡ τοσαύτη περὶ τὸν λόγον φιλοτιμία καὶ γλωσσαλγία; τίς ἡ καινὴ νόσος αὕτη καὶ ἀπληστία; τί τὰς χεῖρας δήσαντες τὰς γλώσσας ὡπλίσαμεν; οὐ φιλοξενίαν ἐπαινοῦμεν; οὐ φιλαδελφίαν, οὐ φιλανδρίαν, οὐ παρθενίαν, οὐ πτωχοτροφίαν θαυμάζομεν; οὐ ψαλμῳδίαν, οὐ πάννυχον στάσιν, οὐ δάκρυον; οὐ τὸ σῶμα νηστείαις ὑποπιέζομεν; οὐ δι’ εὐχῆς πρὸς θεὸν ἐκδημοῦμεν; οὐ τῷ κρείττονι τὸ χεῖρον ὑποζεύγνυμεν, τὸν χοῦν λέγω τῷ πνεύματι, ὡς ἂν οἱ τῷ κράματι δικαίως δικάζοντες; οὐ μελέτην θανάτου τὸν βίον ποιούμεθα; οὐ τῶν παθῶν δεσπόται καθιστάμεθα, μεμνημένοι τῆς ἄνωθεν εὐγενείας; οὐ θυμὸν τιθασσεύομεν ἐξοιδοῦντα καὶ ἀγριαίνοντα; οὐκ ἔπαρσιν καταβάλλουσαν, οὐ λύπην ἀλόγιστον, οὐχ ἡδονὴν ἀπαίδευτον, οὐ γέλωτα πορνικόν, οὐκ ὄψιν ἄτακτον, οὐκ ἀκοὴν ἄπληστον, οὐ λόγον ἄμετρον, οὐ διάνοιαν ἔκτοπον, οὐχ ὅσα παρ’ ἡμῶν ὁ πονηρὸς καθ’ ἡμῶν λαμβάνει, τὸν διὰ τῶν θυρίδων, ὡς ἡ γραφή φησιν, εἴτουν αἰσθητηρίων, εἰσάγων θάνατον; πᾶν μὲν οὖν τοὐναντίον, καὶ τοῖς ἄλλων πάθεσιν ἐλευθερίαν δεδώκαμεν, ὥσπερ οἱ βασιλεῖς τὰς ἐπινικίους ἀφέσεις, μόνον ἂν πρὸς ἡμᾶς νεύωσι, καὶ κατὰ θεοῦ φέρωνται θρασύτερον· καὶ κακὸν οὐ καλοῦ πράγματος μισθὸν ἀντιδίδομεν, τῆς ἀσεβείας τὴν παρρησίαν.

그렇지만 논쟁과 수다를 즐기는 그대여, 작은 질문 하나를 하겠다. 폭풍과 구름 속에서 말씀하시는 분께서 욥에게 말씀하신다. “그대가 대답하라.” 그대가 들은 대로, 하나님 곁에 거처가 많은가, 하나뿐인가? 그대도 분명 인정할 것이다. 하나가 아니라 많다. 그러면 그 거처들이 모두 채워져야 하는가? 아니면 어떤 곳은 채워지고 어떤 곳은 채워지지 않아, 쓸데없이 마련된 빈자리로 남아야 하는가? 그렇다. 모두 채워져야 한다. 하나님께서 하신 일 가운데 헛된 것은 없기 때문이다. 그러면 그 거처를 무엇이라고 할 것인가? 말할 수 있겠는가? 저곳에 복된 이들을 위해 마련된 안식과 영광인가, 아니면 다른 무엇인가? 다른 것이 아니라 바로 그것이다. 우리가 이 점에 동의했으니, 다음 것도 살펴보자. 내 말대로, 이 거처들을 얻게 해 주는 무엇인가가 있는가, 없는가? 분명히 있다. 무엇인가? 여러 가지 삶의 방식과 선택이 있고, 믿음의 분량에 따라 각각 서로 다른 곳으로 이끈다는 것이다. 우리는 이것들을 길이라고도 부른다. 그러면 모든 길을 걸어야 하는가, 이 길들 가운데 몇 가지만 걸어야 하는가? 한 사람이 할 수 있다면 모두 걸어야 한다. 그럴 수 없다면 될 수 있는 대로 많이, 그마저 안 된다면 몇 가지만이라도 걸어야 한다. 그것도 할 수 없다면, 내 생각에는 한 길이라도 훌륭하게 걷는 것이 큰일이다. 그대의 생각이 옳다. 그러면 어떤가? 길이 하나라고, 그것도 좁은 길이라고 들을 때, 그 말은 무엇을 뜻한다고 생각하는가? 덕에 관해서는 하나라는 뜻이다. 덕은 여러 갈래로 나뉘어도 하나이기 때문이다. 좁다는 것은 땀 흘리는 수고가 따르고 많은 사람이 걷는 길이 아니라는 뜻이다. 반대쪽에 서서 악의 길을 걷는 많은 사람과 비교하면 그렇다. 나도 그렇게 생각한다. 훌륭한 그대여, 이것이 사실이라면, 왜 우리의 가르침이 빈약하기라도 한 것처럼 다른 길은 모두 버리고, 논변과 관조를 통한 이 한 길에만 몰려들어 서로 밀치는가? 그대들은 그렇게 생각하겠지만, 내가 보기에는 수다와 허풍의 길이다. 바울이 그대들을 꾸짖게 하라. 그는 은사들을 하나하나 열거한 뒤 바로 이 점을 매섭게 책망하며, 그 가운데 이렇게 말한다. “모두가 사도인가? 모두가 예언자인가?” 그 뒤에도 같은 말이 이어진다.

Καίτοιγε, ὦ διαλεκτικὲ καὶ λάλε, ἐρωτήσω σέ τι μικρόν· Σὺ δὲ ἀπόκριναί, φησι τῷ Ἰὼβ ὁ διὰ λαίλαπος καὶ νεφῶν χρηματίζων. πότερον πολλαὶ μοναὶ παρὰ τῷ Θεῷ, ὅπερ ἀκούεις, ἢ μία; πολλαί, δώσεις δηλαδή, καὶ οὐ μία. πότερον δὲ πληρωθῆναι δεῖ πάσας, ἢ τὰς μέν, τὰς δὲ οὐ, ὡς εἶναι κενὰς καὶ μάτην ἡτοιμασμένας; ναὶ πάσας· οὐδὲν γὰρ εἰκῇ τῶν παρὰ θεοῦ γενομένων. ταύτην δὲ ὅ τί ποτε θήσεις τὴν μονήν, ἔχοις ἂν εἰπεῖν; ἄρα τὴν ἐκεῖθεν ἀνάπαυσίν τε καὶ δόξαν τὴν ἀποκειμένην τοῖς μακαρίοις, ἢ ἄλλο τι; οὐκ ἄλλο ἢ τοῦτο. ἐπειδὴ τοῦτο ὡμολογήσαμεν, κἀκεῖνο προσεξετάσωμεν. ἔστι τι τὸ ταύτας προξενοῦν τὰς μονάς, ὡς ὁ ἐμὸς λόγος, ἢ οὐδέν; ἔστι πάντως. τί τοῦτο; τὸ διαφόρους εἶναι πολιτείας καὶ προαιρέσεις, καὶ ἄλλην ἀλλαχοῦ φέρειν κατὰ τὴν ἀναλογίαν τῆς πίστεως, ὅπερ καὶ ὁδοὺς ὀνομάζομεν. πάσας οὖν ὁδευτέον, ἢ τινὰς τῶν ὁδῶν τούτων; εἰ μὲν οἷόν τε τὸν αὐτόν, ἁπάσας· εἰ δὲ μή, ὅτι πλείστας· εἰ δὲ μή, τινάς· εἰ δὲ μηδὲ τοῦτο, μέγα κἂν εἰ μίαν διαφερόντως, ὥς γέ μοι φαίνεται. ὀρθῶς τοῦτο ὑπολαμβάνεις. τί οὖν; ὅταν ἀκούσῃς μίαν ὁδὸν εἶναι, καὶ ταύτην στενήν, τί σοι φαίνεται δηλοῦν ὁ λόγος; μίαν μὲν διὰ τὴν ἀρετήν· μία γάρ, κἂν εἰς πολλὰ σχίζηται· στενὴν δὲ διὰ τοὺς ἱδρῶτας καὶ τὸ μὴ πολλοῖς εἶναι βατήν, ὡς πρὸς τὸ πλῆθος τῶν ἐναντίων καὶ ὅσοι διὰ τῆς κακίας ὁδεύουσιν. οὕτω κἀμοὶ δοκεῖ. τί οὖν, ὦ βέλτιστε, εἴπερ τοῦτο οὕτως ἔχει, ὥσπερ τινὰ πενίαν καταγνόντες τοῦ ἡμετέρου λόγου, πάσας τὰς ἄλλας ὁδοὺς ἀφέντες, πρὸς μίαν ταύτην φέρεσθε καὶ ὠθεῖσθε τὴν διὰ λόγου καὶ θεωρίας, ὡς μὲν αὐτοὶ οἴεσθε, ὡς δὲ ἐγώ φημι, ἀδολεσχίας καὶ τερατείας; ἐπιτιμάτω Παῦλος ὑμῖν, τοῦτο πικρῶς ὀνειδίζων μετὰ τὴν ἀπαρίθμησιν τῶν χαρισμάτων, ἐν οἷς φησί· Μὴ πάντες ἀπόστολοι; μὴ πάντες προφῆται; καὶ τὰ ἑξῆς.

좋다. 그렇다고 하자. 그대는 높고, 높은 곳들을 뛰어넘으며, 그대가 원한다면 구름 위에까지 오른 사람이다. 보이지 않는 것을 보고, 말할 수 없는 것을 들으며, 엘리야 뒤를 따라 높이 들려 올라가고, 모세 뒤를 따라 하나님께서 나타나심을 볼 자격을 얻었으며, 바울 뒤를 따라 하늘에 오른 사람이다. 그런데 왜 다른 사람들까지 하루 만에 성인으로 빚어내고, 신학자로 임명하며, 마치 숨을 불어넣듯 가르침을 불어넣고, 무식한 학자들의 모임을 그렇게 많이 만들어 놓는가? 무슨 지혜롭고 대단한 일이라도 하듯이, 왜 약한 이들을 거미줄에 묶어 두는가? 왜 믿음을 공격하도록 말벌 떼를 들쑤시는가? 옛 신화에서 거인들이 솟아나듯, 왜 우리 앞에 논쟁꾼들을 급히 솟아나게 하는가? 왜 사람들 가운데 경박하고 나약한 자들을 쓰레기 더미처럼 한 골짜기에 모으고, 아첨으로 더욱 나약하게 만들어, 그들의 어리석음을 영리하게 이용하면서 새로운 불경의 작업장을 세웠는가? 이 말에도 반박하는가? 그대에게 다른 일은 아무 가치도 없는가? 어떻게든 혀가 지배해야 하는가? 말을 낳으려는 진통을 참을 수 없는가? 그대가 힘을 쏟을 만한 다른 주제도 많이 있다. 그 병을 그쪽으로 돌려 유익하게 써 보라.

Ἕστω δέ· ὑψηλὸς σύ, καὶ ὑψηλῶν πέρα, καὶ ὑπὲρ τὰς νεφέλας, εἰ βούλει, ὁ τῶν ἀθεάτων θεατής, ὁ τῶν ἀρρήτων ἀκροατής, ὁ μετὰ Ἠλίαν μετάρσιος, καὶ ὁ μετὰ Μωυσέα θεοφανείας ἠξιωμένος, καὶ μετὰ Παῦλον οὐράνιος· τί καὶ τοὺς ἄλλους αὐθήμερον πλάττεις ἁγίους, καὶ χειροτονεῖς θεολόγους, καὶ οἷον ἐμπνεῖς τὴν παίδευσιν, καὶ πεποίηκας λογίων ἀμαθῶν πολλὰ συνέδρια; τί τοῖς ἀραχνίοις ὑφάσμασιν ἐνδεσμεῖς τοὺς ἀσθενεστέρους, ὡς δή τι σοφὸν καὶ μέγα; τί σφηκιὰς ἐγείρεις κατὰ τῆς πίστεως; τί σχεδιάζεις ἡμῖν διαλεκτικῶν ἀνάδοσιν, ὥσπερ οἱ μῦθοι πάλαι τοὺς γίγαντας; τί τῶν ἀνδρῶν ὅσον κοῦφον καὶ ἄνανδρον, ὥσπερ τινὰ συρφετόν, εἰς μίαν χαράδραν συναγαγών, καὶ κολακείᾳ πλέον θηλύνας, καινὸν ἀσεβείας ἐργαστήριον ἐδημιούργησας, οὐκ ἀσόφως τὴν ἄνοιαν αὐτῶν ἐκκαρπούμενος; Ἀντιλέγεις καὶ τούτοις; καὶ οὐδαμοῦ σοι τἄλλα; καὶ τὴν γλῶσσαν δεῖ δυναστεύειν πάντως, καὶ οὐ κατέχεις τὴν ὠδῖνα τοῦ λόγου; ἔχεις καὶ ἄλλας ὑποθέσεις πολλάς τε καὶ φιλοτίμους. ἐκεῖ τρέψον μετὰ τοῦ χρησίμου τὴν νόσον.

피타고라스의 침묵을 공격하라. 오르페우스의 콩을, “그분께서 친히 말씀하셨다”라는 말에 붙은 그 새삼스러운 오만을 공격하라. 플라톤의 이데아를 공격하라. 우리 영혼이 다른 몸으로 옮겨 가고 윤회한다는 주장, 상기설, 아름다운 몸들을 거쳐 영혼으로 향한다는 아름답지 못한 사랑을 공격하라. 에피쿠로스의 무신론, 그의 원자들, 철학답지 못한 쾌락도 공격하라. 아리스토텔레스의 협소한 섭리론, 인위적인 체계, 영혼도 죽는다는 주장, 그의 가르침이 지닌 인간적인 성격도 공격하라. 스토아학파의 거만함과 견유학파의 탐욕과 속됨도 공격하라. 허튼소리로 가득한 그 공허함을 공격하라. 신들이나 제사, 우상, 착한 귀신과 해로운 귀신, 점술, 신을 불러내는 일, 죽은 이의 혼을 불러내는 일, 별들의 힘에 관하여 떠벌리는 온갖 기이한 이야기들이다. 이런 것들은 하찮고 이미 여러 번 논박되었다며 그대가 말할 가치도 없다고 여기고, 자신에게 속한 주제로 돌아와 그 안에서 힘을 쏟을 일을 찾는다면, 나는 여기서도 그대에게 넓은 길을 내주겠다. 세계가 하나인지 여럿인지 논하라. 물질, 영혼, 더 나은 이성적 존재와 더 못한 이성적 존재, 부활, 심판, 보응, 그리스도의 고난에 관하여 논하라. 이런 일에서는 올바른 답에 이르는 것이 유익하고, 빗나가더라도 위험하지 않기 때문이다. 우리는 하나님을 만나게 될 것이다. 지금은 조금만, 조금 뒤에는 아마 더 온전하게, 우리 주 그리스도 예수 안에서 만나게 될 것이다. 그분께 영광이 영원히 있기를. 아멘.

βάλλε μοι Πυθαγόρου τὴν σιωπήν, καὶ τοὺς κυάμους τοὺς Ὀρφικούς, καὶ τὴν περὶ τὸ Αὐτὸς ἔφα καινοτέραν ἀλαζονείαν. βάλλε μοι Πλάτωνος τὰς ἰδέας, καὶ τὰς μετενσωματώσεις καὶ περιόδους τῶν ἡμετέρων ψυχῶν, καὶ τὰς ἀναμνήσεις, καὶ τοὺς οὐ καλοὺς διὰ τῶν καλῶν σωμάτων ἐπὶ ψυχὴν ἔρωτας· Ἐπικούρου τὴν ἀθείαν, καὶ τὰς ἀτόμους, καὶ τὴν ἀφιλόσοφον ἡδονήν· Ἀριστοτέλους τὴν μικρολόγον πρόνοιαν, καὶ τὸ ἔντεχνον, καὶ τοὺς θνητοὺς περὶ ψυχῆς λόγους, καὶ τὸ ἀνθρωπικὸν τῶν δογμάτων· τῆς Στοᾶς τὴν ὀφρύν, τῶν Κυνῶν τὸ λίχνον τε καὶ ἀγοραῖον. βάλλε μοι τὸ κενόν, τὸ πλῆρες τῶν ληρημάτων, ὅσα περὶ θεῶν ἢ θυσιῶν, περὶ εἰδώλων, περὶ δαιμόνων ἀγαθῶν τε καὶ κακοποιῶν, ὅσα περὶ μαντείας, θεαγωγίας, ψυχαγωγίας, ἄστρων δυνάμεως, τερατεύονται. εἰ δὲ σὺ ταῦτα μὲν ἀπαξιοῖς λόγου, ὡς μικρά τε καὶ πολλάκις ἐληλεγμένα, περὶ δὲ τὰ σὰ στρέφῃ, καὶ ζητεῖς τὸ ἐν τούτοις φιλότιμον· ἐγώ σοι κἀνταῦθα παρέξομαι πλατείας ὁδούς. φιλοσόφει μοι περὶ κόσμου ἢ κόσμων, περὶ ὕλης, περὶ ψυχῆς, περὶ λογικῶν φύσεων βελτιόνων τε καὶ χειρόνων, περὶ ἀναστάσεως, κρίσεως, ἀνταποδόσεως, Χριστοῦ παθημάτων. ἐν τούτοις γὰρ καὶ τὸ ἐπιτυγχάνειν οὐκ ἄχρηστον, καὶ τὸ διαμαρτάνειν ἀκίνδυνον. θεῷ δὲ ἐντευξόμεθα, νῦν μὲν ὀλίγα, μικρὸν δὲ ὕστερον ἴσως τελεώτερον, ἐν αὐτῷ Χριστῷ Ἰησοῦ τῷ κυρίῳ ἡμῶν, ᾧ ἡ δόξα εἰς τοὺς αἰῶνας· ἀμήν.